引用:
原帖由 Katrinacat 於 21/3/2023 12:15 發表 
停唔到？
阿吉貓梗係冇聽過光棍佬教女嘅故事喇。
光棍佬教仔：『便宜莫貪』應該大家都聽過都知道啦。咁光棍佬教女係咩呢？之咪就係『切莫蝕底』囉。
話說光棍佬除咗有個仔之外，原來仲有個大姑娘。而且大姑娘生得婷婷玉立，簡直係人見人愛，車見車載咁緊要。光棍佬見到個女生得咁省鏡，真係怕隔離屋阿B仔滾大個肚，正所謂：『我得你唔得』，阿光棍佬滾大阿光棍婆個肚就得，人哋滾大阿光棍女個肚就唔很得。
咁但係阿女都唔大個人，有前有後又唇紅齒白咁，一陣俾隔離屋阿B仔㗳咗就真係乜心血都蝕晒，所以阿光棍佬即刻計劃點樣教阿女防狼散口。你冇聽錯，阿星都冇講錯，係防狼散口，唔係防狼散手。顧名思義，係用口嚟講，並唔係用手嚟打，真係，光棍佬都叫做係一個假假地讀過下書嘅人，點會立亂用手咁有失斯文呢？
光棍佬同阿女講：「嗱，阿女，如果你遇到隔離阿B仔手多多摸你個胸，記得佢一摸，你即刻大嗌『唔好』呀！」阿女若有所悟，跟住問：「咁如果佢摸我呢度呢？」講完用手指向下指指。光棍佬一見，即刻碌大雙眼大聲話：「哼！如果個衰仔咁狼死，你就大聲叫佢『停』，等佢知驚啦！」阿女點點頭，知道點樣對付隔離阿B仔，然後光棍佬再補充：「你記住呀，千祈唔好蝕底俾個衰仔呀，你咁聰明，一定冇事」聽到光棍老竇咁講，阿女就充滿自信心咁走咗喇。
如是者相安無事咗幾日，直到有一日，光棍佬放工返到屋企，見阿女衣衫不整，雙頰潮紅，似笑非笑咁，心諗：「搞咩嚟，做咩好似啱啱爽完返嚟咁款？」就問阿女頭先搞乜鬼，係咪蝕晒底？
阿女開聲，聲音沙啞，好似頭先去完演唱會嗌完一樣：「頭先隔離阿B仔喺對面屋行出嚟，見到我，同我打招呼，我一於唔蝕底，同佢打招呼。」光棍佬點點頭。
「然後佢行過嚟，我又行過去，一於冇蝕底。」光棍佬隱隱覺得唔妥但冇出聲。阿女再話：「佢一埋嚟就攬住我，我即刻攬返住佢，點可以蝕底？」
光棍佬問：「跟住呢跟住呢？」阿女答：「佢錫我，我咪用力錫返佢，一啲都唔蝕底。」光棍佬暈一暈，大聲話：「死囉！」
跟住阿女話：「跟住我醒目啦，為咗唔蝕底，見佢一除我件衫，我即刻除咗佢件面衫，一於唔蝕底！」光棍佬碌大雙眼，再問：「咁之後呢？」阿女答：「佢除咗我衫之後四圍咁揸，揸到我胸脹，我又除晒佢啲衫之後四圍揸，揸到佢棍硬，又冇蝕底。」光棍佬聽到上氣唔接下氣：「仲有呢仲有呢？」阿女再答：「佢行埋嚟用佢碌棍一篤就篤到我出血，我咪死命夾住佢夾到佢流膿囉，都冇蝕底呀！」聽完，光棍佬爆血管，去賣鹹鴨蛋去也。😬
