引用:
原帖由 star_platina 於 2023-3-23 17:29 發表
做下前線又做下後防,龍師兄同阿星嘅諗法都相近,會考慮除咗策劃之外,實際執行會有咩情況都會想清楚了解。當然,有一個團隊而你企喺中間,邊度需要幫手就去邊度,的確團隊要合拍同互相合作拋棄私心真係好緊要。
臭亨亨先配得 ...
無論邊一行,我覺得都係一個好好玩好有挑戰性既範疇,哪怕果件事幾簡單都好,只要有發展空間,就有進步既可能。
最近接觸回收呢一行,當中都幾多學問,詳細既當然我都唔識,但回收公司既老闆係經熟人介紹而黎,佢都將自己所見所聞講出黎,老一輩講得最多既,就係佢果行唔好做,好辛苦,無未來,但佢又帶埋阿仔一齊黎做喎,咁佢兩父子要唔要親自落場呢?當然唔使,但就會親自督師。佢叫左10個搬運黎幫手,無人望住就行行企企,老細係度就落力非常,當中有位年青既一睇就知有腦有責任感,原來係老細個姪,佢要落手落腳身水身汗做埋一份,我想講既係,老細個仔同呢位姪仔應該差不多大,而待遇就好唔同,但我唔係想講佢地同人唔同命,而係想講,事事行前既姪仔非常之醒目,我同我同事講,成班人中,呢個姪仔係與眾不同D。
其實做邊樣都係,凡事努力係基本要求,懂用腦力先會勝人一籌。
每一行都有技巧,又有古惑野,我鐘意同呢D人打交道,因為好玩又學到野,尤其佢覺得你係自己友時。我想講,果刻我同佢都臭臭地,雖然我無搬野,但我都跟足全程,唔同既材料回收唔同價又唔同做法,如果唔落場,真係唔會知。
啊頂,打左咁耐都好Q正經添,下個回覆先講衰野啦。