那些年，星星同學會

1661^# 大中小發表於 11 個月前只看該作者

引用:

原帖由 star_platina 於 2023-6-20 11:06 發表
熱辣辣嘅夏日，嚟個快閃先得～

那些年，星星同學會第135話

阿星諗老闆應該係咁諗阿星啩，起碼唔賭錢，唔會穿櫃借糧走佬果啲嘢，算叫做老實，話介紹個女阿星識都係睇阿星傻下傻下，應該唔會呃佢個女咁囉。

講返佢啲女，阿老三好中 ...

張相係大女？

論壇元老

Rank: 8 Rank: 8

1662^# 大中小發表於 11 個月前只看該作者

引用:

原帖由 licklickson 於 21/6/2023 10:10 發表
張相係大女？

……………你估下😬

論壇元老

Rank: 8 Rank: 8

1663^# 大中小發表於 11 個月前只看該作者

端午節，更新下先～

那些年，星星同學會第137話

阿大小姐有啲唔多中意：「咁你想唔想知我叫咩名？」一路用手掃阿星吹出嚟啲煙。

「你想講咪講俾阿星知囉，反正大家都係應酬下你爹地啫。」阿星講嘢不嬲都咁衰，而且啲妹妹真係唔好縱，佢花時間花心機千辛萬苦要進入你格局，永遠比你要千辛萬苦長途跋涉出盡九牛二虎之力去入佢嘅格局好。起碼想入嘅係佢而唔係你，

「你咩意思呀！」大小姐有啲嬲，睇得出佢係扮嘅。既然係咁，玩多兩下先：「嗱，一係咁，睇完戲阿星叫架車送你返去，大家都有得交差。」

“Hey! Don't you want to know my name?”

“Nope, thank you very much.”

“Why not?”

“Cos I ain't bothered.”

妹妹，名唔係人地問先俾嘅，係用嚟自我介紹用嘅。

「你好怪。」大小姐望住阿星。
「你唔好講俾你爹地知呀，佢唔知㗎！」阿星望住大小姐眨眨眼。

終於阿大小姐受唔住阿星一輪自以為風趣嘅言論，就自報姓名喇。

「你唔好講俾我爹地知我咁快講我個名你聽喎。」 Agnes就咁講咗佢個名阿星知喇。

「係？你老豆唔俾你講個名人知嘅咩？」

「佢唔中意啲男仔咁猴禽嫁。」

知個名都叫猴禽？上咗咪要切？

阿星忍唔住摸下小星星，肯定佢未俾人切咗出嚟先。一陣有咩依郁阿小星星可唔可以縮咗入去，等阿星扮個太監，呃唔呃到阿老闆呢？

待續😬

論壇元老

Rank: 8 Rank: 8

1664^# 大中小發表於 11 個月前只看該作者

週末過後更新持續～

那些年，星星同學會第138話

Agnes, Christine 同Sophie三姊妹，一得閒就嚟餐館度同阿星吹水喇。好過癮地，Agnus每次嚟到都係望都唔望，起碼阿星望佢時佢冇啦。佢老豆，即係阿老闆呢，就週不時請阿星去請Agnes去打保齡啦，食嘢啦，不過就唔俾夜返嘅，到十點就打哂鑼要接人。每次Angus見到阿星都黑口黑面㗎，阿老闆喺度嘛，當阿老闆走咗之後呢，咪就同阿星攬攬抱抱果啲囉，仲問！

Agnes真係好怕佢老豆知佢已經同阿星開始咗，但係又咩都勇於嘗試，咁就梗係無私咁將阿星畢生所學，傾囊相授啦。Agnes佢又學得快，好快佢就已經去到同阿星一樣嘅級別。十六歲有咁嘅成就，算係唔話得。你地梗係諗咗去隔離，阿星教佢打機咋，你地諗咗去邊？

Agnes呢，應該都有172左右高啩，總之抱住唔使就住，攬住佢個頭已經貼住阿星耳仔。身材呢，攬過大致都感覺到嘅，身形高䠷嘅女仔，點樣都幾好身材嘅。鬼妹通常都好好肉地，你地電視上面見果啲model通常係餓鬼嚟㗎，永遠食唔飽，有啲仲有厭食症添。

Agnes係高挑型，以model身材嚟講，真係唔錯。同阿星兩個行出街咪兩碌杉咁囉，試過去打波撞到佢啲同學，女同學啦當然，佢啲同學笑阿星同佢兩個兩條電線杆襯到絕。阿星就梗係唔多like啦，反而佢就笑眯眯咁，好似好開心。

待續😬

markluk123abc

註冊會員

Rank: 2

markluk123abc

1665^# 大中小發表於 11 個月前只看該作者

thank you Ching update

論壇元老

Rank: 8 Rank: 8

1666^# 大中小發表於 11 個月前只看該作者

引用:

原帖由 markluk123abc 於 26/6/2023 10:45 發表
thank you Ching update

You welcome la, always my pleasure 😬

論壇元老

Rank: 8 Rank: 8

1667^# 大中小發表於 11 個月前只看該作者

天口熱，去揾另一位女角先～

那些年，星星同學會第139話

開心嘅日子通常都好短暫嘅，呢一次亦都唔例外。好快，阿星就決定離開呢個地方，向另一個地方出發。為免阿老闆問長問短，Agnes喊苦喊忽，阿星喺星期六晚收工之後，就執哂包袱，果個星期嘅糧都冇出，就靜雞雞咁走咗。
Agnes唔知喊成點？阿老闆唔知會唔會發漿糊追殺令揾刀手圍阿星？果朝坐火車時阿星都諗咗好多嘢。話明唔會喺度長住，點解搞啲咁嘅嘢呢？唉，人地對你好，你就忍唔到，正衰公！查實阿星同Agnes冇發生過咩事，雖然都有兩個月嘅時間，可以做到好多嘢出嚟，不過人地仲細，真係唔好害人。而且自己知自己事，一埋親阿星身，最後都唔開心嘅，唔好要人傷心啦。仲有仲有，阿老闆咁疊馬，再搞落去出咗事分分鐘切咗小星星出嚟，咁Agnes咪要守生寡？

返到出嚟都伯林，去咗健力士廠飲咗杯新鮮嘅黑啤。個個都話黑啤搬運嘅次數越少，味道越好，查實阿星就唔多覺，反正嚟到就試下。試完黑啤阿星就坐火車去到另一個得一條小街繁忙嘅小鎮度上工嘞。

小鎮喺邊度就唔講喇，總之個鎮中心得一條街，半個鐘包你來回啦大概。咁細地方唐人當然唔多啦，數埋阿星先得七個，老嘅嫩嘅都有，就係冇後生嘅。呢啲地方唐人都係做飲食，阿星嚟到都唔例外，打返個煲呔做鴨仔。中餐館入面西人侍應招呼番西人你見過未？呢度有個長工鬼妹叫Anna Marie，有啲肉地啦，樣唔差嘅。羗色頭髮，面長長咀角翹起，西人叫中碼，中國人應該已經係加大，簡單嚟講好似全英一叮一個英國小提琴手Lettice Robotham。大家上youtube睇下就知鬼妹中碼靚女係點嘞。順帶一提，通常啲人係叫Anne-Marie ，好少聽過女仔叫Anna-Marie ，所以呢個名令到阿星好記得。

大家可能冇乜留意，因為阿星係一個倫敦人，一口倫敦口音，叫Anna嘅時候會因為口音而叫咗“晏娜”而唔係Ann-na，Anna曾經講過，佢好中意阿星咁樣叫佢。

https://imgur.com/a/7tL7Of8

待續😬

[ 本帖最後由 star_platina 於 2023-6-27 13:58 編輯 ]

論壇元老

Rank: 8 Rank: 8

1668^# 大中小發表於 11 個月前只看該作者

星期二流流，更新下先～

那些年，星星同學會第140話

Anna Marie好少同阿星講嘢，係間唔中望下阿星，睇下阿星喺度做緊咩。佢大阿星4年，大概26-7左右。另一個Siobhan（個a字上面多一撇）嘅女仔，part time嚟嘅，16歲，又係16歲，咁多甜蜜16歳嘅？

星期五六阿星地三個都會一齊做嘢，都幾合拍㗎，老闆好後生，成日話同阿星好夾，叫阿星俾意見呢樣，俾意見果樣。好彩老闆娘Breeda大方，又信任阿星，唔係一陣事頭婆以為阿星教疏佢老公就麻煩。有一次老闆因為擺枱嘅事同老闆娘嘈，老闆話咁擺，老闆娘話你咁擺唔得喎，阻住，不如咁擺啦。老闆就發哂爛渣，跟住問阿星，阿星見老闆娘嘅擺枱係有道理，咪話贊成Breeda嘅方案囉，你估咩事發生？老闆竟然話：「嗱，佢就啱喇！一於咁擺！」

Breeda同Anna一齊望住阿星，當時阿星諗：「死啦，樹敵啦今次！」老闆同老闆娘走開咗，Anna走埋嚟同阿星講：「你講佢就信㗎啦！」跟住行開埋。

喂，一句說話咋喎，咁就嬲？阿星同Anna有少少面左左，因為呢句話阿星同佢冇講嘢好耐。

既然同佢冇嘢講，咁唯有等星期五六Siobhan返工同佢吹水。Siobhan都係愛爾蘭人，一頭好長嘅深棕色頭髮，笑得幾甜，最正係佢對長腿加超短裙嘛，冇得彈！正所謂16歲，卜卜脆，Siobhan係玩得之人，阿星總叫做練過下泰拳，有一次同佢玩，唔小心打痛咗佢，佢竟然好用力咁打返阿星！原來佢都學過下柔道，都有啲功架。打打下就梗係打出事樹來啦。有日Anna同阿星講：「Siobhan話佢中意你喎。」

吓？唔係啩？

待續😬

[ 本帖最後由 star_platina 於 2023-7-4 09:05 編輯 ]

論壇元老

Rank: 8 Rank: 8