第三十六章.不懷好意
Athena聽到一哥個名即時臉色大變:「呢兩個條件好似都同Arlena有關。」Newton唔否認:「你心知咩事啦。」Athena話:「估唔到你會為佢出頭,第一個件條我冇問題,但係要我嫁畀佢我寧願去坐監,佢有暴力傾向而且性變態,以前跟過佢嘅女人都畀佢攪到殘晒。」
Newton問:「你以為只係坐監咁簡單?」跟住講:「你呃返黎嘅錢會畀充公,而且你爹啲一定會放棄你,所以你坐完監之後將會變得一無所有,你自己諗清楚。」Athena冇出聲,好明顯係內心掙扎緊好唔好答應。
Newton提出:「咁啦,你只需要嫁佢一年,一年後你可以同佢離婚,如果佢唔肯我幫你攪掂佢,至於呢一年內係點,就要睇你自己嘅應對。」Athena知道自己已經冇得揀,呼一口氣:「我答應你,不過佢鐘意嘅係Arlena,未必肯娶我。」
Newton一笑:「你係女人,要佢娶你一定有辦法...」亦向佢保證:「一年之後,我會將所有證據消毀,絕對唔會留底,期間你仍然可以繼續同阿儒合作cap你爸爸水,等佢一冇所有,你明啦。」Athena嘴角一笑,下定決心話:「好,一言為定,但係我唔要再見到Arlena。」Newton答應:「冇問題,我會另外派做你公司嘅董事。」
唔使好耐之後,好多有錢人都收到一哥嘅請帖,當中亦都包括埋Newton,Newton同Arlena喺辦公室望住張請帖,Arlena好開心話:「多謝主人你幫我加倍奉還畀佢,佢搶我老公,依家要嫁返畀一個噉嘅男人,以後嘅一年有排佢受。」
Newton淡淡話:「希望佢唔會出事。」Arlena收起笑容:「你後悔幫我報仇?」Newton搖頭:「唔係,係我主動提出幫你報仇,又點會後悔,但係佢點都罪不致死。」Arlena忽然問:「噉你重記唔記喺咩情況之後遇到我?」Newton望住佢再點點頭。
過左一段時間,Newton同Arlena都睇到一段新聞報導,就係Max因為涉嫌虐打一個女人致昏迷,畀警方拘捕,報導重引述附近嘅街坊嘅訪問,佢地話間唔中都會見到Max出入案發現場,但係估唔到佢會打女人,Arlena亦都唔明點解Max會打女人,因為佢以前都係斯文有禮。
「佢可能因為性能力差而自卑,導致心理不平衡。」Newton對Arlena講:「所以需要用另一個可以受佢控制嘅女人黎發洩。」
「估唔到因為我要向佢報復。」Arlena有啲無奈:「迫得佢太緊,攪到佢嚴重傷人。」
「佢打女人係自己嘅決定。」Newton開解佢:「就算你唔報復,呢件事遲早都會發生。」
「我都唔知呀。」Arlena質疑自己:「到底我選擇要報復係咪錯。」
「係咪有錯我就唔知。」Newton話:「至少你所做嘅一切都冇犯法,而且佢地的確有傷害過你。」
Arlena嘆一口氣:「開始嘅時候以為自己真係噉唔好彩,所有事都喺短時間內被揭發,點知原來背後係同事同埋所謂嘅好姐妹攪出黎,Max又早已經因為錢而同家姐搞埋一齊,重畀左個最好嘅時機佢理直氣壯噉同我離婚,父母更因為噉而離棄我。」
Newton安慰佢:「點都好啦,一切已經過左去,你以後可以專心幫我,唔使再煩其他嘢。」Arlena一笑:「要呀。」Newton好奇問:「要煩啲咩?你重有仇人?」Arlena扮晒認真話:「唔係,係煩點樣服侍得你最舒服囉。」
有一日,Newton因為要玩其他女人,所以一早離開公司,只剩低Arlena一個喺辦公室閒來冇事,就想到提早放工,去一間甜品店食下午茶,正當佢食緊甜品嘅時候,忽然感覺到有人凝視住自己,當佢轉望四周嘅時候,赫然見到好耐已經冇晒消息嘅A女社工,企係甜品店嘅出面,對住自己冷笑...
[
本帖最後由 netsee 於 2018-11-2 07:23 AM 編輯 ]