第四十一章．野心與機心
當日Carina迫Joan簽左份文件，用簡接方法通知A女社工放Newton，Newton被曚眼載到一個偏僻地方再畀人推落車，佢幾經辛苦先連絡到Coral去接佢，重要Coral為安排一個地方畀自己住，Coral就帶左Newton去佢爸爸間大宅，Newton全程都唔出聲，到入左大宅之後Coral忍唔住問:「你發生左咩事?」Newton答:「我畀人綁架。」
Coral大驚:「使唔使報警?」Newton話:「唔使，不過唔好畀人知我係呢度，我想休息下。」Coral話:「好，你可以先沖涼，我阿哥應該重有啲衫留喺度可以畀你換住先，我遲啲再黎過。」Newton感激話:「多謝你。」Coral微笑:「我地重使講呢啲嘢咩?」
Newton突然想起:「幫我打畀Arlena，佢一定不停搵緊我。」Coral輸入Arlena手機號碼，但係響左一陣都冇人接聽，對Newton講:「冇人聽喎。」Newton有啲緊張:「有一個人應該有辦法搵到佢。」Coral遞部手機畀佢，佢打畀娛樂公司嘅嗰個職員:「係我，我冇事，Arlena唔見左，你試下幫我搵佢，好，一有消息你就打返黎個手機啦，唔該你。」
第二日傍晚，Coral帶左啲日用品同埋衫褲再黎大宅，Newton先問:「有冇Arlena消息?」Coral一笑:「你唔使緊張嘞，你個職員話已經搵返Arlena嘞，佢話Arlena係畀一個叫一哥嘅人挾左去，要請左幾個大哥出面先救得返Arlena出黎。」Newton話:「你同佢講，我會報答佢同埋佢啲大哥。」
Coral答佢:「我知點做。」跟住提出:「你都係時候講我知，點解你會知道Carina就背後策劃一切嘅嗰個人。」Newton話:「因為佢嘅眼神。」Coral問:「咩意思?」Newton話:「佢願意做我嘅性奴，之後又肯做我集團CEO，其實都只係忍辱負重，目的係要攞返呢個集團。」Coral有所領悟:「噉我明嘞，即係佢點做戲都好，眼神始終反映出佢嘅內心。」
Newton點點頭:「我曾經去探過你大哥，就更加肯定我嘅推斷係啱。」Coral有啲意外:「你幾時去探佢架，做咩唔叫埋我。」Newton話:「佢始終都唔肯見你。」Coral無奈:「佢重怪我搶走晒佢嘅嘢。」跟住問:「噉我大哥同你講咩，可以證實你嘅推斷係啱?」Newton答:「你大哥之所以要害你爸爸，就係Carina慫恿佢去做。」
Coral呆左一下，不過冇太大反應:「聽你噉講，佢當初肯同阿哥結婚，一定係睇中佢夠平庸，可以控制住佢，只要等佢一繼承左爸爸嘅集團，成個集團等於落喺佢手上，點知後來有我嘅出現，佢知道再唔出手，爸爸就有可能將個集團交畀我。」Newton補充:「而且佢心機好重，做所有嘢都唔會令自己干涉其中，就好似搵人綁架我噉。」
Coral有啲歉意:「我當初唔應該推荐Carina畀你。」Newton摇頭:「以佢噉有機心，就算冇你推荐，都一定可以想辦法要入集團做嘢。」Coral改為笑佢:「噉就抵你死架，明知個女人咁有野心又咁有機心都唔趕佢走。」
Newton都一笑:「咪就係好奇害死貓囉，我重故意製造機會畀佢。」Coral問:「你製造乜嘢機會畀佢?」Newton話:「我特登做到唔覺意畀佢知道，我簽左一份受權書畀Joan，如果我唔可以出席董事局，佢就可以用份受權書代替我成為董事局主席。」
Coral跟住話:「Carina知道有呢個機會，開始有計劃噉令集團股價不停上升，你就知道佢準備要搶你啲股份。」Newton點頭:「佢喺咁高價位攞返我啲股份，身家可以即時暴升，又或者大手沽出賺大錢，再用低價買返更多股份，令自己喺集團地位更穩固。」呢個時候Coral手機彈出特發新聞通知，佢隨手開電視再話:「我去攞啲嘢畀你飲。」到佢返黎嘅時候，見Newton睇緊報導中嘅一單殺父凶案。
Newton同Coral睇完單凶案嘅報導，Coral問Newton:「你預左佢兩父女會互鬥?」Newton點頭:「當佢以為一切都好順利，唔知道計漏左一個所謂嘅X-factor。」Coral諗左一諗:「佢爸爸就係X-factor。」Newton點頭:「Carina就係低估左佢爸爸嘅野心，不過結局發展成噉唔係我所想。」
Coral微微嘆一口氣，再問:「但係唔畀佢地會為左利益合作?」Newton話:「噉你都重唔明，兩個極有野心又有機心嘅人，又點可能會互相合作，即使真係會都一定另有盤算，唔會分享利益。」Coral慨嘆:「佢之前要阿哥去害爸爸，估唔到依家就親手殺害左自己爸爸。」
[
本帖最後由 netsee 於 2018-11-14 01:35 PM 編輯 ]
