第三章．深夜來訪
Newton見電梯內嘅人竟然係Jenny，兩人對左一眼之後佢就話:「咁啱嘅。」Jenny問:「你咁早返黎嘅，喺Club識唔到女仔咩?」Newton答:「冇呀，唔想一個人咁無聊，咪陪朋友去，我估你都係一樣。」
Jenny雖然俾佢講中左，仍然故意問:「你又知?」Newton就微笑噉話:「你啲朋友個個deep-v短裙，只有你著得咁普通，好明顯你係冇心俾男人溝啦。」
Jenny冇再出聲，撳左個八字嘅掣一下，電梯就開始上升，Newton跟住撳個九字嘅掣，然後自我介紹:「我叫Newton，係美國返黎。」Jenny唔好意思唔出聲，就話:「Jenny，中學教師。」
電梯好快升到上八樓，Jenny等兩度門打開之後行左出去，Newton喺電梯伸個頭出黎話:「我住係903，如果你有野要幫手，上黎搵我。」Jenny不置可否，繼續行返屋企。
Newton返到屋企，見Kay重未返就話:「衰妹又唔知去左邊到玩，今晚肯定唔返黎瞓。」於是先去沖涼，然後再煮啲野食，食嘅時候一邊上網睇新聞同節目。
浴室門打開，Jenny光脫脫係浴室出黎行入睡房，係張床上做左一啲護膚程序之後覺得有啲餓，就仍然光脫脫行去廚房想搵啲野食，先發覺搬入黎兩個月，冇買過食物放喺屋企。
於是Jenny打算落街買野食，但係望下個鐘已經係凌晨一點幾，唔想一個女人咁夜落街，就喺呢個時候，佢唔知點解忽然諗起Newton係電梯講過嘅說話。
「好似唔係幾好喎。」Jenny始終有啲猶豫，自言:「咁夜去搵佢，又唔知佢瞓左未。」但係竟然不自覺噉行返入房著衫，攞埋鎖匙然後行出門口。
Newton差不多睇完網上節目嘅時候，有人撳門鐘，Newton就自言:「衰妹，梗係唔記得帶鎖匙。」起身行去門口，一開門見到嘅竟然係Jenny。
Jenny話:「唔好意思，咁夜搵你。」Newton問:「有咩事要我幫你?」Jenny話:「我屋企冇晒野食，想問你可唔可以陪我落街買。」Newton望住Jenny，微微一笑，話:「你識講咁夜啦，重落街。」
「噉唔好意思。」Jenny有少少失望:「打攪晒。」正要轉身走嘅時候，Newton輕輕拉住佢手臂話:「我意思係等我煮野俾你食啦。」Jenny定左一定，心中有一絲開心，就話:「哦，噉打攪晒。」
Jenny攞住杯Newton俾佢嘅綠茶一邊飲，一邊四圍望，感覺間屋唔似由一個獨居男人佈置出黎，冇幾耐Newton喺廚房捧左一碗麵出黎，話:「食得啦。」
Jenny即時起身，攞埋杯茶行到餐枱，話:「好香喎，麻煩晒你。」Newton話:「唔使客氣。」Jenny一坐低就攞起筷子開始食，Newton一直睇住佢食晒碗麵，就問:「夠唔夠?」Jenny飲左一啖茶，就話:「夠晒啦，多謝你。」
Newton收左個碗同對筷子入廚房，行返出黎嘅時候，Jenny忍唔住問:「你自己一個人住?」Newton笑一笑話:「唔係，我寄人籬下，不過個屋主出左去玩未。」
Jenny唔知佢同Kay嘅關係，就話:「噉咪要睇佢面色囉。」Newton話:「講笑啫，佢係我朋友，俾我暫時係到住。」Jenny又問:「佢係女人?」Newton好自然噉答:「重係成日俾我玩嘅女人。」
Jenny即刻覺得有啲唔自在，但奇怪嘅係佢又冇諗住要走，重話:「睇黎你對女人都有一手喎。」Newton知道佢有啲唔鐘意，就話:「唔講咁多啦，費事你對我反感。」
Jenny即刻話:「sorry，可能我啱啱同男朋友分手冇幾耐...」Newton話:「唔緊要喇，其實都已經好夜，不如...」Jenny明白Newton意思，但係話:「唔好要我走啦，我想同你傾下偈。」
Newton話:「可以嘅，不過我講嘅野你可能覺得好下流，唔啱聽喎。」Jenny話:「無論你講咩我都接受。」Newton就話:「噉好啦。」Jenny又話:「其實到依家你都未有郁手要搞我，比起其他男人已經好好多...」
