心聲:
又因應有初哥要求入門版, 好彩有電腦, 等我係櫳底抄返的秘笈出黎才發覺有條傻仔寫咗咁多咁長心聲唔知為嘜.
上山學藝大多數以竹代劍, 下得山時才拿出真劍四圍舞. 即是話初哥可以模擬下注, 不雖要用真銀, 等到掌握竅門才出手未遲, 一世唔死都可以有馬賭.
如你對賽馬好似紙一樣的白, 以下是正統賭馬要訣:
1. 睇吓馬匹評分加或減, 或是無加無減, 作為馬匹實力指標, 如加8分或以上就要多加留意, 減5分以下可以睇少一瓣, 始終要信評磅員眼光.
2. 番查馬匹前三次出賽以頭馬馬位距離, 二馬位內要留意, 除非前賽頭馬以超級馬帶出另計.
3. 番查馬匹前賽同程或接近路程時賠率作為比較, 突然今次有飛就要留意.
4. 留意馬匹騎師是誰, 那路程是否專長或是唔掂, 留意倉主對那路程是否專長或是唔掂.
5. 番查馬匹同程時間比較以前最佳時間, 有進或保持就要留意, 最重要就是要查馬匹所造尾段時間, 及所締造時間以作評分比較.
6. 賽前參考各報章主題貼士, 雖然都是千篇一律, 無嘜新意, 但有熱門馬匹如大多數都唔貼, 事必有因, 就要留意.
7. 最重要就是睇餸食飯.
以上都是初階賭馬應注意的要訣, 重有不要浪費時間去研究晨操, 那是一門專科, 出賽馬掂唔掂有馬會監察, 佢哋重緊張過你, 因人命關係. 所以牌仔為甚麼初次上陣都比放頭馬佢哋騎, 因佢哋功力唔夠, 不能控制馬匹在馬冧競跑, 所以高手與新手分別在於唔係要贏馬咁簡單, 而係可以跟指示在馬冧中走位控制得宜, 無嘜出錯, 各就各位, 人命關天. 馬會旨意雖然金錢至上, 但人命都擺係第二位.
