騎師王真實投注檢討
在這裡分享騎師王預測，從一月尾到現在已有三個多月了，開始是一個偶然。
騎師王預測其實是一個副產品，原先我是想動手用新方法去建立一個連贏預測嘅模型，唔打唔撞搞左呢個簡單的騎師王評分模型(騎師王指數)。
因為不是我主要的投注項目，注碼亦不大，所以冇特別做投注紀錄。
昨晚心血來潮想查吓其實套嘢表現如何，最簡單就係上馬會查下自己戶口相關投注紀錄。不過只有最近30天紀錄供查閱。
未知結果前，我感覺上估計成績應該還可以，整體未必駛輸，接近打和都算唔差。
結果是在最近30天賽事內，共投注騎師王14個注項，以總投注金額計有約+19.10%回報，即每注平均只有+1.36%，你話有幾難玩呀⋯
今次檢討用的注項數量基數太細，不足以證明在長期下注的情況下該策略是否真的有優勢。要觀察耐啲再檢討⋯
