引用:
原帖由 一夜狂歡 於 2019-10-27 03:41 AM 發表
事後添置番晒所有野加裝修,幾乎用晒積畜咁滯,工作方面亦出問題,請假養傷個幾月再返工,發覺所有熟客俾人撬晒,變成無兵司令,之後俾老闆捽數捽到要自動辭職,可謂損失慘重,失戀加失業再加錢財散盡,日座愁城嘅我經常借酒消愁,有一晚又如常落吧獨醉,飲飲下離遠望到條女似曾相識,佢正在同班朋友隊緊酒,佢亦都有望見我,於是走埋去同佢打個招呼,傾咗兩句先記起佢係前任女友個friend,曾經喺一個party入面見過 ...
有支出冇收入嘅日子越來越難捱,搵工又唔順利,銀行存款已經所剩無幾,真係捉襟見肘,生活開始出現問題,逼不得已唯有向朋友度住先,患難見真情,一講到借錢就幾乎全部失晒蹤,肯幫忙嘅只有三兩個唔到,老友算唔話得,每次都肯度住一千幾百,但係長貧難顧,佢自己都掹掹緊,本來都會落吧飲酒嘅,而家就711買兩罐返屋企飲算了,情緒日見低落,想搵朋友傾訴下都好困難,個個都好似當我患咗麻瘋咁避開我,失望之餘突然諗起嗰日遇到前任個friend,不如試下搵下佢睇得唔得,於是就打俾佢,好彩反應都算唔錯,起碼都冇拒絕,慢慢傾下傾下先知道佢都啱啱同男友分咗手成個月,而家係空窗期,哦!所以先肯同我傾咁耐,初初冇諗住乜野嘅,只係希望有個人可以俾我訴下苦傾訴下,後尾越傾越投契變得friend咗,咁就試下睇下有冇進一步發展嘅機會。