KIRIN688

星期日三歲G1愛爾蘭打比只賭呢場三四重彩 其實都係葉森打比入哂前四嗰三隻控制大局 多產巨匠嗰場大幅跳程哩半都贏 返到主場單係自己友都有六隻護航 咁都輸得嘅話真係抵打 葉森打比分列三四嘅高樺勝雪同狂放球星如果計配搭嘅話狂放球星同霍禮義騎開會好啲 至於高樺勝雪就係差在無一個固定騎師打理呢隻馬 上場入位嘅簡國能不幸停賽無得跑 連埋今場已經用五個騎師 還好就係演出仲算穩定 呢位Dylan mcmonagle又即管睇發揮差唔差得過簡國能 買四重彩嘅話多產巨匠指定第一應該走唔甩  高樺勝雪同狂放球星買複式指定二三 至於指定第四搏好分少少就揀岳伯仁另一隻 上場女皇瓶有揀跑得差嘅京劇 可能二千八對佢嚟講太長 縮返嚟哩半而無啦啦叫馬昆過嚟愛爾蘭跑肯定有古怪

[ 本帖最後由 KIRIN688 於 2023-7-2 13:02 編輯 ]

鴻略

引用:

原帖由 KIRIN688 於 2023-6-29 07:30 PM 發表
勇威神駒真係超 又有排贏
賽事頻密 71只賭三場
第四場爛杯仔二班二千米 第一隻劃走一定係晴王 上二班 千六跳程二千 仲要整個14檔 雪茄鄭要上岸睇怕要等愛馬善跑星期一晚嗰場先有機會 首選當然係遮打杯輸俾將王同浪漫 ...

勇威神駒進步良多，迎樂下次補中。

先講第一場。旅遊達人上仗幾乎贏，連番同程外檔走外疊跑得更好，14檔不礙爭勝，有力開勝門，首選。怪獸豪俠上仗谷草千六超快步速放頭仍保位置，千二則沿途三疊追近，進步中之馬中間落墨跑千四估計最合，排中檔可中置，亦有力爭勝，次選。保險腳取回上次落後旅遊達人不多的大紅心。

另兩場稍後回應。

鴻略

引用:

原帖由 KIRIN688 於 2023-6-29 07:30 PM 發表
勇威神駒真係超 又有排贏
賽事頻密 71只賭三場
第四場爛杯仔二班二千米 第一隻劃走一定係晴王 上二班 千六跳程二千 仲要整個14檔 雪茄鄭要上岸睇怕要等愛馬善跑星期一晚嗰場先有機會 首選當然係遮打杯輸俾將王同浪漫 ...

第四場二班二千米，變數較多，晴王千六跳程二千當然不明，但大熟之馬增程比年輕馬易得多，不排除更合，不敢小覷。錶之五知似乎二千四比二千強得多，縮回二千，以早前二千入Q一仗更具參考性，上風但非壓一。

第五場四班直路賽，我與你選擇不同。精英至尊落班首仗強組同上仗水準差不多，負重磅時比三班輕磅差一截，今次雖預計會反先善財童子亦會近，但賭Q則大膽一併放棄。添開心前仗負於海豚星，同場同程再出之馬全軍覆沒，低水準賽事，上場無影應是暫時實力的反映，今次有在該仗跑之馬包括似追得不俗的開心馬皆刪去。首選是今季三班頭馬龍騰飛翔，燉落四班甚超，前仗同程跑近反映狀態已在，今次更抽好檔，稍不明是頂磅，若配黃俊減磅更穩，過去131磅贏過，希望換潘頓不礙事。佳運發近戰千二有能力，贏過谷草一千，縮程換十磅仔，有力挑戰。第三匹博另一匹縮程的特威，上仗千二跑第五，對手不強，可闖一席。


第二場揀加州威勝、好玩福星及龍城強將，逐夢年代上仗取位形勢佳兼水準不高，博今次大外檔又馬多阻路。

KIRIN688

下星期一賽事
講第三場先 雪茄鄭要上岸最大機會一定係愛馬善 連個天都幫埋再抽三檔 雖然上場好似贏得險但腎虧潘睇著嚟食 最強對手就係神仙嘅連連勝利 上場起步大漏閘早已斷送爭勝機會 兩星期後匆匆再戰換布文 起步無乜意外嘅話以田草夜馬普遍利前置嘅形勢佢有權偷襲
第四場都無乜好評正路都係能文能武 雖然加到133磅但上場贏馬姿態嚟睇加分阻力唔大 Q腳方面燉馬馬房啱啱大豐收食埋馬房Q但仲要追數護級 一舖縱橫上場同能文能武同場臨尾緊迫發揮唔到 今場3檔相當好跑 場地有變嘅話可能仲大威力

第七場喜蓮勇感又係正路選擇 第一季香港服役以愛爾蘭馬嚟計已經算係咁 距離上場隔五星期休息夠時間回氣 11檔搵到cover嘅話贏面唔低 Q腳又係布文隻特別美麗 738場次落狗屎後場地有變雖然受惠走有利場地但證明呢啲地都得 呢排天氣不穩如果又有雨就同隻一舖縱橫一樣機會大大提升

尾場都幾多好近績嘅馬 不過都揀唔到咁多 當中威力奔騰初上千四而上場贏嘅只係祥勝霸駒 水準未必好高 呢場太多千四好手而佢就初跑呢個路程 投注價值唔高 首選有好檔添濼意 爆缸後抖夠復出孭頂磅都贏 體力嗰方面仲係十足 上二班減十磅又五檔好跑 Q真係不作他想 至於757場次同程前三再碰頭 嗰場慢步速就係前面呢三隻返嚟 九五赤兔今場檔差左而上場用力唔知係咪keep到 美好世界贏馬後加到132磅同樣檔位外移機會無上場咁好 縱橫天下係準但分飽和頂多三重彩腳 反而紅愛舍呢隻越贏越易 同添濼意一樣上場頂磅贏唔知仲有幾多在手 呢排個地偏淋對佢發揮有利 一檔多數跟前啲  如果立心唔要欄可能仲好

PS：尋日報紙影到飛機陳真係老當益壯 98歲都唔駛篤拐杖 要問下鴻兄佢贏老魔頭攞冠軍嗰年 其實贏幾多場？當中聽講話畢奇嘅功勞唔小

[ 本帖最後由 KIRIN688 於 2023-7-2 20:51 編輯 ]

鴻略

引用:

原帖由 KIRIN688 於 2023-7-1 08:23 PM 發表
下星期一賽事
講第三場先 雪茄鄭要上岸最大機會一定係愛馬善 連個天都幫埋再抽三檔 雖然上場好似贏得險但腎虧潘睇著嚟食 最強對手就係神仙嘅連連勝利 上場起步大漏閘早已斷送爭勝機會 兩星期後匆匆再戰換布文 起步無 ...

見到三人照片，摩加利慣常熱情搭住飛機陳肩膀。78-79年度飛機陳以62比50壓倒老摩，畢奇當季來港先是代替受傷的摩加利，為老摩贏6場，摩加利復出就騎其他馬房，前後為飛機陳贏14場(頭幾匹是一騎就贏)，另為其他7個馬房各贏1匹。老摩前一季已入低潮，僅以50場奪冠，該季更屈居亞軍，但翌季就贏86場，應是至今的勝出率紀錄。(以上原始資料來自YUEN弟。)

今日暫時沒有具吸引力的投注場合，頭場大部份馬近戰相當駭人，不易及時推高狀態，粗略揀到創高峰及威進駒，保險腳，生生勝勝稍有能力但重磅外檔又大打折扣，不如博下常後上一段但未跑過千四的必跑得，其實只得四歲，可能一直跑錯路程。

第三場希望愛馬善順利取勝，搭連連勝利就非常熱。T及F4冷腳可考慮上市魅力。

尾場添濼意爆缸休後再進，贏面較高。九五赤兔及紅愛舍都是正路腳，Q都是十幾倍。

KIRIN688

引用:

原帖由 鴻略 於 2023-7-3 19:02 發表

見到三人照片，摩加利慣常熱情搭住飛機陳肩膀。78-79年度飛機陳以62比50壓倒老摩，畢奇當季來港先是代替受傷的摩加利，為老摩贏6場，摩加利復出就騎其他馬房，前後為飛機陳贏14場(頭幾匹是一騎就贏)，另為其他7個馬房各贏1匹。 ...

畢奇唔係遭逢不幸嘅話成就肯定更高
星期四晚谷戰尾場全不好賭 集中雙數場次場合
雪茄鄭成功上岸之後得返四個賽日佢啲馬唔駛睇 反而燉馬馬房會留意下
第二場二班一千 先劃走三隻跑唔返嘅精靈勇士 平海歡星同狀元及第 短途跑火氣 再劃走就係上場谷千二守好位騎落唔多嘅伊臣 仲要縮落嚟一千睇怕落腳唔夠快 餘下Q之選就係呢條695場次直路賽翻版Q勝不驕搭當家精神 當中當家精神其實兩場同程表現唔算差 今場得六隻跑攞位應該相對容易 勝不驕更唔駛講 連直路賽都贏得 今季跑得三場又係贏體力
第四場四班二千二 腎虧潘又揸住隻管之友呢隻牌面馬 742場次未到終點就收韁擺明仲有分喺手 隔三星期休息時間夠又例課無缺 Q飛唔甩 另一選本來諗香港精神但一嚟預計成熱門條Q肯定唔好分欠值搏率 二嚟個幾月之內連撼兩場勁嘅 休息時間係管之友嘅一半睇怕未必回夠氣 搏分頭就要燉馬馬房嘅電訊犇豹 季初肌腱受傷到四月出返嚟跑幾場唔算輸到離行離列 上場對著管之友仲有衝勢實在唔差 當然小疑點就係跑完隔成11日先出返嚟係問號 不過今場個一檔算好跑 馬房仲要追數護級梗搏盡
第六場四班一千 絕大多數馬都似是而非 上場力拼僅敗嘅胡椒軍曹整個11檔未跑死一大半 搏隻好分啲就係爆缸抖左三個月復出嘅為你鍾情 草地只跑兩場沙田未證明到谷戰唔合跑 爆缸後返從化重頭做起 返嚟水準最低嘅谷一千加埋五檔 憑新鮮感加布文之助 殺入一席唔奇 另一隻就係前速夠快 呢個路程更有證明嘅顏色王子 擺明唔叻係睇際遇 放得出嚟就有胡叫
第八場四班千二 歡樂至寶初出啲步法仲係生但輕易彈甩後面 雖然由冷變熱但今周四班千二又拆組拉低水準好難唔揀 Q腳方面日新月著雖然未贏但例衝一段 呢場電子兄弟同上校呢兩隻電兔快放對佢有利 三檔可以守五六位上山嘅話位置一席應有

[ 本帖最後由 KIRIN688 於 2023-7-5 21:49 編輯 ]

鴻略

引用:

原帖由 KIRIN688 於 2023-7-4 05:43 PM 發表
畢奇唔係遭逢不幸嘅話成就肯定更高
星期四晚谷戰尾場全不好賭 集中雙數場次場合
雪茄鄭成功上岸之後得返四個賽日佢啲馬唔駛睇 反而燉馬馬房會留意下
第二場二班一千 先劃走三隻跑唔返嘅精靈勇士 平海歡星同狀元及第 ...

講開畢奇同摩加利，可重溫當年凱旋門大賽，一併欣賞他們的騎姿：
1981 Prix De L'Arc De Triomphe Gold River Inc Replay - YouTube

你講幾場都不易賭而不易有分頭。鄭廄馬視乎情況，如眾歡笑難得復起，估計星期日仍會搏。至於燉廄，今晚第五場有田草強績的着着領先如跑出水準，俏郎中也未必夠跑，但上次就失準，狀態不明；燉廄維持狀態的能力也比人差。就算此駒贏到，也不易另找兩匹頭馬，之前持續燉馬落五班，不似爭取達標。

上次沒有用威進駒做膽補回生生勝勝一票而失Q，犯了技術錯誤，希望今晚不錯。

仍揀五班場次。第一場噴火龍跑一場外疊混吉的四班又回到五班，前仗快步速拋離取勝姿態好，今次又有創建群英及又享耆成造步速，繼續一檔，五分差距估計影響小，對手普通，可期再捷，首選。又享耆成該仗第二，但再出表現跌，似狀態回落，看來不易騎之馬換鍾，放棄。日就月將四班位置馬落五班有優勢，近仗不算差，如可好一些更有信心，但已值得兼顧，馬房亦有撳制能力，次選。美麗新星近兩仗跑千六見有進，雖檔差及偏熱，仍作保險腳。烽煙載喜轉倉前跑千二有勢，千六覺路長，未縮程，目標似繼續減分。

第三場又是先選落五班之馬，東方精神前仗同程放入第四，所負不遠，同到對手亦不差，上仗田草差到不似真，不妨抹去，今次排4檔不差，起步可埋欄即放，跑出水準不易有兩匹馬超越，首選。綫路光明、大家開心及精算其然上仗同程分別跑冠亞季，前者加分，第二者檔位轉差預期要留後一卡及二疊，後者則要頂在二疊，綜合仍按上次排序，因此兼顧前兩者，賠率亦較好。怪獸豪俠縮回千二排1檔稍不明，不排除機會，上仗則失望，何良爭護級吸引投注，分頭偏低。

[ 本帖最後由 鴻略 於 2023-7-6 18:12 編輯 ]

KIRIN688

引用:

原帖由 鴻略 於 2023-7-6 18:09 發表


講開畢奇同摩加利，可重溫當年凱旋門大賽，一併欣賞他們的騎姿：
1981 Prix De L'Arc De Triomphe Gold River Inc Replay - YouTube

你講幾場都不易賭而不易有分頭。鄭廄馬視乎情況，如眾歡笑難得復起，估計星期日仍會搏。 ...

畢奇嗰年騎邊隻？跑第幾？

鴻略

引用:

原帖由 KIRIN688 於 2023-7-6 06:58 PM 發表
畢奇嗰年騎邊隻？跑第幾？

外檔追趕金河跑第三那一匹，賽後隨即與摩加利握手。


第二場精靈勇士跑第三幾乎追及狀元及第，輸檔位。其實復出後只跑過一場千四，路長且對手級數高，不作準。之前一千直路相當有水準。

KIRIN688

引用:

原帖由 鴻略 於 2023-7-6 19:23 發表

外檔追趕金河跑第三那一匹，賽後隨即與摩加利握手。


第二場精靈勇士跑第三幾乎追及狀元及第，輸檔位。其實復出後只跑過一場千四，路長且對手級數高，不作準。之前一千直路相當有水準。 ...

唔記得精靈勇士係留住都得 不過呢啲歐洲嗰啲短途馬普遍水平始終差澳紐一班 就算魔頭仲繼續練頂多都係爭下G3