上次退出, 如果唔係隻爆冷咁贏法, 火焰之星最多都係第二, 真係唔知係轉運定黑仔到連中Q既機會都退出嘛! 睇下今次又點! :014::014:
第二場: 草上飛
眾所周知此駒易位難贏, 轉倉後一直有表現而欠頭馬交代, 馬房應扭轉乾坤都會整場俾馬主再威下, 講句真, 草上飛當然已知唔係咩好馬, 但就未至於衰到四班都贏唔到, 今季轉到沈集成後, 由第二仗開始連跑五次谷草一千, 轉攻強項, 第一次在排衰檔下, 遇上有班底既星威寶和今季突出既多快樂, 得個第三算有交代, 第二仗勝利在望, 冷不防萬人醉一聲唔該, 後上過埋, 屈居第二, 再到第三仗就全面優勢下又輸埋門, 俾揀得好搞掂左, 又再次屈居亞軍, 根住第四仗就遇上質新既原路人和好輝煌, 又得個第三, 然後到上仗, 遇啱對手, 卻抽個十一檔, 真係運都輸埋, 今次馬房安排小休, 再度於強項誓師, 此馬已輸怕人, 熱極有個譜, 戴勝在晨課上亦很鍾情此四班馬, 很多時候都親力親為, 可謂馬房上下都想幫此駒爭啖氣贏番場, 有實力贏而贏唔到, 唔係衰這就衰那就最谷氣, 今晚抽到四檔, 已教好出閘, 應可再度快放, 就算唔係第一隻彈出, 四檔都唔怕被困, 同場有牧場王快馬, 但此駒唔駛用到韋達, 慌死無人吼咁款, 唔似係路, 所以就算牧場王真係死搶, 草上飛都可安然守候等其乏力, 而且就算真係一齊搏馬, 牧場王非甚麼高卡士馬, 只係普通三四班升降機, 兼且年介八歲, 戰鬥力減退, 草上飛應有力退敵, 所以估計今次草上飛應繼續有坐位望贏資格, 可作馬膽! 配腳方面可以吼下馬中龍, 雷風恒和泰寶馬!
第五場: 好樂意
鑽飾年代無疑係牌面馬, 但要後上始終較蝕, 贏左後加分又熱, 值搏率下降, 倒不如吼下隻好樂意, 應有分頭, 此駒係人都知千二短, 上次唔增程輸場, 可能唔想憑新鮮感下, 於千二入位後馬上增程太明顯, 今次有大樹遮蔭, 係發難既好時機, 迄今三戰一哩俱在田草, 得一冠兩季, 今次谷草已證明無問題, 且抽個四檔黎增程一哩, 續配霍達上陣, 真係唔駛諗咁多, 而且本身只四歲, 正值盛年, 仍會有進步, 評分亦未盡頭, 觀其刻意間中先跑下一哩就知係想收收埋埋, 唔想一次過用哂, 今仗對手應該只忌一匹鑽飾年代, 後者雖有三檔, 但對後上馬黎講幫助不大, 一下唔覺意跟前左仲影響埋後勁, 再者賠率上分野亦唔小, 故此寧搏有質有得分既好樂意做膽, 一W三P格! 配腳當然要鑽飾年代, 有機會單Q, 另外濟濟精神和赤膽雄心都可以當冷腳看待!
其他場次, 第一場稍看好一對熱門利駿寶和領先機, 當中以後者有靚檔優勢為佳, 可小注Q和PQ! 第三場隻哈哈妙應有力熱食, 可捧win! 第四場代言人就算有個一檔都唔值大熱, 星光魅力五檔夠殺, 半熱可吼! 第六場威霸熊, 九龍飛, 萬勝峰和嘉嘉贏隻隻都有好處, 難分正副, 真係要諗諗! 第七場健風和勁好聲之間選馬膽, 當中以健風轉谷草對手大幅減弱, 假假地十一月先以短鼻位輸俾終身美麗, 今場卡士贏哂兼好分D為佳, 會作首選! 尾場亂局不宜大注, 小吼有黃金一檔既多多勁駒!
