第十章．反臉收場
聚會嘅當晚，三個女人打扮得好性感，Elaine冇Mandy咁大波，不過有雙長腿，所以就著比較短嘅裙，而Mandy就deep-V，露出一條長長嘅乳溝，Joan因為已經同林先生上過床，唔需要刻意打扮得太性感。
佢地三個女人坐的士去到嘅地點，竟然就Kay喺度做嘅嗰間法國餐廳，當佢地一入餐廳，Kay望左Joan一眼，覺得佢有啲熟口面，就上前一問:「幾位有冇訂枱?」Joan話:「林先生約左我地。」
Kay就話:「好，三位呢邊。」帶住佢地三個女人去到一間VIP房，房門一打開，佢地一入去，見到有四個男人已經坐喺度，Joan心諗:「點解佢會喺度?」原來其中一個男人竟然係Newton，反而Newton見到Joan一啲都唔意外，因為佢早已經喺林先生口中知道Joan會黎。
自從Newton改變左Audree之後，Audree親自落決定，喺集團畀個掛名嘅職位佢，集團高層人員心知佢係Audree親信，個個爭相討好佢，另外想要同Audree個集團做生意嘅人亦都刻意巴結佢，所以經常邀請佢出席一啲聚會之外，又不時送啲貴重禮物畀佢。
今次聚會就係林先生想同Audree嘅集團做生意，特意邀請Newton出席，希望可以討好佢，本來Newton已經拒絕，不過當林先生講到有個做保險嘅女人都會黎，而且聽林先生形容，個女人好似係Joan，於是就答應出席，不過講明出席嘅目的只係為左風花說月，其他一切唔傾。
林先生見到Joan真係帶多兩個女人黎，立即安排佢地梅花間竹噉坐，重故意安排Joan就坐係Newton旁邊，佢地互相望左一下，大家都扮唔識對方，林先生叫Joan:「你地自己介紹一下。」Joan就同Elaine，Mandy各自講出自己個名同埋職業。
在坐除左林先生同Newton之外，另外兩個男人已經喺噉望住Mandy同Elaine，林先生提醒佢地:「你地都介紹下自己啦。」嗰兩個男人分別話自己姓劉同姓張，都係做生意。
Joan呢個時候特登望住Newton:「噉呢位先生點稱呼?」Newton微笑話:「我只係閒人一個，唔使理我。」林先生即刻話:「大家飲啲紅酒先，應該唞夠氣。」首先親自倒酒畀Newton，然後遞支酒畀其他人:「大家唔使客氣。」
Joan心諗:「佢可以同班生意佬坐埋一齊，而且林先生似乎對佢特別客氣，身份一定唔簡單。」Newton見佢臉有異色，知道佢懷疑緊乜，只係嘴角微笑，攞起杯紅酒飲。
席間每個人都有講有笑，但係Mandy同Elaine表現得有啲唔自然，到大家都酒酣耳熟嘅時候，Mandy同Elaine忍唔住企起身，大聲鬧姓劉同姓張嗰兩個男人:「你摸夠未呀?」「你當我係咩呀?」
張姓男人就話:「你地黎得，唔係預左要畀我地屌咩?」劉姓男人又話:「咪係，最多同你買大額啲保險囉。」Mandy同Elaine再鬧佢地:「你地都白痴嘅。」「食自己啦仆街。」
呢個時候Newton忍唔住起身，鬧嗰兩個男人:「你兩條撚樣以為有錢大晒，講有錢你地未入流。」跟住同Joan講:「帶埋你啲同事，同我一齊走。」一男三女好快離開VIP房，臨走前同Kay講:「VIP房張單入我數。」
酒店外，Elaine同Mandy對Joan好不滿:「Joan姐，要做生意都唔好利用我地呀。」「係囉，就算要利用我地都早啲出句聲。」Joan唯有話:「我真係想你地可以識多啲人，想唔到佢地咁過份，今次係我衰，你地嬲都係應該嘅。」
Newton就話:「唔好係街度嘈嘞，各自返屋企先啦。」Elaine就同Mandy悻悻然先走，Newton跟住行向另一方向，Joan跟上佢問:「你究竟係咩人?」Newton笑一笑:「我咪係一個超好色嘅男人囉。」
Joan搖頭:「我唔信，林生雖然唔係咩富豪，不過生意做得唔錯，佢當得你係朋友，你一定唔係咁簡單嘅。」Newton隨手截左架的士，上車前話:「信唔信隨你啦。」然後再上車。
Joan望住架的士駛走，手機呢個時候響，佢一睇來電顯示係林先生，接通左之後本來想鬧佢，佢先問:「Newton重係唔係到?」Joan話:「佢已經走左啦。」林先生話:「唉，真係畀兩條友累死。」
Joan問:「你直接打畀佢唔得咩?」林先生話:「我冇佢手機號碼架，今次都係托左幾個人先搵到佢，又難得機會佢肯出席，點知攪成噉。」Joan借機問:「其實佢係咩人黎架，你咁緊張嘅?」林先生就係手機講畀Joan知...
[
本帖最後由 netsee 於 2017-3-23 12:22 AM 編輯 ]
