引用:
原帖由 一夜狂歡 於 2020-7-6 03:56 發表 ![查看引用來源](https://www.188channel.com/images/common/back.gif)
一玩到猜枚Amy就好似蒲精上身咁,舉手投足同平時個樣有啲不一樣,睇嚟平時都有玩開,對於我地啲初哥來講,冇可能招架得住,加上佢手下並不留情,搞到我節節敗退,狼狽不堪,好快已經隊晒成支大啤,飲到成口都係泡,Amy意猶未盡,仲未有消停 ...
出嚟玩開係唔同啲嘅,連續兩輪俾AmyKO咗,被逼短時間入面灌咗接近四支台灣大啤,Amy自己一啲事都冇,我就被人隊到反晒肚,反胃感覺一湧而上,狂忍住衝入廁所劏咗一輪,先至有氣無力出返嚟,Amy非但無(憐香惜玉)之心,仲落井下石寸鬼我話:好心你啦,自己出酒自己出埋條命,唔識飲就唔好學人飲咁多啦。我反駁就話:妳繼續玩我啦!隊爆人仲要咁寸咀,猜枚唔係妳提出㗎!Amy笑住話:我冇諗過你會渣成咁,點解你唔叫停呢?仲要死頂,冇面呢,想逞英雄結果變咗隻狗熊,哈哈笑死人!俾Amy奚落一番條氣好唔順,點知阿姐又走埋嚟加多句:帥哥我看你不太行,有點遜啊!我給你倒杯茶。阿姐俾咗杯茶我又再話:我們台灣男人一般酒量不錯,尤其是我們鄉下人,喝洋酒威士忌啊,高梁啊都是面不改容的,三幾瓶啤酒更是平常事,香港人酒量好像很一般,你女朋友比你強!沒關係,以後多來我店多作訓練,我陪你喝!我回答:誰說,她沒怎麼喝,都是我在喝好嘛!其實自己衰咗就唔好再坳啦!