又係星期五,米雪第18話~
米雪 18
返到榴槤之國送咗Cassy返屋企攬攬抱抱錫錫一輪之後,阿星都係時候揸車返屋企。揸車自不然會放啲音樂嚟聽,而阿星部爛舊高耗電低輸出弱智能手機再次響起,阿Cassy你真痴纏,阿星好唔好返轉頭今晚直頭喺你度瞓呢?睇真啲,原來電話並唔係Cassy打嚟,咁,係邊個呢?
揸緊車就唔好講電話啦,阿星都有自知之明。一個人有一個頭,兩隻耳,兩隻手,但係只得一個咀,即係要大家多聽,多做,少開口,所以阿星都係做番個乖嘅小朋友,唔接電話算啦。
有本事喺阿星40分鐘車程入面隔10分鐘就打一次嚟,呢位人兄都幾有耐性,而且都揾得阿星非常之急。睇嚟唔接你電話都真係唔係幾講得過去。
阿星終於揸車返到屋企樓下個入口附近,爛舊電話再次響起,阿星見呢個獅城嘅電話號碼不停咁打嚟,應該都唔係啲騙局電話,應該都可以接嚟聽下係乜水嚟。
邊位?「做咩唔聽我電話?」電話嘅另一邊係一把嘶啞而且倔強嘅女人聲。哦,唔知邊個打嚟通常都唔會接嘅。「你唔知道係我嚟咩?」嘶啞嘅聲音更加強烈咁表達不滿。真係唔知,就算知都唔理,你係邊位?「…………」電話嘅另一邊嘶啞嘅聲音沉默咗有三秒鐘,然後再次開聲:「我係Michelle!」
正所謂:
回國安頓好美伴
驅車歸家享音樂
手機玲聲斷續響
安全前提置閒之
居室門前又再來
聲音嘶啞是米雪
金翅催到甩褲鳥
(待續)😬
[ 本帖最後由 star_platina 於 2021-11-26 09:49 編輯 ]