我都有類似想法🙈
我諗起有另一位男士, 我又係搭巴士返工, 我係總站上車, 呢位男士喺下一條街嘅站上車.
佢個外型好係我杯茶, 所以我都幾留意佢, 而如果佢上車時我隔離未人有坐, 佢都會坐我隔離.
可惜佢唔係日日都搭呢班車, 可能一星期先會見到佢一次. 所以我就每日都選擇位置好後嘅座位嚟坐, 希望其他人上車時唔會行到咁後坐喺我隔離, 咁到呢位男士上車時就有機會坐我隔離.
而我發覺, 每當呢位男士出現而我隔離有位, 佢就真係會坐喺我隔離, 果程車我就會好開心😂.
可惜我唔夠膽同佢搭訕, 之後佢唔知係咪轉咗工定搬咗屋, 已經見唔到佢再搭呢班車 😭
引用:
原帖由 ManManMuscle 於 2022-3-18 14:02 發表
如果搭車有靚女坐我隔離,我個程車都會特別舒服
不過我唔會望佢同抽水,靜靜地享受佢坐係我隔離就夠