star_platina

星期二凍冰冰，阿星就滿天星。米雪等30話～

米雪 30

阿星有冇同大家講過，查實阿星係冇乜力嘅呢？呢啲要互相角力嘅情況阿星通常好快就會投降，而且成個人會放軟哂，完全冇能力反抗嘅。即係咁，阿星橫睇掂睇都係一個高高瘦瘦嘅叔叔……………係文弱書生先啱，所以呢啲要夾硬嚟嘅嘢阿星係唔做嘅。喺Michelle用力咁用左手同佢唔太大但都幾好肉嘅34B夾住阿星嘅手之餘，同時用緊佢勾住阿星後頸嘅右手發力，將阿星輕輕……………係好用好用力先啱，Michelle嘅右手好用力咁將阿星條後頸勾住拖埋去佢度，而阿星，因為雙手都唔就力嘅關係，就俾Michelle呢個咁唔開心而且成面眼淚嘅女仔拖咗埋去咀對咀喇。

阿星呢啲咁端莊守身如玉嘅中年叔叔，雖然喺小星星變得非常之唔規矩嘅情況底下，都仍然要保持一個端莊自重嘅儀表嘅，喺阿星個星星咀同Michelle薄薄嘅咀唇將接未接嘅一瞬間，阿星就開口問阿Michelle，你係咪每個客都附送特別服務㗎？當阿Michelle聽完阿星個問題之後，都有一陣間嘅停頓，而原本攬住阿星右手嘅Michelle嘅左手就稍為放鬆咗啲，跟住勾住阿星後頸嘅右手慢慢由勾住阿星條頸移走咗，喺阿星同Michelle保持住呢個距離大家都其實望唔到大家，而阿星嘅左手支撐住喺床褥上面真係有啲攰嘅一剎那，阿星左邊面突如其來咁“啪”一聲，清脆嘅一響之後跟住伴隨嘅，係阿星左邊面上火辣嘅疼痛。

你冇估錯，係Michelle，除咗一包送俾阿星未拆嘅禮物之外，額外奉送清脆嘅一巴掌。典解咁嘅角度都仲可以打得咁大力咁響嘅呢？喺阿星俾人星咗一巴，個頭殼頂滿天星星嘅時候，Michelle星完阿星之後，將佢用嚟星阿星嘅右手再一次勾住阿星條頸，然後用力拉阿星埋佢個面度攬住，跟住輕輕咁喺阿星耳仔邊吹咗一啖又暖，又濕，又令到阿星打哂冷震嘅氣，再開聲喺阿星耳仔邊度話：「你唔聽話，要罰！」講完之後攬住阿星，用塊面珠仔一路喺阿星耳仔度磨。

阿星係咪撞咗件不得了嘅嘢？

正所謂：

彼此距離能點嘴
簡單隨意個提問
換來赤熱大巴掌
金剛箍頸又復來
突覺耳邊傳濕暖
又來嬌聲說處罰

金翅有如撞邪鳥
（待續）😬

[ 本帖最後由 star_platina 於 2021-12-14 12:21 編輯 ]

柒七仔

師兄，今次係咪自找麻煩了🤣

boar36

早晨  星爺，寫好了   又來鳥  ........  金翅有如撞邪鳥！      

彼此距離能點嘴
簡單隨意個提問
換來赤熱大巴掌
金剛箍頸又復來
突覺耳邊傳濕暖
又來嬌聲說處罰

[ 本帖最後由 boar36 於 2021-12-14 10:16 編輯 ]

star_platina

引用:

原帖由 柒七仔 於 14/12/2021 08:56 發表
師兄，今次係咪自找麻煩了🤣

簡直係麻煩找上門啦😬

star_platina

引用:

原帖由 boar36 於 14/12/2021 09:42 發表
早晨  星爺，寫好了   又來鳥  ........  金翅有如撞邪鳥！      

彼此距離能點嘴
簡單隨意個提問
換來赤熱大巴掌
金剛箍頸又復來
突覺耳邊傳濕暖
又來嬌聲說處罰 ...

直頭撞喵啦😬

boar36

呢鑊嘢攪成咁，真喺老虎扯旗呀！   

star_platina

引用:

原帖由 boar36 於 14/12/2021 15:30 發表
呢鑊嘢攪成咁，真喺老虎扯旗呀！   

完全某預料過，簡直辛㞗苦😬

star_platina

星期三嘅阿星，準備同星巴阿星嘅米雪開戰。米雪第31話～

米雪 31

阿星一時之間都真係唔識俾反應Michelle，一嚟兩個人嘅姿勢真係好突兀，二嚟頭先果巴星得太突如其來，三嚟阿星真係第一次遇到啲咁嘅事。Michelle其實都算係一個幾有姿色嘅女人，不過佢嘅反覆無常嘅態度真係令到阿星有啲不知所措。阿星其實唔算得上係女人磁石，係女人都吸埋身；反而阿星覺得自己係一個怪叔叔，雖則唔係個個人敢埋阿星身，但係埋親嚟嘅都或多或少唔多正常。再一次證明阿星嘅直覺真係好準，去到邊都有怪人埋身，唉，又要睇下點樣幫下佢喇，之但係最令阿星煩惱嘅嘢，係點樣同Cassy解釋阿星同Michelle私下見面，惹起禍來呢？

喺阿星用佢個青豆咁上下大嘅腦部高速運作思考嘅時候，令人出乎意料嘅事情再一次發生。係咩嘢？即係咁，有個女人好大巴咁星完你之後好用力咁攬住你用個塊嫩滑嘅面珠喺你塊面度磨擦，你應該會想像得到之後會點喇啩？呢啲嘢唔使阿星講出口啦，一個大男人嘅小星星企直咗，一個女人咁樣攬住嚟磨，點都會有啲嘢會發生囉，係咪？

冇錯，大家都冇估錯，要發生嘅始終都要發生，喺阿星俾Michelle箍住郁都郁唔到嘅情況底下，阿星耳仔邊聽到沉重而均勻嘅呼吸聲，呼吸聲伴隨住一啖又一啖嘅暖空氣吹落阿星隻耳仔度。根據呢啲咁樣嘅呼吸聲，阿星心入面諗緊一樣嘢，呢樣嘢應該你都諗緊，係咪？

阿星諗緊，Michelle係咪瞓著咗呢？呢啲時候最好就係驗證下。阿星選擇用手嚟驗證，即係咁，用隻俾佢攬實壓咗喺佢心口嘅右手輕輕咁抽離佢柔軟嘅34B，阿星一路慢慢咁搖動右手，慢慢咁將右手解放咗出嚟，然後用撐住喺床邊嘅左手慢慢將自己扶離床邊，再企直望下瞓喺床上面嘅Michelle。冇錯，你估得冇錯，阿星都估得冇錯，阿Michelle已經瞓著咗。嚟，俾個5阿星！

正所謂：

高傲表現確難明
英雄直覺何其準
思索計策對應間
忽地情況突生變
沉重呼吸響耳邊
原來白雪入夢鄉

金翅要諗下計鳥
（待續）😬

[ 本帖最後由 star_platina 於 2021-12-15 08:59 編輯 ]

boar36

早晨  星爺，寫好了   又來鳥  ........   金翅要諗吓計鳥！     

高傲表現確難明
英雄直覺何其準
思索計策對應間
忽地情況突生變
沉重呼吸響耳邊
原來白雪入夢鄉

star_platina

引用:

原帖由 boar36 於 15/12/2021 08:52 發表
早晨  星爺，寫好了   又來鳥  ........   金翅要諗吓計鳥！     

高傲表現確難明
英雄直覺何其準
思索計策對應間
忽地情況突生變
沉重呼吸響耳邊
原來白雪入夢鄉 ...

某錯，要諗下點樣甩身先得😬