CFP

噢..................... 期待緊個故事............ 快d出啦, 師兄

chicky

搞咩呢期d連載劇全部爛尾收場.........

95849727

點解仲未有架~~~

jw0007

C兄持久力好勁...咁耐都未出野

簡東拿

唔好意思,啱啱個週末北上陪女(友),尋日放工又有d累,所以第八集宜家先出.
小弟例牌9 up兩句,講下d題外話.有朋友問過我關於呢d“ instant messenger”嘅野,就係玩“即日約女”work唔work架?成功嘅機會高唔高?我嘅經驗係:香港icq妹好難,小弟未試過“即日約即日出”.但我呢個人冇耐性,一般傾唔超過一個月,就會要求出黎見面.我99年開始玩icq,到2000年基本上已經唔再玩了.唔玩嘅原因唔想多講,大家都估到架啦.
咁台灣妹呢?前幾集都講啦,好難…..
QQ妹呢?我諗唔使我講大家都知道,“即日識即日約QQ妹”係work嘅,我總共約過5個QQ妹(唔計我條女啦當然)出黎見,有個係即日出,而且全部都係從認識到出黎見面,不超過兩個禮拜.我遲d會寫多篇故事,係關於我約QQ妹嘅經歷,等我快d寫埋呢篇故仔先.
再講多次唔好意思各位,第八集寫緊架啦.

簡東拿

第八章     她約我影貼紙相

上集講到我啱啱見到Niki,準備同佢去西門町食lunch,行行下,突然俾兩條友嗌住.
“先生,請你們停下,走過來一下.”其中一個男人說.
我本能地回過頭望一望,見佢地兩個都係戴cap帽、著灰色恤衫.我唔為意,Niki亦冇停低嘅意思,咁我地繼續行啦.
“你們停下!走過來!” 當果兩個男人追上黎,大聲咁嗌我地: “你們停下!走過來!”時,我心知不妙了.
“是警察啊.”Niki小聲地同我講.
下?Niki小姐你唔一早講?我見佢兩位戴cap帽、著灰色恤衫,我以為係台灣d小販管理隊咋.我係遊客就話唔知啫,你本地人黎架喎.唉…..我咁大個仔香港都未俾差人抖過,黎台北短短四日就第二次中招!自己又係蠢嘅,警察都認唔出.
由於我地第一次唔理佢,果兩個警察已經有d火啦.
“你們要去那了?幹嘛不停下來?”警察B問.
Niki冇出聲,小弟國語咁差,當然玩沉默啦.
跟住我地俾人分開抖,Niki企開左,警察A叫我攞身份證,我就俾左張香港老身佢.
“香港人嗎?護照呢?”警察A問.
“我留在酒店了…..”
“你住甚麼酒店?回去拿過來!”警察A嘅態度非常惡劣.
我此時望一望Niki,佢已經俾人抖完,企晌度無奈地望著我.
“我住的酒店在很遠呀,不在這裡呀.”我當時緊係老虎都亂吹啦,又番一樂園?彩你都有味!
“把你銀包拿過來!”警察A喝道.
條友攞左我銀包之後,好似巢女咁亂巢我個銀包,d相呀、卡呀、證件呀俾佢亂巢亂放.我當時火都黎埋,講左一句:
“你甚麼把我的東西亂放啊?!”
警察A狠狠的啤左我一眼,有意無意間將我銀包張相丟落地下.此時佢嘅同僚行過黎,警察A就俾番個銀包我,佢兩個亦走啦.我接過銀包後,就執番張相, 此時Niki亦行過黎.
跟住我同Niki繼續行,當我整理緊銀包的時候,Niki發現左張相.
“相片啊,給我看看好嗎?”Niki說.
“相片嗎?”我正猶豫緊嘅時候,Niki已經好調皮咁攞左去啦.
“是你和女朋友的合照啊…..”
當時我望到Niki個樣,我都唔知點形容佢當時個表情.佢好似頗失望,但又唔想俾我知佢心諗乜.

下集預告:     非常震驚

簡東拿

第九章     非常震驚

上集講到我俾台灣警察抖,佢巢到我銀包d野亂七八糟.抖完之後我整理番d證件同相片之時,就俾Niki攞左我張相睇啦.
當Niki睇到果張係我搭住條女嘅相之後,佢好似唔係好開心.
“你和你女朋友的照片啊.”Niki笑說.佢似乎笑得有d勉強.
“不是,是我以前的女朋友,剛分手的,忘了把它拿出來.”我一面尷尬的說.果張相的而且確係以前條女幅相黎架.
Niki一聽到我講係以前個女朋友,即係又笑起黎,佢真係一個愛笑的女孩.呢個時候我第一次睇清楚佢個笑容.佢笑的時候,原本圓杏形嘅眼睛瞇成一條線,卻又瞇唔晒.水汪汪嘅雙眼,配上皓白的牙齒,再加上白晰細膩的肌膚,構成一張好靚嘅面孔.
當時我知道,我沉了(當然當時冇沉船呢個概念啦).
“我們去影貼紙相好嗎?”Niki繼續發動笑容攻勢.
“好啊.”我緊話好啦,恨左好耐啦我.
“可是一會你要把我倆的照片放在你銀包內喲,我要你把你以前的女朋友的照片給換了”
拿,原本小弟只係想同Niki做普通朋友啫,但就係因為呢一句,搞到小弟想改變計劃,有d心思思.
唔通今次台北之旅真係咁神奇?可以溝到翻版蔡依林,發展兩岸情?
好快我地又到左一間影貼紙相嘅舖頭,係二樓黎嘅.
由於正值週末,所以特別多少女喺度影貼紙相,咁就顯得我有d老啦.
我同Niki等緊影貼紙相時,Niki不停望四周嘅少女,跟住同我講:
“看著她們,我覺得自己真的老了,有點怪不好意呢.”Niki說.
我心諗,你幾大呀?咪得果18、19歲,大佢地一兩歲之嘛,點叫老呀?
“你不會啊,我才大呢.”我說.
“對了,我都忘了問你,你多大啊?”Niki說.
“我比你大幾歲嚕,我快22了.”我說.
“是嗎?那我比你大了.我67年的.”Niki有d尷尬地說.
下???Niki你67年出世架???咁你咪33歲???
我當時真係呆左,我不自覺望住Niki,望住佢一臉稚氣個樣,望住佢略帶baby fat嘅身份,最緊要係佢擁有非常幼嫩嘅肌膚,完完全全係一個少女嘅模樣.我俾盡你21歲.
但Niki你竟然係33歲嘅熟女???

下集預告     情留半天

ahmon323

簡兄, 她係22歲, 大你少少者.........

簡東拿

引用:

原帖由 Hide617 於 2006-4-5 01:20 AM 發表
佢講緊既會唔會係民國67年?

引用:

原帖由 ahmon323 於 2006-4-5 01:22 AM 發表
簡兄, 她係22歲, 大你少少者.........

嘻嘻，原本想賣個關子先,俾你地穿左添