star_platina

引用:

原帖由 licklickson 於 26/12/2022 21:25 發表
咁梗係，仲要話好難入！😬

難入就係男人問題啦，冇前戲乾黐黐咁梗係入唔到啦，你話係咪？😬

licklickson

引用:

原帖由 star_platina 於 2022-12-26 21:45 發表


難入就係男人問題啦，冇前戲乾黐黐咁梗係入唔到啦，你話係咪？😬

咁如果個口細呢？

star_platina

引用:

原帖由 licklickson 於 26/12/2022 21:58 發表
咁如果個口細呢？

口細咪執到寶囉😬

licklickson

引用:

原帖由 star_platina 於 2022-12-26 22:45 發表


口細咪執到寶囉😬

咁佢細唔細？

star_platina

引用:

原帖由 licklickson 於 26/12/2022 22:46 發表
咁佢細唔細？

應細嘅地方細，要大嘅就大😬

licklickson

引用:

原帖由 star_platina 於 2022-12-27 11:10 發表


應細嘅地方細，要大嘅就大😬

咁正！😬

star_platina

引用:

原帖由 licklickson 於 27/12/2022 11:10 發表
咁正！😬

故仔嘅嘢，可以寫到幾完美就幾完美㗎啦😬

star_platina

今日仍然假期，寫多段先得～


那些年，星星同學會 第61話

呢程車真係令到阿星非常之驚，呢個結論其實喺Joyce開車上咗高速公路之後阿星就已經有。而且呢程車唔止揸得快，Joyce仲揸錯路，又要下一個出口落返去迴旋處掉頭，又突然之間減速睇路牌指示，阿星心入面暗暗發誓：永世都唔會再坐佢手車，咁樣坐法，命都短幾年。

呢啲又要驚炒車，又要驚去唔到目的地，仲要驚個目的地隨時會變咗一個阿星仲未想去嘅地方嘅感覺，呢段漫長嘅原本1個鐘因為揸錯路又要揾路而變成兩個幾鐘嘅車程終於都捱到佢嘅尾聲。Joyce開車車咗阿星去一個阿星唔識嘅地方～Milton Keynes。

Milton Keynes喺Joyce屋企經M25環迴公路轉入M1高速公路，喺14號出口轉入快路A509，其實只需要1個鐘頭多兩三個字就可以到，Joyce用咗兩個幾鐘，又要唔肯揾地圖又唔肯停喺油站度問路嘅旅程，都終於到。阿星落車四圍望下，俾阿星喺不遠處望到Milton Keynes Central火車站，啱啦，一陣飲完茶搭火車走穩陣。

Milton Keynes火車站附近都幾大風，雖然依家係8月，呢度大概都係20度左右。喺車入面出咗一身冷汗，出到嚟都有啲凍。阿星望下Joyce，都知道佢有啲凍。點解阿星會知呢？其實Joyce冇開過聲話凍，亦都冇任何動作表示佢凍，但係總有啲嘢係呃唔到人嘅，就係胸前嘅32B飛釘。相信Joyce著嘅係一啲比較單薄嘅胸圍，喺冇預料Milton Keynes同倫敦22-3度氣温嘅偏差嘅情況之下，Joyce都冇諗過會有咁凍，well，喺英國嚟講呢啲只係叫做涼啫。

Joyce好似冇為意飛釘嘅境況，泊好車之後就一手捉住阿星手腕，係呀，好似大力鷹爪功咁，捉住阿星嘅手腕，扯住阿星行。

待續😬

star_platina

又到2022嘅最後一日喇，更新下個故事過新年先～


那些年，星星同學會 第62話

Grace 仍然沉睡，望住佢，忍唔住會諗起Joyce 。雖然佢哋兩姊妹外貌上都有啲相似之處，但係性格大不相同，而且一個身材均勻，一個更加堅抽。其實同佢哋兩姊妹一齊出街嘅時候間唔中都會引嚟一啲旁人嘅異樣目光。記得有一次聖誕假期，啲friend全部返哂香港，連Man都走埋，得返阿星一條友喺佢哋屋企打機，當時Grace 啱啱寄宿學校放假出嚟，見到阿星一條友打機煲煙，就同Joyce 兩個走埋嚟叫阿星一齊去食晏。阿星仲以為要搭車出唐人街食，想話唔好，出去外面士多買個杯麵就算，Grace 就已經話佢揸車，叫阿星坐乘客位陪佢，Joyce 就好自然咁自己去咗後面坐，三個人坐車去咗佢哋屋企附近個日本商場入面個food court 度食嘢。

Grace 同Joyce 一齊去咗買嘢食，留低阿星一個霸位。兩個妹仔去咗買日本嘢食，食咩阿星唔記得咗，淨係記得阿星去買咗個韓國冷麵，呢，有碗凍湯加幾片冰同一塊牛腱一隻烚蛋同兩片雪梨果款湯麵呢。嘩，12月時候凍冰冰仲食埋啲生冷嘢，唏，你理得阿星呢！

Joyce同Grace一見到阿星個涼麵，已經非常之好奇，Grace 即刻問：「嘩！你食咩呀？未煮熟嫁？」阿星雙眼反白：「你識咩吖？韓國冷麵，凍湯，好好食㗎！」呢個時候，Joyce 已經老實不客氣，將佢食便當用嘅木筷子插咗落阿星碗凍湯度，幾經辛苦將個麵整散，然後夾咗一箸麵食，仲攞埋阿星隻匙羹飲咗一羹凍湯添，食完就話：「幾好味喎！」Grace聽到Joyce話好味，即刻又用佢食緊便當嘅果對木筷子撩入阿星碗涼湯麵入面，食麵食蛋食肉片之餘仲飲咗啖湯，然後話：「係喎，真係幾好味喎！」你兩個一人一啖咁，阿星唔使食啦？

待續😬

star_platina

咦，原來冇人嚟睇喎，不過都照更新下先得～


那些年，星星同學會 第63話

阿星望住Joyce 同Grace 哋兩個，再望下自己碗麵，又再望下佢哋兩個，然後做咗一個決定。

阿星決定攞起筷子，以迅雷不及掩耳嘅速度，喺Joyce同Grace嘅便當度每邊筴咗一舊肉入口，然後話：「唔，你地個便當都好味喎！」然後同佢兩個眨眨眼。Joyce即時有啲想發作，正想開聲嘅時候，Grace就搶先講嘢：「我又冇話唔俾你食，我都食唔哂，分一半俾你？」

Joyce停咗一陣，都將佢個便當推過嚟阿星度。

「咪住，你哋請阿星食嘢？」Grace笑：「係呀，我哋請你食，分一半俾你？」係又唔區呀，不過阿星冇碗，要食便當就要揾隻碗嚟先得。Joyce見阿星又望下佢個便當，又望下Grace個便當，望下望下，佢就將佢個便當推咗俾阿星，然後話：「俾你！」Grace即刻將個便當推返去Joyce度，跟住話：「唔好，我哋一齊食，咪有三樣嘢食囉！」虧你諗得到！

三對筷子，每人食啲大家嘅嘢，然後當然阿星係賺到笑，食埋佢哋嘅小半個便當啦。唔知係人一開心特別好胃口定係乜，Joyce同Grace兩個都話食得比平時多。阿星即刻笑佢哋如果餐餐同阿星出去食，包你兩個即刻變肥妹。Joyce聽完好似冇乜反應，反而係Grace聽完之後話：「我唔信同你食飯會肥！下次再去食下先知！」

待續😬