taoyuen

引用:

原帖由 connieabcd966 於 2012-5-21 02:41 AM 發表



我同佢都係女仔
她大我7年,以前公司的同事,她有男朋友,
識佢果陣已同男友一齊4年半,男友經常外出工幹,
她是我dream girl,
溫柔,有耐性,斯文純品唔煙唔粗口,叻女,
比一般女仔稍為特別,
唔鍾意人多地方例如 ...

小說應該係等大家諗返/反思返現實啊！打長啲都唔怕。
但你講得啱，佢可能都唔知自己想點。正如樓上SILLY所講，要承受非主流的東西成本太高了。逃避就是不願面對現實。可能係自己個心同社會/家人對自己的期望唔MATCH，始終唔係有咁多人有勇氣衝得破。好可悲做人就係咁……永遠都冇可能所有人都開心……

另：原來喺本區回覆冇得加分。乜權限都冇添……

taoyuen

引用:

原帖由 silly0312 於 2012-5-21 11:33 AM 發表
WAH!!!!!!!咁咪你有排都回唔到MESSAGE?

係AR。除非去其他版玩。

taoyuen

引用:

原帖由 connieabcd966 於 2012-5-21 12:18 PM 發表


岩，以前我都疑惑過，
要做個家人鍾意
還是自己去選擇的生活
不過與其唔做黎後悔
不如做左先黎後悔
都唔想同一個唔愛既人就咁一世
唔理lu~

真心佩服，可惜我地個社會真係要壓抑我地GE人性。

taoyuen

幾位討論很好呢，令我多左啟發！

taoyuen

第三十二回、蕙的分析

兩人買過戒指，光說要請蕙晚餐，以答謝她陪他選禮物。蕙建議找一間食物選擇較多的酒吧。光同意，他們就找了一間客人不多的酒吧。兩人點好菜，就開始聊天。
蕙：做乜咁大手筆買戒指？
光：又唔係鑽戒。OK LAR價錢都算。
蕙：但買戒指始終怪怪地。
光：點解呢？一對戒指唔係體現緊我同佢之間GE承諾咩？
蕙：你同佢有乜野承諾先？
光：嚴格來講又未有。但係佢收左就即係有GA LAR。
蕙：咪住先。查實你知唔知雪姐姐點諗？
光：咩點諗？我知佢同我一齊好開心，唔會想同我分開。佢之前都應承過我唔會走。都算係一個承諾AR其實。
蕙：咁你諗住成世都做人地情夫AR？
光：唔好講啲咁掃興GE野LAR。
蕙：唔係掃興，係現實。
光：你話我之前，咁你自己呢？
蕙：一筆還一筆。講左你呢筆先。我知道阿雪同你一齊好開心。你咁愛佢，我估佢老公都冇咁愛佢。你可以令佢咁開心，我都好戥佢開心。但係你都識講，戒指係代表承諾。而家佢同你喺返埋一齊，好似當初熱戀期咁，你突然要佢承諾啲唔知乜野，會嚇走佢GA。
光：嚇走佢？
蕙：係AR。會嚇走佢GA。佢心入面其實都知唔可以長此落去都係咁樣樣。就算佢瞞到佢老公一世，佢都唔想阻住你搵自己GE幸福。
光：我而家覺得自己好幸福WOR。
蕙：車！你明我講乜GA LAR。
光默言不語。
蕙：過多一年半載，嗰種激情少左，淡左GE話，佢都會走。你冇得揀GA其實。一係你就搵個女朋友，咁樣阿雪應該自己會走。如果唔係就等佢激情過後佢走，咁你仲傷LAR。你畀隻戒指佢，要乜Q承諾，隨時搞到佢即刻走GA。到時你又冇左佢，又冇第二個囡囡喺身邊喎。佢又冇左你，盞兩敗俱傷。
光：咁我都買左LOR。
蕙：送畀佢可以。但唔好講乜鬼承諾LAR。
光：哦……
蕙：我HURT到你AR？
光：唔係。不過有啲野我唔係好明。
蕙：仲有乜野唔明呢小朋友？
光：MISS張其實愛唔愛我呢呢？
蕙：點會唔愛？
光：雖然我同佢好開心，但好似唔係好了解而家GE佢咁。
蕙：咁難免GA LAR。你地又唔係見得多，又唔係可以成日溝通。佢愛你就一定GE。佢同佢老公都冇出乜野問題，唔愛你做乜要冒呢個險？
之後兩人的話題就環繞住MISS張。有關MISS張的事，光都很有興趣知道。但他同時感到奇怪，為甚麼要知道MISS張的事，要通過蕙？
慢慢，話題又回到光和MISS張的關係身上。蕙再一次提醒光這段關係總難永遠持續。
光：你都幾似我一個朋友。
蕙：係咩？
光：佢叫阿雲。以前係佢陪我同MISS張出街。其實當初某程度上係佢撮合我同MISS張。不過佢而家就唔鍾意我同返MISS張喺埋一齊。妳又係咁。陪我地出街，維繫住我地。但係又叫我唔好有咁多期望。同埋你係識得話人唔識話自己。
蕙：哼！以前你都可以咁話我，而家唔得。
光：點解？
蕙：我飛左之前嗰兩個男朋友LAR。

taoyuen

多謝捧場！呢一回同下一回都係劇情平淡，見諒！

taoyuen

引用:

原帖由 dominic.tsy 於 2012-5-23 04:57 AM 發表
故事很好，身同感受，不是我既重遇無得搞

未必是壞事呢，唔駛咁惆悵WOR！

taoyuen

第三十三回、蕙的剖白

光聽到蕙這樣說有點愕然：”點解？”
蕙：我細你個MISS張少少GA JAR，我都三字頭。係時候收心養性搵個好人家掛。係咪好老套？
光：少少LAR，但都啱GE。
蕙：咁即係話我之前唔啱LAR。輪到唔知係邊個識得話人唔識得話自己LAR。
光：唔……咁我太鍾意佢AR MA。
蕙：身不由己咁話LOR WOR。
光：係AR。
蕙：我都係JE。
光：點解算係呢？
蕙：你呢啲讀完大學GE高才生係唔明GA LAR。
光：又關事？
蕙：關事GA。唔好以為我鍾意溝仔就係唔自愛同係壞女仔。我呢啲會考得十分，A LEVEL又得兩科合格。唔似你地呢啲讀完大學GE人有乜野事業可以講。大佬，做個文員仔，有咩前景AR？返工咁辛苦又悶又冇希望，夜晚唔玩到盡點得？
光：你可以去進修下GA？
蕙：痴線咩？鍾意讀書就唔會讀唔成LAR。我呢啲屋企住公屋，阿爸阿媽都冇乜學歷，細個唔識功課搵邊個，讀乜鬼。我捱到去中七已經叻過我阿哥同阿妹GA LAR。同埋，返工咁Q辛苦，夜晚唔去玩仲讀書，痴線咩？以前有個男朋友真係拎埋啲課程資料畀我睇，我睇到個價錢就問佢係咪佢供我讀LAR。
光：咁佢點？
蕙：咁鬼貴，佢都唔願畀LAR。你諗下，買件空姐制服畀我佢都有得享受，畀錢我讀書又有咩意思，真係諗住同我過人世咩。何況我都未必讀得來LAR。
光：咁都唔一定去蒲JE。
蕙：蒲係最好GA。早幾年我地仲係五個人住間好細GE公屋，大佬咁大個人都想有啲私人空間。但返到屋企唔會有。咁蒲到夜啲等屋企人訓晒至返LOR。同埋，我呢啲人工又唔多，又要畀屋企人WOR。去蒲好多時有男仔請，有時著條短裙就免費入場，幾好！
光：咁你今晚又要好夜至返屋企AR？
蕙：呢幾年搬左出來住劏房LAR。雖然真係細，但起碼有個私人空間AR MA。
光：一個女仔住危唔危險GA？
蕙：咁我好彩隔離左右都OK WOR。
光：咁如果有壞人搬入來點算？
蕙：冇計GOR WOR。早幾年先想申請公屋，我唔係搵得多都高過入息限額。況且就算合資格都冇咁快排到我。
光：要排好多年GA？
蕙：唔知呢你！你呢啲讀書人GE世界同我呢啲唔同GA LAR。好少你地呢啲學歷高人工高GE人會好似阿雪咁同我做FRIEND，仲要真係堅FRIEND底。想溝我嗰啲男仔另計。
光：咁之前嗰兩個都唔得？
蕙：哈！我雖然讀書唔成，但啲男男女女諗緊乜清楚過你地好多LAR。嗰兩個都靠唔住。
光：咁而家冇去蒲LAR？
蕙：唔算有LAR。同啲FRIEND去飲野都偶然會，但係冇媾仔LU。要媾仔就唔得閒成日陪你地兩個LAR。
光：其實成日要妳陪都真係唔係幾好意思。
蕙：又唔好咁講。我悶的話我就唔來。同你兩個出街都幾好玩，好玩過我之前嗰兩條仔添。仲有時有免費四仔睇WOR！話時話都估唔到嗰晚喺戲院阿雪會咁侯禽。
光：係LOR我都嚇親。
蕙：之後就你同佢都上癮。哈哈！
光：下？
蕙：佢同我講GA。畀我睇住零舍刺激AR MA。
光：佢同你講？
蕙：唔怕WOR。佢冇好詳細講你地搞野啲內容GE。哈！其實都唔駛講，我自己親眼睇就得！哈哈！

兩人談到深夜才離去。光去搭地鐵，途中經過巴士站就跟搭巴士回家的蕙道別。兩人並肩走路的時候，光發現一個很有趣的景象：因為蕙打扮性感，總覺得很多人在望著他們兩個似的。兩人分手後，光獨個兒在地鐵想：當初第一次見蕙時見到她的打扮就覺得很不舒服，想不到這次兩人單獨約會，卻發現原來蕙比他原先想像有內涵得多。

[ 本帖最後由 taoyuen 於 2012-5-25 10:19 AM 編輯 ]

taoyuen

引用:

原帖由 648 於 2012-5-24 07:56 PM 發表
很好，非一般嘅情色小說，加油

在加油中LAR，感激長期留言支持啊！

taoyuen

引用:

原帖由 silly0312 於 2012-5-25 01:17 AM 發表
不如你去女人心事到睇下..可能有感覺呢?????

同埋..其實係咪你既真人真事呀?

哈！偶然都有去睇女人心事。唔知點解上網睇野都係鍾意睇啲女性角度出發嗰啲。不過始終自己係男仔，寫女仔冇咁細緻！

人同事都係假。自己好平淡，當初寫某程度上係將自己啲幻想寫下出來……幾變態！
如果係真人真事應該會寫得有FEEL啲。

[ 本帖最後由 taoyuen 於 2012-5-25 09:51 AM 編輯 ]