引用:
原帖由 Norwegian_wood 於 2013-5-17 10:24 AM 發表 
係啊 我好鍾意村上
不過挪威的森林唔係我最鍾意o既書﹗
你都好鍾意睇佢o既書？
其實我認同妳某部份的諗法
因為我都有d 朋友講過女仔係比較難將性同愛分開
所以明白你會覺得幾多「感情交流」都無補於事
因為可能最終於結局會傷害自己
但我自己就覺得
sp 或者係ons唔單止係肉體上的互相滿足
情感上的交流能互相補足大家心靈的空虛
所以為左驚投入感情而想避免感情交流 我會覺得令sex o既樂趣大減
始終我覺得sex 只係滿足大家性慾而缺乏交流會好似冇左d野咁
有時唔好諗咁多 投入d可能仲好﹗haha
btw, 你o既quote幾到肉﹗
...
你樓上講過嗰三位作家，我都有睇，不過唔多. 除咗村上，另外兩位，我只睇過The Joke、《靈山》。
村上，我係鍾意他的整體. （雖然都讀得唔多～小說嚟講，只係睇過《挪威的森林》，相比起，更喜歡他的雜文.)
我欣賞你肯將性事連繫到感情交流，我相信十個女仔有九個，
都接受唔到上床嗰時對她partner由關係上至情感上都完全無connection.
或者咁等於你所講既「女仔通常唔能夠將愛同性分開」。
當下投入，自然就會享受啦，我無異議
有感而發，容我分享少少.
兩年前喺discuss識咗一個男仔，記得第一次見面，佢拖住我行海傍，傾計，吹風，表現得幾gentleman，
到他帶我到酒店，因為唔知點say no，就默默做咗。不過做完就後悔，因為我覺得自己並唔需要一個sp.
個男仔依然繼續搵我，msn，電話，約出街，有時推無可推，結果都係出咗去，食飯，傾計，上床。
有次做完，佢攬住我瞓嗰時，我突然忍唔住流眼淚，話佢知我好有hard feelings，
因為佢對我幾好（會book枱食飯，行街時拖實我，會問我既嘢，每次都堅持要送我返屋企－返到門口etc.），
但係咁樣我地明明就只係sp，而我真係唔需要一個sp。
佢好內疚咁say sorry，但係仍然繼續約我－「食餐飯都好、只係見下面都好，無其他」；
結果拖拖下，到我而家讀大學，呢段曖昧不清既關係，仲係無以名之.
我地都曾經試圖探討彼此既關係，可惜無咩結論可言，佢掉低俾我既字眼就係"indulgence"、「唔可以無咗你」，that's it。
而家我會想講，無錯，樓主、「他」，或者任何睇緊呢個post既你，雖然你擺脫倒無意思近乎動物模式既性，
但係所謂「投入享受」論，始終唔係有情人追求既靈肉合一. 基於愛情既性一定係最滿足既。
避重就輕，追求有技巧既風流，不如瀟灑去愛。係咪？
