回覆 15# 的帖子
3男2女自由團中有我-Apple，
另外一個女仔 - Kit，細細粒，得5呎3 ，睇落100磅左右（相比起我，顯得我好肥好高大，唉！女人都係鍾意同人比較）
三條仔，一個叫Michael，就係我第一個係機場見到果個，有成6呎高，幾大隻，幾型。一個叫呀志，高過我小小，應該有5呎9，肥肥地，帶眼鏡，斯斯文文咁。一個叫Sam，佢最高，有成6呎2，大大隻，黑黑地，都幾靚仔。
上到機後，我同Kit一齊坐，三個男人坐一排。途中都冇乜點講野，可能大家都唔熟。
到左台北後，呀Sam一早就book左酒店，我同kit一間，佢地三個男人一間。上到房，放底d行理，Michael 就話，不如今日行程輕鬆d, 去下夜市之後返酒店，大家瞓足d, 第二日先開始去玩。咁大家都冇咩意見，就一齊出發去夜市喇！
去到夜市，都唔知整乜咁多人，我地5個原本一齊行，行行下比人迫開左，kit, sam同呀志行左前面，我同Michael 就行後面。
越行就越多人，突然間我見到kit左右咁橋住sam同呀志。心諗洗唔洗咁進取呀！睇黎尼個trip我都係做陪襯多！
行行下，我feel到自己比人模pat pat, 我好驚，係咁望後面，有個男人望住我笑、果刻我都唔知點算！michael問我咩事，我又唔好意思講，就ee鵝鵝咁話有人掂我後面，點知佢即刻啤住後面同一手欖住我走。果刻佢真係好man!
之後，我地繼續行，行左一陣就call返kit佢地一齊返酒店喇！
返到酒店，大家都各自返房瞓。其實我成晚都冇咩點瞓，諗住michael果個man樣，佢欖住我果陣，佢果陣男人味攪到我面都紅埋，個心卜卜跳。不過果時都叫自己唔好諗咁多，人地都係gentlemen 姐，都係快d瞓！
