引用:
原帖由 ccbella 於 2013-11-13 05:13 PM 發表 
G = 恆仔，S=兆賢
唔該晒
我鐘意禁樣睇
有代入感D
兆賢 : 你條友仔出文都出得好密喎。
恆仔 : 麻麻地啦, 鬼叫得閒無野做咩, 係呢, 你條花生友點解唔試下寫文呀?
兆賢 : 唉, 邊有你地咁好文采丫, 係喎, 呀邊個邊個又比人剷文喎, 成朝響度鬼殺咁嘈。
恆仔 : 哦, 果個叫文迪條友, 挑, 話時話, 佢同 mandy 究竟係咩關係呀? 係咪真係佢條仔黎架?
兆賢 : 點知啫, 佢話係咪係囉, 分分鐘條友係個呀嬸都唔定, 而呀 mandy 係個麻甩佬嘅都話唔埋。
恆仔 : 咁又係, 網上嘅野唔可以盡信, 總知唔好扯錯旗咪算囉, 咁賤男應該唔會係女黎掛。
兆賢 : 點知啫, 不過條友好多粗口架喎, 斷估唔係扮仔掛。
恆仔 : 唏, 或者係條有鬚根嘅女呢, 仲係會打撚死人果隻添。
兆賢 : 哦, 咁要小心的回貼嘞, 唔係帶埋老母黎都唔掂。
恆仔 : 又有廣告貼嘞, 叫 KaHo 兄出手啦。
兆賢 : 叫左啦, 不過都未剷又黎新貼, 成日都霸晒第一版。
恆仔 : 仲好講, 成日都係我幫人推同自推, 你得閒就幫我推下啦。
兆賢 : 唉, 我要返工架, 最多我叫呀紅得閒幫你推嘞, 橫掂佢大把時間。
恆仔 : 咩呀紅痾尿痾咁耐嘅? 一陣你地出去食飯呀?
兆賢 : 佢仲要換衫呢, 的女人係有排攪架嘞。
恆仔 : 哦, 呀話時話, 下面果層有檔叫天馬牛什, 又有一檔叫無巧小廚, 對面又有間 freepic1iman 時裝批發, 斷估唔會咁啱又係佢地黎呱?
兆賢 : 咁你得閒咪過去逗下佢地囉, 係佢地嘅話你就通知聲我, 我地就過去揼佢地心口買野攞八折。
恆仔 : 你又會咁好野嘅, 咁都比你識到紅姐嘅。
兆賢 : 唉, 你得閒就出多的街, 唔好成日呢埋一便寫故仔啦。
恆仔 : 唉, 你估我唔想, 不過出便的女好鬼惡架, 同佢地去街慘過做呀四, 都係紅姐對我好。
兆賢 : 佢點對你好呀? 講黎聽聽。
恆仔 : (奶野, 心虛) 總知就係好啦。
兆賢 : 咁即係點好呀?
恆仔 : 紅姐出黎嘞, 你地去食飯啦, 拜拜。
兆賢 : 喂, 你仲未講呀, 講黎聽下先啦。
恆仔 : 你扯吧啦, 阻 Q 住晒我寫野。
紅 : 兆賢, 行得嘞。
兆賢 : 嗱, 下次你一定要講呀, 我會再上黎搵你架….
