londbell

牛熊ching已經久未出現，本來我在他的post內交流都係一樣，不過有鑑於我無能力edit頭post，有時提供資料後過左一排，其他遲來的ching就未必咁易睇到，所以開過一個新post。

首先，我希望大家如發現這方面的問題，不要諱疾忌醫，或者聽人講食過咩野藥掂就跟住去食。

小弟有呢個問題後，去睇過好多醫生，亦聽左好多資料。所謂久病成醫，對呢方面的了解亦多左好多。不過，我要強調我唔係醫生，我唔會答到你地的問題，只能分享經驗。

性功能障礙的成因有好多，每種成因都有不同的對症方法，而亦有可能會有多種成因混雜。

要順利勃起，首先個人要有性慾，然後身體會指示細佬充血變硬。呢度，已經有兩個要點：1.性慾；2.勃起

首先講第二個要點，如果有性慾但勃唔起，應該算係勃起功能退化，偉哥、犀利士之類係對症的藥，要長食無得斷尾。

不過，起唔到頭唔一定係勃起功能退化。如果個人的性慾低，偉哥之類藥雖然都有D效，但唔係對症的藥。性慾低食偉哥，依個人經驗效果會波動，並不穩定。

而性慾低，可能關內分泌事，亦可能係心理。小弟的情況係先有內分泌而令到性慾低，影響表現之後又未搵出原因，因而令到自己越黎越擔心，進一步影響表現。

內分泌的問題，比較大機會係男性荷爾蒙水平偏低。偏低的水平會令人對性不易產生興趣。小弟發現問題後才醒覺，在不自覺間，自己對性事的興趣在幾年間慢慢降低左。對症的方法主要係補充荷爾蒙，現時有幾種方式補充：打針、搽藥、食藥。暫時黎講食藥難吸收，所以較不可取；搽藥補充的幅度唔太多；打針就可以扯到較高的水平不過較貴。但要注意一點，人工補充男性荷爾蒙，會令到身體進一步減少自己分泌的荷爾蒙，而且亦會減少做精量，影響受精的成功率。此外，有說補充男性荷爾蒙會提高患癌的機會，據我睇的醫生同我講，這是以偏蓋全。有些健身選手，補充荷爾蒙補充到超出身體正常分泌水平的數倍以達致操練肌肉之效，這些情況才會較易患癌；如果好似我咁係荷爾蒙不足，補充後只不過係提升到正常範圍內，是沒有問題的。

不過，如前所講，因為問題出現較久而一直未解決，所以連心理也受影響。心理方面，就複雜好多。好似我咁只係因為曾經失敗而有陰影，算係易搞，只要成功返幾次，就自然恢復自信。但如果係較極端的例子，例如細個時曾被侵犯之類，就難搞D。呢D要搵心理醫生。

大致分享完我的經驗和得到的資料，呢度都講講我睇過的幾位醫生/醫務所。

首先，性功能呢科的專科醫生，都收得幾貴。如果想平一點，可以先去家計會睇睇，覺得唔夠先至去搵私家醫生。以我個人感覺，家計會通常以鼓勵形式去幫你，唔會太主動建議你用藥。當然，如果係一D好明顯的問題，我相信佢會幫到手，但如果只係D marginal case，就未必有幫助。

我曾經睇過三個醫生，各有特點。

第一位，就係我同牛熊ching都有睇過，在中環的男醫生。我自從出現問題後，大致上都係一直睇住佢，睇到而家(因為要keep住每隔一段時間打一次針)

呢位醫生，我覺得佢幾好，可以信任。不過未必一開始就搵到原因，要多點同醫生溝通，俾多D資料佢。好似我初頭都係以為硬唔到，醫生俾我食偉哥類的藥，後來發現無乜改善，先至發現係荷爾蒙的問題，而家打緊補充劑，情況就穩定左好多。

價錢方面，醫生的費用睇你同佢傾幾耐，十幾分鐘就$400-$500，如果傾到超過半個鐘，就$800-$1000，確實傾幾耐收幾錢我都無好仔細計，只係個粗略。

當然，要打針、抽血、開藥，呢D會另外計。我抽血驗男性荷爾蒙就$400一次，不過應該驗不同的東西會有不同的價錢。

[ 本帖最後由 londbell 於 2014-1-23 06:33 PM 編輯 ]

londbell

第二位醫生，係一位在旺角的女醫生。佢比較著重於從心理著手去幫病人。我點解會咁大壓力，係因為我女友在這方面好緊張，我一有一次表現唔好佢就唔開心。我地去睇過呢位醫生後，佢好細心咁分析我的情況。佢就傾向覺得，性唔係一定要插入，我如果用手或用口可以俾到高潮女友，都可以係一種享受。

簡單黎講除非必要，我覺得佢唔輕易會開藥打針。不過如果問題成因是比較側重於心理方面，佢係個幾好的選擇。呢住醫生都好細心，診金方面，因為我同佢傾親都好耐(超過1小時)，所以次次都收到千幾蚊。抵唔抵就見人見智，因為呢千幾蚊純粹係睇醫生費用。

第三位醫生，其實嚴格來講係一個醫務所。呢度係想提醒大家，唔好墜入陷阱。

首先要講，有一種叫做3P的針，打左之後會強制細佬勃起，即使你完全無性慾都會勃起。
聽落好似好正，不過其實呢個係無辦法之中的辦法，真係勃起功能好大問題先至要用，因為有好多不足之處。

首先，話就係話會硬，但其實只係硬到7-8成左右，唔會硬到十足。足夠插入女方陰道，但因為硬唔足，亦脹得唔夠大，女方相對會無咁易滿足。

其次，打左呢種針，細佬強制變硬，同時亦有種脹痛的感覺。呢種感覺，會令人覺得做愛唔係一件樂事，反而會因此生厭。我試過幾次後都怕怕。

第三，就係每次做前都要自己打針，如果打針的手法唔好，會令肌肉纖維化，好大鑊。而且，亦要克服打針落細佬(根部)的恐懼。

我對呢間醫務所的感覺幾差，覺得佢地的手法唔多老實。點解？我講講我的經歷。

我去呢間醫務所，其實都只係想搵多個醫生睇睇。雖然知道有3P針，但係都唔係諗住一定要。好喇，咁我上到去，有個醫生入黎，摸下我細佬，都摸得幾求其。當時我已經去過第一個醫生度，記得當時佢係聽過我細佬的血流睇下有無唔通暢，但呢間醫務所就無，只係摸下鍊下，然後就話打支針睇下我硬左之後的反應，呢支就係3P針。

打完3P針，就由得我等佢軟落黎。等左好耐之後，終於軟，就開始同我介紹呢支3P針點樣好，點樣打，要注意咩野。總之就係sell我呢支針的好處。但係就完全無講我的問題所在。

最終我落左疊，駛左萬幾蚊買左50劑。後來因為前述原因怕左，無再打落去。已經過左一年，間醫務所從無打過來follow up問我用成點。

我唔會話3P針無用，不過唔係萬用。如果有其他方法可以解決問題，我建議最好唔好用。因為個人經驗，呢支3P針只係你完全無辦法硬起黎進入，先至用得著。而靠呢支針進入，男的固然不可能享受到性的樂趣(因為細佬一直脹痛)，女方亦未必享受到(因為細佬硬唔足，只有7-8成)。

最後，如果大家想要醫生的資料，可以PM我。簡單黎講，需要打針食藥就第一位醫生；心理方面的問題，第二位醫生會較好；問題嚴重到咩野解決方法都無效，就唯有去第三個醫生的醫務所打3P針。

不過，我未必好快覆到。如果你地心急，可以在YAHOO度用「性治療醫生」為keyword去search，應該唔難搵到我講的兩位醫生。

[ 本帖最後由 londbell 於 2014-1-23 06:36 PM 編輯 ]

verycg

其實londbell 兄既問題已經解決左嗎? 因我都係睇你介紹既醫生, 我漸時既情況係賀爾蒙偏低, 打左賀爾蒙補充後兩星期, 效果再要加上藥先達到效果, 但都上網搜集過好資料, 因我有食煙習慣, 而且戒煙後可明顯改善陽痿狀況, 所以幾經辛苦下都戒左煙, 始終都都想有唔洗食藥既一日

pk04232012

引用:

原帖由 ve冇ycg 於 2014-1-23 08:37 PM 發表
其實londbell 兄既問題已經解決左嗎? 因我都係睇你介紹既醫生, 我漸時既情況係賀爾蒙偏低, 打左賀爾蒙補充後兩星期, 效果再要加上藥先達到效果, 但都上網搜集過好資料, 因我有食煙習慣, 而且戒煙後可明顯改善陽痿狀況 ...

我可能入錯post，細閱相關post，所涉年齡層有達6x，故删我post

我，八卦之性不改:smile_39:

[ 本帖最後由 pk04232012 於 2014-1-24 09:56 AM 編輯 ]

londbell

引用:

原帖由 verycg 於 2014-1-23 08:37 PM 發表
其實londbell 兄既問題已經解決左嗎? 因我都係睇你介紹既醫生, 我漸時既情況係賀爾蒙偏低, 打左賀爾蒙補充後兩星期, 效果再要加上藥先達到效果, 但都上網搜集過好資料, 因我有食煙習慣, 而且戒煙後可明顯改善陽痿狀況 ...

我目前情況係：針繼續打，藥逐漸減量

打針的效果，其實要自己好好掌握。我打的針係Nebido，聲稱三個月有效，但實際上需要兩三個星期升到高位，最後的兩三個星期逐漸回落。如果想keep住高位唔回落(或唔回落太多)，就要打密D。

我唔打針的水平係10左右，希望一直keep住30+。以前，我係個個星期去抽一次血睇住個pattern，經歷左大半年的時間，總算掌握到pattern，就係在水平剛跌到30以下，就去補針。補完針後，估計係五至六個星期會開始回落，我就由第五個星期開始去抽血，水平一跌到低過30又再補針，如果未跌，就一星期後再抽血。暫時，去到第五或六個星期就一定會回落，呢個pattern幾平穩。

所以而家抽血的次數，只係每一個cycle一至兩次。以前個個星期抽，次次四舊，真係幾肉赤。

至於藥，因為呢排我同女友都好忙，所以都無乜機會行埋。所以如果再做，估計我都會係食15mg犀利士(以前係20mg的，亦大概等如一粒完整的立威大)，依次再減。

londbell

引用:

原帖由 pk04232012 於 2014-1-23 11:34 PM 發表

我可能入錯post，細閱相關post，所涉年齡層有達6x，故删我post

我，八卦之性不改:smile_39:

不用介懷年齡層，如有問題，而亦有需要繼續有性生活，就要將問題解決。六十幾歲也有可能想要有性生活的嘛。

verycg

Londbell兄, 好多謝你既資料, 其實當初你驗血方臉你可以唔洗驗咁密, 因你打左針後,  你等d賀爾蒙提升都要兩三個星期,  咁都唔洗個個星期驗血咁重皮, 如果你既指數係十真係偏低呀,  唔怪得對性完全係冇晒興趣, 我頭一次驗左出泥係十七, 醫生話其實都係偏低,  但我未就醫前其實對生活、性、女人等已經完全提唔到興趣,  心情直插到落谷底, 宜家打左一針, 明顯上雖唔見有咩提升, 但心情同能力都好似有d改變咁, 平時再加上10mg犀利士, 咁同太太一晚可以兩次...上次覆診, 醫生話咁已經係一個進步, 但我自稔食葯始終係個依賴, 會逐步詢問醫生意見,因二月頭會再返去覆診,到時再驗血睇下個水平洗唔洗補打...
咁其實我除左睇醫生外, 自己都戒左煙, 晚晚keep住早訓令精神好d, 平時多食蔬菜生果少食肉, 星期六日及假期keep住慢跑同打藍球,感覺各樣都有似有所回復,宜晚上或清晨恢復勃起狀態, 我希望自己最終可回復之前狀態,當然我唔係想回復番個十幾廿歲後生仔咁,但都想生活上開開心心,好開心呢度有個post可以傾下講下..
令外 Londbell兄你講既心理醫生好似幾好,因件事都困擾左我幾個月,所以我都想約見一下, 可以pm我佢資料嗎? 我新手都係pm唔到...
致pk04232012, 其實男性賀爾蒙儲隨著年紀績年遞減,當你跌到落某個水平過低時,你唔補充番?個情況會愈泥愈差,唔好以為呢d事只要發生係年紀大既男人身上,有d廿零三十歲既已經出現呢個問題, 而賀爾蒙跌左都唔會自己自動補充番,所以年年驗身係一件對自己保驗既事..

引用:

原帖由 londbell 於 2014-1-24 10:07 AM 發表


我目前情況係：針繼續打，藥逐漸減量

打針的效果，其實要自己好好掌握。我打的針係Nebido，聲稱三個月有效，但實際上需要兩三個星期升到高位，最後的兩三個星期逐漸回落。如果想keep住高位唔回落(或唔回落太多 ...

londbell

引用:

原帖由 verycg 於 2014-1-24 12:04 PM 發表
Londbell兄, 好多謝你既資料, 其實當初你驗血方臉你可以唔洗驗咁密, 因你打左針後,  你等d賀爾蒙提升都要兩三個星期,  咁都唔洗個個星期驗血咁重皮, 如果你既指數係十真係偏低呀,  唔怪得對性完全係冇晒興趣, 我頭一 ...

已pm

你打第一針，增幅應該十幾吧？打第二針，增幅會有廿幾的，加埋你本身，應該會有40左右，好夠用了。

我的情況，其實仲有前傳。除左頭一針話只有6星期效用，之後的針應該有3個月的，但打在我身上，就幾浮動，有時真係有3個月，最快試過個半月就回落到得返10左右。

最初驗血驗得密(密到打電話去約，個妹妹仔都認得，自動問我係咪約驗血:smile_30: )，係想睇埋個升的pattern係點樣，例如幾耐會升到頂，到頂又維持幾耐，跌又跌得幾快。而我亦係睇住每個星期的指數，慢慢去加密打針次數，最終形成現在維持在30+的pattern。

我自己從數值得出的結論，就係如果等到支針效用無哂先至再打，咁由升到跌返到原本水平的時間就唔穩定，有快有慢。如果keep住在高位，就好穩定咁樣keep住5-6星期打一針。

其實而家諗返轉頭，我都無後悔。如果沒有那一大堆驗血數據，我都唔可能找出適合自己的pattern。

[ 本帖最後由 londbell 於 2014-1-24 12:16 PM 編輯 ]

verycg

我宜家都係打左第一針, 不過我有機會都想減到事前5mg...如果情況一路好落去...都會keep住5mg, 希望有好落去既一日, 其實由出事到 宜家, 自己突然咁真係冇晒方向, 但我個人其實飲食、生活都正常, 同太太平均一星期一兩次,  驗身又一切正常,   我覺得夜訓同食煙係我既死點, 長期咁令到成個人都失調, 宜家希望睇醫生外 再改改自己生活習慣, 可以有日重現笑容

lonbell兄, 真係好多謝你, 令外你個人都要保持心境開朗, 因呢樣野原來好重要,  你有心情先有性趣, 我宜家成日都咁提醒自己...keep住共勉呀

引用:

原帖由 londbell 於 2014-1-24 12:13 PM 發表


已pm

你打第一針，增幅應該十幾吧？打第二針，增幅會有廿幾的，加埋你本身，應該會有40左右，好夠用了。

我的情況，其實仲有前傳。除左頭一針話只有6星期效用，之後的針應該有3個月的，但打在我身上，就幾 ...

a201b4

巳收到你的PM了.謝謝