東莞夕陽 - 篇後花絮
東莞夕陽 - 篇後花絮
自從呢篇野出左之後，廣東蠻子好多老友睇完都好有意見，有D仲提出左好多問題。
有個老友仲話想出篇“陳開心外傳”，我梗係叫渠快D啦﹗
老友A“涼乳生”︰『陳開心呢個人物係全篇嘅靈魂，可唔可以落墨多D呀？』
蠻子︰『你都識渠格﹗不如你寫吖﹗』
涼乳生︰『我同渠唔係唔熟，不過冇你咁熟﹗睇完你篇野，直情覺得你係渠肚裏面果條屎蟲一樣﹗你不如出多篇“陳開心外傳”吖』
蠻子︰『我呢排懶到出汁，hea 得就 hea.......不如你寫吖﹗』
老友B︰『喂，你篇野好似短左D喎﹗不如出多篇前傳或者續集吖﹗』
蠻子︰『你寫吖，你冇返過大陸玩咩？我真係幾廿年未寫過中文㗎喇，寫果六篇野寫到我死下死下，成個人虛脫咁滯﹗』
老友B︰『好心你掉鳩左塊手寫板啦﹗正正經經走去學下中文輸入法啦﹗』
蠻子︰『大佬，咁辛苦﹗你估我家陣靠渠揾食咩﹗』
老友B︰『其實笑能派應該仲有好多著墨空間吖，應該仲有個“大師兄”未出場，即係阿羅友恆同展奔周個師兄，阿藤家英個師傅。』
蠻子︰『唔止﹗笑能派幾多人未出場呀﹗仲有阿師公呢？仲有笑能派四大法王“求撚其”、“是撚但”、“罷鳩就”同埋“算鳩數”呢？笑能派仲有個總檀未介紹，要寫真係可以寫到死都得﹗』
老友B︰『係囉﹗』
蠻子︰『不如你寫吖﹗』
老友C︰『喂，我唔明白點解阿Happy哥喺花完酒店果場點解突然間咁撚英喎﹗你交待下好喎﹗』
蠻子︰『好簡單啫，所謂性格影響思想，思想影響行為吖嘛﹗好似阿簡西聞咁，渠最大嘅性格特點就係中意“死撐”，阿展奔周最大嘅性格特點就係中意“拋鳩人”，阿藤家英最大嘅性格特點就係中意“死拆”。阿Happy哥最大嘅性格特點就係乜野吖？』
老友C︰『孤寒囉﹗』
蠻子︰『咪係囉﹗條撚樣自從聽見阿藤家英話處男叫雞有利是收，渠即刻入曬腦﹗當渠見到有幾廿條女同渠破處果個moment，渠腦中只係得返事後數利是錢呢個場面，於是乎李小龍上身囉﹗』
老友D︰『尾二阿如花出場凌空而降果場戲短左D喎﹗好似寫返多少少好D喎﹗』
蠻子︰『大佬，留返D想像空間比D讀者得唔得先？』
老友D︰『懶就懶啦你條友﹗』
