廣東-蠻子

第一回
白頭宮女話當年

詞曰︰

憶昔午橋橋上飲, 座中多是豪英。長溝流月去無聲，杏花疏影裡，吹笛到天明。
二十餘年成一夢，此身雖在堪驚。閒登小閣看新晴，古今多少事，漁唱起三更。

光陰似箭，日月如梭。今夕何夕，已是2034年的香港。

儘管特區政府對香港人施加百般手段，日復一日年復一年地打壓、洗腦、派糖、減稅，因威並施，一啖沙糖一啖屎，奈何仍然改變不了香港人，尤其是那些被港英政權統治過的老坑們。

話說此年二月某日，年關剛過，在天水圍某一個公共屋村的公園內，有兩個六十幾歲的阿伯喺度捉象棋。

老坑甲︰『喂喂喂﹗將軍呀﹗.........』就在此時，有個四張幾野的陳年港女行過。

老坑乙（細細聲）︰『喂，呢件野得得地噃，有D似當年常平太子果件小護士阿108噃﹗』

老坑甲因為撞聾聽唔清楚，大大聲︰『乜野話？乜野護士話？』

乙︰『喂﹗咪lun扮老正噃﹗我話呀，果件肥師奶好似當年太子酒店桑拿部果件大波小護士阿108呀﹗你個個星期都上去吊果件呀﹗』

甲︰『吊﹗邊度似呀﹗阿108對波大好lun多﹗』

乙︰『吊﹗我講渠個樣呀﹗』.............

如是者兩條老坑你一言我一語大聲講大聲笑起來，比個師奶聽到。

師奶︰『死老野﹗正一為老不專﹗你咪以為我唔知你地講乜野，正一死雞蟲﹗當年東莞大掃黃拉唔倒你兩個真係天無眼﹗』

老坑乙︰『乜野死雞蟲呀？正所謂人不風流枉少年，想當年太子酒店係高檔娛樂場所黎架，你估旺角馬檻呀？我同太子酒店老細阿太子輝不知幾熟﹗』

『乜野太子酒店呀？未聽過﹗』

『即係皇廷酒店呀，廿幾三十年前無線拍“酒店風雲”果間野呀﹗』

『都唔知你講乜鳩，太子地鐵站我就知﹗..........』如是者個師奶在陣陣寒風中走遠............。

老坑甲︰『所以話D港女唔識野又大支野。學似呢件師奶，我就算比渠後生番廿零卅年，都去唔倒當年東莞小護士果種級數，三舊水都唔lun吊渠呀我﹗』此時老坑甲兩眼光芒暴射而出，彷彿回到三十年前。

老坑乙︰『所以話你個lun樣死性不改一世孤寒，淨係識叫小護士，Model同祕書都未食過﹗想當年阿叔我果件常平君悅model 238 劉小芳，腰幼腿長皮光肉滑。 有所謂“沖涼不識model芳，玩盡常平也枉然”﹗小芳自少拜師學藝，憑師傳的一套東莞三十六式行走江湖，任憑你是十八少年或白頭老坑，下場離不開“精盡人亡”四個字﹗』講到緊要處，老坑乙用手抹一抹嘴角上的口水。

老坑甲︰『唉﹗好漢莫提當年勇。想當年東莞大場細場上千間，沖涼桑拿、卡拉OK夜總會、髮廊、洗腳足浴養幾十萬人。一間卡拉OK閒閒地幾百條女，要范冰冰有范冰冰，要高圓圓有高圓圓，好似頭先果件陳年港女肥師奶根本唔入流，做DJ都嫌肥，驚渠遮住個電視機﹗』

老坑乙︰『想當年人仔對一一幾，港男返到大陸個個變皇帝君臨天下一樣。後來升到得番七十幾，Ｄ老戰友開始一個個金盤洗手退出江湖。唉﹗點知2014一個東莞大掃黃，雞飛狗走，東莞從此煙沒........嗚嗚.........當年夜夜笙歌，今日......嗚嗚...........』說到傷心處老坑乙竟抽泣起來。

老坑甲︰『唔好喊啦，正所謂“沈舟側伴千帆過，病樹前頭萬木春”，一個東莞倒下去，重有千千萬萬個東莞﹗』

『係咩？邊度呀？貴唔貴架？無聽你講過噃？』老坑乙眼中又射出陣陣光芒。

『吊，講呢D﹗唔通我練過如來神掌我又話比你聽囉噃。』

欲知後事如何，且聽下回分解。

[ 本帖最後由 廣東-蠻子 於 2014-9-21 09:38 AM 編輯 ]

廣東-蠻子

新手發帖，請多比D意見!

廣東-蠻子

第二回
舟人指點至今疑

詞曰:

布衣中，問英雄，王圖霸業成何用？禾黍高低六代宮，楸梧遠近千官塚，一場惡夢﹗

話説當日兩條天水圍老坑於公園內重覆又重覆咁認屎認屁、口沫橫飛之際，在叧一邊打十五胡之一群老野亦為之側目。呢班老野又比果兩條老坑大幾年，所以唔中意捉象棋而中意打十五胡，此之所謂代溝 (generation gap)也。

老野A: 『喂，果邊果兩條白頭佬做乜野呀？幾廿歲人捉象棋都可以捉到上lun曬頭嘅？』

老野B:『吊﹗好心你戴番個助聽器啦﹗人地講緊當年上東莞常平叫雞呀﹗你冇去過咩？』

老野C︰『超﹗講呢D﹗想當年阿叔上去打救偉大祖國D女同胞果陣屎，渠地兩條友仔都唔lun知喺邊﹗』

老野B︰『喂，乜你識渠兩個個咩？』

老野C指一指老坑甲︰『梗係識﹗撞聾果個叫做簡西聞，卓號“三頭六臂聞西追蹤犬”﹗當年秀荗平邨重建果時搬黎呢度，一住三十幾年。早廿年東莞掃黃打lun正十號風，渠重話渠唔驚照上，話自已識大lun把人，有鐵後臺照住。』

老野A︰『邊個鐵後臺咁巴閉呀？』

老野C︰『吊﹗大鐵人十八號照lun住都冇鳩用啦﹗當年人地總陀主新車落地，好話唔好聽，叫D手足落場跑兩圈攞下彩、洗下太平地啫，你班友仔就好心醒目比下面，收番埋條奔周先啦﹗渠偏偏唔係﹗鳩硬冇親戚，結果就喺常平太子斷正，拉鳩左﹗』

老野A與老野B齊叫︰『哇﹗大lun鑊﹗』

老野C︰『原本冇咁大鑊，當時D公安破門而入，十鳩幾支電筒照住條lun樣同條小護士，喝渠“別動﹗你們兩個在干嘛﹗？”』老野C努力地模仿著強國人的語氣。

『聽講個七頭果陣同條小護士玩緊果式叫做“龍頭鳳尾衝衝衝”﹗』

老野B︰『即係點呀﹗？』老野B情不自禁地嚥了一下口水。

老野C (無限唏噓)︰『即係玩“冰火69”囉﹗唉﹗東莞三＋六式，風雲幻化、博大精深，一時龍游大海，無邊無際﹗一時虎嘯高岡，搉心奪膽﹗.......想當年細佬我亦曾行走江湖，雖成名於三沙一水，然而於常平、樟木頭—帶亦薄有名聲。幸得當時江湖上朋友比面，那卓號“玉面神君小鋼炮”的便是在下...........』

老野C説著説著，語調中竟彷佛帶著無限嘆息，凝神仰望著公園裡老榕樹下一班買餸返家的肥師奶，思絮不自覺地沒入重重回憶之中，迷迷糊糊地，一時咀角盈笑，一時眼泛淚花。

老野A︰『哇﹗勁抽﹗老英雄請受在下一拜﹗』老野A退休前乃係一個打政府稅務局工的公務員，一世人從未溝過女，所以“不知有深圳、無論常平、惠州”。人稱“天水圍第一處男”﹗

老野C︰『想當年細佬我血氣方剛，縱橫於三沙一水，忽然聽聞東莞桑那興起D乜式物式，心想我“玉面神君小鋼炮”又豈是浪得虛名？心中豪氣一生，就唱左－千蚊人仔坐大巴上去，諗住揚名立萬啦﹗』

老野A與老野B︰『跟住點呀？』

老野C︰『唉﹗怎料當日遇著果件卓號“東莞常平女色魔” 號碼383 的OL，一套經名師指點的橫練功夫使將出來有若流水行雲一般，一招比—招狠，一招比—招快﹗細佬接到第一十三式，已漸不支。勉強接到第二十四式，忽然心頭一震，氣往上湧，血往下奔，正想開口叫停，已然遲了.........唉，枉我一世英名..........。』
』
老野A與老野B聽得目定口呆。

老野C︰『當時我瞓喺張床度，問渠“這是什麼招？”個OL女色魔話“東莞三十六式”﹗渠之後仲冷笑－聲，拿紙巾抹—抹咀角話“你能夠逼我用到第二十四式，算不錯了﹗”.............唉﹗俱往矣！......講返條友啦。果條lun樣加埋個小護士當時斷正，仲死撐話“鵝文齋枝邊﹗”(我們在治病﹗﹗﹗)，班公安喝渠話“説什麼﹗説普通話﹗”。唉﹗果條lun樣成日話自己如何如何大樹菠蘿，點知D死人普通話完全唔得﹗渠話“鵝屍山港撚﹗(我是香港人)” ，“鵝文番黎租生衣 (做生意)，瘀果霉鵝文(如果冇我們)，貍文熄匙啦 (你們食屎啦)﹗”，又話“太子輝嬌鵝黎頭枝 (叫我來投資)，渠枝刀鵝山邊 (知道我生病)，嬌烏絲幫鵝枝撩﹗(叫護士幫我治療)”。個公安見呢條港燦咁lun串，一電筒卜落渠個頭度，條友就係咁聾Q左﹗』

老野B︰『係唔係拉去十五日行政拘留？』

老野C︰『係囉﹗』

老野B指一指老坑乙︰『咁另外果條白頭佬又係乜水？』

老野C︰『果條友叫展奔周，江湖上人稱“玉樹臨風召妓小霸王”﹗廿幾年前牛頭角下邨清拆搬過黎嘅﹗』

老野B︰『又一條死窮西﹗果陣掃黃冇掃到渠咩？』

老野C︰『乜冇呀﹗渠仲仆街﹗果陣時.................』

就在此時，簡西聞同展奔周己聽見呢班老野講自己閒話，正一步步地行過來。

寒風凜凜，落葉蕭蕭，兩班死老野對立於寒風之中。殘陽夕照中的天水圍公園，竟透出陣陣殺氣來.........。

欲知後事如何，請密切留意下－回『五陵衣馬自輕肥』。

[ 本帖最後由 廣東-蠻子 於 2014-9-21 09:46 AM 編輯 ]

廣東-蠻子

第三回
五陵衣馬自輕肥

詞曰:

簾外雨潺潺，春意闌珊。羅衾不耐五更寒。夢裏不知身是客，一晌貪歡。獨自莫憑欄，無限江山，別時容易見時難。流水落花春去也，天上人間。

上回講到，當日寒風凜凜，落葉蕭蕭，兩班死老野對立於寒風之中。

『羅友恆﹗你屎忽痕呀？你冇lun叫過雞呀﹗乜lun野“玉面神君小鋼炮”呀你﹗派報紙就有你份﹗..........』說這話的便是那個“玉樹臨風召妓小霸王”展奔周。

簡西聞附和︰『邊個話我D普通話完全唔lun得呀？你咪又係差唔多﹗唉﹗(自責) 係﹗係我冇運行排錯隊跟錯大佬﹗想當年我契爺“大鐵人十八號”周勇康帶過我去“施施TV”揀女架，我嫌D女主播化妝老土，粉底棉胎咁厚、D衣著又保守，唔lun揀之嘛﹗後來渠比人打左靶之後........嗚嗚.........(吟詩)....楸梧遠近千官塚，一場惡夢﹗.....嗚嗚........』說到傷心處簡西聞竟抽泣起來。

羅友恆︰『挑﹗展奔周﹗我話曬係你師兄﹗我使比面你？冇我你識出黎玩？』

三個阿伯你一言我一語不可開交。就喺呢個moment，忽然落起一陣毛毛細雨，於寒風中更覺刺骨。

老野A (捂住頭髮)︰『唉﹗一人少句啦﹗大家話曬一場師兄弟﹗我個假髮唔濕得水架﹗有數聽曰至講啦﹗』原來展奔周同羅友恆兩人係同一個師傅教出黎，都係“肉”字輩嘅“笑能派”門人。D人唔知道以為係個“玉”字。

展奔周同羅友恆一齊話︰『陳開心，呢度最冇資格講野果個就係你﹗你叫過雞未呀？』

原來那個“天水圍第一處男”真名叫陳開心，本係油塘灣邨6座人仕，同小鋼炮羅友恆本係老友。但羅友恆呢條友生性鹹濕，曾自謂︰『三日不叫雞，便覺語言無味，面目可憎﹗』正所謂那個少男不懷春？那陳開心雖然幾十年來也有色心一片，然而此人在稅務局打工打得太耐，一講到錢，渠就話“唔得﹗”，所以羅友恆好耐之前已經放棄左叫陳開心一齊北上。天可憐見，那陳開心如今成七張野，頭髮甩Q曬，都仲未叫過雞﹗如今曰曰戴住個曰本仔“花樣男”假髮喺公園打十五胡。

陳開心︰『唉﹗叫雞好貴架﹗』陳開心左手攏一攏耳邊的假髮。

展奔周︰『你冇錢咩？你係退休高官噃﹗』

簡西聞︰『挑﹗我話渠唔lun夠膽就真﹗』

展奔周︰『阿Happy哥，你如果肯戴住個白金色嘅“花樣男”假髮同我地去東莞，我全程請你食請你玩又點話吖﹗』

陳開心一張白滑如絲嘅面疍竟忽然紅起上黎。

羅友恆望一望陳開心，對展奔周話︰『吊﹗你大鳩我地呀？咪lun鳩up嘞﹗呢個星期六一齊上去﹗』

如是者展奔周、簡西聞、羅友恆三個白頭老坑如箭在弦，加上一個假髮“花樣男”老伯伯陳開心半推半就，一行四人逐磨拳擦掌，摘日起行。

（場景1）(背境音樂︰秋官汪阿姐賀歲金曲“歡樂年年”)

花開花落，冬去春來，正是人間三月天。呢朝早的香港上水火車站，依然人來人往。火車站二樓果間“些分易呢墳”數十年如一日，多人到嘔﹗有D人買報紙，有D大陸自由行師奶喺度等人。這時人叢中徐徐走來三個老人家。

自由行師奶A (普通話)︰『小玲小玲﹗你看看那邊那三個老頭﹗』

自由行師奶B (普通話)︰『哪裏呀？』

師奶A ︰『那三個穿Nike運動服Puma運動鞋的白頭老漢呀﹗』

師奶B用塗滿紅色指甲油的右手托一托眼鏡，輕叫了一聲︰『噢﹗我以為他們在干嘛﹗原來在挑避孕套﹗』

師奶A 咀角撇了一下︰『哼﹗想不到香港回歸我們中國幾十年，香港人還是那麼賤骨頭﹗想當年老娘在樟木頭，哼哼﹗算他們再年輕四十年，怕也受不了老娘三招﹗』

師奶B︰『你啥時候去過樟木頭？沒聽你説過﹗』

師奶A （不知所措）︰『......好啦好啦﹗不説這個啦﹗咱們去看房子去﹗.......』

鏡頭zoom開，在背境音樂襯托下，三個老人家收好避孕套，徐徐消失在人群中.......

欲知後事如何，請密切留意下－回『忍看圖畫移顔色』。

[ 本帖最後由 廣東-蠻子 於 2014-9-21 09:48 AM 編輯 ]

廣東-蠻子

多謝支持﹗近排香港氣氛低迷，寫D野娛樂下大家﹗

廣東-蠻子

文迪兄，多謝賞面﹗
你篇大作好勁，Ｄ相又正﹗
睇黎大家係同一個年齡層，因為見你第三回果個“滑雪”嘅橋段。
構思中我篇野後尾會有D sad，比近排D大氣候影響左。

廣東-蠻子

第四回
忍看圖畫移顔色

詞曰:

真可恨﹗昨夜夢魄中，猶似舊時遊上苑，車如流水馬如龍﹗花月正春風﹗

上回講到，當日四條死老野淫心大起，相約於上水火車站北上再戰江湖﹗廢話少講，去片﹗

（場景2）(背境音樂︰“紅燈記”大羅大鼓 mix with 強國民歌 “我的祖國”)

鏡頭一轉，轉到“上水人民公園”。昔曰嘅上水公園唔單止改左名，以前綠樹環抱、小徑通幽的環境，如今亦已全部拆清剷平，改成一個大廣場。廣場東面卻新建一大座紅色仿天安門城樓，城樓牆上掛著689大大幅死人相，下掛—行紅色簡體字標語“新香港人民站起來了﹗”，“把香港打造成新的超級國際大都會﹗”。

(鏡頭A) 廣場上一班撈鬆師奶在一片強國民歌“我的祖國”音樂中大跳健康舞。另一邊又有一班撈鬆師奶在文革樣板戲“紅燈記”的大羅大鼓聲中玩健身操。

撈鬆師奶甲（流著汗）︰『小紅，咱們等會上哪兒去食早飯？』
撈鬆師奶乙（吁著氣）︰『天天去半島酒店好賸啊﹗我說咱倆今天改個地方好不？』
撈鬆師奶甲︰『咱倆上Sheraton去﹗』
撈鬆師奶乙︰『行﹗』

這時廣場上的揚聲器發出錄音廣播（普通話）︰『同胞們﹗同志們﹗早上好﹗新香港人民站起來了﹗梁首長教導我們，堅持黨的領導﹗堅決執行對港澳特區的統一工作﹗堅持接受祖國母親對特區同胞們的關懷愛護一百年不變﹗同志們﹗千萬不要忘記階級鬥爭﹗.......』

(鏡頭B) 廣場西面行人路上泊左幾架藍白兩色政府執勤車，車頭上一律印住“特區城管”四個大字，車身兩邊卻印住“打造文明威武之師”字樣。行人路上幾十個穿制服的人員圍著一架小販車，生果倒滿一地。金毛港男小販爬在地上，流著血的頭被一個城管用腳踩住，旁邊一個幾歲大的小港女在嚎啕大哭。

城管（普通話）︰『我操﹗你們香港人就是賤﹗你媽個B﹗狗改不了吃屎﹗誰讓你在這兒擺攤吶？知不知道我是誰？月費繳過了沒有？』

金毛港男︰『大佬﹗俾次面吖﹗大佬﹗』

小港女抱住城管隻腳︰『唔好打呀﹗唔好打我老竇呀﹗』


（場景3）(背境音樂︰伊健果首“古惑仔”主題曲響起︰“...來忘掉錯對﹗來懷念過去﹗曾共渡患難曰子總有樂趣﹗.......”)

上水火車站“尾心”快餐店內，展奔周、簡西聞、羅友恆在食早晨全餐。

展奔周︰『....漝漝漝﹗(狼呑虎嚥）........哇﹗正﹗好味﹗.......』
簡西聞啜了一口咖啡，喃喃自語︰『108﹗你而家喺邊度呀﹗你有冇掛住我呀﹗......』
羅友恆左手拿著手提電話，右手隻叉叉住件煙肉︰『阿Happy哥，而家幾多點呀？講lun左九點鐘喺上水尾心集合家嘛﹗.....乜話？.......唔lun識路？....未返過大陸？...吊﹗搭的士啦﹗........』

星期六的尾心不論堂食定外賣一律排長龍，密質質幾十人圍住。

尾心經理（大陸移民）高聲講普通話訓斥著一個地中海中年港男㕑工︰『快點快點﹗給我快點﹗你勤快一點不成嗎？回頭你再是這種速度，仔細你的皮﹗』

地中海港男㕑工（細細聲自言自語）︰『吊﹗做又三十六，唔lun做又係三十六﹗』原來數十年間香港的最低工資只係升左六蚊﹗可憐可嘆﹗

尾心經理 (高聲)︰『講什麼？講普通話﹗死港燦﹗香港回歸咱們中國三十幾年吶﹗還是不長進﹗我們單位黨委書記去年不是已經給你們發了內部指引了嗎？』

尾心經理從衫袋入面攞左張紙出黎 (朗聲)︰『....為了進一步配合祖國的偉大統一，與及進一步完善香港特別行政區的繁榮安定，與及對中港人民的堅定友誼予以進一步深化（作者按︰一堆廢話﹗）...........現在宣佈本單位所有前線工作人員必須嚴格規定使用普通話﹗』

地中海港男㕑工低頭無語，繼續切牛扒、洋蔥。

羅友恆︰『喂，師弟，你認唔認得果條友？』

展奔周︰『邊鳩過呀？』

羅友恆︰『哩，啱啱比條撈鬆經理吊完果個廚房佬呀﹗』

展奔周拿出老花眼鏡再看，腦中忽然閃過三十年前的一幕，驚叫︰『哇﹗竟然係渠？﹗』展奔周望住尾心條人龍，幾十年前的一幕幕往事彷彿重現眼前﹗

羅友恆︰『Happy條友仔都唔知會唔會甩底﹗唔好嘞﹗都係揾定個士啤炮兵穩陣D﹗』原來班老野諗住四個人坐火車可以一齊坐卡位，順便買副啤牌耡大D。

（場景4）(背境音樂︰樂隊Eagles果首“Desperado”響起)

狹小的尾心廚房一片繁忙，洗碗碟聲、煎雞蛋炸豬扒的油煙、混和著一片斬瓜切菜的聲音。
(半身鏡頭)中年港男廚房佬正在低頭煎牛扒，撈鬆經理的咒罵聲仍從遠處隱約可聞。

羅友恆望望左右，拍一拍中年港男廚房佬膊頭，壓低聲音︰『藤Sir﹗好耐冇見﹗乜咁梅呀﹗』

中年港男廚房佬側身望住羅友恆望左三秒，驚喜，但因怕講廣東話比撈鬆經理聽到唔方便，於是講英文︰『Hey﹗See who is that! 師叔﹗How have you been？Wooooo Hoooooo﹗Hey﹗What a nice jacket﹗Where are you going？』

羅友恆直視著港男廚房佬雙眼，壓低聲音講左兩個字︰『 Dung Guan﹗』

羅友恆語句雖短，然而堅定的眼神之中傳透出無限message，省去了千言萬語﹗港男廚房佬身體禁不住打了一個冷震，彷彿己明白了—切。那港男廚房佬發了一陣呆，思絮沒入一片片歷史回憶之中，一幕幕笙歌妙舞、左捅右抱的情境如在目前。原來渠當年去東莞莞城唱K帶女入房過夜，比公安掃場拉左，行政拘留左十五日，然後叫渠屋企人上去接渠走，返到香港連份差佬工都冇埋﹗心諗揸槍同揸刀都係差唔多啫，於是走左去打廚房工。

港男廚房佬諗左一陣，笑容收斂左，吐出一句︰『 No la......I am sorry .....Man.......I am not going.....maybe later la.......』

羅友恆迫視著港男廚房佬雙眼︰『What is your problem?』

港男廚房佬︰『....I've got girlfriend now.......Jenny will not let me go.....』

羅友恆︰『Who the fuck ask you to tell her？』港男廚房佬受不了他師叔的壓力，回過頭避開羅友恆犀利的眼神。

羅友恆眼神緩了一緩︰『 OK OK! ....Tell her you go there for a medical body check, alright？』 此時又傳來撈鬆經理的一句句咒罵聲，且越來越近，煎板上的牛扒已開始煎濃，傅出陣陣焦煙.....。

撈鬆經理︰『賤骨頭﹗誰讓你説話呀？(看著煎板)哎哎哎﹗你在干嘛呀﹗﹗....你媽個B !﹗!.....』焦煙觸動了煙霧探測器，尾心警鐘響起!
羅友恆眼中一道寒芒射出︰『Go or not go﹗？』

飽受屈辱的港男廚房佬再受不了撈鬆經理的咒罵︰『OK! I'm your man! Fuck it! I am not doing this fucking job anymore! Fuck it!』

羅友恆︰『You have five minutes. See you at the front door!』


（場景5） (背境音樂︰“古惑仔”主題曲再次響起!)

三個老人家站在尾心門口，尾心警鐘長鳴，背境音樂下港男廚房佬步至(慢鏡)。

展奔周望著港男廚房佬︰『好耐冇見﹗』

地中海廚房佬︰『小霸王師叔別來無恙？晚生藤家英有禮﹗』

簡西聞︰『原來係昔曰名震江湖嘅少年英雄“古法通屎渠霹靂無敵奔雷手”加藤鷹﹗失敬﹗失敬﹗』原來藤家英在“笑能派”中是“古”字輩門人。

藤家英望一望簡西聞︰『都係Ｄ江湖朋友比面啫﹗未請教這位大哥怎生稱呼？』

羅友恆︰『呢個就係我成曰同你講起果個“三頭六臂聞西追蹤犬”簡西聞囉﹗渠當年同你－樣，都係比公安........』簡西聞搶答︰『叫我Simon得啦﹗』

鏡頭zoom開，在背境音樂襯托下一個戴白金色假髮的老坑徐徐步至(慢鏡)。

欲知後事如何，請密切留意下－回『夢裏不知身是客』。

[ 本帖最後由 廣東-蠻子 於 2014-9-21 09:52 AM 編輯 ]

廣東-蠻子

多謝賞面﹗請多D比意見啦﹗
廣東話係精密準確而且實用嘅語言，第四回裏面果D英文對白句句都可以用廣東話復述﹗

廣東-蠻子

第五回
夢裏不知身是客

詞曰:

良辰美景奈何天，便賞心樂事誰家院？ 朝飛暮卷，雲霞翠軒，雨絲風片，煙波畫船。 錦屏人忒看的這韶光賤！

上回講到，當日因緣巧合，三條港燦於上水尾心重逢藤家英。羅友恆正想撇甩遲大到的Happy哥出發，就喺呢個moment, 花樣男老伯伯陳開心施施然到步﹗我地繼續去片﹗

（場景6） (背境音樂︰仍然係“古惑仔”主題曲! )

陳開心木囗木面，一頂新買的白金色“花樣男”假髮於人羣中閃閃生輝，非常“吸睛”。四人看著陳開心個死人賣萌樣，一時間竟然全部“O”撚矖咀冇撚曬野講，現場氣氛彷彿凝結了一般﹗

展奔周心中暗叫了一聲“不好﹗”︰『....吊﹗唔lun使咁lun Serious嗄嘩﹗我話我請啫，條lun樣即刻 set “恆”曬個頭同我搏老命﹗呢鑊大出血咯﹗....』

簡西聞即時呆左︰『What the fuck﹗ ...唔lun好話你識我呀仆街﹗...』

羅友恆當堂不知所措，眼神驚恐如見鬼魅（作者按︰你地有冇睇過西片“驅魔人”呢？），口中不住喃喃咒罵︰『Shit﹗....Bull Shit﹗ ....What a piece of fucking bull shit﹗....』

藤家英最後break the ice︰ 『.....呢個係你地朋友呀？』

羅友恆、展奔周、簡西聞即時同步回過身去︰『行喇行喇.....過曬鐘喇......』

鏡頭zoom開，老坑們又沒入人羣之中，“古惑仔”主提曲 再次move in “...來忘掉錯對﹗來懷念過去﹗曾共渡患難曰子總有樂趣﹗.......”

（場景7）(背境音樂︰臺灣金曲“愛拼才會贏”)

上水火車站閘口，人來人往，一車車南下的強國人民出閘。閘口處圍滿一班港佬、港女。

港佬A攔住一個大陸佬，強擠著一副笑臉︰『先生去邊度？坐唔坐車？我架車啱啱落地﹗新車黎架﹗......』

小港女B順勢企晌一班大陸佬旁邊，重覆又重覆︰『哥哥幫我買支花吖﹗哥哥幫我買支花吖﹗哥哥........』

港女C向大陸佬拋了個媚眼 (細細聲)︰『去不去？去不去？』

大陸佬（高喊）︰『走﹗走開﹗滾﹗媽那個B﹗都他媽的給我滾﹗.....』

展奔周︰『唉﹗真係折墮﹗』
簡西聞︰『唉﹗三十年河東，三十年河西﹗』
陳開心伸手攏一攏耳邊的假髮︰『喂，羅友恆，你睇睇我個假髮有冇吹亂到呀？』
羅友恆︰『你驚自已仲唔夠靚仔咩﹗唔使驚噃﹗東莞係我地主場噃﹗有我喺度唔驚揾唔到女﹗』

如是者班老野一個個入閘，藤家英行收尾，拿著八達通的右手忽然間震左一震，八達通跌左落地。渠執番起張八達通再入過。

在往羅湖的火車上，藤家英滿懷心事地低頭望住自已隻右手，一言不發。

展奔周從衫袋入面攞左盒鳩笠出黎︰『喂，加藤鷹﹗接住﹗』講完將盒鳩笠拋比藤家英。

(慢鏡，背境音樂停，轉為心跳聲) 藤家英伸右手一接，卻接了個空，盒鳩笠“啪”一聲跌左落地﹗展奔周回頭一看，只見藤家英痛苦萬狀，臉上滿是豆大的汗珠，強忍著痛苦抱著不斷震斗的右手﹗

昔曰名震江湖嘅“古法通屎渠霹靂無敵奔雷手”加藤鷹，其成名絶技“一指定中原”曾令不知多少OL、Model、Secretary 等命喪當場。“少年子弟江湖老”，歲月不留人，不想今曰的地中海港男藤家英，一雙奔雷手竟已二廢其一﹗

(背境音樂轉為死鬼張國榮嗰首金曲 “當年情”）

羅友恆徐徐脫下了帆布鴨咀帽，望住藤家英，眼泛淚光︰『家英﹗你比我D email唔係咁講𠺝﹗.....』

藤家英忍住淚水，強作歡顔︰『冇野﹗做廚房佬係咁㗎喇﹗曰又切，夜又切﹗而家D公司高層同以前唔lun同㗎喇﹗強國果D所謂高層管理人員，個個扮lun曬強國高音歌唱家，凈係識企喺度叫你“快D﹗快D﹗加大力度﹗”。我心諗如果阿Jenny叫床果個tone有渠地一半，幾大就幾大，我一定入個五波踩恆油，壯士斷臂都同渠死鳩過啦﹗.......唉﹗我隻右手而家揸菜刀一曰切成十個鐘，有乜辨法唔殘吖﹗』

(鏡頭搖向車廂外的影色，背境音樂run到“.....今曰我，與你又試肩並肩，當年情.....”）

陳開心（細細聲）︰『其實乜野叫做“古法通屎渠”呀？』

展奔周（細細聲）︰『即係唔用架生，唔落通渠水，連手套都唔戴，落白手去通條屎渠咁解囉.......』

（場景8)

五人隨著人群徐徐步出羅湖過境大樓。大樓前的廣場數十年如一日，一排零售商店，賣茶葉茶具、賣電話、波鞋、老翻影碟，洗腳、按摩、整牙、快餐等等各式各樣應有盡有。街上多的是外國遊客、金毛、黑人，卻絕少香港人。

廣場邊上豎起幾個大廣告燈箱。五人隨便一看，廣告poster內站著一個穿西裝的五十來歲強國男人，一頭烏亮的頭髮梳著強國領導人的typical“大風吹”髮型，一副君臨天下的樣子。旁邊立著一個蛇頭鼠目滿臉鬍鬚的歐美男人，穿著白袍，尖鼻上架著一副眼鏡，一臉嚴肅地豎起母指向著強國中年男，廣告標題“西方高尚品牌﹗打造高貴人生﹗”下卻寫著“要與西方女性接軌，專貴的您不能沒有致好三鞭丸﹗經美國賓州大學亜洲人類性器官研究所臨床驗証，能有效提高性能力﹗”

另一個廣告牌畫面內卻趴著一個只穿內衣的金髮鬼婆，一雙媚眼半開半閉，斗大的廣告藝術字寫著“打布喀皮勒絲”，“西方著名內衣品牌”。

陳開心望一望個牌子名︰『乜野“打布喀皮勒絲”呀？都未聽過﹗黛安芬我就知﹗』

簡西聞︰『即係 “Double Happiness”譯音。』

陳開心︰『乜野Double Happiness？』

簡西聞︰『即係“紅雙囍”囉﹗儍佬﹗』

可憐一個堂堂五千年文明古國，“繼承中華文化”、“發揚傳統智慧”等口號年年月月掛在強國人咀邊，如今卻貼貼服服心甘情願地做精神上的洋奴﹗

羅友恆︰『喂，趕時間呀﹗唱錢先﹗』

展奔周望一望找換店個水牌︰『哇﹗有冇攪錯﹗一百蚊對三十二個半﹗唔怪得知而家冇人返大陸啦﹗』

簡西聞︰『好耐㗎喇呢個價位﹗』

當下展奔周、簡西聞、羅友恆、藤家英一一唱錢，剩下假髮“花樣男”陳開心於一旁垂手呆立。

展奔周︰『Happy，你唔唱呀？』

陳開心︰『我唔使唱，我阿媽比左幾百蚊我。』

鏡頭下五個白頭佬的背影走遠.....

（場景9)

深汌火車站。一行行排隊買票的人龍。LED螢幕不住打出火車班次時間、目的地、票價等。
羅友恆叫住了一個大堂工作人員，一口“廣普”破腔而出︰『喂喂﹗苦烏丸﹗前溫河蛇烤齋那里埋飄？』（作者按︰原話係“服務員﹗請問和諧號在那裏買票？”）

個工作人員原來係廣東妹，一臉不悄地伸手指一指大堂遠處︰『衛生間旁邊果個櫃位﹗』

羅友恆︰『唔該曬﹗』

工作人員撇一撇咀角，斜眼望著五條急急腳走左去排隊的老野︰『正一出土文物﹗重著Nike風褸Puma鞋﹗』

（場景10）

展奔周望住個LED螢幕，裝作稀鬆平常咁話︰『喂唔該﹗位位一百﹗』

當下簡西聞、羅友恆、藤家英三個人各自從衫袋入面攞左張紅色一百蚊老毛出黎，獨剩那“白金假髮男”陳開心，一動不動。

展奔周︰『喂﹗你呢？』

陳開心右手抹一抹額前的一縷秀髮，好認真咁講︰『你話你請嗰噃。』

展奔周突然收起笑容，一雙眼寒光四射︰『係咪玩認真呀？』

陳開心︰『句野冇人迫你講﹗』

展奔周︰『你包鳩笠仲喺我度﹗』

陳開心︰『我自已買左﹗』

（畫面定格，背境音樂“無間道”前奏曲響起﹗）

話説展奔周自今朝早於上水一見陳開心個白金頭，心入面已經唔lun知暗吊左幾多句“Shit!”、“Fuck﹗”、“Bloody Hell﹗”等等，諗住之後隨機應變、拆得幾多拆幾多啦。不想那陳開心可謂大巧若拙、大智若愚，全程依舊都係果個死人style，兩目豬視，雙手下垂，一片紅唇若啟若閉，偏偏一路冇提起當日公園內果條屎忽數。展奔周老鼠拉龜，無從下手，心中連呼不妙﹗直到要買河蛇號火車飛，展奔周福至心靈，來一招引蛇出洞﹗

當下兩大高手過招，小霸王展奔周足智多謀，第一處男陳開心不動如山，兩人四目相持，那十幾秒間竟再沒一言半語，另外那三條老野一時間亦插唔到咀，現場氣氛直迫至最高峯﹗......

簡西聞拉開陳開心︰『......吊﹗大家出得嚟玩，最緊要開心啫﹗唔lun好斤斤計較果一百幾十啦﹗......』

羅友恆亦拖住展奔周︰『.....師弟，算啦﹗比面我﹗一人少句﹗比面我﹗.....』

藤家英福至心靈，夾硬拆︰『聽講而家處男返大陸叫雞唔使比肉金㗎﹗好似話仲有封利是收㗎﹗』

陳開心︰『嗱﹗你話㗎﹗』

藤家英當堂打左個凸，心諗呢鑊拿屎上身﹗那展奔周心中卻喑喝了一聲啋﹗

到底2034年嘅中國大陸會變成點樣？東莞又會唔會仲係繁花似錦？五條尋夢的老港男會有乜野遭遇？“三頭六臂聞西追蹤犬”簡西聞又會唔會見番小護士108呢？

請密切留意下一回『彫欄玉砌應猶在』。

[ 本帖最後由 廣東-蠻子 於 2014-9-21 09:57 AM 編輯 ]

廣東-蠻子

多謝賞面﹗師兄過獎啦﹗
其實在下一路寫，心情—路都好唏噓﹗第—回里果段對白︰『想當年人仔對一一幾，港男返到大陸個個變皇帝君臨天下一樣。後來升到得番七十幾，Ｄ老戰友開始一個個金盤洗手退出江湖。唉﹗點知2014一個東莞大掃黃，雞飛狗走.....』都係自己心底説話.....
我地呢D香港中坑一向唔興講政治，不過政治就揾我地黎搞。

[ 本帖最後由 廣東-蠻子 於 2014-3-3 04:30 PM 編輯 ]