「……………」 Ronald已經講完, 而全班人亦正鴉雀無聲咁望住仲係呆哂嘅我, 「Miss, Miss, 呀 Ronald 佢講完嘞, Miss……..」
「Miss, Miss……..」 我突然醒左一醒, 「哦….講完嗱….係呢, 咁之後…跟住…又點呀?」 Ronald 同我講, 「Miss, 跟住我就好似妳而家咁成個人呆哂, 之後我就唔敢再同果啲中國人女仔響埋一齊, 我覺得自己實在太唔了解佢地……….」
我企左起身上前捉住 Ronald 隻手臂, 我抬頭望住佢, 「Ronald, 件事其實係唔關你嘅事, 溝通唔到同好悶就只係一個借口, 問題就只係有啲人鍾意貪新忘舊, 但到最後就攪到身邊嘅人以後都要過住啲萬劫不復嘅日子……」
呢個時候, 落堂嘅鐘聲響起, 眾人即時就上前冤住我, 「Miss, 不如妳繼續教埋我地啦!」「Miss Chan Chan, 妳好得呀, 呢, 繼續教我地啦!」 「Miss, 唔好剩係代一日課啦, Miss!」我仲係呆呆咁向佢地苦笑左一吓。
同班學生搭 lift 落到樓下, 正有啲心情低落住嘅我, 突然之間個膊頭比人拍住, 我回望一吓, 係 Ronald。
Ronald 正比住個手指公我, 跟住就再用啲唔咸唔淡嘅口音咁黎同我講, 「Miss, 妳好得呀, 我聽完妳講都覺得個問題都唔係響我身上….」 我又再望住佢苦笑住。
「係呢 Miss, 唔知我可唔可以同妳一齊去飲杯野咁呢? 其實我係好鍾意同妳地呢啲咁靚嘅東方女性一齊, 但就係唔知應該點樣先可以同妳地叫做溝通得倒!」
同 Ronald 一齊行左去附近嘅一間酒吧度, 我今晚有啲想醉, 我叫左杯威士忌正響度自隊, Ronald 好似察覺到我嘅不快。
「Miss 妳係唔係唔開心呀?」 我笑住咁搖一搖頭,「Ronald 或者你都係叫番我個英文名 Jenny 好啲!」 呢晚, Ronald 講左好多佢同佢老婆嘅事比我知道, 同埋之後果段頹廢嘅日子佢到底係點樣硬撐住落去。
簡直就係身同感受, 可能係有的酒意嘅關係, 再加上 Ronald 係外國人, 所以, 今晚我居然首次向人提起左我段過去嘅不快經歷。
「唉 Jenny, 原來妳同我都係一樣發生左的咁嘅事, 咁唔怪之得妳好似咁清楚同知道我嘅感受咁啦,不過 Jenny算啦, 件事都過左咁耐, 而且妳而家嘅生活都算係過得幾好咁吖, 不過講真, 成件事講左出黎之後, 我覺得而家個人就真係好似舒服左好多咁……」
我繼續心煩住咁自隊緊, 「係呢Jenny, 我覺得妳真係好叻呀, 而且妳個人仲係生得好靚, Jenny, 我而家真係有啲鍾意左妳咁!」
已經有啲七分酒意嘅我, 聽到 Ronald 咁講都已經比唔到啲咩反應佢, 「Ronald, 不如我地走咯!」 Ronald 扶住有的腳步浮浮嘅我, 正行去行人路邊準備截住的士。
上左車後, 「Jenny, 妳係住響邊架?」 我醉住咁求其答番住佢, 「是旦啦, 我屋企都無人響度, 咁就去你屋企度瞓住先啦….」 我繼續咪埋對眼,而Ronald就無哂我辦法, 跟住的士就唯有向住佢嘅屋企方向進發。
Ronald 扶住我上左樓之後, 入到屋內, Ronald 正半扶半抱住已經唔願行嘅我去到房內, 「Jenny, 呼, 好重, Jenny, 妳就瞓響我張床度先啦, 今晚我就自己瞓響梳化度就得架嘞!」我已經撻左響床度無哂知覺。
夜半時份, 朦朧之間我紮醒左, 我爬住起身咁去開門行出廳外, 望住 Ronald 正響梳化上熟睡當中, 我行埋去佢嘅身邊拍住佢, 「Ronald, Ronald, ,喂, 殊, 你入番房度瞓啦….」
Ronald 比我搖醒左, 「唔……Jenny….咩係妳呀, 得架嘞, 我就響呢度瞓得架嘞!」 「喂, 唔好響度瞓啦, 入便張床夠位呀, 我地就一齊入去瞓啦!」 我拉住 Ronald 起身。
房內, 我同 Ronald 正側身瞓響床上互相對望住, 兩個曾經都係同是天涯淪落人, 響呢一刻, 就好似正用眼神互相咁安慰住對方一樣。
面額同身軀開始慢慢地移近, 四唇亦即將準備互相緊貼, 兩個似乎都已經等左好耐嘅人, 眨時間, 床上嘅我地二人就已經緊緊地咁擁吻住起黎。
[
本帖最後由 mandy2013 於 2015-10-5 03:49 PM 編輯 ]