帶原者唔等於會病發,無知先以為係生人勿近,我承認個人唔鍾意男同性戀者,但係接受佢地因為先天同後天因素先同所謂"正常男人"唔同。閣下嘅勇氣,承擔同希望幫人嘅人類善良本性實在好值得尊敬,支持同鼓勵!:smile_o12:
希望您可以勸導吓D後生仔追求肉體快樂好正常,但一定要確保雙方安全同開開心心!當然精神責任亦好緊要,心靈傷害嘅毀滅能力分分鐘強過肉體傷害!
我本來係晌度嬉戲啫,但係神推鬼㧬終於睇晒所有回覆...誠心呼籲各位呢個係罕有認真帖,想玩有好多其他帖可以玩,好多謝!亦都厚顏請求各位唔好再問樓主關於佢 partner D 嘢,樓主晌度分擔緊真正有需要人嘅焦慮,但唔係將私隱展覽!特別係佢 partner嘅私隱!Sorry!唔係指責任何人特登咁做!再三懇求各位俾番呢位咁勇敢嘅人應有嘅空間。鄙人叩謝!
祝亞Chris您同partner唔只聖誕,係日日都快樂!以後一切都順利!:smile_o07:
[ 本帖最後由 at9413 於 2014-12-23 05:05 AM 編輯 ]