tigerpacific

#1, #3, #7, #10, #12, #13, #17, #18, #21, #22, #24, #25

舊年十月頭, 公司派我去首爾做job 一個星期, 嗌我自己揀日子飛…!
夜晚, 我上網睇緊機位同揀酒店嘅時侯, 我IG叮叮一響, 係阿欣msg我
(阿欣, 係我三, 四月時喺IG 識返黎嘅國泰空姐, 我地經常msg 同講電話, topic都係圍繞喺攝影, 旅遊同食嘢, 有時都會曖昧下, 但就從無講過咸濕野~~)

嗰晚, 阿欣剛落機打俾我- - - - - -
我: “Hi Miss Yan, coffee or tea?”
欣: “咪低b啦, 有咩攪呀?”
我: “睇緊酒店呀, 要去Seoul幾日~!”
欣: “幾時飛呀?”
我: “下兩個星期, 但未決定邊日去, 而家揀酒店先~!”
欣: “住梨大新村囉, 平靚正~!”
我: “睇下啦…又要睇價錢, 又要睇地點, 又要睇地鐵路線…最緊要, 睇間房個樣~!”                             

我地傾首爾d地方同食肆~! 佢一路講, 我一路search, 我一路“ok 喎….ok喎~!”, 佢就一路”係呢…?! 係呢…?!”,
傾到佢返到屋企, 收線, 大家做自己嘢~! 我最後揀咗梨大嘅 H.I.P. Hotel, 各位可以上網search 黎睇, 有個按摩池的~!

隔日, 我打俾阿欣, 但佢電話off咗, 即係唔喺香港啦, 算~! 我喺 IG post 咗一句, “HIP, xx號見”~!
幾日後, 阿欣回咗句“enjoy”, 我見佢覆, 就轉頭打返俾佢…..
對話間, 我feel 到佢對我嘅行程好好奇, 問我d行程多過問侯我, 而佢亦諸多意見(善意), 又話點, 又話咁….
我就隨口爆咗句- - - - - -
我: “唔啱妳跟埋黎帶我行吖~!?”
欣: “你就想, 我唔會囉~!”

到咗星期日晚(我搭星期一早機), 我IG “叮叮!”- - - - - -
欣: “OverOver”
我: “Call you, ok?”
欣: “Sure”

我打俾佢, 第一句- - - - - -
我: “係咪回心轉意呀?”
欣: “無喎~!”
我: “係咪有surprise 呢?”
欣: “都無喎~!”
我: “Fine…妳唔使飛呀?”
欣: “Stand by 緊呀~!”
我: “Aaii…如果妳跟埋去就好啦, 我得一個人咋…悶爆~!”
欣: “你想咩?”
我: “Ok 架, 我都係去行行企企, 兩手舉起啫…~!”
欣: “你都無約我……”
我: “點知妳幾時飛首爾唧?”
欣: “Seoul見啦, 傻佬~!”
我: “唔係呀話? 真係架?”
欣: “你把聲係興奮定係無奈呢? 唔想算~!!!”
我: “我興奮到彈…起啦緊係.....~!! 妳幾時去呀?”
欣: “星期四早機~! 其實我一早知嘅, 我無講啫~!”
我: “咁妳係即日返定過夜呀?”
欣: “Stay 2晚~!”
我: “咁妳地住咩酒店呀?”
欣: “唔講~!”
我: “Ok, anyway, 妳有sim 架啦?!”
欣: “無喎, 做咩呀?”
我: “咁如果出到街, 我點….搵……妳……...呀?”
欣: “你諗辦法囉~!”

再吹多陣就收線了~!
雖然佢主動同我講佢都會去…而我亦有諗埋d咸濕野, 但係, 我都係諗下啫, 未必會上佢, 就算我上, 人地都未必係咁諗架嘛~!
嗰晚我好忐忑 , 我真心有一大……堆性幻想嘅畫面喺個腦到, 不停load, 不停refresh, 不停出現, 不停想實現……..
同時, 又攰又眼瞓嘅弟弟, 就好似BB 咁, 扎醒咗一下, 跟住又瞓返, hahaha….一下啫, 無醒晒~!


其實喺Seoul頭兩晚返到酒店都有同阿欣 msg 嘅, 都係send下d酒店相呀, 食物相呀俾佢睇…
但到咗星期三晚, 即係阿欣飛Seoul 前一晚, 我去完汗蒸慕, 12點到返到酒店, 我 Line msg 佢- - - - - -
我: “聽日點搵妳呀?”

佢無覆……我隔半個鐘打一打俾佢, 電話唔通, 再隔一個鐘, 都係唔通~! 我無嬲, 我無憫, 我無無奈, 我好平常心, 可能佢飛咗, 未落機啫~!!
臨瞓前, 我喺IG upload 咗張cafe 相, 因為我知佢日日都上去望一望, 同埋寫咗“聽講三清洞間BeansBins Coffee環境靚, 等我聽晚7點去睇睇先, See You~!”,
希望佢明我講乜啦~!


待續...

[ 本帖最後由 tigerpacific 於 2015-4-12 05:34 PM 編輯 ]

hongkongboy2046

支持支持。期待後續。

tigerpacific

希望佢明我講乜啦~~~

第二朝, 我伸手攞手機睇睇…...Line 無覆, IG 無反應……哩一刻, 我心急了~! 一黎我唔知佢update 嘅
schedule, 因為可能有同事無啦啦有急事要同佢調更; 二黎我自己都有嘢做, 我都要就時間架嘛~!

(( 如果俾著係你地, 你地會去三清洞等對方嘛? ))


我做完嘢都差唔多黃昏嗱, 我搭的士返酒店放低d嘢, 過橋時, 黃光從左邊窗口打入黎, 我望咗幾秒, 係幾靚嘅~!
我不禁合埋眼, 聽住歌, 心諗: “妳去咗邊呀?”
返到酒店, 我沖咗杯咖啡, 雖然我唔知阿欣今日黎唔黎得成首爾, 我唔知佢有無睇到IG個留言, 我亦唔知佢睇完會唔會去cafe…..
但係, 當然, of course, 我都選擇咗去三清洞啦~!

6:30pm, 我到咗三清洞下面山腳, 我一路慢步行上去, 一路影下相, 一路昅下女, 一路留意撞唔撞到佢~!
7pm, 我到咗BeansBins 嗱, 我入去兜咗個圈, 的確, 佢唔喺到~! 我出咗去出面露台嗰到坐住等佢, 露台係對住門口, 邊個黎, 邊個走, 一定睇到~!
天氣有d凍, 但係, 個feel 好正~等一個唔知會唔會黎, 而又未見過真人, 但又好似熟絡嘅女仔, 不安得黎有D剌激, 傻氣得黎又有d浪漫, 起碼唔會好似等居屋抽珠珠咁有壓力先啦~!!

7:15pm…..仲未見人, 7:16pm…..7:17pm…..時間一分鐘一分鐘咁過, 相對地, 時間一分鐘一分鐘變成歷史…..
7:2Xpm, 有兩個女仔行上樓梯, 有d似, 係咪佢呢? 但兩個人嘅?? 係咪佢呢???......係嗱~!!!! 係佢嗱~!!!!!!!!


佢眼大大, 面尖尖, 笑笑口, 揮揮手行過黎, 佢真人, 一個字~~掂~~!


一埋位, 阿欣急急道歉, 話佢個同事約咗朋友仔喺附近, 所以要裝裝身, 加上動作慢, 再加上截唔到的士, 結果遲到…….
我睇得出同事係被冤枉咁笑~!
友: “係呀, 我過黎坐2,3分鐘架咋, 八掛下, 轉….頭就走架嗱……….唔介意呀呵~?”
我: “Ok 呀~!”
我就乘機抽咗阿欣一下水, 話- - - - - -
我: “咁妳又有無裝身呀?”
欣:  (佢望住我講)“我天生麗質”… (佢望住佢個朋友講)”唔使裝囉~!”
友: “好似裝得最耐嘅係妳囉, 唔該~! (朋友視線向下移)”
欣: “點…呀……?”
友: “吖, 話你兩個無野都無人信啦…鞋都一樣架喎~! 夾定架?”
大家哈哈哈吹咗20句都無, 等佢同事走咗, 我同阿欣就………睇餐牌~! 嗌咗個雪糕格餅&咖啡~!


返返位- - - - - -
我: “妳幾時睇到IG 架?”
欣: “尋晚囉, 做咩呀?”
我: “我見妳無覆嘛~~~”
欣: “我突登嘅…”
我: “咁我點知妳黎唔黎呀?”
欣: “我咪喺到囉~!”
我: “咁如果我走咗呢?”
欣: “你唔會走嘅…hmhm…”
我: “妳又知?”
欣: “你唔係想見我架咩? 下?!?!”
我: “O….K…..”(我被說穿了~!)


阿欣佢化淡妝, 正係輕輕畫咗眉, 搽少少胭脂, 塗咗潤唇膏同埋香水, 眼睫毛夠長唔使整, 長直髮左邊界, 約165cm高,
手拎中size手揪袋, 長身格棉褸, 貼腳牛仔褲, 同埋個main point, Tiger Serrano 鞋, 我地今日撞鞋, 十足情侶裝咁 ~!


大家全程講攝影, 趣事, 興趣, 工作….其實都係同平時一樣, 分別只係今次, 係直接d, 快d同埋開心d嘅對答啫~!
而每當講起曖昧嘢時, 個feel都另赦到d, 過程都好ok~!

個雪糕格餅, 我地兩份食~! 就係嗰個雪糕格餅, 經過嗰一餐心理攻略嘅醞釀後, 我地瞬間通電, 我地開始close 嗱,
包括…我餵妳一啖, 佢餵返我一啖;
包括…我試佢杯朱古力, 佢試我杯咖啡;
包括…我問佢“妳今晚去邊呀?” 佢答“未諗呀!”.

待續...

[ 本帖最後由 tigerpacific 於 2015-4-2 09:07 PM 編輯 ]

tigerpacific

引用:

原帖由 hongkongboy2046 於 2015-4-2 01:45 AM 發表
支持支持。期待後續。

多謝多謝...

loyanpai100

支持！

tigerpacific

引用:

原帖由 loyanpai100 於 2015-4-2 07:01 AM 發表
支持！

多謝多謝

tigerpacific

食完, 佢撟住我落樓梯,行街….過馬路,我索性拖住佢行~! 佢隻手, 唔大唔厚, 幾啱size,我地行上去觀景點睇夜景, 我就試下溫, 喺後面攬住佢條腰,佢….受~! 企咗一陣, 佢話-- - - - -
欣: “走咯~!”
我: “咁快? 啱啱上黎咋喎~!”
欣: “好凍呀~!”


我地起行, 佢攬住我手臂-- - - - -
我: “妳有無咩地方想帶我去呀?”
欣: “而家?”
我: “係呀…唔係去邊呀? 咁早?”
欣: “係都聽日先啦~間嘢都收咗啦~!”
我: “妳真係有諗架? OK 喎~! 係食定玩定睇定行架先?我正係想食喞~!”
欣: “係食架~!!”
我: “好~呀~! 咁一係而家落仁寺洞行一陣,跟住送妳返去吖…妳今朝都早飛嘛~!”
欣: “我可以晏d先返去嘅, 又未眼瞓~! 你去唔去汗蒸慕呀?”
我: “做咩呀? 妳想試下瞓喺50幾度嘅窿到打車車呀?”
欣: “你試過呀?”
我: “熱嘅水, 我試過, 熱嘅窿,我未試過~! 妳試唔試吖?”
欣: “唔會囉,咁熱, 乜mood 都無啦~!”
我: “咁咩環境先有mood 呀?”
欣: “唔知喎~! 咩都唔知喎~!”
我: “我尋晚先去完咋…一個人…同埋我間房都有個池啦,仲可以兩個人一齊浸添~!”
欣: “我知……”


唔知係夜晚嘅仁寺洞無咩行, 定係我地都諗緊同一樣嘢…我地兩個都有d心不在焉咁…
我地突然講少咗嘢,好似大家試緊大家, 同時大家又等緊對方say yes咁, 點都好,佢依然係一隻手俾我拖住, 而另一隻手就攬我手臂~!
我地究竟係咪諗緊同一樣嘢呢?我…好想知~!


行完, 大約10點到啦…我用曖昧嘅神情和語氣問-- - - - -
我: “阿靚空姐, 下一站去邊呢?”
欣: “去暖嘅地方~!”
我: “咁妳肚唔肚餓呀?”
欣: “都有少少…”
我: “妳食唔食得辣架?”
欣: “普普通通啦~!”
我: “食唔食忠武飯團?”
欣: “哩個正呀…次次過黎都會買返酒店食,或者同同事一齊食~!”

Good, Ok, Let’s Go~!!! 速去明洞買, 跟住喺ParisBaguet買咗個我必食嘅
cheese cake仔,點知原來佢都鍾意嗰隻, ok, 買2個~!
再去便利店買咗………..咖啡,果汁, 酒類飲品~! 買完, 嗱林搭的士返去我酒店啦~!

(我日頭影的)入到房- - - - - -
欣: “woooo……真係幾ok喎~!”(跟住佢好不客氣地跳起坐上床)
欣: “你張床好舒服呀~!”(我去咗開窗)
我: “妳隔離飯香啫…如果我去妳間房,我都會話妳張床舒服啦~!(我邊講邊攞食物), 去洗手啦~!”
欣: “waaoooo……..Jakuchi 喲~! 我正係去過台灣係有池咋,未住過其他有jakuchi 嘅房架~!!”
我: “哦?!?!咁一陣妳去浸下囉~!”
欣: “你就想~!!”
我: “我緊係想架~!”
欣: “你咸濕~!”
我: “言下之意,即係妳撩我去汗蒸慕唔咸濕, 因為有著衫…我撩妳浸jakuchi係咸濕,因為唔著衫?”
欣: “緊係, 所以你咸濕~!” (我行去廁所同佢一齊洗手)
我: “咁一係妳自己浸, 再用埋泡泡bubble,好似拍戲咁, 咁妳咪又有得浸, 我又無得睇囉, 掂晒啦~!”


阿欣彈咗我一兩下水, 碌大眼, 微笑,行返出去~! 我跟住出去, 手機播住歌, 佢坐櫈我坐喺地下食宵夜~!
如果大家有食過忠武飯團, 應該知佢真係辣的…食到一半到,阿欣開始抹鼻水又伸脷又飲嘢(酒)…
我忍唔住抽佢一下水,今次係真的抽水~!- - - - - -
我: “知唔知點先無咁辣呀?”
欣: “飲佢個湯!”
我: “錯~!”
欣: “飲奶?!”
我: “唔係~!”
欣: “飲水?!?!”
我: (我開始哄埋佢到) “唔啱~!”(好近….好近….佢望住我對眼,我望住佢個咀…)
欣: (佢細細聲)“咁係點呀?”
我: “…….” (我無講嘢, 因為我咀咗落佢到)

待續...

[ 本帖最後由 tigerpacific 於 2015-4-2 11:13 PM 編輯 ]

hongkongboy2046

然後呢?

支持支持。

tigerpacific

我地車咗幾秒, 過招幾下啫, 睇得出,佢幾車得~!
我: “有無好d 呀?”

佢無答, 正係咪咪咀笑…跟住我地繼續宵夜,食多幾舊之後, 佢辣到停咗口- - - - - -
我: “妳去透下先吖(佢起身, 拎住支酒, 坐咗喺床頭),食唔食杯麵呀?”(我指住唔辣嘅杯麵)
欣: “唔嗱~!”(佢飲咗啖酒)
我:  (我望住佢)“咁薯片呢?”(佢又飲咗啖酒)
欣: “我唔係好點食薯片架咋~!”(我拎返轉面)
我: “哦~! 咁食cheesecake 囉~!”(我無望佢, 繼續食飯團)
欣: “唔啦…(佢停咗,飲咗幾啖酒)…留返聽朝食嘛~!”(我繼續唔望佢, 佢係指聽朝喺我到食?定係佢今晚攞返去食呢? 等我試下佢先~!)
我: “都啱嘅…聽朝用黎送咖啡,唔使空肚出門嘛~!(我無講明喺邊到出門) 咁妳有無帶嘢換呀?I mean, 換con 呀, 落妝呀~~~我哩到乜都無架喎,得洗面, 爽膚, 面霜…”(我望佢,佢避開望咗第二到)
欣: “咁我去toilet先~!”(佢快快腳攞起個手袋, 入咗廁所…我望住佢背影,心諗: “衰妹…妳今晚著咩瞓呢?哈哈”)

入到去, 佢”吖”一聲…我望一望-- - - - -
我: “咩樹?”
欣: “廁所無門呀~!”
我: “妳唔係而家先知呀?”
欣: “我頭先真係無留意囉~!”
我: “是但啦…沖涼嗰到遮到架嘛~!”(係磨紗玻璃趟門)

我執下嘢, 整下嘢……跟住就聽到花灑水聲嗱-- - - - -
我: “喂,我攞浴袍同毛巾俾妳呀…~!”
欣: “哦~! 好呀, 唔該~!!”

喺磨紗玻璃後面, “黃光下的人影”+”花香味洗頭水”+”人蔘味沐浴露”,足以令到我弟弟醒一醒~!我返返出去, 閂咗一半窗, 除咗衫,除咗褲, 正係著住浴袍同under, 坐喺床睇電視, 好快,佢都沖完涼了~!


佢著住浴袍, 包住個頭…望住我行出黎…行到我身邊…佢烏低身…鍚咗我一啖…我想攬住佢,拉佢上床, 但佢推開我- - - - - -
欣: “快d沖啦…dirty呀~!”

我沖完返出去, 佢已經吹完頭, 熄咗電視,坐咗喺床, 衾咗被, 枕頭放大脾, 睇緊ipad-- - - - -
我: “笑笑笑~! 有咩睇呀?”
欣: “咁係好笑吖嘛~!”
我: “妳唔係諗住著住浴袍瞓呀?!”
欣: “你有無衫俾我換呀?”

我拖住佢隻手, 行去櫈旁邊…我俾咗件衫佢,佢本來想入廁所換嘅, 但係我拉住佢- - - - - -
我: “喺到換得啦~!”

我地對望, 我伸手向前, 經過佢條頸,按燈制, 間房即時黑咗9成- - - -- -
我: “咁咪得囉~!”

我拎轉面, 行埋窗口望出去…佢換完,自己上咗床~!
外面嘅雜光經過半透嘅窗簾打上去天花板, 變得好柔, 好舒服……
喺微弱嘅光線下,同床有個靚女, 只係一布之隔, 大家又有感覺, 什至,大家都想……

俾著係你地, 你地會咁易咁快瞓得著嘛?

待續...

[ 本帖最後由 tigerpacific 於 2015-4-3 06:05 PM 編輯 ]