第13集 想通了
今日突然想起,好多人接電話時會講左自己名先,主人尋晚所講的Edmond,可能就係佢自己個真名…
假設edmond係佢真名,derek呢個名係佢平時用黎行走江湖,或者隨口作出黎上網識人的,所以佢要我叫佢主人…可能唔想聽到第二個男人名,冇咁投入
再細心想想,本來我同佢就係上網識,擺明係SP甚至ONE NIGHT就拜拜,係我諗得太多,以為去下旅行就可以發展,我真係傻喇
諗通左之後,全個人都放鬆哂,咁既然大家只係SP,以後都要佢用套,反正尋晚用套的感覺分別不大,就唔再日日食藥喇
放工前老闆話有個客的公司聽晚ANNUAL DINNER,預左我地公司兩個位,本來係經理Rachel同sales阿軍一齊去,但阿軍今日sick leave,打返黎話腸胃炎,聽晚都去唔到,所以就由我同rachel代表公司去喇
呢間公司唔係我地大客,所以當晚有人出席就得,聽講佢地搵左女職員著住公司product行catwalk,以我所知,佢地主要做泳衣,聽晚有好野睇了
出黎做野大半年,而家係我第一份工,今次亦係我第一次參加annual dinner, Rachel話放工時可以陪我去買衫,我好開心咁應承左,Rachel大約30歲,工作能力同人際關係都好好,我要以佢為榜樣!!
佢帶我去買左條黑色連身裙,一件白色的小披肩,佢話一般場合咁樣著,加多對高踭鞋,配一兩件簡潔的飾物,足以應付普通的應酬
我同rachel準時去到,果然比rachel講中,我地坐到近門口位,完全唔重要的位置,佢話如果同檯冇靚仔,食飽就走得
唔知算唔算好彩,同檯有兩個男人幾好樣的,rachel好開心咁去交換卡片,而我只係個小小的助理,就同隔離位的女仔傾下計就算喇
個女仔應該大我兩三年,叫做queena,佢話老闆唔得閒,只有佢一個代表公司,佢幾健談,又係鍾意做下小手工,我地好快就交換左電話,可能會做到好朋友呢
晚宴正式開始,我隱約聽到個MC介紹間公司個ADMIN CATHY出場,原來做ADMIN咁慘,連呢D都要做…..
<待續>
有冇人發現今集的配角很熟悉?
[ 本帖最後由 可可queena 於 2015-5-21 09:54 PM 編輯 ]
