去旅行，Gigi真係去撚到盡，可能係女人天性，去到outlet狂買唔鳩使講，其他手信店，100yen店，入到去多多少少買返啲，甚至條老坑導遊帶我哋去嘅魚市場，佢都要睇吓有乜海鮮可以過到海關，帶返香港，好彩後尾嗰一兩日，佢收晒手，好似冇撚晒心機咁，可能用晒啲yen啦，不過都搞到行李幾乎超重咁滯。
幾日假期話咁快就過撚咗，返香港第二朝就要開工，Gigi話今晚約friend派手信，唔返屋企食飯。第一眼見撚到肥婆老板娘，今次旅行無買手信俾佢，兼夾無記星期無同過佢食飯，諗住趁得閒，搵佢食餐飯陪吓佢。
點知肥婆老板娘話唔撚好意思，佢收工約咗人開枱，明天請早，食飯聽晚啦。
死鬼老板去咗報道，老闆娘唯一消遣就係開枱，見撚慣，今晚唔得閒咪聽晚囉。
“咩呀，死仔包，想同我兩個人撐枱腳？Gigi呢？”
第二晚，班都唔加，收工上酒樓開定位，老闆娘準時到，佢一見撚到我，未坐低就串鳩我。
“哈哈，honey，你咁撚醒嘅，食完飯諗住同你去爆房嘛！”
其實啱啱去完旅行番嚟，Gigi好撚多約會，尋晚派手信俾佢啲friend，今晚又話返屋企，俾手信佢屋企人。就算唔係咁，今晚我係想趁兩個人靜靜哋好講說話，叫佢俾返細C公司啲『柯打』我做，你話點可能搵埋Gigi一齊出席吖。
“點呀，日本好唔好玩呀？”
肥婆老板娘打開話題，成餐飯都係風花雪月，噏埋啲唔等駛嘅嘢，到差唔多隊完兩枝紅酒，有幾分酒意，諗住開口同佢講派『柯打』單嘢。
“近來同Gigi相處成點呀？”
我未開口，老闆娘就好似我肚裡面條蟲，先發制人，唔俾我開口。
“條女係咩料？”
老闆娘見我依依哦哦，講你出咩，就單刀直入問鳩我。
“咩女？honey你講乜春呀，哈哈。”
我扮撚晒懵。
“我開晒口，你扮咩嘢吖，大家攤開肚皮吧啦！我收到風㗎。”
老闆娘跟住一輪嘴咁，佢用來知道細C好撚多嘢，仲知佢有條仔，大家都談婚論嫁嘅階段。
“我聽幾個見過條女嘅叔父講，條女樣貌同身材係幾好，不過未必好得過Gigi吖，最重要係條女就嚟嫁添啦。”
屌， 呢啲料唔係替我更嗰幾條叔父會知道得晒，唔撚洗講，其中一部分一定係Gigi同老闆娘講。
“死仔包，今次旅行，你屌咗Gigi幾晚，屌到攰就好好哋休息吓啦，仲條女搞咁多嘢做咩吖！”
我屌吖，連同細C cam sex都俾老闆娘踢爆埋。
嗰晚明明同細C玩完，Gigi仲喺浴室未出嚟喎，真係搲撚晒頭。
“尋晚妳唔係開枱，係同Gigi食飯？”
啲消息咁撚快倒老闆娘隻耳，我而家知道咩事。
“死仔包，唔係尋晚定係聽晚嘅問題，你honey我都後生過，知道女人有咩感受。”
老闆娘伸出佢隻又圓又多肉嘅手掌搭住我手背，懶鳩親切咁同我講。
“Gigi同你一齊之時知你咩底，你喺出邊沙沙滾，溝吓女，佢知你係玩玩吓，就隻眼開隻眼閉......”
“喂，honey，我而家無搵班女好耐啦！女都唔溝，乖乖哋打工還債，班豬朋狗友個個都笑鳩我，話我做撚咗住家男人，咁仲想點呀！”
老闆娘未講完，我好唔撚忿氣對佢講。
“但係嗰條女呢？你一路都斬唔斷，Gigi就係最唔鍾意你同呢條女有關係！”
一時間唔撚知講咩好，耷晒頭，收晒皮！
“死仔包，你咪以為Gigi一定要黐硬你，佢日日企喺櫃台，好多狗公想圍佢，你再係咁唔嗲唔吊，遲早佢俾人溝咗去！”
“我知而家有狗公圍緊佢吖，一日男未婚，女未嫁，佢有自由揀喎！”
“死仔包，真係想唔講粗口屌你都唔得！你咪死鴨一隻，得把口硬啦！”
老闆娘激動起上嚟，本來搭住我嗰隻手，順勢抬起，一嘢打鳩落我手背。
“Gigi同你一齊咁耐，我點都唔信你一啲都唔喜歡佢，你咪睇佢又煙又酒，老闆娘食鹽多過你食米，知道佢係一等一好女仔，娶得過㗎！”
老闆娘對眼釘鳩住我，我未開口，佢又講佢嘅耶穌。
“女人青春唔係好多，如果Gigi唔再等你，最開心會係邊個？係想溝佢嗰幾個狗公，同埋佢阿媽，你知佢阿媽想點喇！”
“幾條狗公咁撚多？”
自從舊年有條想溝Gigi嘅戇鳩仔俾我嚇走咗之後，我一鳩以為佢再無收兵，最近先發覺佢夜晚神神祕祕匿喺廁所發短訊，講電話，諗住係一兩條狗公圍佢啫，點鳩知係幾條咁多！
“唔係你估，Gigi波大，樣甜，又精乖伶俐，你信佢無俾狗公圍，你都傻仔啦！”
“咁佢有無......？”
我突然有個問題衝上腦，不過係咪唔應該問呢。
“哈哈，驚咩？”
老闆娘明白我想知道乜。
“驚嘅咪一陣返去問吓佢囉！”
“屌，咪鳩玩啦，honey，唔通話：喂，俾班狗公屌咗未？”
“死仔包，Gigi俾人食咗又點，未食又點，係咪俾人食咗，你就飛咗人哋吖？如果你係咁諗，你就唔好再叫我做honey，唔好再叫我做老闆娘！”
“我無咁諗！”
我死狗一隻咁。
“老實話俾你聽，Gigi尋晚第一時間搵我食飯，佢同我講，佢同呢幾條狗公交往，係諗住做多啲生意，佢哋雖然迫得Gigi好緊，同佢哋食飯都係應酬吓。不過，嗰晚知道你同嗰 條女咁樣，佢真係想喺幾條狗公裡面，揀個啱心水嘅發展落去。”
老板娘一路講，我覺得手心濕濕啲，係標緊手汗，唔怪得旅行最後一兩日，佢好似無晒心機，等我仲以為佢無晒零用添。
