AiUehara

引用:

原帖由 hic2017 於 2017-1-9 12:06 AM 發表
我轉左AC.

師兄係.....?

AiUehara

引用:

原帖由 hic2017 於 2017-1-9 09:53 PM 發表


cihxxxx.

多謝師兄咁俾面:smile_40:

AiUehara

引用:

原帖由 dennischan224 於 2017-1-10 12:48 AM 發表
師兄下次出幾時

唔好意思師兄，暫時未有確實時間:smile_13:

AiUehara

引用:

原帖由 pinky小矮人 於 2017-1-10 05:29 PM 發表
謝樓主

應該係我多謝你地既捧場同回應就真:')

AiUehara

引用:

原帖由 Phoebe2017 於 2017-1-12 12:08 AM 發表
我比人封殺, 又轉左AC.

小心又曝露身份喎

AiUehara

引用:

原帖由 fb58cc8914aaf8 於 2017-1-12 03:05 PM 發表
good

Thank you so much

AiUehara

引用:

原帖由 Phoebe2017 於 2017-1-13 12:22 AM 發表


而家同你留言, 有生命危險.

所以師兄都係做番CD-ROM啦

AiUehara

引用:

原帖由 Phoebe2017 於 2017-1-13 10:15 PM 發表


但自帖要回帖.

師兄勇氣可嘉，欣賞你:smile_o12:

AiUehara

~第十一章~


同阿欣大戰過後，我地兩個一齊攤左係張床上面休息。通常果D愛得火熱既情侶係搞完野之後都會錫對方幾啖又或者攬番陣先算係完滿既結束，但其實依樣野我同阿欣都會，而今次，我地仲係第一次可以攬住對方一齊訓覺。

我：咁D焦糖燉蛋點呀？你唔理佢地喇？
阿欣：放心啦，一早已經校左時間，夠鐘佢會自己熄。
我：就係咁簡單？
阿欣：係呀，怕咩丫~ 衰左既話最多未一陣再焗過~
我：好囉~~

勞碌完一輪其實我都開始有D肚餓，加上由起身到依家都未有野落過肚，係果一刻內心真係有個衝動想同家姐講不如食完先再慢慢攬。之不過到最後我都係冇出到聲，事關我見難得同佢搞完之後仲可以有張床俾我地繼續攬攬錫錫，於是最尾我就打消左依個念頭。就係我就快訓著之前，家姐突然同我講起佢既家庭背景，其實之前都有聽佢提過下，不過依一次聽既野就再深入少少咁解。



除左講佢自己由細到D大經歷之外，最令我有興趣既係原來欣媽以前讀書果陣已經又高又靚，可惜果個年代D人冇咁早熟，個個都好似係好認真讀書，唔會話係求學階段就搵拖拍，否則以欣媽既姿色實大把人溝。由於要賺錢養家同埋學費唔平既關係，欣媽讀完初中之後就冇再讀落去，結果讀左一半就中途輟學踏足社會。雖然講工作經驗欣媽小學開始已經幫老豆老母分擔工作量；亦即係阿欣既阿公阿婆。如果係以打長工形式既話，欣媽都係讀完初中先開始，而佢既第一份正職就係做文員。

以前做個簡單文員仔就算唔洗考咩證書，讀咩名牌大學，亦唔洗點靠人脈關係都可以搵到，事關果陣有料讀到大學既人唔少都係非富則貴，畢左業出尼唔係醫生就係律師會計師等等既高資歷專業人士。如果以中學畢業既人尼講，搵到份安定既寫字樓工其實都已經算係唔錯，至少唔係好天曬落雨淋，又有冷氣嘆，又有個位俾你坐下。但好可惜依份工欣媽到最後都係做唔長，原因係佢間公司之後尼左愈尼愈多比欣媽學歷更高既人加入，於是佢做左好幾年之後就俾依個殘酷既社會淘汰左。

冇左份正職之後，欣媽逼於無奈要搵D比較需要勞動力同埋冇咁多人爭既工做住先。雖然唔係好甘心，但無奈已經食左幾次白果，欣媽最後都要向現實低頭。就係佢最心灰意冷果陣，神推鬼㧬既情況下，唔知佢邊個朋友定舊同學突然之間話有好路數介紹俾佢，而果個所謂既好路數就係同佢朋友一齊去某間酒吧度打工。到最後欣媽為左生計，結果都係受朋友既慫恿係依間酒吧做左一段唔短既時間。過左冇幾耐，欣媽仲係依間酒吧識左家姐個老豆，人稱天哥既有勢力人士。根據阿欣所講，原來依個天哥以前都幾猛料，曾經係某旺區單憑佢一個人就打晒骰，我諗都可以稱得上話係一人之下萬人之上咁滯。其實萬人之上我都覺得係誇張左少少，不過都應該起碼有過百既。果陣時佢有個得力頭馬叫呀豪，我諗果陣依隻頭馬都有份用條命幫阿欣爸打個江山番尼。

聽到依度我開始有好多野想問阿欣，例如點解佢可以記得咁清楚，又或者點解欣媽會同佢講起依D野呢等等等等... 話說起初欣媽都好討厭依類有黑社會背景既古惑仔，原因係係佢眼中依班人成日周圍撩事鬥非，蝦蝦霸霸，每日都只係過住D打打殺殺既日子，好冇意義。 但就算果陣欣媽個心係咁諗，把口亦都係咁講，不過到最後佢當然就同果個天哥係埋左一齊，之後仲唔理老豆老母既反對搬左出去住。至於點解無啦啦會咁，阿欣就冇再交待，或者可能就連佢都未必知真正既原因。

聽到依到其實我都覺得冇乜野，反正如果真係真心鍾意起一個人上尼，其實無論係咩人都冇可能阻止得到。而最令我覺得真係好似拍緊戲既情節就係佢地兩個一齊左都有大大話話三年幾時間，就係一夜之間，依個曾經紅極一時隻手遮天既江湖大佬天哥唔知點解突然俾人係當街當巷亂刀斬死左，至於點解除左佢死之外就唔見其他o靚有事我就冇再追問落去。

過左一段時間之後，已經俾人搞大左個肚既欣媽揀無可揀唯有脹住個肚都要厚住臉皮咁番屋企認錯，跟住落尼欣媽點樣面對佢老豆老母我諗都唔洗點問都估到。後來，欣媽都用左好耐時間去重新修補佢地三個人既關係，加上一個女人仔又要搵奶粉錢養大阿欣同埋供佢讀書，其實諗諗下欣媽既人生真係幾灰下，但好彩日捱夜捱終於都捱到阿欣出身先冇咁辛苦。不過為左幫補下家計，依家既欣媽揀左係一間酒樓入面做知客，又或者可以叫做接待員。某程度上我對佢依個所謂既身世其實都仲係半信半疑，唔知真定假，所以我都係當故仔聽完就算。

聽佢講完故仔之後，我同阿欣最終都係冇訓到，原因唔係因為太驚訝訓唔著，而係因為有少少肚餓同埋掛住聽佢講其他野已經冇左想訓既感覺。就係佢準備又再叉開話題講其他野果陣，我終於都忍唔住扮晒野同佢講不如食野先，廢事糟蹋左佢既一番心機。果然，佢聽到之後真係落搭。就係咁，我地就一路食住佢果D整得麻麻既焦糖燉蛋，一路聽佢繼續吹。時間一分一秒咁流走，我果半日時間就咁就過左。

飲飽食醉，淨係同阿欣嘻嘻哈哈咁講野都講到我口水都乾。望一望隻錶，依家都只係晏奏四點鐘左右，仲未夠鐘去補習，於是我同阿欣講完拜拜之後就去左附近一個公園仔坐，順便撩下Nicole先再番歸食飯。每次入WhatsApp見到死女包個icon都會好想研究點解明明佢有咁多張比依家依張更靚更高清既相，但佢偏偏唔用，就係都要用依張咁濛既自拍尼做icon咁頂癮。



我：小笨蛋~ [下午 4:09]
Nicole：大笨蛋！ [下午 4:12]
我：你做緊咩呀？[下午 4:12]
Nicole：整緊自家制五青汁 [下午 4:12]
我：嘩... 淨係聽見個名都已經唔想飲。 [下午 4:12]
Nicole：其實真係幾難飲架 [下午 4:13]
Nicole：不過為左減肥，難飲都冇計啦 [下午 4:13]
我：你咁都叫肥? [下午 4:13]
Nicole：肥呀！係日本番尼之後有磅過，真係肥左又重左 [下午 4:14]
我：做多D運動囉，包你好快瘦得番。 [下午4:14]
Nicole：哈哈！其實我都有諗過架 [下午 4:14]
我：咁點解唔實行? [下午 4:15]
Nicole：因為我想游下水，順便減埋肥，但重點係我又唔識游 [下午 4:15]
我：哦~ 仲以為你講緊咩咁難添。 [下午4:16]
Nicole：您識游水? [下午4:16]
我：識呀。[下午 4:16]
Nicole：實在太好了！ :smile_40: [下午 4:16]
Nicole：唔知哥哥可唔可以指點下小妹呢？ :smile_13: [下午 4:16]
我：冇問題丫，你聽日有冇野做? [下午 4:17]
我：如果冇既話聽日可以一齊去。[下午 4:17]
Nicole：我冇呀 ;) [下午4:17]
Nicole：不過聽日係星期日喎，會唔會多人到游唔到架？ [下午 4:18]
我：放心啦，一定會！[下午 4:18]
Nicole：真架? [下午4:18]
我：講笑啫 [下午 4:18]
Nicole：衰佬！ [下午4:18]
我：咁你自己有冇泳衣架? [下午 4:18]
Nicole：有呀~ 岩岩係日本買左件 (微笑 [下午 4:18]
我：咁犀利? Made in Japan喎~ [下午 4:18]
Nicole：係呀，我都估唔到買完之後就即刻大派用場，仲要係著比您睇 [下午 4:19]
我：多謝小笨蛋！[下午 4:19]
Nicole：傻瓜！[下午 4:20]
Nicole：咁我地去邊游好？ [下午 4:20]
我：不如去觀塘果個？[下午 4:20]
我：好似係岩岩新落成定重建完，有暖水池，而且都幾大下。[下午 4:21]
Nicole：好呀！ [下午4:21]
我：咁我約你十二點係觀塘站等？[下午 4:21]
Nicole：冇問題！一切聽從哥哥吩咐！ [下午 4:22]
我：到時游完再一齊食lunch？ [下午 4:22]
Nicole：好呀！我覺得游完一定會好肚餓 (嘻嘻 [下午 4:23]
我：咁暫時就咁決定先。[下午 4:23]
Nicole：OKOK. [下午 4:23]
我：...
Nicole：...
我：...
Nicole：...
我：...
Nicole：...
我：...
我：...
Nicole：...

[ 本帖最後由 AiUehara 於 2019-9-28 06:14 PM 編輯 ]

AiUehara

同Nicole傾左一個鐘頭左右，雖然已經講左拜拜，但個人都仍然會有些小緊張同期待，因為我真係好心急想睇到佢著泳衣果個樣，好想名正言順咁摸佢，好想捉實佢對纖纖玉手，好想食左佢。番到屋企之後，我拿拿聲去個櫃度摷番條黑色泳褲同埋個泳鏡出尼，但因為都有一段時間冇游過水，所以一時之間要打撈番佢地出尼都有D難度。搞左一輪，當我拎左D衫衫褲褲之後，終於俾我係個衣櫃入面既一個紙袋發現到佢地既蹤影。

我拎起個泳鏡一戴，雖然係有少少緊，但都仲算係岩戴。至於條泳褲，唔知係咪耐冇著依類咁緊咁貼既褲定係唔岩size，著左上身之後，我覺得隻雀好似漲得好明顯咁，可能佢既設計本身就係咁，又或者同時證明我隻雀都有發育過。對住塊鏡研究左一陣，我最後都係決定唔理咁多照樣咁著去游水，加上反正都係黑色，我諗只要唔係激凸其實都應該唔會咁易俾人注意到。

食完飯，我坐左係梳化上面一邊發呆一邊諗住Nicole到底會著成點去游水。由於平日番工既佢都著得比較密實，就算目測估到佢上圍有幾大都好，但未親眼見過佢既廬山真面目，話唔定B都可以俾佢墊到有D。不過B又好D又好啦，只要到左聽朝，我心入面所有既疑問都會即刻有答案。雖然仲係難掩內心果種興奮既感覺，但當上左陣Forum，睇夠Facebook同Instagram之後，原來眨下眼已經成點幾兩點，係時候又要搵周公捉番幾盤棋。

Nicole："衰佬，快D過尼啦！"



Nicole："嘻嘻！ :smile_40:"





Nicole："做咩望到我咁實呀？ :smile_35:"



Nicole: "係咪好想摸我？"



我："係呀！"



訓醒一覺，又開始新既一日。但一諗起過埋今日，聽日就要番工果陣，個人又開始頹頹地。不過最後一日假期有Nicole依個靚女陪我過都算一件值得我開心既事尼。平時同阿欣出街我快則校到最後一刻先出現，慢則就遲幾分鐘，但如果係同Nicole出街既話，我點都要扮下有紳士風度，溫柔體貼，而衣著方面亦會認真少少襯下衫，有早冇遲依D野就更加係不在話下，廢事咁快就係佢面前露出我既真面目就唔係咁好啦。雖然去得游水其實要帶既野真係唔洗多；泳褲、泳鏡、拖鞋、毛巾，同埋出門三寶(銀包、鎖匙、電話) 就已經夠晒。不過因為今次係同Nicole出街，所以點都唔可以失禮佢。

結果，我足足用左十五分鐘先諗到底著邊件衫出街先會望落個人樸素得尼又夠型，好彩我勝在唔洗gel頭同埋化妝，加上搭港鐵又唔會塞車，所以我到最後都可以比原定既時間早左十分鐘到觀塘。原本我諗出尼既畫面係我到左港鐵站之後，Nicole就準時係十二點到觀塘，然後當見到我企係度等佢果陣佢就急急腳走埋尼讚我早到，唔好意思要我等佢咁。可惜，我真係點估都估唔到Nicole竟然會仲早過我到。依個傻妹今日著左件幾colorful既背心仔，然後下面就著左條純白色既短褲，一個女仔好慘咁企左係出閘機前面既空位發住吽逗咁食緊佢個嘉頓瑞士卷，而另一隻手就拎住支道地綠茶，食一啖又飲一啖，見到佢食到個嘴漲卜卜個樣真係好得意。



我：嘩~~ 乜你咁早到既？
Nicole：哈哈！冇呀，因為驚遲到嘛，所以未諗住預多少少時間出門口囉...
Nicole：點知尼到先發現好似真係早左D (哈哈笑
我：傻妹~ 咁蠢架你~~
Nicole：唔緊要啦，當順便買埋早餐食囉~
我：哦... 你自私食~ 咁我呢？
Nicole：你幫我拎住支野先下。
Nicole：(係個袋入面摷兩摷)
Nicole：拿。
我：下，你真係連早餐都幫我買埋呀？
Nicole：順便啫~ (微笑
Nicole：我估你地D男仔都成日唔食早餐架喇...
Nicole：朱古力味你食架可？
我：食呀，加上係你買架喎~~
我：我地行依邊。
Nicole：好呀。
我：(一路行一路撕開果舊朱古力味瑞士卷既包裝)
我：你買既果然係特別好食既。
Nicole：口花花啦你！

我同佢由觀塘港鐵站開始行，再沿住車路隔離既行人路行過去泳池果邊，我地兩個人一直保持住膊頭掂膊頭既距離行，而大家既話題都真係幾廣下；天文現象、星座、政治、同事是非，總之就咩都可以講一餐。路程大約十五至二十分鐘，我地就到左觀塘泳池個大門口。可能真係新落成冇耐啦，望落去個外觀都算係咁，乾乾淨淨，而且淨係企係門口都感覺到依個泳池都應該有番咁上下大。





我：入去架喇~？
Nicole：好呀。
我：咁一陣換好衫就係女更衣室出面等啦。
Nicole：會唔會搵唔到你架？
我：放心啦，又未至於大到咁既... 傻妹~
Nicole：好啦好啦，一陣見。
我：好呀，一陣見~


[ 本帖最後由 AiUehara 於 2019-9-28 06:16 PM 編輯 ]