迪迪，唔好意思，中間跟甩咗添，而家終於有時間一次過追返晒最近十章
，估唔到劇情真係已經扭咗咁多轉喇。 呀珍同呀文中六合彩二獎，令薇薇有本創業做女強人，呀文就同人合伙開琴行仲做埋「調音師」（音呀，唔係陰嘛）。 中途殺出件Steven，中山青兒又啱啱彈返出嚟，⋯⋯ 唉，希望男女主角「共患難」後，能夠明白只要真心相愛，珍惜眼前人，坦誠相對，活在當下，先至係「幸福之途」，然後修成正果啦。
講開個Steven都好仆街下，起初見返薇薇，兩杯落肚後食「友誼餐」嗰時，又唔見佢話自己同屋企人一樣思想「傳統保守」？ 而佢起勢數落自己個Ex Theresa，一開頭仲以為佢係啲「義氣仔女」，只不過係嬲條女「出賣身體換取名利」，焦點响個「價值觀」度而唔係僅僅一段「過去」。 又蠢喎，講完件事薇薇就態度360度轉變，傻嘅都估到大約因咩事唔老泥啦。 好，忍佢睇到第廿五章，班人都未坐低傾生意，青兒就兜口兜面辱罵自己女朋友、未婚妻係「賤閪女人」，Steven唔「出口還擊」甚或出手揼實對方不特止，仲要即刻當場發惡，質問薇薇咩事，話被佢「累死」，屌，咁樣算咩男人呀。:smile_39:
愛人，先要自愛，真心希望薇薇走出牛角尖，唔好再執着介懷當年被黑鬼禁室培慾嗰個黑暗星期嘅往事啦。 等睇迪迪拆彈，令有情人終成眷屬呀～
順便又手多，想幫第廿三章加首「插曲」－即係呀文彈琴畀薇薇聽，話想彈啲「輕快旋律」氹返佢開心嗰段呢？
嘻，我嘅心水之選，係以下呢首《Tea for Two》：
link: https://www.youtube.com/watch?v=OpeF4eFGDEA&feature=youtu.be&t=1m17s
