dingdongdance22

引用:

原帖由 laogoulaile 於 2018-2-24 12:54 AM 發表


多謝留言，如果可以俾埋洋蔥頭我就好啦😍

睇完，感觉好正，出咗几发，俾埋个洋葱头你，期待下面更精彩！

laogoulaile

引用:

原帖由 dingdongdance22 於 2018-2-24 02:00 AM 發表


睇完，感觉好正，出咗几发，俾埋个洋葱头你，期待下面更精彩！

多謝ching支持，有你哋呢班讀者嘅支持，我哋呢班寫故佬先可以有動力繼續寫落去，
希望大家以後喺呢區睇完文，多多幫我哋一班寫故佬推下文支持下，
多多留言，話俾我哋知你哋睇完後嘅反應同意見，
再次多謝各位嘅留言同點讚推文，😚👍

[ 本帖最後由 laogoulaile 於 2018-2-24 05:08 AM 編輯 ]

633777

睇完即刻比洋葱头你!好文!寫得好真實又流畅!
NTR令人最興奮既地方就係男女必需有愛,否則女友成為痴女就無刺激可言啦!期待下文!

laogoulaile

引用:

原帖由 633777 於 2018-2-24 07:20 AM 發表
睇完即刻比洋葱头你!好文!寫得好真實又流畅!
NTR令人最興奮既地方就係男女必需有愛,否則女友成為痴女就無刺激可言啦!期待下文!

多謝晒😁👍

慢嘗君

引用:

原帖由 633777 於 2018-2-24 07:20 AM 發表
睇完即刻比洋葱头你!好文!寫得好真實又流畅!
NTR令人最興奮既地方就係男女必需有愛,否則女友成為痴女就無刺激可言啦!期待下文!

正想講類似

睇開啲夫目前男主角都好難受，呢次由男主角主導，咁最好女主角要難受啲，如果佢都 enjoy 就變成好色 couple 開 party，唔係夫目前了

laogoulaile

引用:

原帖由 慢嘗君 於 2018-2-24 10:00 AM 發表


正想講類似

睇開啲夫目前男主角都好難受，呢次由男主角主導，咁最好女主角要難受啲，如果佢都 enjoy 就變成好色 couple 開 party，唔係夫目前了

小弟會好好地寫，盡量避免發生呢個問題

記事本830

師兄.寫得好精彩,好真實
一定支持

fb6965966

好有现场感... 不错

herselt

支持C兄,寫得好精彩,多謝晒!!!!!

laogoulaile

二章

行山記


“喂，行得未啊！？”，阿輝喺大門口吹我，

“得啦，嚟緊囉，”，我喺房度慢條斯理行出嚟，

“又係你話想跟埋嚟，依家最慢嗰個又係你，強哥佢哋一早喺樓下餐廳等緊啦，”，阿輝挨住度已經開咗嘅大門，手指督住隻錶，個樣好似好趕咁，

“依家咪行囉，走喇！”，我喺佢面前經過，喺佢面上錫咗啖，行咗出門口，

阿輝平時放假好鐘意同啲朋友去行山，今日阿輝又約咗啲行山友一齊行山，我見今日又無樣做，突然好想跟埋去，所以就一早起身跟埋佢哋出嚟，

落到樓下，阿輝拖住我，急急腳向住餐廳方向行去，一到餐廳門口，已經見到強哥同細明坐咗喺裡面卡位傾緊計，而且枱面已經有兩份早餐擺好喺度，

強哥最先見到我哋兩個入嚟，“喂，呢邊啊，”，強哥係阿輝嘅舊同事，做開廚房嘅，身形矮細，雖然結實但唔算大隻，真名裡頭又冇個強字，一開始我都唔明點解佢哋叫佢強哥，問過阿輝，但阿輝只係含糊帶過，冇同我解釋清楚，我亦冇再追究，

細明背住我哋，見強哥向我哋打招呼，佢先側側地頭偷望咗我哋一下，又揼返低頭啜飲佢面前嘅凍檸茶，阿輝話過俾我知，細明份人好慢熱，但熟絡咗會變得好好傾，佢係強哥啲朋友，阿輝都係因行山所以先識佢，

“唔好意思啊，要你哋等咁耐，”，阿輝雙手合十，向強哥佢哋表示抱歉，

“唉，乜說話丫，平時都係你等我哋多㗎嘛，耐唔耐等你一次又何妨，嚟嚟嚟，快啲坐低，幫你哋嗌咗早餐啦，”，強哥招呼我哋坐低，

強哥佢哋一人坐咗一邊，阿輝叫咗我坐強哥嗰邊，佢自己就同細明坐，

“早晨，強哥，”，我坐低時向住隔離嘅強哥微一微笑，

“早晨啊，阿嫂，”，佢都對我笑咗笑，又拍咗一拍重係揼住個頭嘅細明，“同阿嫂打招呼啦，無啲禮貌，”

細明只係望咗我一眼，點咗點頭，好快隻眼又望返住佢杯凍檸茶，

“唉呀！唔駛咗客氣啦，叫佢阿敏得㗎啦，”，阿輝放好個背囊坐低咗，“最衰都係佢，搞到咁鬼遲，”，

我向阿輝做咗個鬼臉，“我已經好快㗎啦！”

“咁都叫快！？遲咗成十五分鐘啦，”，阿輝反問我，

“咁我要執嘢丫嘛，臨時臨急，都唔知有冇執漏嘢添啊，”，我反駁佢，

“唉呀，算啦，都唔怪得阿嫂嘅，“，強哥想勸交，“而且又唔係遲咗好多，”

“咪係囉，強哥就講得啱啦，我又邊有錯喎，”，我又對住隔離嘅強哥笑咗笑，

“唔係喎，遲就係遲喇，點會冇錯，你話係咪先，”，阿輝撞一撞佢隔離嘅細明，好想佢附和，但細明只係聳咗下肩，表示冇意見，“唉，問著個啞嘅，”，連細明都冇理佢，阿輝好似感到有啲失落，只好放棄責怪我，“食嘢食嘢，食完上路喇，”，

我督住自己個鼻做咗個豬樣，向阿輝伸脷，“哼，傻仔，”，

我同阿輝急急食完個早餐，阿輝望一望隻錶，“行啦行啦，最後班車就開啦，”，大家就拎齊行李埋單，趕去小巴站，

“喂，未開車啊，快啲上車啦，”，阿輝第一個衝咗上車，強哥隨後，我第三個上，最後到細明，

阿輝坐咗落車頭嘅雙人位，強哥就坐咗喺佢後面嗰張雙人位，我一上車，就行咗去同強哥坐，阿輝有啲嚇親，“吓！？”，擰轉頭轆大隻眼望住我，

我就扮返頭先個豬樣，“我唔同你坐，鬼叫你頭先鬧我啊，哼！”，我有時都會發下呢啲小姐脾氣，利申，我自認唔係啲港女，只係有時會發下呢啲係女仔都會發嘅脾氣姐，其實只要男仔肯氹下，女孩子們十居其九都會無事嘅，

“你。。。”，阿輝無言，

呢個時候細明傻傻的坐咗落去佢隔離，小巴同時亦都閂門開車，大局已定，“唉。。。你。。。”，阿輝又手指指，指住細明，細明就一臉無辜，好似完全唔知發生咗啲咩事，

強哥好健談，全程我同佢喺後面有講有笑，而阿輝就同細明喺前面靜蠅蠅，小巴喺九曲十三彎嘅山路上面飛馳，將成車人篩嚟又篩去，我驚篩咗出去，就索性繞住強哥嘅手臂，一對豪乳當然就不停挨，碰，磨，撞到佢嘅臂彎，下身嘅短褲亦漸漸移位，喺鬆垮嘅褲管內，搶眼嘅黃色小泳褲已經若隱若現，靠近強哥嗰邊嘅長白美腿亦都多次磨擦到隔離長滿腿毛，著住短運動褲嘅強哥嘅大脾，

我唔記得講，因為出門口前，阿輝話K嗰度有個隱世嘅沙灘，時而初夏，一陣我哋會有好大嘅機會會落水，為咗方便一陣落水前可以唔駛換衫，我除咗個Bra同底底，直接換上一套黃色嘅Bikini，再著上一件白色吊帶背心，外披一件淺藍色運動風褸，下身喺Bikini泳褲上著咗條鬆身嘅淺藍色牛仔短褲，雖然上身包實，但下身嘅一條長腿，喺無咗我平時比較搶鏡嘅飽滿上圍之下，就更突顯返佢嘅吸引力，雙臀有肉，加上43吋，白滑無痕嘅修長美腿，已經可以秒殺好多男人，其實喺街上，比較多啲出喺吸睛嘅會係我嘅美腿，因為由發育時期起，雙乳經常俾人拎嚟開玩笑，所以我慣咗平時出街都會盡力將長輩收埋，但美腿我卻會大方展現，所以我平時會買好多短裙短褲，甚至有啲短到我買咗返嚟先後悔，因為短得太暴露而一次都唔敢著出街，

幾乎全程車，我都繞住強哥說說笑笑，喺其他人眼中，我哋更似係一對情侶，而阿輝就全程冇回過頭望過我，靜靜地坐車，就連隔離細明撩佢講嘢佢都甚少應人，我感覺佢好似有少少嬲，

坐咗冇半個鐘車，小巴車我哋到一個涼亭處就停咗車，車上嘅人開始落車，而我同強哥傾到失晒魂，突然阿輝起身，“落車啦，總站啦，到啦，”，佢自己先行同細明落咗車，我同強哥就說說笑笑間慢條斯理咁落車，

落咗車先發覺，阿輝同細明已經行前咗一段距離，“咦喂，佢哋行咗去啦喎，快啲追返佢哋啦，”，我回神後同強哥講嘢之際先發覺，唔知係咪啱啱繞慣咗，落咗車之後我又繞實咗強哥，我速速放手，追咗上去阿輝度，

“輝啊，等埋我，”，我追到佢，並拖返佢隻手，實質我有啲怕阿輝真係嬲豬我，

我哋又行咗一段距離後，強哥先喺後面，慢慢追到上嚟，

行冇幾耐，我哋已經俾群樹包圍，深入山中，沿途風景真係好靚，我同阿輝都影咗好多相，又合照咗幾張，好快地，啱啱嘅氣氛和諧咗，阿輝拖住我，介紹咗好多植物俾我知，雖然我有專心聽，但真係唔入腦，植物名同樣我都聽完就算，只係記得有啲好靚，有啲就有啲咩藥用價值，覺得阿輝喺呢方面識咁多嘢真係好叻，

你傾我講之下又行咗成個鐘，我開始覺得熱，汗珠已掛在額頭，阿輝伸手用手指幫我抹去，“熱就除咗件褸先啦，傻豬，”

“嗯，”，我將運動褸除低，用手袖位將其綁咗喺腰上，原來我入面都已經濕晒，胸前嘅汗珠已凝聚成汗水流入雙峰之間，

我飲咗啖阿輝遞俾我嘅水後，佢同我講，“強哥佢哋行咗好遠啦，如果你重可以嘅話，睇嚟我哋要行快啲追上去啦，”

“我應該ok嘅，行啦，”，其實我已經有啲攰，但可能我重有少少嘅好強心，只好頂硬上，

追咗十幾分鐘，前路都重係未有強哥佢哋嘅踪影，突然身後就傳嚟咗強哥嘅聲音，“喂。。。。。”，

原來強哥佢哋見我哋行得慢，特登行咗去第二條路，摘咗啲野果過嚟俾我哋食，睇上去有啲似係李，綠色皮，咬落爽脆，啲果肉好軟，我覺得有啲酸，但酸後又有啲回甘嘅清甜，十分消暑解渴，

強哥見我成頭汗，笑我，“傻妹，睇嚟你要多啲運動啦，郁兩下就出晒汗咁，哈哈哈，”，隔離嘅細明聽到都偷偷地笑，俾我望見又即刻收埋個笑容，我第一次見到佢笑，佢平時傻傻呆呆嘅面孔，笑起嚟都好靦腆可愛，有啲似我個初戀男朋友，

“咩喎，人地少行山姐，平時我都有運動㗎，”，我喘住氣但又唔服氣咁講，

“係咩？”，強哥樣衰衰咁講，“咩運動先？”

“講咩啊你！？好衰㗎！人哋平時。。。”，我突然間諗起，我游水唔算叻所以好少游，跑步對於我嚟講又大“負擔”所以好少跑，做得最多嘅運動，我諗都係行嗰條返工每日必經嘅長樓梯，無言以對下，“哼，講衰嘢，嬲你㗎，”

“我冇講衰嘢啊，我問你做咩運動之嘛，”，強哥扮晒無辜，“係你自己諗咗啲咩啊？”

阿輝聽到我哋嘅對話，喺後面哈哈大笑，如果我唔係攰到喘晒氣，可能會走上去打佢兩鎚，但依家真係冇晒力，剩係可以啤住佢，見我啤佢，佢亦都醒目，可能怕我又嬲佢，佢即刻收咗聲，重拎咗支水俾我，扶咗我埋路邊嘅一塊大石，“坐喺度休息下先喇，豬豬，”，

我見有得坐當然唔會錯過，一手拎住水樽飲水，一手揼下酸痛嘅大髀，“重要行幾耐啊？”，我問身邊嘅阿輝，

阿輝過嚟，踎咗喺我前面，雙手分別幫我按下一雙小腿(事後阿輝有同我講返，原來我一坐低，可能攰到冇晒防備心，雙腳開開，褲管大開，入面嘅Bikini泳褲一覽無遺，而側邊嘅強哥細明，應該都可以睇得好清楚)，“快㗎啦，我諗以依家嘅腳程，行多唔駛半個鐘就到㗎啦，”

我哋抖咗一陣，又開始行，強哥同細明當然就係一起步冇耐就又已經冇咗踪影，阿輝就陪住我慢慢行，漸漸開始聽到浪聲，到已經開始聞到海水嘅味道，“就到啦，”，阿輝拖住我，入咗個草叢，又兜咗幾兜，最後又穿過一堆有人頭咁高嘅草叢，行咗半分鐘，喺阿輝推開最後一片草時，終於嚟到沙灘，

雖然我又喘晒氣咁，但一見到個沙灘，風和日麗，浪花朵朵，海上折射住陽光閃閃發亮，成個人嘅心情都舒暢晒，氣都即刻冇咁喘，個沙灘好大，但除咗遠望過去，喺海邊踩緊水嘅強哥同細明外，竟然空無他人，

“係咪好正！？”，拖住我向前行嘅阿輝問，

“係，好靚啊呢度，”，俾眼前嘅靚景吸引住，當然第一時間就拎起咗個電話，影返幾張靚景相同自拍先啦，

阿輝已經放開咗手，行咗去沙灘中央，留低我一個人影相自拍，

[ 本帖最後由 laogoulaile 於 2018-3-1 09:53 AM 編輯 ]