雨宮慶太

一次過睇曬，勁正，快d寫埋佢啦

石頭~

真係寫得好正，可以拍戲啦，支持寫落去

紫玉蘭

努力努力，期待新文。
雖然覺得你好衰，不過又覺得男人就係咁，又能夠理解。

神聖衣

真係唔好意思，前排真係好忙，另外每每想落筆繼續；都有種唔會寫得好嘅感覺，所以一直拖，而且唔知係咪依PART情節太普通，所以寫極都唔滿意，我都唔太想放上黎，費事搞破壞.

到依兩日想寫完一PART先，點解寫寫下過左1000字做唔到草稿，令到好似無左個尾咁，不過，算喇。依PART就當成個故事一個小缺憾吧, 下PART開始會返返入直路.

另外再借版多謝留言嘅各位，大家嘅留言，過1,2日我得閒先回喇, THANKS

神聖衣

手握住門鎖，我當時個心跳得好快，不過個人喺大陸；個膽就大好多，做野亂柒咁黎，唔點理後果。如果地點係香港嘅話，我根本唔會諗咁多劇本。

唔晒時間；諗黎多餘，見機行事算。手按住門鎖；輕輕轉動。。。卡！ ！！

手係轉緊，但個門鎖無跟住轉...！！！屌~~ 鎖撚左嘅 (好正常遮)。 唉，晒心機崖眼訓，點解我會ON9成咁；竟然完全無諗過。本身都攰攰地；依家個人直頭即刻謝晒皮，咁唯有返自己房休息算喇。

轉身，一；二；三紅綠燈！。。。我屌 ~ 。唉，(我真係唔知當時自己搞乜鬼，好似完全無晒分析能力咁。就算今日寫返都覺得自己當時ON9到震) 我竟然完全無計算過返自己房嘅部份，依家搞到連自己房都返唔到，進退兩兩難:smile_42:

身上短衫短褲、著住酒店嘅紙拖鞋...銀包又無，煙又無。完全孤立左:smile_39:  咁嘅LOOK，咁嘅環境，我真係呆左企棟係度，唔知點算。

當時，我係可以拍門叫醒細K開門。但可能身有屎，搞到好似所有藉口都好難成立到。最後我決定落去櫃台求救，個櫃台阿叔係都要我攞証件証明，我叫佢睇我身做型，講左N次我得毛可以比佢。

佢話最多打上去比我同伴，要佢証明先比卡我，佢講極都講唔明，明明佢問我証件資料都MATCH晒，我實在忍無可忍，話如果叫醒佢，我洗鬼你開新卡比我呀，我上到去佢開門比我都得啦，我依家就係唔想嘈醒佢，先叫你幫我搞。

越講越火，索性唔鳩再同佢講，行去梳化坐低。望望個盒仔，嘩，真係有免費煙提供 (當時，大陸好多酒店大堂都會放免費煙比客人)。當一個人乜都無時，普通不過嘅額外BONUS都會令人好滿足。

我坐喺梳化度諗下野，食左幾枝難食到嘔嘅煙。好眼訓、體力不斷下降，就黎頂唔順，決定叫櫃台打上去比細K開門比我算。同個阿叔講聲，佢突然問我有無興趣搵小姐，80蚊一個鐘任吉，80入面包括埋房錢，訓天光都得。

我幾好奇想睇下，但個身無錢，又怕一陣睇唔啱，比佢老屈，所以最後都推左。條仆街好長氣，勁SELL我，已經無乜精神，佢仲一輪嘴講，搞到我好燥，我食晒火藥好大力拍落張台度、叫佢收嗲就上返樓。

返到房門口，按左一陣門鐘，細K望清楚後就開左門比我 (其實件事根本就簡單到爆) 細K問我做乜出左去，我都唔記得講左個乜藉口，之後佢就攬住我訓。可能個人太攰，有床訓有女攬，好快我就訓著左，而且仲係黎左咁多日訓得最好嘅一晚。

晨咁早8點幾我已經起身，奇怪我出奇地唔覺得攰。我今日就返香港，所以無打算再返訓，細K跟住都起身，我地好有默契咁一齊去刷牙洗面，簡單輕便裝就出門。天氣非常之好，加上晨早空氣清新，所以心情好好。

我地去左舊區一間好老舊嘅地方飲早茶，我都唔知下次幾時會再黎，所以我好珍惜眼前所見到嘅一切。(估唔到個次轉眼到依家已經過左咁多年，相信都無乜機會再去喇)

我好少會慢慢咁享受早餐，通常都係隨便食完就趕住返工。望住一台台老老嫩嫩嘅客人，望住台上嘅食物，我有種好感觸嘅感覺，人可以話好難滿足，但有時又好易滿足。

食完後，細K同我周圍散步，因為今日係最後一日，細K拖得我好實，我唔知佢心入面點諗。但個刻我並無太多唔捨得佢嘅感覺，反而係唔捨得離開湛江依個地方多D。

到差唔多就返酒店，執好D野就過左去班女間房吹水。入到去當然無好似漫畫咁；個個只係著住底衫褲嘅性感畫面。不過四條女個個短裙熱褲，真係好想是旦插返件，又唔明點解頭先無執返細K一劑先過黎。

四條女掛住傾計，直頭當我透明，仲喺我面前夫面膜、剪腳甲、梯加拿大毛。依D女人恐怖野，我真係唔多想睇，反正都要等佢地化妝搞咁耐，我就索性上床訓教。點知越等越謝皮，佢地講野又大聲，嘈鬼住晒，所以過左陣；我就返返自己間房休息算。

過左陣，細K返左過黎，你自投羅網，我當然唔會客氣，喂飽細佬先講。過程唔多講，都係轉來轉去，插幾百下收工咁。食飽後，細K又走返過去佢地間房。(我一直都話，佢係個醒目女，可能佢感覺到我睇住4條女，小弟弟難忍，所以突登走返黎比我插完先返過去。)

都無印象佢地整左幾耐，到佢地話OK，我地一行人就落樓CHECK OUT，落到樓先記得，依度係另一個鎮，我望望車飛，仆街喇，仲要返本來個鎮度CHECK OUT同攞行李。而小巴仲要成個鐘先有車。

佢地梗係無所謂，得我急，張車飛大大話話成百幾蚊港紙，無謂晒左佢啦。好彩係紫菜有車，決定好後，就上左紫菜架車，細K同我好輕描淡寫咁揮揮手講聲88，又或者係我無心裝載。

沉日見紫菜個身做型已經慾火起，今次仲要坐喺佢後座，嗅到佢身體同頭髮散發出嘅香氣，真係正到暈。紫菜得一個頭盔，我話唔戴，佢又話唔戴，我知道佢專登嘅 (可能之前無同大家講，其實紫菜係對我有D好感，不過佢重來唔會踏過界 - 遲D再講)

紫菜將架車慢慢駛出小路，我渣住部車後面個架，回頭望望細K，徵徵一笑就走喇。依次算係我真正第一次坐女人手車，條女仲要咁正，沿途勁多人望。

紫菜將車速不斷提高，我覺得渣住車後面個架好唔穩陣，而且D風咁大，佢睇唔睇到野架大佬...本來初頭都幾享受，但紫菜D頭髮勁打中我塊面，點避都避唔到，屌，依家攞正牌抽水，一手就渣落佢條小蠻腰度，到後期直頭抱住佢 (諗返起都搞笑，男女角色掉轉左)

半個鐘唔洗就返到去，時間得返好少，一到步我極速上去攞行李，跑返落樓CHECK OUT，櫃台話要等姐姐上去CHECK完先退得按金，我10萬火急，仲晒我時間，好彩5分鐘搞掂。

上返紫菜車，10分鐘就去到個日到步嘅小型車站。如果唔係有紫菜做柴可夫，我一定會好唔高興。望望張飛時間仲有10分鐘唔到，紫菜幫我攞張飛打印，我攬攬紫菜同佢88就出去侯車處準備上車。

行出去候車處，見有時間就食枝煙，但過左3分鐘都唔見我準備上個架車到站，入返去問人，下，開撚左！！無野呀，印都打埋，你班人點做野架，都味夠鐘，同我講架車出左去外面載街客...叫我行出去上車，話依家CALL機司叫佢等我，個阿嬸話帶我去，行左5分鐘，都唔知佢地點溝通嘅，話打唔通司機個電話，架車走撚左...我個人即刻燥晒。

出晒煙咁返去車站問佢地依家點搞，佢地一個推一個，話唔關佢地事。最後叫我買過張新飛，仲要兩日後先有車到，我已經到晒頂，屌到成個車站都聽到我扯晒火 (雖然得小貓幾隻:smile_27: )

我面對幾個難題，身上得返200蚊左右，無電話卡，無細K電話 (實在太大安旨意)，人生路不熟。雖然情況好壞，但人越喺逆境底下就更加需要保持冷靜，唔係只會令情況更加惡劣。

第一件事係諗起紫菜，不過唔到兩秒，我已經打左輸數。因為頭先我屌得咁大聲，如果紫菜仲喺車站附近嘅話，佢早就返黎搵我。當我仲諗緊點搞嘅時候，個阿嬸仲係咁叫我買定兩後日嘅飛。

我無理佢，慢慢行出車站，成班阿叔走黎問我要唔要車；去邊。我真係想一次過鐘爆班仆街，明明睇住我上唔到車同車站D人嘈，仲問我D咁嘅問題。我無理佢地，有時間發火，不如冷靜D諗下依家點搞仲好。

經過一枝煙嘅時間，我索性行出車站，盡量諗返行過嘅路。反正情況都壞到無可再壞，菸其企喺度等，不如試下解決方法。我放鬆心情，就當自己啱啱到步嘅自由行，諗返大概就出發。

當唔確定時，就問問人，講返間酒店大概嘅LOOK同附近有D乜野。唔洗20分鐘，好快我就到左之前住間酒店，本來我想CHECK IN，但一旦我住酒店，就會唔夠錢買返香港嘅車飛。

依D山卡啦酒店無晒WIFI提供，所以就叫櫃台幫我留QQ MSG比細K，但等左成個鐘都無回應。我攞左間酒店嘅卡片就行左出去門口，街上人流好少，我漫無目的咁喺街上遊蕩。

當經過一間民居時，睇到D人喺屋入面打麻雀，我即刻就行返酒店門口。然後極力諗返去【麻雀之家】條路點行，可惜條條路對我黎講都差唔多一樣，行行下仲蕩失埋路，反正情況都壞到咁，就繼續亂柒咁行，總之頭先行過嘅路唔重複就算。

原本我打算準備天黑之前，就坐電單車返酒店。足足行左成個鐘有多，仆街，連水都唔捨得買，仲要咩住背郎，都唔好話唔辛苦。所以打算行多幾個字，如果仲係無辦法，今日就返酒店再算。

點知行行下，終於行到個熟識嘅地方，個間網吧！啦啦聲入去問櫃台，點知個櫃台條友話今日幫朋友睇鋪，唔知細K係邊個。我即刻租機開QQ，比1蚊佢:smile_30:

細K就搵唔到，好彩【麻雀之家】人妻有回。等左幾個字左右；佢老公就過左黎接我。喺一個完全陌生嘅地方，見到有個『熟人』，個下真係非筆墨可以形容。而且我仲要差唔多乾塘，真係差D想喊住叫聲佢契哥咁劑。

[ 本帖最後由 神聖衣 於 2018-6-29 09:33 PM 編輯 ]

神聖衣

好快就到左【麻雀之家】，其實個陣都味入黑，但係佢地已經食完飯，鳥緊牙。麻雀人妻見我味食野就去煮熱D野比我食，而麻雀人夫送完我到步後，斬下眼已經唔見左人。

好平淡咁過左幾個鐘頭，期間同兩個小妹妹玩下，到佢地上床訓教，我就ON99喺度睇D悶到仆街嘅電視節目。無幾耐見麻雀人妻沖完涼換曬睡衣，渣住條枝毛巾抹緊個頭。

喺電影角度，正常黎講，個畫面應該好吸引。但當時我真係HIGH唔起，因為麻雀人妻實在太瘦，如果正常肥度100，佢得85，雖然味到骨瘦如柴，但見到都無乜食慾個隻。仲有套睡衣好撚老土:smile_27:

其實之前佢地D人打麻雀時，我都同佢都傾好多野，所以都算OK熟，唔覺唔覺；講左成粒鐘有多。見開始少話題，就借D二話去沖涼。出黎問下，細K都係無回QQ。

麻雀之家有三層，第二層有兩間房，一間客房，一間就兩個小妹妹訓。講聲早抖就各自返房訓，朦朧間，都唔知過左幾耐，麻雀人夫返左黎，大吵大鬧，好明顯係飲大左。

無幾耐，就聽到佢兩公婆喺樓上嘈交，喊打喊殺，仲聽到打交聲。我係客人，人地家事，本來我唔應該理咁多，不過之前傾計都知佢地兩公婆關係不嬲都唔太好，尤其麻雀人夫酒品好差。

所以見狀，我就上去拉開佢地一下，不過結果無預期咁好，人夫連我都鬧埋:smile_27: 最後我費事理，強制捉走麻雀人妻落二樓，好大力咁推開人夫幾次，最後條友自己關埋房門勁掉野。(PS: 我真係好憎D咁差酒品嘅人，如果唔係多謝佢送我黎，我真係想打柒佢)

之後麻雀人妻去左兩個囡囡間房度，樓上人夫應該訓著左完全靜晒。心諗；好喇；終於可以好好休息諗下野。點知都味轉身；麻雀人妻就喺客房門口叫我，見佢心情味平穩，就扮野安慰下佢。

點知越講越衰，佢一路講一路喊，我眼皮就跌咁劑。不過佢完全無發現到，講講下，仲問我可唔可以攬下佢，人地都開到聲囉，就攬下佢啦。攬左陣，見唔太舒服；想推開佢又覺得唔好意思。

但其實當時我好驚；怕身後佢老公突然渣住把菜刀出現。所以諗諗下，都係推開佢算，誰不知，艷遇一直黎，麻雀人妻抱抱完仲唔夠被，竟然用個好怕醜嘅樣同語氣；問我可唔可以錫佢。

我當時真係好眼訓，不過佢咁大膽咁問我，個人都醒一醒。上面都講過，佢太瘦，一個照牌跌落黎死十個嘅個種村姑LOOK，仲有個兩隻哨牙，我完全0感覺、0食慾。

所以我(好理智)咁拒絕左佢，話佢心情唔好，唔應該用咁嘅形式黎發洩。最後成功甩身，有教好訓 (不過我完全無諗過當時嘅『君子』風度，令麻雀人妻真係鐘意左我 - 不過依個後話，故事後期D會講)

訓左唔知幾耐，起身去痾尿，搏下就落左樓下開電腦用下 (之前麻雀人妻有叫過我隨時可以用)，一打開QQ，終於收到細K回覆。

佢話個日電話壞左 (又會咁啱)，個時我真係半信半疑。不過點都好，我係有D唔開心，所以隨便求其交代下；講低情況就關電腦，返返上樓上繼續訓。

人雖然喺床上面，但全無睡意。因為咁樣白白浪費左一日真係好晒，我成晚喺度諗D無聊野，見訓唔著又攞本薄仔出黎記錄下，直到差唔多天光先再次入睡，希望起身時會有個愉快嘅一天。

[ 本帖最後由 神聖衣 於 2018-6-30 11:07 AM 編輯 ]

frostywrath2

good stuff Ching!:smile_52::smile_52:

雨宮慶太

引用:

原帖由 神聖衣 於 2018-6-27 11:50 PM 發表
好快就到左【麻雀之家】，其實個陣都味入黑，但係佢地已經食完飯，鳥緊牙。麻雀人妻見我味食野就去煮熱D野比我食，而麻雀人夫送完我到步後，斬下眼已經唔見左人。

好平淡咁過左幾個鐘頭，期間同兩個小妹妹玩下，到佢地上床訓教，我就ON99喺度睇D悶到仆街嘅電視節目。無幾耐見麻雀人妻沖完涼換曬睡衣，渣住條枝毛巾抹緊個頭。

喺電影角度，正常黎講，個畫面應該好吸引。但當時我真係HIGH唔起，因為麻雀人妻 ...

你d經歷真係好正，希望你快d再出下一集