可可queena

第18集 半年後

工作空檔期間，Edmond如常咁打電話，呢半年內，打呢個電話號碼的次數冇1000都有800，每次都係”未能接通”，但佢都繼續堅持，得閒就得，彷彿打多幾次，就可以彌補對LINA的傷害同埋減低思念，雖然唔想承認，但佢知道自己已經沉船

「剛才打嘅電話號碼已經停止服務」

聽到呢句，Edmond隨即低語：「佢真係咁狠」

一直覺得Lina很傻氣，天真，隨遇而安，好適合做女友，SP，情婦，但唔適合做佢老婆，因為佢的老婆人選要係生意上幫到佢，家庭背景或者工作能力，而LINA只係適合做小女人，普通師奶仔，幾十歲人都繼續睇少女漫畫，然後佢老公仲會覺得佢好可愛。

Edmond甚至想過，LINA一直做情婦，而AMY就做老婆，唔係因為愛AMY，只係佢做生意的手腕幫到佢，而AMY亦只係想創一番事業，唔會計較佢有幾多個女人。

但今次LINA咁決絕，EDMOND初時介意佢打亂左自己的計劃，但一個月都搵唔到LINA時，佢開始有D驚，自懂事開始，佢從來未怕過，所有事都係佢計劃之內，直到識左LINA，人生第一次失控，就係在日本旅行時，見到LINA同第二個男人有講有笑，好開心咁食蛋糕，佢睇得出呢個係正經的普通男人，亦睇得出佢鍾意LINA，只要LINA接受咗佢，佢地絕對會組成幸福小家庭，所以當時佢只想綁住LINA在身邊，唔比佢同其他男人接觸。

半年來一直搵唔到佢，EDMOND考慮過搵私家偵探，但搵到佢又點呢?自己都比唔到將來佢，都係放手啦。

諗通咗之後，佢決定回復返認識LINA前的放縱生活。

去到酒吧，憑住佢迷人的外表，半個鐘內已經溝到女去開房。

又過了四年
EDMOND繼續放蕩生活，亦同未婚妻AMY分開了，原因係某個女職員同佢上床時，拍咗段片嚟要脅佢，EDMOND搵咗多年死黨MICHAEL將條片CUT走自己個樣，跟住SEND比兩個同事，好快就全公司都知道，個女職員就自己離職。

而EDMOND亦唔想再比機會公司D女用呢D招數，所以就好無賴咁同所有DEPT HEAD講咗，夜晚七點後有機會就搵公司D女上床，而唔會負責任

佢原本以為呢樣野冇人信，但結果連MICHAEL都信，每晚準時送秘書QUEENA走。

見到QUEENA，就會想起LINA，佢兩個的性格好相似，相處時會令人感到輕鬆同溫暖，既然同LINA冇結果，就想同QUEENA一齊…

<待續>

Edmond 同 Lina分開幾年之後，認識到Queena
但大家都知道Queena心有所屬喇 (我假設大家有睇小秘書札記,亦記得劇情)
咁Edmond點算呢?

可愛的Lina又過緊點樣的生活呢?

tom.care

實扑，用力推！

米高達

引用:

原帖由 可可queena 於 2018-3-24 03:50 PM 發表
早前陸續咁樣重貼舊文，唔知有冇人好期待「我和主人的故事」呢一篇呢? 呢篇係我寫得最滿意的作品，內容半真半假，喺2015年4月時寫，所以文章內有D情節可能會有少少脫節，但整體都唔算大影響﹝我覺得﹞

記得當時呢個題材係突然諗到，大約一兩日就寫好大綱，之後每集都寫得好快，亦係我唯一一篇得到超過十萬點擊率的故事。

本來我想寫完手頭上的新故事先重貼呢篇，當係谷下人氣探下路，不過我篇新文寫咗兩集就 ...

一口氣追哂 18 集，好
Lina 寫得好入心，我都好想做佢主人
容我喺呢度配首歌，去唱出吓 Lina 份心底，佢對 Edmond 既默默付出。。

( 照舊。。 click 張相有歌聽 ) 今次條女仲幾正嘅, 不過佢把聲仲正  :smile_04:



男人沉船 SP 經常有，但其實女人愛上男 SP 更多，多年前 Tom Cruise 的一套 「Vanilla Sky 」是較早期講述呢類關係，由更早期的 ONS 轉形至 Fuck Buddy ，女人改稱為 Friends with benefits 較文雅，到今時 SP 或 SL。。先性後愛，係社交歷史大革命的一代。。全多得 internet 同 social app，哈哈


[ 本帖最後由 米高達 於 2018-6-5 08:43 PM 編輯 ]

~信信信~

引用:

原帖由 可可queena 於 27/5/2018 09:54 PM 發表
第17集 坦白

返到屋企喊咗一場，見到主人SEND來的MSG，只有”SORRY”呢5個字母，真係有D嬲，我決定熄電話，我唔想比機會佢敷衍我，其實更怕佢連敷衍都冇……………………………..

斷斷續續咁瞓咗大半日，真係清醒時已經接近中午，今日係我的23歲生日呢…估唔到會變成咁，梳洗之後精神好D，但我依然唔敢開電話

今日終於開返電話，見到好多親友SEND嚟的生日祝福，亦有主人的留言， ...

痛。。。:smile_o03:

~信信信~

引用:

原帖由 可可queena 於 28/5/2018 09:45 PM 發表
第18集 半年後

工作空檔期間，Edmond如常咁打電話，呢半年內，打呢個電話號碼的次數冇1000都有800，每次都係”未能接通”，但佢都繼續堅持，得閒就得，彷彿打多幾次，就可以彌補對LINA的傷害同埋減低思念，雖然唔想承認，但佢知道自己已經沉船

「剛才打嘅電話號碼已經停止服務」

聽到呢句，Edmond隨即低語：「佢真係咁狠」

一直覺得Lina很傻氣，天真，隨遇而安，好適 ...

等樓主update

可可queena

引用:

原帖由 米高達 於 2018-6-5 08:17 PM 發表


一口氣追哂 18 集，好
Lina 寫得好入心，我都好想做佢主人
容我喺呢度配首歌，去唱出吓 Lina 份心底，佢對 Edmond 既默默付出。。

( 照舊。。 click 張相有歌聽 ) 今次條女仲幾正嘅, 不過佢把聲仲正  :smile_04:
https://lh3.googleusercontent.com/FUezKl8eU-3CPGr ...

米兄終於有時間過嚟睇文?多謝多謝!

可可queena

引用:

原帖由 ~信信信~ 於 2018-6-7 11:46 PM 發表

等樓主update

多謝~~而家即刻去UPDATE

[ 本帖最後由 可可queena 於 2018-6-9 01:14 PM 編輯 ]

可可queena

第19集

今晚Queena又有節目，剩低Michael同Edmond兩個睇波吹水

「Michael，點解你呢排咁得閒?終於比Queena飛咗?」

「佢個fd而家得閒陪佢嘛，我咪入咗冷宮囉，佢兩個成日一齊去整嘢食同整埋D咩手作，仲搞咗個」

「下?！個名咁白癡??」

「我都覺得，最難得佢可以搵到個人同佢一齊低能」MICHAEL笑一笑：「不過佢呢個FD同佢的興趣、性格都幾似，我想介紹比你，等你唔好打Queena主意，不過佢唔比，話你太花心，唔適合佢個fd。」

「而家冇啦…只係初時覺得佢似另一個人，相處多咗就知點相似都冇用，唔係就唔係。」

「嘩，好少聽你咁感觸喎！ 不過你講得啱，唔係就唔係，Queena同Lina雖然好相似，但我對Lina完全冇FEEL的。」

EDMOND心跳加速，冷靜過後，若無其事地問：「個Lina就係 的成員?」

「係呀。」

Lina…. 會係我掛咗幾年的Lina嗎?

MICHAEL走咗之後，EDMOND即刻上FACEBOOK，好多年冇用過了，首先ADD咗Queena， 見到佢剛剛打卡，而張相就係佢同Lina捧住一盤曲奇影的。

分開近5年了，再次見到Lina，佢個樣冇乜點變，只係少咗D青澀，多咗D女人味，EDMOND一直睇佢的相，知道佢呢幾年的生活過得幾好，不期然流淚………….終於……………..搵到了……………….

<待續>

今集有D短,陣間會出多一集

可可queena

第20集
今日同Queena一齊去學整曲奇，見到佢fb已經放咗相，無意中見到有個”Edmond Chan”剛剛同佢做咗朋友，雖然呢個名好普通，但都忍唔住click入去望下。

果然就係佢….相信佢都睇到我同queena的合照了，唔知佢會唔會忘記咗我呢?畢竟我地都分開咗差唔多5年，佢應該結咗婚，甚有兩三個小朋友，唉…….

雖然係咁，都忍唔住睇下佢fb d野，不過… …冇野睇，應該係好耐冇用過，但見到佢幾分鐘前放咗「耿耿於懷」的mv，再加上呢幾句：

你　最近還好嗎　尚愛看少女漫畫嗎…

我　有時仍很怕　路過你那從前的家
往事若然未落幕　再揭起有害嗎


死啦….我好想對號入座呀………..

<待續>