一/二
我叫阿偉，溝咗藍藍好幾年。
佢喺餐廳做嘅時候識佢嘅。嗰陣佢仲未離婚，但係佢同老公嘅婚姻早已經有問題，佢老公喺外面溝女，佢好唔開心嘅時候我識到佢。
因為見到餐廳居然有個咁靚嘅阿姐，幫襯咗一次就返轉頭再幫襯。第二次就試吓嘍吓佢講嘢，佢好似對我有啲好感，我嘍佢講嘢佢又有反應，於是就問到佢個名。佢都幾cool嘅，第三次，我即管試吓膽粗粗問佢攞微信，預咗佢唔俾㗎喇，估唔到佢居然俾。
喺微信嘍佢傾吓偈，傾咗一個星期度，佢漸漸透露老公喺出面溝女，同佢關係出現紅燈。我就扮哂關心、安慰，跟住就試吓約佢得閒去街，問咗一、兩次，終於肯出嚟。
來往咗兩、三個月左右，就上到床。嗰日我哋本來話去睇戲嘅，出到去我突然話唔想睇。我拖住佢上咗間時鐘，佢話唔好。我問點解啫？佢話冇袋唔得。點知原來我早有準備，佢冇出聲就跟我上去。佢係一個好靜嘅女仔，冇咩嘢講，上到去就各自沖涼，跟住上床。佢瞓低，我哋錫吓，佢唔多肯同我伸脷，我有啲啲冇癮。
我摸吓佢波波，佢身材幾唔錯嘅，波波唔係超級大，中等大，幾挺同埋個形幾靚。我揸吓佢、啜吓，佢靜靜咁，冇咩反應。我摷吓佢，佢已經漏水，我就用手指捽佢一輪。
佢依然幾靜，我諗住同佢用口，佢話唔鍾意，亦唔肯同我用口。
於是直接戴就套入。
藍藍喺床度幾懶嘅，瞓喺度，冇咩姿勢，只係微微張開雙腳俾我入去，連抬高雙腳繞住我後面都懶。
佢喺床上冇乜反應，令我覺得佢好似唔鍾意。我自問做得幾好嘅，佢依然好似冇咩大反應咁，我就問佢係咪唔鍾意？佢話唔係呀，好舒服呀。我就一路抽插佢，用盡我識得嘅玩法去令佢開心。佢只係發出一啲唔、唔聲，好內斂，冇話好似第啲女咁樣叫出嚟。
我將佢搬來搬去，又喺床邊企喺度成支入去然後成支出嚟咁抽插。屌咗冇半個鐘都有五個字。佢問我，咁耐嘅？你忍到嘅咩？我話我冇忍嗰囉喎。
我見佢只係有輕微反應，覺得佢係咪唔鍾意定點？就問佢係咪我做得唔好？佢話唔係呀，我到咗兩次喇，俾你屌到頭暈，你都未到。
我問佢仲要唔要？佢話，係調番轉你使唔使出？你不嬲咁耐嘅咩？我話咁叫耐咩？佢話係，都幾攰。
我就話，咁由佢啦。
後來我至知道佢不嬲係咁嘅。
藍藍好細個，大概16歲度喺鄉下出廣東做嘢。嗰陣佢好窮，冬天被都唔夠搇，俾一個男人照顧，第一次就俾呢條友攞咗。佢俾過佢嗰陣時啲相我睇，靚到吖，又仙氣、又清純。兩年後佢去咗中山一間香港人開嘅廠打工，喺嗰度識咗第二任男朋友，就係佢老公。
據佢講佢做愛不嬲都係咁嘅，佢老公曾經話過，同佢做愛好似屌條死魚一樣，都幾侮辱。
藍藍話真係興奮、有高潮㗎，但唔知道可以點樣叫做有反應。
同佢拍咗半年拖，佢同老公離婚。有個仔要照顧，因為呢個時候老公開始失業一直唔願做嘢，而間公屋佢老公嘅，佢冇名。於是佢要搵地方住。加上佢要照顧鄉下父母，開支都好大，餐廳份糧唔夠支持。
我有老婆嘅，不過佢性冷感，於是我喺外面溝女。
藍藍唔係我第一段婚外情，之前溝過一個叫阿麗嘅賣衫妹。
阿麗一直同我講佢同男朋友同居，我扑咗佢至知道原來佢有老公嘅。拍咗一年左右，阿麗有咗，我哋就再冇來往。
藍藍知道冇可能叫我同老婆離婚娶佢，作為女人，佢自己個老公咁樣，佢都唔想將自己嘅經歷帶俾令一個又冇做錯事嘅女人。佢想我照顧佢生活，但正所謂長貧難顧，我話咁樣我會幾大開支，會俾屋企人發現㗎。
跟住佢有一個姊妹介紹佢去飛機場做骨女，即係會幫男人打飛機、過程中會俾男人揸波、隔住底褲摸下面嗰種。佢考慮咗一陣就去咗，原因係個場俾佢留宿，於是佢叫做有個瞓覺嘅地方。
我哋為咗呢件事嘈。佢話，你又唔肯照顧我，我連瞓覺嘅地方都冇，有乜辦法呀？
我話最多我幫補妳多少，佢話唔夠，始終都要搵份多錢啲嘅工至可以儲到多少錢。我咩學歷都冇，唔做呢啲嘢做得乜呀？
結果，佢走咗去做骨妹。
我哋達成共識，佢唔使我照顧佢，佢繼續同我來往，同我做愛。底線係佢除咗幫男人打飛機、俾佢哋揸波同隔住底褲摸下面，唔會同男人有其它接觸。
其實咁樣，對我嚟講差不多等如分手。
但係，一來我唔捨得佢，二來佢唔使我俾錢同我繼續扑嘢，咁我覺得就算當係有個sp都冇壞吖。
不過，之後我經歷咗好辛苦嘅兩年。
首先係我知道有好多客嘍藍藍「開大」，係佢哋嗰行嘅術語，即係做愛。試過有人客開出每個月俾兩皮幾佢同佢一齊住，條件係要藍藍全天候報告，去邊度、同邊個一齊，都要影相俾條友睇，亦都要隨時電話、視頻搵到藍藍。藍藍一來根本唔鍾意呢條友，二來兩皮幾一個月，以當時個市，佢哋勤力少少幫男人打飛機絕對唔止呢個數目，唔使俾你扑仲要俾你監管。
除此以外，好多幫襯佢幾密同穩定嘅人客幾乎日日早、中午、下晝、黃昏、夜晚、臨瞓電話、訊息關心問候。呢啲人幫襯唔少，藍藍唔啋佢哋又唔得，但係一應開呢啲人，佢哋就會當正同妳真係好好，就繼續日日咁搵妳傾偈聊天。
我初初諗住，妳都立心要做呢啲嘢囉，我就當大家只係炮友嘅關係，唔會理妳同啲客有咩嘢。
點知慢慢，唔覺唔覺開始留意呢班人同藍藍之間嘅互動，我靜雞雞安裝咗間碟程式喺藍藍個手機度，令我知道咗有邊幾個人特別鍾意聊佢，亦睇到佢哋講嘅嘢。
個名單水蛇春咁長：麥包、阿華、劉飛、Philip Fung、阿佳、史坦利、Ivan鄭、徐偉倫、Man Wong、CL劉...單睇佢哋嘅對話，相信佢哋未攪過嘢嘅，但係令我最㷫嘅係佢哋個個當正藍藍女朋友咁樣，得閒無事撩佢吹吓水、嘍佢呢樣嗰樣。我睇到有一年藍藍生日，麥包同佢食飯慶祝，仲幫藍藍影咗啲相。我又睇到嗰個阿華攞藍藍張相去做頭像，仲問藍藍覺得靚唔靚呀？我就覺得妳仲靚過千語BB喇等等。又有啲人就叫藍藍做老婆仔。藍藍都會啋吓呢啲人、同佢哋曖昧吓。
我唔可以俾藍藍知我知道呢班人同佢啲嘢，於是一直收埋收埋喺心入面。
為咗呢啲事，我試過唔少次鬧情緒。最初佢會鬧我，話假如覺得同佢一齊唔安樂就唔好勉強，大家辛苦。
俾佢鬧完之後，我唔敢再搵佢。每一次，佢嬲幾日就氹番我，話佢明白佢做呢啲嘢，我敏感係必然嘅，叫我唔好諗咁多，總之佢只係氹吓嗰啲人，佢冇同過佢哋攪過啲咩嘢。
有一次我又因為呢啲事鬧情緒，之後嗌咗一場交，佢又原諒咗我。之後見面，佢第一次主動將條脷伸入我咀裏面。
佢話，你知嘛，我不嬲唔鍾意咁樣嘅，你零舍狼。
抱住佢喺佢口腔裏面活動，感覺之前一切唔開心都值得。我激動咁叫佢個名，問佢，妳可以講啲大話氹吓我嘛？佢話例如咩？我話，我愛你。佢話，黐線，你當呢個係大話嚟？
佢專心同我條脷交戰咗一陣，然後話，我愛你。
漸漸，我開始想點佢都俾，包括我想用口舔佢個妹。
佢話從來唔鍾意咁樣嘅，覺得好唔衛生。
以我認識，藍藍個人幾被動嘅嘅，我估佢係啲人撩佢佢就儘量應吓。而佢亦為咗我得罪咗啲幫襯佢好多嘅大客。
阿佳係藍藍最大嘅人客，幫補佢最多，於是就想盡方法霸實藍藍。阿佳唔知點樣知道咗我嘅存在，知道我同藍藍非比尋常，但佢唔知道我同藍藍嘅關係，以為我只係藍藍比較好啲嘅客人。佢試過幾次想用錢叫藍藍唔好再見我，又試過喺舖頭撞到我喺度嘅時候專登喺我面前對藍藍做啲幾過份嘅嘢，藍藍癲咗咁喺舖頭其他姊妹同人客面前鬧鑊甘嘅佢。之後佢又再鬧過呢阿佳幾次，最後終於鬧走咗佢，冇再嚟幫襯。
攪到藍藍冇咗個大客，我都有啲過意唔去，同埋亦有諗過呢條女可能真係有啲愛我嘅。
唔覺唔覺我同藍藍糾纏到第三年。
有次藍藍遇到當初帶佢入行嗰條女，呢條女一早轉咗行做一樓一，做咗幾年已經搵到好多錢，仲喺馬鞍山買咗個單位自己住，另外買多個收緊租，但佢仲繼續做一樓一。條女個竇反正交咗租，有時姨媽到或者返大陸嘅時候冇人喺度嘅話好嘥，就嘍藍藍去做吓替工。
條女知道藍藍又要供養鄉下老豆老母、又要養仔，自己連竇口都冇過，做咗飛機場兩三年都冇乜積蓄，就同藍藍講，妳幫男人打飛機咁辛苦、搵錢又唔多，妳又唔多接新客，靠嗰幾個熟客，佢哋幫襯耐咗慢慢就流失，不如嚟我度搵多少外快，妳野心唔大嘅話做兩年就可以上岸。
佢話，啲雞蟲好多都好撚快，插入嚟3-5分鐘就射嘢㗎喇，耐少少嘅話5-10分鐘。試過一日做10零個男人。一個月做10日就搵到20幾皮。
有次條女月經到，俾咗條鎖匙藍藍叫佢不妨上去睇睇咩情況，假如上到去覺得可以、想做，可以接客，個竇有啲套藍藍可以攞去用。
藍藍發訊息嚟話我知，佢話想上去睇吓。
我話唔撚係啩？
佢話唔係話要做，不過想睇睇。我問，咁即係妳會考慮啦。
佢話，會考慮。
我問，假如妳去嘅話，妳會唔會叫妳啲揼骨人客去幫襯妳？
佢話唔會，唔想同佢哋做呢啲嘢。
我話，有咩唔同？妳去得嗰度，反正要俾唔同男人插，唔爭在同妳啲咩麥包、阿華、偉良...我其實有少少發火，佢咁樣即係當我係咩？
藍藍打咗個突，問，點解你會知道呢啲人嘅？
我話一早已經知道佢哋。
佢問邊個話你知㗎？係咪阿佳講俾你知？我話唔撚係，我要知道有幾難。
佢冇再喺呢個問題上問落去。
佢話，我有鎖匙，趁今日佢唔開工，我而家上去睇睇情況，我想你嚟睇我。
我話妳唔好亂咁嚟，有咩事等我嚟到慢慢傾，妳一旦做咗呢啲嘢就做咗㗎喇，冇得返轉頭。
佢話有咩辦法吖？我冇錢，真係好徬徨，我都冇叫你俾錢照顧我，而家我諗住靠自己你又唔俾。
我話妳亂咁嚟，地址喺邊？我而家即刻過去，妳等我嚟，唔好亂嚟。
佢俾咗地址我，叫我快啲。佢話未必一定做，但假如真係做的話佢想我做佢第一個客。
我話，由女朋友轉做嫖客？
佢話，快啲到。
我話俾屋企知，公司忽然有嘢趕，要OT。然後就趕過去。
途中，藍藍又發咗個訊息過嚟，佢話，你一直懷疑我同麥包、阿華哋有嘢，冇錯佢哋係好鍾意聊我，而我有應酬吓、氹吓佢哋，不過我真係唔鍾意佢哋，亦都冇同佢哋做過你諗嗰啲嘢，你唔信我都冇辦法。阿佳使咁多錢照顧我，如果唔係因為你，我都唔會當住成間舖頭鬧佢咁多次，只係因為佢干涉我哋。
去到佢俾我嘅地址，上到去，個單位門外寫住新做、客串，另外掛咗個牌出嚟寫住請稍候，有兩個雞蟲喺門外排緊隊。我一見到，心諗，唔撚係啩？
於是我就排係啲雞蟲後面。
估唔到要同佢哋輪自己條女。
房裏面傳嚟大大聲嘅叫床聲同啪啪聲。同藍藍做過咁多次都唔知道原來藍藍可以咁放，我個心忽然覺得好痛。
然後有條雞蟲撳隔嚟單位鐘，有條女開門，一個好靚嘅女仔，後生過藍藍多多聲。個雞蟲問價，條女話，800。雞蟲望幾望，冇入去，就走，條女就閂門。
我從來冇試過要使錢屌女嘅，心諗既然藍藍俾啲雞蟲啪緊，8舊屌到咁靚嘅𡃁妹仔抵吖，我想幫襯。
諗緊好冇撳鐘嘅時候，藍藍發訊息嚟問我，咁耐嘅？人呢？
我話妳唔係俾人屌到好high咩？
佢話high你個頭，根本冇開到工，我喺單位入面，係有人㩒過鐘，我門都未開過。
我睇清楚佢發俾我個地址，至知道去錯樓層，就話，唔好意思，原來去錯樓層。佢問，你入咗第個女仔度？我話冇，而家即刻上嚟。
上到去藍藍講嗰個單位，門外連牌都冇放出去。我撳鐘，頭一次喺呢種地方見到藍藍，佢妝都未化、「工作服」又未換。
我一見佢，幾乎激動到想喊。
我攬實佢，話頭先去錯樓下，以為妳喺入面，聽到裏面叫得好大聲、啲啪啪聲又響又大力，以為...佢問，以為藍藍同第二個男人玩得咁激？我話係。
佢話，都話我只係嚟睇吓，唔一定會做。啲人亂撳鐘，都冇掛到牌喺外面都照撳。佢喺CCTV裝過，冇開過門。我問啲客太樣衰所以啃唔落？佢話都唔係，有後生靚仔都嚟撳鐘㗎。
我將喺樓下見到嘅情況話佢知，啲女又靚、又後生，收8舊水啲人問完價就走。
藍藍話，你即係話我唔夠人靚同埋年紀大唔好諗喇？
我話唔係咁嘅意思，不過，想知妳其實當我係咩？居然可以為咗錢考慮做呢啲。
佢話，冇錢好徬徨㗎，你人工高、老婆又識搵錢，又有兩間屋都唔可以照顧我，我可以點呀？又要養仔、又要照顧鄉下，連住嘅地方都冇。咁耐，我有冇問過你攞過錢？我銀行戶口裏面每一蚊都係辛辛苦苦幫男人打飛機賺㗎。
我講咗一句而家諗番都幾意氣嘅說話：妳有冇同啲客做過？
佢望住我，靜咗大概8秒，我都覺得失言。然後佢話，去沖個涼，反正嚟咗，你做我第一個人客。
我心諗，我同藍藍拉拉扯扯三年，大概到此為止㗎喇。我呢一句話，令佢覺得反正我都係唔信佢，咁佢都冇謂堅持。我做佢第一個人客，以後佢就會俾第啲男人屌。
我去沖涼。
然後佢去沖。
跟住我哋喺床上面攬實對方，前所未有咁激烈咁勁咀。我扯到行哂，見到嗰度放咗一大兜套，就問，係咪可以任用？
佢話，唔使，你就咁入。
我問，妳唔驚咩？
佢話，想同你試吓咁樣。
我反而有啲啲猶豫，藍藍話，我都唔怕你怕咩？
我就成支嘢篤入去。
之前溝阿麗嘅時候，同佢都唔戴套做嘅，所以對於唔戴嘅感覺我唔係咁陌生。不過，呢幾年嚟對藍藍投入咗太多感情喇，而家先第一次有機會唔戴套喺佢裏面，大家嘅分泌物直接接觸，心理上零舍興奮。
藍藍問我，舒服嘛？
我話好舒服，妳呢？佢話好鍾意。
我屌咗一陣，話，妳好濕。佢話啲水有部份係你㗎。
呢三年，佢已經習慣咗我吓吓做半粒鐘座底，好多時佢話夠皮喇我都未出，佢就話不如我幫你打出嚟啦，我話唔使。佢曾經話過都唔知我條嘢咩構造，又大支。
而我亦都已經習慣咗佢做愛嘅時候表面冇乜反應，但我知道佢已經嚟過又嚟過。
一直以來同佢都係戴套做，呢次我終於有想射嘅感覺。
我問藍藍，射入去得唔得？
佢叫我，射吖。
完事後，佢第一次，居然用口舔我支嘢，上面仲有我同佢啲水，同埋啲精。
我哋攬住對方喺床度休息。我問佢唔驚咩？佢話，驚，我愛你至俾你咁樣。
我冇出聲。
佢補充，你周時話我同唔知邊個客做，我係有同人客做就唔使喺呢度幾年都儲唔到咩錢。知唔知道我呢度有啲女仔靜雞雞同啲客做搵到幾多錢？好似芬芬、小洋佢哋，樓都兩、三間，根本唔使再做呢行，但佢哋仲繼續做。
我而家俾你咁樣，等你知道假如，我係話假如唔係話真係會，做呢啲嘢的話，都冇可能俾人客咁樣。
我問，如果用套的話，你會唔會叫麥包、阿華佢哋嚟幫襯妳？藍藍話，首先我應該唔會做呢樣嘢，我覺得呢啲錢我賺唔嚟，二來就算真係做我都唔想叫我識得嘅任何人嚟，包括按摩嘅客人，咁你滿意未？
跟住，佢話，我哋走啦，唔留喺呢度喇。
於是我就送佢返按摩場，嗰度係佢搵錢嘅地方，亦係佢瞓覺嘅竇口。
我知道麥包等等一路都有得閒撩吓藍藍，而藍藍都有應酬吓佢。因為我一直都有監視藍藍嘅手機。
有一次，嗰個嘍藍藍去做一樓一嘅姊妹喺微信朋友圈問藍藍考慮成點，藍藍答佢嗰個地方我唔會再去喇，麥包睇到呢個回覆，就問藍藍咩地方？
藍藍曾經諗過去做一樓一嘅事，麥包明顯唔知道。
然後，我同藍藍又叫做「一齊」咗一年...
下集完
[
本帖最後由 dcat20 於 2018-8-31 01:37 PM 編輯 ]
