兩男一女歐亞鐵路之旅遇女大學講師結伴同遊
一
摩西、青青同俊仔係大學同窗，佢哋一個讀建築，一個讀時裝，一個讀新聞，因為都鍾意音樂、藝術，成為咗好好嘅朋友。
青青有個男朋友係年輕才俊，做金融，份人好現實，偏偏因為自細讀書成積好，史丹福商學院，加上錢多，自細周遊列國，接觸好多嘢，就對好多嘢，都有自己嘅意見、睇法。
青青嚮往文化、藝術，想追索西方文明嘅根源，就諗住一畢業，第一件事就係去歐陸蒲一段時間。
摩西、俊仔都有相同想法，佢哋想搭火車，由中國東北入海參崴，穿越西伯利亞去到東歐，試吓搵啲散工做一排，然後再去歐洲。喺嗰邊試吓搵番份自己讀嗰行嘅工當實習，再讀吓法文或任何歐洲語文，至返香港發展。
摩西只係普通中產細路，俊仔更加係草根階層出嚟，佢哋要先喺香港做一年嘢，儲筆錢至去。
摩西係建築系一級榮譽畢業，大學裏面啲教授一致話佢才華橫溢，但係持才傲物。佢未畢業已經接室內設計jobs接到手軟，好快已經儲夠充足彈藥。
青青讀時裝，由於生得靚，讀書嘅時候已經好多男人藉介紹jobs俾佢做，包括做模特兒，乘機埋身。畢業後好快喺一間大集團搵到一份設計助理。個經理一路喉實佢，但青青從細已經慣俾狗公圍，好識得處理呢啲事情。加上唔少男人介紹freelance俾佢做，包括做設計同埋做平面model，於是青青亦都好快搵夠使費。
唯獨俊仔平平凡凡，唔算好叻亦唔算屎，讀完新聞，攞個2nd Hon喺間本地企業嘅傳訊部門搵到一份工做住先。Title話係communication manager，其實係阿四，係人都可以指使佢做嘢。
但俊仔為求儲夠旅費，亦唔計較，有乜做乜。摩西同青青間中彈啲copywriting嘅freelance jobs俾俊仔做。
三個人嘅關係好似祖與占。
摩西生到成個陳偉霆咁，大學裏面周時有好多女送上門。青青雖然本身有個才俊男朋友佐治，但呢個男朋友工作繁忙加上社交又活躍，每個星期只係見一、兩次。多數星期三過一晚，扑嘢係必然，然後第二朝各有各返工返學。星期六通常一齊全日，有時會過夜有時唔過，然後星期日大家自己有安排。
青青感覺自己有少少好似做佐治嘅私家雞，但佢樂於俾人照顧，反正佐治都係decent嘅男人。而佢同摩西、俊仔好多時一齊，睇戲、聽音樂會、蒲爵士酒吧、睇展覽。
俊仔同摩西喺音樂、藝術同人生方面有好多話題，於是成為好朋友。俊仔鍾意青青，不過俊仔知道自己平凡，加上青青有咁多狗公吼住，本身又有一個男朋友，更重要係，佢知道青青鍾意摩西，唯有安於同青青維持好朋友關係。
畢業後一年，終於實行穿越歐亞大陸之旅。青青男朋友佐治對丟低事業幾個月到大半年毫無興趣，佢都識摩西同俊仔嘅，就放青青跟呢兩個男仔出外面一段時間。
喺香港搭火車經中國大陸去俄羅斯嘅行程中，一路冇咩特別。長途車程裏面，三個好朋友，興緻高嘅時候有好多偈傾，傾耐咗就攰，各自休息。
佐治唔想青青喺穿越歐亞大陸嘅長途車程上同人迫二、三等車廂，就贊助多少旅費，對佐治呢個金融才俊嚟講好少意思，等青青可以包房瞓軟臥卡，私隱度高啲、舒服啲、安全啲。
摩西做freelance搵到錢，就同青青夾份包房之餘，仲贊助埋俊仔瞓埋入房。
喺中國嗰段車程，佢哋喺啲大城市落車，試吓搵啲散工打吓，清潔、侍應乜都做，求其有個竇口瞓覺兼搵些少零用。搵到就停留喺城玩多幾日到一個星期，搵唔到停留一兩日就繼續車程。
喺上海，青青喺夜總會搵到份打雜。
佢喺門口見到招聘打雜嘅招紙就走入試吓問吓。見佢嘅經理，係男人，見青青咁靚，仲要係香港女仔，如果嚟做小姐可能會旺場，就試吓遊說，話，妳考慮做小姐吖，淨係坐吓枱，淨係應酬吓人客，唔鍾意嘅話唔需要做啲乜嘢，搵嘅錢多過打雜。青青堅持話做打雜，經理講唔掂佢，於是請佢做打雜，諗住慢慢再氹佢做小姐。
做咗幾日，青青居然同嗰度啲小姐熟咗，好多偈傾。啲小姐知道青青嚟自香港，同兩個男生一齊去遊歷，極感興趣，問青青關於香港同大學生活嘅嘢，又講好多佢哋做小姐之前嘅際遇、做小姐嘅經歷俾青青聽。
做咗五日，小姐話，妳叫妳啲朋友嚟玩吖。青青話，我哋係窮遊，邊度有錢？小姐話，搵日中午，夜總會冇生意嗰個時段，妳叫佢哋嚟，我哋請佢哋。
於是青青同摩西、俊仔講，請你哋嚟夜總會玩小姐。兩個男仔當中，摩西已經有性經驗，俊仔仲係青頭仔，摩西同青青說服俊仔嚟見識吓。
三個人連埋青青自己叫咗五個小姐坐枱。啲小姐唔係十八廿二㗎喇，但都有姿色。
其中一個叫小玉，好有女人味、高挑、波大。佢係東北嚟嘅，知道佢哋幾個年輕人打算從黑龍江入海參崴，話會俾佢親戚嘅聯絡佢哋，等佢哋去到黑龍江嘅時候可以有個地方落腳住幾日。
小玉見摩西成個的士陳咁嘅樣，問摩西會唔會買佢鐘出去。青青幫摩西擋，話不如妳同俊仔出去吖，佢仲係處，妳帶佢入門吖。
小玉見俊仔企企理理都幾順眼，就拖住俊仔手，話，同我出去吖。俊仔尷尬，話唔好啦，我哋窮遊冇乜錢。小玉勸唔掂，就話，咁好啦，希望第日再有機會見面啦。
講完就捉住俊仔手放喺自己嘅波波上面。
俊仔雖然第一次摸女仔嘅胸，但都摸得出小玉個胸僭建。
呢次眾目睽睽毫無準備之下接觸到女性嘅胸部，雖然係一個僭建嘅胸，依然帶俾俊仔極大嘅震撼。中國呢一段旅程入面，俊仔個腦不段彈出呢一幕，包括小玉有啲似張曼玉嘅樣子、小玉從小學跳舞練番嚟嘅纖腰同修長嘅美腿、小玉嘅胸型，仲有掂到嘅時候感受到嘅嫩滑觸感同埋僭建物料嘅結實。
去到北京嘅時候，俊仔見到一個好靚、好優雅嘅中年女人上車，坐喺佢隔嚟排櫈。
優雅女士全程讀一本英文書，俊好奇裝吓書面，係Albert Camus嘅西緒弗斯神話。俊知道呢個存在主義作家，非常出名，但俊對存在主義哲學毫無興趣。
佢反而對呢個優雅嘅女士感興趣。
優雅女士有好優美嘅輪廓，皮膚白裏透紅，雙眼好有古典美。佢衣着屬於成熟、大方得體，白底淺藍色直間條恤衫，外加卡其色外套連及膝套裙，樸實而有文化氣質。
俊覺得呢位女士成個人好吸引、望上去賞心悅目，不自禁望住佢入神。突然間，佢留意到女士件恤衫因為胸部幾大，令佢心口上面幾粒鈕扣唔到而出現虛位，偉可以睇見裏面個罩，同埋雖然冇扣衫領啲鈕，個胸依然逼到件恤衫有爆嘅效果。
尤其係喺上海摸過小玉個胸之後，經歷過嗰種內心嘅震撼，一路冇法平伏對女性嘅胸部充滿暇想。
俊嘅注意力完全俾呢個影像吸引住，直至優雅女士潛意識突然感到唔自然，擰過頭嚟望一望俊。佢嘅眼神同俊接觸嘅一刻，並唔知道俊一直留意住自己嘅胸部，只係覺得呢個香港後生仔一路睇住自己係一種欣賞。而佢亦都覺得呢個男仔雖然唔係一個溝死女嘅靚仔，但樣子清新、清純，有一刻想微笑一吓表示友善，但係以佢接觸過嘅呢種年青人，都係佢嘅學生或者學術交流嘅場合入面嘅年輕人，陌生人的話，佢唔知道無啦啦嘅微笑會被點樣解讀。
於是佢繼續埋首喺西緒弗斯神話裏面。
其實佢對呢本現代主義嘅重要著作並冇興趣。作為一個讀書人，唔一定讀哂好多所謂必讀嘅著作。佢只係覺得一個人喺旅程上太無聊，必需有本書喺手。而呢本西緒弗斯神話係有次去外國大學交流嘅時候，喺機場見到嘅新版本。譯文本身唔係新嘅，只係出版商重新設計過封面同排過版，佢嗰刻覺得身為大學講師，仲要係教文學評論，冇讀過西緒弗斯神話未免有啲講唔過去，雖然呢個係相當幼稚嘅想法。她見呢個封面即使只係擺喺屋企做為一件收藏品都冇壞，所以買咗，一路冇睇過。
每次旅行，佢都諗住用搭飛機或火車嘅時間解決咗呢部書佢。反正，第一，旅程上好無聊，第二，佢從細已經訓練到要讀哂一本書就一定能夠從頭到尾讀完嘅能力，唔理鍾唔鍾意本書。
今次，佢終於離開咗自從讀博士學位，廿幾年嚟由讀書變咗教書嘅大學。廿幾年先至終於出去外面，唔再係喺學術界裏面，體驗吓人生，好多嘢都未試過，想死之前好歹叫做試過。終於，佢執幾本書上車，呢本係其中一本。
開始進入東北，氣溫越嚟越凍。車廂有暖氣，但係優雅女士攞一件頸巾出嚟戴上，遮住咗心口冇得睇。
喺黑龍江並無落車，冇去搵小玉嘅屋企人，諗住盡快入俄羅斯。
總算入咗海參崴，轉搭西伯利亞鐵路。
搵到間四人房，會有一個陌生人同房。入去擺嘢同分配床位，摩西同青青一人一邊瞓下格，俊仔上格，剩番個上格俾個陌生人。冇耐，另一個乘客都嚟到，竟然係優雅女士，俊仔喜出望外。
未完待續
[ 本帖最後由 dcat20 於 2019-1-21 12:07 AM 編輯 ]
