第二十五章．假情假義
Nadia返到屋企之後重係有啲驚，第一個想到打手機畀Newton，同佢講遇襲嘅情況，佢話:「我派個人黎保護你，但係你自己都要警惕。」Nadia話:「好，多謝你呀主人，我都要準備下，夜啲重要見客。」Newton臨收線前話:「如果重有咩需要再打手機畀我啦。」
Newton等Nadia收線之後打畀Coral，同佢講Nadia被Tina襲擊嘅事情，Coral都覺得好意外:「我會叫Ronald處理返好。」Newton再解釋:「我唔係要向投訴你，不過係想你知道件事好嚴重。」Coral好溫柔話:「知道嘞，我會叫Ronald處理，你幾時再處理我呀?」
Ronald喺Coral打完手機畀佢之後上Tina屋企，Tina見Ronald黎搵佢好開心，點知Ronald一入屋就一把掌摑落Tina塊臉，Tina好嬲問:「你做咩呀?」Ronald反問:「你係咪痴左線，攞住把𠝹刀去攪Nadia。」Tina摸住塊臉:「係呀，噉又點呀，我唔可以畀佢搶走晒我嘅嘢。」
Ronald嘆一口氣:「點解你咁傻呀?」再講:「安排你做分區經理係為你以後做總店經理鋪路，我要調走嘅係Nadia唔係你呀蠢閪。」Tina仍然唔信:「你依家梗係噉講啦，唔使呃我嘞。」Ronald鬧佢:「用下你個腦啦，我唔要你使乜搞咁多嘢呀，搵個藉口炒左你咪得囉死蠢。」
Tina反駁:「你搵佢去同大陸客傾生意，分明就係畀機會佢立功。」Ronald解釋:「佢同啲大陸客傾得成冇錯係會立功，但係我就有大條道理叫Coral安排佢去另一部門，如果佢傾唔成，我亦可以放逐佢去其中一間分店繼續做sales，而你喺分店做幾年經理，等我升左之後就可以推荐你接我個位，明唔明呀。」
Tina了解左Ronald嘅安排，緊張問:「噉依家點算呀?」Ronald搖頭:「依家畀你噉一攪，Coral將個波交畀我，我都唔知應該點做，話晒Nadia係佢安排落黎。」Tina好失望:「都係怪我太衝動。」Ronald提佢:「重之你以後都唔好再去惹佢，畀心機做好份工，我試下點同你求情啦。」
Nadia同Newton傾完之後已經冇咁驚，而且先覺得成個身黐立立，頓時想起係因為之前要逃避Tina喺咁跑，先至會出晒成身汗，就除清身上啲衫去沖涼，入到浴室佢都不忘對住塊鏡睇下自己個身體，擺左幾個姿勢再左右轉身:「出左一身汗睇落變瘦左。」露出滿意嘅表情。
晚上七點鐘左右，識心打扮過嘅Nadia去到酒店搵Chris，Chris一開房門先聞到一陣香氣，再見Nadia著左一條盡顯苗條身材嘅deep-V晚裝，不禁讚佢:「你真的很美。」Nadia微笑話:「謝謝。」又講:「今晚我們先聚一下，明天再談生意。」Chris露出滿意嘅笑容說"好"
Nadia好挑皮噉笑下:「你不要多想，我意思是跟你一起食晚餐。」Chris亦都話:「我本來也是這個意思，沒有多想。」Nadia就向佢道歉:「對不起，是我的普通話說不好令你誤會。」Chris一笑:「沒事，去食晚餐。」Nadia說:「好，你要食甚麼也可以，我來付。」
佢地喺酒店嘅高級餐廳進餐，期間Chris忽話:「有一個男人在你後面一直望你。」Nadia轉頭一睇，個男人微微同佢點頭，佢就知道係Newton派黎保護佢嘅人，轉返頭同Chris講:「是以前的同事，但不是很熟。」
食完晚餐之Chris提議再去酒吧飲左杯酒，Nadia就陪佢去酒吧坐多一陣再同佢一齊上返房，Chris開門之後話:「不如你留下來陪我。」Nadia摇頭:「對不起，我不會陪客上床。」講完轉頭離去，心中打定輸數:「我拒絕左佢，聽日一定傾唔成單生意。」
第二日，佢地兩個再見面嘅時候Chris向Nadia道歉，重好爽快同佢簽左約跟住即刻返上大陸，佢攞住份合約返總店交畀Ronald，Ronald大讚佢叻女:「你以後就調去海外市場部，負責大陸嘅市場。」Nadia好開話:「多謝Ronald。」Ronald等佢離開間房之後自言:「Tina你個臭閪，攪到我食唔到呢條女，我唔會畀你好過。」
