第三十章．Nadia的去向
Nadia同Newton傾完後心諗:「點解Coral要留我喺大陸同Chris去玩，但係又唔畀Newton知?唔通佢怕Newton知道之後會嬲?照計唔會嬲呀，我同其他男人搞嘢佢都未必會介意。」最後佢始終都係諗唔明，唯有唔再去諗。
Newton冇直接去質問Coral，因為佢知道Coral一定會有好多解釋，而係返娛樂公司搵Lesia，見到Lesia之後拉佢入房問，Lesia問:「你想喺呢到搞呀?」Newton搖頭:「我想問Nadia畀你嘅感覺係點?」Lesia反問:「點解咁問?」Newton話:「因為上次見你對佢嘅反應幾大。」
Lesia諗左一下:「點講呢，佢外表斯文，身材標準，算係有啲姿色。」Newton唔明:「照你噉講，佢唔應該令你會有咁大反應。」Lesia話:「問題就係佢唔需要樣貌身材就已經吸引到男人，其他女人自然會覺得佢係一種威脅。」
Newton心諗:「估唔到連自信心咁強嘅Coral都感受到Nadia嘅威脅。」Lesia提出要求:「你可唔可以應承我一樣嘢呀。」Newton問:「咩事?」Lesia話:「你可以喺任何地方同佢見臉，但係唔好帶佢上黎公司，我唔想見到佢。」Newton笑一笑話:「好，我答應你。」
第二日，Nadia放完假之後第一日返工，一返到公司Coral就叫佢上黎辦公室，Nadia入到辦公室見Coral一面笑容:「坐，我有啲嘢想同你商量。」兩個女人一齊坐落張長梳化之後，Nadia問:「有咩事呀?」Coral話:「你今次上大陸做得好好，所以我想派你長駐喺大陸，負責晒嗰度嘅生意。」
Nadia想唔到Coral會提出呢個想法，一時間唔知點答佢，佢見Nadia有啲猶豫就微笑話:「我都知提出呢個想法係有啲突然，不過唔緊要，你可以慢慢考慮。」Nadia答佢:「好，我會認真諗下，噉我返落去先。」
Nadia左諗右諗都冇辦法作出決定，又考慮過大不了辭職算數，但係最後都係忍唔住打手機畀Newton:「我有啲煩，想搵你傾下。」Newton話:「好，你幾時可以上我屋企?」Nadia答:「依家得唔得?」Newton話:「冇問題。」
「Coral想我長駐大陸。」Nadia到左Newton屋企話:「我唔知答唔答應好。」
「你唔好答應。」Newton建議Nadia:「佢表面上係好似畀機會你，其實係想將你留喺大陸，等大陸啲男人可以溝你，等你以後都見到我。」
「你真係好自大。」Nadia笑住話:「不過我都覺得佢好緊張你。」
「講真架，聽完你講留喺大陸嘅原因我已經幾肯定。」Newton解釋:「後來我再問過Lesia之後我就清楚晒。」
Nadia問:「問Lesia係咩意思呀?」Newton提佢:「之前佢係我公司見到你咪有啲激動嘅。」Nadia話:「係呀，噉又點呢?」Newton就將Lesia對佢嘅態感覺講畀佢知，佢聽完之後話:「我都唔知自己有咁大威脅。」
Newton話:「噉又唔可以怪你，你天生就係男人嘅玩物。」Nadia無奈話:「你咁講我真係唔知應該開心定係難過。」Newton氹佢:「我冇特別意思，你唔好介意。」Nadia只係搖一搖頭:「唔該晒你，我走先嘞。」Newton望住佢行出去，突然有一種離別嘅感覺。
自從呢日之後，Newton同Coral都再搵唔到Nadia，佢地再見面已經係多日後，Coral同Newton講:「首先我要同你道歉，我諗你已經知我點解要留Nadia喺大陸。」Newton點點頭:「我知，不過算啦，我又點會嬲你。」
Coral再講:「佢喺嗰日之後傳左封E-mail畀我話辭職，我打返佢嘅時候，佢已經冇再用嗰個手機號碼。」Newton有啲沮喪:「其實佢都係傳左個留言畀我，你可以睇下。」Coral接過手機，睇完嗰段留言:「故唔到佢會有噉嘅決定。」
Newton:同你傾完之後我重係有啲亂同埋好煩，咁啱我個Les姐妹搵我，我就將我嘅問題話畀佢知，佢話帶我去一啲Les聚會嘅地方，等我可以輕鬆M下，我發覺喺嗰啲地方嘅女人唔會因為男人而敵視我，我可以好好噉同佢地相處，所以我決定溶入佢地，而且以後都唔再同男人上床。
-全文完-後記唔經唔覺已經寫到Newton嘅第五部曲，比較特別嘅喺寫到最後段嘅時候，香港突然發生一連串大事以致影響左寫作心情，不過以後如果有啱嘅題材會繼續寫落去。
[
本帖最後由 netsee 於 2019-7-1 12:01 AM 編輯 ]
