一夜狂歡

引用:

原帖由 一夜狂歡 於 2023-11-10 04:01 發表
講錯嘢衰咗，又唔知佢會聽到，靚姐仔變臉嚇窒咗我，佢再話：林仔哥算點先？講埋啲咁嘅嘢，得寸進尺，蝦我新人呀？陳生唔喺度乘機蝦我呀？你老味。姐仔咁大反應唯有扮死狗話：對唔住呀！係我多口，我講下㗎咋，無意思㗎，我向你道歉吖。姐仔仍然糾 ...

回想阿姐初嚟步到，乜都唔識，老陳冇料到乜都教唔到佢，所以鬼死咁聽話，叫佢做乜就做乜，完全唔托手踭，間中食下佢豆腐，得閒又彈兩句咸嘢同佢開下玩笑，佢都冇乜嘢，依家差唔多教識晒佢成盆數，有毛有翼啦，唔使太過倚賴我，所以開始發難冇面俾，俾姐仔教訓完面懵懵咁，唯有各自返埋位做嘢啦，唉做乜柒嘢呀！阿姐都擸晒嚟做，一個人搞掂晒，我就無所事事，好彩條粉腸病咗冇返，咁我都叫做成個鬆晒，做下私人嘢都得，若果俾我揀，我都係寧願俾姐仔吊，都好過對住條粉腸，可惜情況開始逆轉，姐仔見我冇嘢做，開始向我落柯打，不停叫我幫佢手，一陣又話影印，一陣又話欏快勞，仲有其他立立雜雜嘅嘢係咁叫我做，雖然係幾好聲氣，始終條氣唔多順㗎，後尾仲離譜到叫我落星記幫佢買咖啡，話最多請埋我飲咁話喎，你話係咪離晒大譜先得架，當我工人咁駛，我假假地都係你師傅喎，阿姐話：買杯咖啡咁小事啫，唔係咁都唔得係嘛，橫掂你都遊遊閒，乜都唔使做，咁算嘞，我自己落去買，你幫我頂住先。其實阿姐都多L如，妳叫外賣咪得囉，使L叫我地啲咁高級嘅去買咩，條女都唔知係咪玩9我！

一夜狂歡

引用:

原帖由 一夜狂歡 於 2023-11-15 11:45 發表
回想阿姐初嚟步到，乜都唔識，老陳冇料到乜都教唔到佢，所以鬼死咁聽話，叫佢做乜就做乜，完全唔托手踭，間中食下佢豆腐，得閒又彈兩句咸嘢同佢開下玩笑，佢都冇乜嘢，依家差唔多教識晒佢成盆數，有毛有翼啦，唔使太過倚賴我，所以開始發難冇 ...

結果咪又係死死地氣走去買咗兩杯咖啡！門口recept 阿姐寸我話：得兩杯咋？冇我份嘅！咁孤寒㗎！趁老陳唔喺度，搏人好感呀。我反駁話：咪亂噏！幫你買杯咖啡就話溝你呀！儍㗎你。算係咁啦，有杯咖啡飲下，不經不覺又到咗放工時間，姐仔叫我等陣間，執埋啲手尾就行得，我循例試探性問陣間去邊度食晚飯, 姐仔答：已經講咗話喺附近茶記搞掂丫嘛，乜你咁快唔記得嗱？明知故問嘅我話：茶记似乎簡陋咗少少喎，駛唔駛搵間好啲嘅咁呀？靚女話：都同你講咗我今晚唔得閒咯，得一粒鐘行上行落都冇咗一半啦，你唔制嘅話下次再約過好冇？條女講嘢寸寸貢，下次都唔知幾時，食咗先再算，好快靚女全部嘢搞掂晒，佢話：林仔得嘞！我地出發喇。吓咩話！林仔哥都冇一聲呀，假假地我都係你師傅，直接叫林仔，冇咗個哥字喎，條女醒目feel到啲嘢就話：之前好多谢你教識我咁多嘢，依家我已經掌握晒全部業務，同你咁高咁大，再叫你林仔哥好似唔係咁恰當，叫你林仔自然好多，你話係咪！

一夜狂歡

引用:

原帖由 一夜狂歡 於 2023-11-21 02:57 發表
結果咪又係死死地氣走去買咗兩杯咖啡！門口recept 阿姐寸我話：得兩杯咋？冇我份嘅！咁孤寒㗎！趁老陳唔喺度，搏人好感呀。我反駁話：咪亂噏！幫你買杯咖啡就話溝你呀！儍㗎你。算係咁啦，有杯咖啡飲下，不經不覺又到咗放工時間，姐仔叫我等 ...

完全應驗教識徒弟無師父，靚姐已有全面接手工作準備，除咗同啲客唔熟之外，基本上已經冇咩難到佢，一旦同啲客熟絡咗，我就會變成棄卒，好彩有張太條水走箋，如果唔係都幾頭痕§，好快靚姐話：林仔我得喇，你得就出發啦。Recept 阿姐未走，見我哋兩個一齊行就問：咦! 好少可見你地拍拖更咁行噃，約埋去街呀？我未開聲靚姐已經截住話：冇呀！人哋話要我請餐謝師宴喎，咁咪就下佢，多謝下佢囉。頂你咁勉強，唔好請吖笨，Recept姐笑住問：要囉要囉！咁去邊度謝師咁呀？條女木無表情話：有邊度吖，就下面茶記攪掂囉，我都唔得閒。Recept姐忍唔住爆笑話：嘩咁隆重呀！林仔哥你徒弟咁孝順，記住食飽啲咯喎。唉！呢餐肯定背脊骨落，落到茶記人唔係多，靚姐揀咗個卡位坐，佢同我講：林仔你嗌嘢食啦，我就唔食喇，陣間我約咗人食晚飯。講完繼續玩手機，又同人傾電話有講有笑，但同我毫無眼神交流，好快佢話：林仔你自己嗌唔使等我，我都趕時間要走先，呢度兩舊水，你自己埋單啦，嗱唔好話我欠你喇。死女包滾水淥腳走人，一啲誠意都冇，唔理咁多醫肚再算，結果嗌咗客全場最貴嘅鐵板黑椒牛扒，舊五有找，駛同你客氣！謝師宴謝成咁，超冇癮。

一夜狂歡

引用:

原帖由 一夜狂歡 於 2023-11-24 22:58 發表
完全應驗教識徒弟無師父，靚姐已有全面接手工作準備，除咗同啲客唔熟之外，基本上已經冇咩難到佢，一旦同啲客熟絡咗，我就會變成棄卒，好彩有張太條水走箋，如果唔係都幾頭痕§，好快靚姐話：林仔我得喇，你得就出發啦。Recept 阿姐未走， ...

個扒餐算係唔錯，有湯同麵包，仲叫咗杯咸檸七，塊鐵板牛扒算係咁，肉質幾稔煎得夠香，杯檸七仲意外地好飲，整體好滿意，估唔到茶記都做到咁嘅水準，條氣當堂順番好多，飲飽食醉返屋企，第一件事就係搵秋仔問個究竟，背景鬼死咁嘈好似喺街外邊咁，我問秋仔：喂你喺邊呀咁嘈嘅？未返屋企仲喺街呀？秋仔好似同個女仔一齊，有講有笑佢話：我同Amy打緊邊爐呀，咩嘢事呀？衰仔呀！我都未同過Amy姐食火鍋，咁快俾你㨗足先登！聽到把女仔聲話：係咪小林呀？俾個電話我同佢講。接住係Amy話：喂小林呀，話你知呀，秋仔介紹呢間火鍋店，冇得頂！款多料正又新鮮，好L正呀！喂不如下次一齊食多餐咯。Amy講講下又似係搭咀秋仔話：死啦你去，咩話？哈哈哈哈，咁講嘢都有嘅，我嬲㗎，喂小林唔同你講喇，俾番秋仔同你……. 喂隻蠔未熟呀，好鬼衰㗎你，再嚟吖嗱。嘩兩條友玩到興高釆烈，接近打情罵俏，你話我幾咁冇癮，秋仔欏起電話再話：喂唔同你講住，我知你問乜，問我今日點吖嘛，一句講晒—點會唔掂先得㗎。旁邊Amy大聲和應話：掂過碌庶呀！秋仔再話：陣間我地仲會落吧飲嘢慶祝，係咁先啦拜拜。死人Amy最後仲加多句：小林，吊爆你呀！條女玩到過曬籠痴咗線。

一夜狂歡

引用:

原帖由 一夜狂歡 於 2023-11-25 21:43 發表
個扒餐算係唔錯，有湯同麵包，仲叫咗杯咸檸七，塊鐵板牛扒算係咁，肉質幾稔煎得夠香，杯檸七仲意外地好飲，整體好滿意，估唔到茶記都做到咁嘅水準，條氣當堂順番好多，飲飽食醉返屋企，第一件事就係搵秋仔問個究竟，背景鬼死咁嘈好似喺街外 ...

由互相仇視變為死敵，經常粗口問候，又因一次偶然機會，互相諒解變為朋友，到依家正式變為同事，仲係上司同下屬關係，以現時進度，遲啲分分鐘變為情侶關係都唔出奇，睇佢地打邊爐時嘅打情罵俏式對話，簡直羨煞旁人，話係拍緊拖都有人信，冇法啦，唔認輸都唔得啦，唔知台灣時期嘅色慾男女，係咪正式分咗手呢？遲啲問下Amy先至得，有理由相信鍾意周圍沾花惹草嘅秋仔，Amy姐係絕對控制得住，仲要係貼貼服服，不敢行差踏錯，只要阿姐大喝一聲，秋仔馬上腳軟，我係鍾意Amy, 鍾意佢夠野性，我都唔係咁小氣嘅，既然佢哋大家有feel, 咁咪費事阻住地球轉，成全下人地囉。但係有樣嘢秋仔未必應付得掂，一旦成為情侶又做埋條女下屬，以Amy進取性格，日日工作上要向佢交功課，就要消耗大量腦汁，晚晚又係要交功課，咁就要消耗大量精液，日鋤夜又鋤，秋仔已經唔係十八廿二，好快就會上下都乾晒塘，真係要祝佢好運！

一夜狂歡

引用:

原帖由 一夜狂歡 於 2023-11-28 22:39 發表
由互相仇視變為死敵，經常粗口問候，又因一次偶然機會，互相諒解變為朋友，到依家正式變為同事，仲係上司同下屬關係，以現時進度，遲啲分分鐘變為情侶關係都唔出奇，睇佢地打邊爐時嘅打情罵俏式對話，簡直羨煞旁人，話係拍緊拖都有人信，冇 ...

冇人约冇街去，一諗起秋仔同Amy嗰段旁若無人，打情罵俏式嘅對話，心都實埋，仲話食完繼續落吧飲嘢，飲嘢咪即係飲酒，飲飲下飲大咗，酒精作崇亂咗性，你眼望我眼，秋仔鬼死咁咸濕，Amy色慾女一撻即著，兩人情慾高漲，等唔切之下即時搵地方扑嘢，Amy話過最鍾意玩坐蓮，居高臨下一嘢坐落秋仔度，不停上上落落車前車後，秋仔用盡腰力配合，向上狂隊高射炮，隊到Amy嬌喘連聲粗口不絕，盡顯淫蕩本色。唉越諗越恐怖，好似真嘅一樣，都係嗱嗱聲返屋企冲涼瞓覺，大被冚過頭當乜都唔知算數，返到屋企大門一開，Omg! 琴晚射完攰得滯仲未處理，今朝趕返工未有時間清潔，一切留待依家開工，唉仆街！精跡班班，亂咁射射到周圍一撻撻，連電視機都有，隔咁耐乾鬼晒有排抹，鬼咩女都冇一個，有女就可以精準發射啦，唔使齋射空氣咁L慘，抹抹下又諗起同前任交往嘅日子，happy過happy，啲精液長期有人認頭，唔使日日食自己咁L慘。

一夜狂歡

引用:

原帖由 一夜狂歡 於 2023-11-30 13:17 發表
冇人约冇街去，一諗起秋仔同Amy嗰段旁若無人，打情罵俏式嘅對話，心都實埋，仲話食完繼續落吧飲嘢，飲嘢咪即係飲酒，飲飲下飲大咗，酒精作崇亂咗性，你眼望我眼，秋仔鬼死咁咸濕，Amy色慾女一撻即著，兩人情慾高漲，等唔切之下即時搵地方扑嘢 ...

諗起前任確實係回味無窮，初相識條女已經向我show quali，冬天識冇幾耐已經約我去暖水池游水，原來佢有參加泳會游泳比賽，泳術有番咁上下。期待見識條女身材，我以最快速度第一時間換上泳褲，再急步行出泳池，未見人噃，自己太快啫，比啲心機等啦，好嘢梗要花啲時間嘅，點知等極都唔見人，心諗會唔會大整蠱呀！不如落水游住再等啦，於是除眼鏡落水玩住先，游下游下先醒起自己幾百度近視，點搵人呀？正想上水欏番個眼鏡，忽然發覺有人游得好快已經游近我，佢浮返出水面同我講：乜你唔等埋我，自己游咗去都有嘅，我搵咗你好耐，你冇戴眼鏡我差啲唔認得你。最衰都係自己，俾啲耐性吖嘛，走咗去要人搵你，依家人地有啲嬲，可能心入面屌緊我都未定，慘喇！條女入咗水添，未能第一時間一睹佢身材，本來想潛入水底裝下𥄫下，奈何自己泳術太差唔識潛水，又有近視，睇鬼睇馬咩，結果條女全程個幾鐘喺水入面游來游去，淨係見到個頭仲戴埋潛水鏡，樣都見唔晒，佢游自由式游得好快好型好有技術，我半桶水蟻攔咁嘅速度跟都跟唔切，全程食晒塵，望住條美人魚乾着急只有等。

一夜狂歡

引用:

原帖由 一夜狂歡 於 2023-12-1 13:50 發表
諗起前任確實係回味無窮，初相識條女已經向我show quali，冬天識冇幾耐已經約我去暖水池游水，原來佢有參加泳會游泳比賽，泳術有番咁上下。期待見識條女身材，我以最快速度第一時間換上泳褲，再急步行出泳池，未見人噃，自己太快啫，比 ...

皇天不負有心人, 終於等到條女游完，總共游咗成個幾鐘，佢話操咗25個池，一個池50米，即係游咗1250米，嘩大佬，俾我跑都腳軟啦，原來條女咁勁揪嘅，又睇吓妳身材係咪一樣咁勁揪先，游緊嗰時都覺佢係一件頭唔係三點式，我斗膽問點解，佢用奇怪眼光望住我話：操池吖嘛，梗係着一件頭㗎啦，點可能着三點式呀！儍嘅咩，做咩呀？好失望呀？我梗係話冇唔好誤會啦。前任答案令我覺得自己好似好無知咁，唔敢再問落去，雖然係一件頭仲運動型係有啲失望，但都睇到下身材嘅，目測上圍唔算勁，33B左近啦，夠玩架喇，Patpat憑經驗估係34到啦，夠撞㗎喇，新相識就眼甘甘𥄫住人，正話又賣甩人，條女唔係好順咁，果然返更衣室經泳池邊嗰陣，條女失驚無神将我推落泳池，澎一聲水花四濺, 嚇到面都青，即刻變成全場焦點，好彩啲水冇過人頭，否則浸親就尷尬死，死女包仲喺度偷笑，狼狽完我問佢點解咁做，佢話：鬼叫你咁衰呀，咸濕到死，望蝕曬。

一夜狂歡

引用:

原帖由 一夜狂歡 於 2023-12-3 03:49 發表
皇天不負有心人, 終於等到條女游完，總共游咗成個幾鐘，佢話操咗25個池，一個池50米，即係游咗1250米，嘩大佬，俾我跑都腳軟啦，原來條女咁勁揪嘅，又睇吓妳身材係咪一樣咁勁揪先，游緊嗰時都覺佢係一件頭唔係三點式，我斗膽問點解，佢用奇 ...

照道理俾人推落水係人都嬲啦，嬲起上嚟打人都有份，但我又冇喎，只係嬲咗一陣仲係強忍住，因為𥄫中佢吖嘛，梗係就住就住先啦，暗啞抵都要㗎喇，換完衫之後搵咗間餐廳坐低食晚飯，食到一半條女開始吐真言，佢話：其實正話推你落水唔係特登報仇或者整蠱你，而係我識男仔嘅一種方法，係考驗對方嘅脾氣，而游咁耐係考驗你地嘅耐性，除非係對游水有興趣啫，試問邊個會忍受得到憨居居咁睇住條女自顧自游足粒幾鐘而毫無反應先得㗎，一早扯晒火走頭啦，另外失驚無神俾人推落泳池唔係個個撐得住，突發事情更加即時顯露出一個人嘅真性情，絕大部份大發老脾，走頭以後唔再見，有兩個直頭當場爆粗吊9我，我一啲都冇嬲到，呢啲人咁唔好老脾，第日咪嗌交多過食飯? 我嘅要求係對方要有耐性兼好脾氣。估唔到條女咁啜核，咁嘅嘢都諗得出，之後我問佢我點呀？ 佢話：你呀！算做合格咁啦，都有計傾嘅。鬼叫我有求於人咩，低低哋慣一舖喺啦，不過之後真係順風順水咗好多。

一夜狂歡

引用:

原帖由 一夜狂歡 於 2023-12-5 20:26 發表
照道理俾人推落水係人都嬲啦，嬲起上嚟打人都有份，但我又冇喎，只係嬲咗一陣仲係強忍住，因為𥄫中佢吖嘛，梗係就住就住先啦，暗啞抵都要㗎喇，換完衫之後搵咗間餐廳坐低食晚飯，食到一半條女開始吐真言，佢話：其實正話推你落水唔係特登 ...

我再問條女話：咁咪即係乜都唔使諗，齋好脾氣又有耐性就搞掂？佢答話：咁就唔係咁講喇，好脾氣有耐性又點呀，睇吓夾唔夾啦，如果好似一碌木咁企喺你隔離，悶茄到暈，唔識玩唔識食，淨識噏頭，你要埋我嗰份。條女似乎暗示我要帶佢周圍去玩周圍去食，否則冇得傾，咁點呀？唯有照做囉，鬼叫你對佢起痰咩，早嗰輪得閒無事考咗個車牌，正好派上用場，首先走去買部錢七代步，贏在起跑點先，次次去街有人管接管送，條女爽皮好多，自始搭上咗條女之後，使錢好似倒水咁快，短短兩年之內去咗幾廿次旅行，玩盡星馬泰菲，日本同韓國，最遠去埋澳洲，本來仲plan埋話去歐洲，好彩後尾分手冇去到，週末短程上上面同澳門就不在話下，連同買車養車計，兩年之內蒸發咗大半身家, 不停請假係導致最尾俾人炒嘅其中一個原因，冇話冇回報嘅，最終個個星期有人陪你玩，同你扑嘢，齋避孕套都唔知用咗幾多打，錢袋同春袋都俾條女清晒我倉。