上一頁下一頁
發新話題
打印

大家試過係邊做愛係最爽?

 
收藏  |  訂閱
687  226.5k

引用:
原帖由 一夜狂歡 於 2024-1-28 01:32 發表 查看引用來源
又係嘅,不停糾纏於人地嘅私隱,你想知啫,唔代表人地想講㗎。Irene 非常冇癮,開始唔係好想啋我,好快輪到我哋,星記姐仔問:下一位!小姐想要啲乜嘢?Irene點咗杯cappuccino, 而我就點咗老陳杯Mocha, 我自己同Irene一樣,到俾錢嗰陣我 ...
老陳行出嚟問:你地咩事咁嘈呀?阿妹你最大聲喎。靚妹搶住回答話:都係林仔囉,大細超孤寒到死,買咖啡淨係買你同佢自己嗰份,我啲低級職員就冇份嘅,淨識擦鞋。你老味打橫嚟講,真係火都嚟,我反駁話:喂妳唔好噏得就噏喎,之前我問過妳妳話唔要㗎嘛,點解依家變咗我唔幫妳買呀。衰女包繼續扮嘢話:我話唔要係我客氣,唔好意思麻煩你幫我做咁多嘢咁解,唔代表我唔想要,既然你都買開唔爭在買埋我嗰份啦,結果係一杯都冇,仲有呀!我琴晚先至請完佢食謝師宴,埋單佢仲有錢落袋未俾番我,幾廿蚊杯咖啡其實咪又係我自己俾番錢。死靚妹將我屈到應一應,仲做戲做全套,扮到想喊咁款,無啦啦我乜都冇做過,結果變成罪人,你話死未?喺我無從反駁之下,老陳最終裁決話:林仔你又係嘅,人哋靚妹仔嚟㗎嘛,始終係新人而且又咁幫得手,幾乎幫你做晒所有嘢一啲怨言都冇,好難得㗎,你要對人好啲就下人先得㗎,不如咁啦,林仔你依家落星記買多杯咖啡,叫做補番俾阿妹囉。講多無謂,大石擲死蟹,唯有照做囉,死靚妹得戚到不得了,臨尾死死地出去買咖啡行過佢隔離,佢竟然借啲意喺我耳邊細細聲話:唔順呀!吊我呀笨!跟住再大聲話:林仔哥唔該晒你呀,你真係好人!

引用:
原帖由 一夜狂歡 於 2024-2-1 09:45 發表 查看引用來源
老陳行出嚟問:你地咩事咁嘈呀?阿妹你最大聲喎。靚妹搶住回答話:都係林仔囉,大細超孤寒到死,買咖啡淨係買你同佢自己嗰份,我啲低級職員就冇份嘅,淨識擦鞋。你老味打橫嚟講,真係火都嚟,我反駁話:喂妳唔好噏得就噏喎,之前我問過妳妳 ...
死靚妹將我玩到殘一殘,記得初嚟埗到純情玉女咁嘅款,諗住食下佢豆腐無相干,結果食出個禍,條女開始露出本來面目,原來蠱惑妹一名,Amy都係蠱惑妹又屈我錢,但係直來直往擺明車馬,而呢條靚妹就耍陰招,背後捅你兩刀都唔知發生咩事,唔容易應付,況且佢又係老陳親自帶嚟隻私家馬,梗係信佢啦唔通信你呀?呢排唯有盡量就住佢囉,避免引起正面衝突,費事自己蝕底,見步行步咁啦,再嚟做多次阿四,落星記再排過,近中午時份星記人多到嘔,又係排咗一輪先至買到杯咖啡,返到公司已經係食晏時間,死靚妹人影都唔見,早知唔Q幫佢買,食晏妳自己唔識買㗎!成個朝頭早淨係喺度買咖啡,乜鬼都冇做過,點解淪落成咁?谷氣得滯冇晒胃口,求祁落7仔買份三文治食算9數,冇耐晏就食完嘞,只見老陳同靚妹一齊番,原來兩條友約埋一齊食晏,靚妹同老陳講:嗱陳生你話㗎,唔好呃我喎。老陳回話:儍嘅,我幾時令過你失望先得㗎,放心啦。條友講完入返房,兩個人都唔知斟緊啲乜嘢,靚妹見到枱面杯咖啡,又寸咀話:係囉!咁先至係㗎嘛,唔該晒你喎林仔。我心諗吊你啦!

引用:
原帖由 一夜狂歡 於 2024-2-2 13:07 發表 查看引用來源
死靚妹將我玩到殘一殘,記得初嚟埗到純情玉女咁嘅款,諗住食下佢豆腐無相干,結果食出個禍,條女開始露出本來面目,原來蠱惑妹一名,Amy都係蠱惑妹又屈我錢,但係直來直往擺明車馬,而呢條靚妹就耍陰招,背後捅你兩刀都唔知發生咩事,唔 ...
以為從此可以風平浪靜,原來唔係,過冇幾耐條靚妹又再嘈過,佢大聲話:林仔你有冇搞錯呀,幫我買啲乜嘢呀?cappucino嚟嘅,我要Mocha 呀!cappucino我唔飲呀。吊麻L煩,我話:你正話冇明確指示買邊樣喎,咁我咪買Cappucino囉,是但啦。死靚妹堅持話:是咩但呀冇是但!點解你唔打電話上嚟問咗我先,自己揸主意呀?上次明明幫我買過一次Mocha㗎,呢次係咪條氣唔順,特登同我唱反調整蠱我呀?死靚妹玩到我透,呢次自己大意咗,俾條女食住上,我再話:我真係冇心㗎,不如就咁飲咗去算啦,最多下次再請過你飲Mocha 嘞,咁得未呀?死女包叠叠不休繼續玩嘢:Cappucino 苦到死!我唔飲㗎,我要Mocha呀。爭拗聲嘈到老陳再次走出嚟,佢話:你地唔好再嘈喇,成公司都聽到喇,阿妹你又係嘅,求其咪算咯,林仔不如你抵諗啲,再行多次買過杯啦,就多佢一次啦。死老陳,講嚟講去咪又係偏幫自己隻馬。

引用:
原帖由 一夜狂歡 於 2024-2-3 18:50 發表 查看引用來源
以為從此可以風平浪靜,原來唔係,過冇幾耐條靚妹又再嘈過,佢大聲話:林仔你有冇搞錯呀,幫我買啲乜嘢呀?cappucino嚟嘅,我要Mocha 呀!cappucino我唔飲呀。吊麻L煩,我話:你正話冇明確指示買邊樣喎,咁我咪買Cappucino囉,是但啦。死靚妹 ...
算自己當黑喺啦,再一次死死地氣落星記買咖啡,已經過咗午餐時間,所以人少咗好多,排得嗰兩三個,咦!前面條西裝友個背影熟口熟面喎,再望真啲,頂你原來係秋仔條pk ,我大力拍落佢膊頭度話:喂死仔!你點會喺度㗎。秋仔俾我失驚無神嚇咗一跳,即刻省我話:頂你俾你嚇L死,學人吞pok 呀,唔使返工呀?我回話:唉你唔知咁多㗎喇,哈你條死仔,學人着西裝呀!着起龍袍都唔似太子啦你。秋仔反寸我話:頂你冇句好嘢,家陣好失禮你呀pk, 係咪唔抵得Amy對我好先,羨慕定妒忌呀?我都反寸話:駛羨蒙你!行L 開啦。大家開場白互寸完一輪之後,回復正常對話,秋仔講:今日我上Amy公司度簽份僱員合約同入職紙,下星期正式返工。我問:你舊公司唔係話要一個月通知咩,咁快可以上工?秋仔答話:哦!我早個幾星期前已經遞咗信,扣減埋我未放兩個星期年假,咁下星期就夠一個月喇,嘩諗起下個禮拜就可以同Amy一齊做嘢,日日都可以見到佢面,真係爽死,呢兩晩開心到唔係點瞓得着。得戚得佢咁嘅樣,我寸佢話:小心啲呀細佬,因住食唔落哽死你呀。秋仔好定當話:你同我定啦,我啱啱先至同Amy喺下面餐廳食完晏嚟,都唔知幾好傾,相處一啲问题都冇,我話要請佢飲咖啡,陣間就欏上去俾佢,今晚仲約咗佢食晚飯,佢要同我傾啲工作細節,之後或者會同佢落吧飲嘢都未定,算啦!你唔恨得咁多㗎喇。

引用:
原帖由 一夜狂歡 於 2024-2-4 18:13 發表 查看引用來源
算自己當黑喺啦,再一次死死地氣落星記買咖啡,已經過咗午餐時間,所以人少咗好多,排得嗰兩三個,咦!前面條西裝友個背影熟口熟面喎,再望真啲,頂你原來係秋仔條pk ,我大力拍落佢膊頭度話:喂死仔!你點會喺度㗎。秋仔俾我失驚無神嚇咗 ...
秋仔不論說話同神情都係十分招積,以前嘅佢一向都係咁,不過依家有女神相伴,更上一層樓而已,充滿自信嘅佢話:仲記唔記得喺台灣同佢關係最差嗰陣時呀!我話過我會溝掂佢同我去街,再做埋我條女,依家我就係向住呢個目標逐步實現,教精你呀細佬,做人做事要達標係要有耐性,急唔嚟㗎,所謂欲速則不達,好似你想同條女上床,一開始就猴擒到不得了,成隻色狼咁款,係女都怕咗你啦,同樣係想同佢上床,我就用唔同做法喇,慢慢嚟,首先博取佢好感,再一步一步咁取得佢信任,大佬!你唔咸濕佢,保持君子風度,冇借啲意乘機博佢懵咁就已經加晒分啦,時機成熟加上某啲節日氣氛,或者制造啲浪漫情景,電光火石之間啲女就會好似山洪暴發,到時唔係你想同佢上床,係佢主動同你上床,你想唔吊都唔得啦,知道未呀?有排學嘢呀細佬。係頂唔住秋仔啲招積樣,不過都不無道理嘅,學到先算啦,秋仔再寸咀話:塞咗咁多錢落你袋,要收番你學費先得,唉唔同你講住,我要送外賣俾Amy呀。條友行遠兩步又行返轉頭話:算啦!今日你大佬我心情靚,呢杯咖啡我請你飲!

引用:
原帖由 一夜狂歡 於 2024-2-6 11:01 發表 查看引用來源
秋仔不論說話同神情都係十分招積,以前嘅佢一向都係咁,不過依家有女神相伴,更上一層樓而已,充滿自信嘅佢話:仲記唔記得喺台灣同佢關係最差嗰陣時呀!我話過我會溝掂佢同我去街,再做埋我條女,依家我就係向住呢個目標逐步實現,教精 ...
真係雞痾尿少見,秋仔出晒名孤寒鐸,平日請人食粒芝麻都牙痛咁聲,今日竟然请我飲幾廿蚊杯咖啡,真係皇恩浩蕩,都好,夠錢落茶記整番個下午茶,自從搭上咗Amy之後,秋仔一改常態,出手鬆動咗好多,以前嘅佢可謂慳到離譜,慳到底褲穿咗都補完又補,依家竟然成千蚊買套西裝都面不改容,可知愛情魔力係幾咁偉大,撇除咗佢以前做生意失敗損失,可能肉痛到想自殺咁滯,條友做咗咁多年嘢,慳慳埋埋都應該淨番唔少,呢次遇上肉食女Amy,可謂中正條女下懷,睇下Amy姐點樣將你錢袋洗刼一空,等你一無所有,下面春袋將你榨乾榨淨,玩到你一滴不淨屙尿都冇力,精盡人亡為止,睇下你點死,喂阿哥你有口話人冇口話自己,俾着你又點算呀!好老實,錢我就冇嘞,精仲有大把,Amy鍾意就攞去啦,所謂牡丹花下死, 做鬼也風流。

引用:
原帖由 一夜狂歡 於 2024-2-9 02:48 發表 查看引用來源
真係雞痾尿少見,秋仔出晒名孤寒鐸,平日請人食粒芝麻都牙痛咁聲,今日竟然请我飲幾廿蚊杯咖啡,真係皇恩浩蕩,都好,夠錢落茶記整番個下午茶,自從搭上咗Amy之後,秋仔一改常態,出手鬆動咗好多,以前嘅佢可謂慳到離譜,慳到底褲穿咗都補 ...
幾經辛苦終於送到杯啱嘅俾個衰女包,佢梗係開心啦,將我玩到殘晒,最後都叫做講番句多謝,咁我條氣都叫做順番少少,算啦!做男人要大方啲抵得諗,咁先至做到大事㗎嘛!好嘞!自我安慰完一番之後,又要諗下放工有咩搞作先,啱喇,秋仔Amy今晚約埋食晚飯,我實行做一次私家偵探,𥄫下佢哋進展都好,臨放工前老陳又拉我入房照多次肺,佢話:正話你嘅做法好正確,我哋公司正值多事之秋,最緊要團結,唔好成日一盆散沙咁,俾人有藉口將我地軍,下星期好重要呀。口大口細,點話點好啦。靚妹今日已經將我玩夠,臨出門口前同我話:林仔唔該晒你喎!杯Mocha好好飲呀!介唔介意下次請我飲多杯啫,嘻嘻。衰女包玩完花臣賣萌呀?之前個寸樣呢?費事睬你嘥我時間,依家6點幾鐘,點跟踪好呢?不如打個電話俾秋仔,問下佢喺邊度先,秋仔接電話有啲煩燥話:喂我喺金鐘地鐵站呀,踫着放工啲人多L到嘔,喂正想問你銅記邊便出口呀?仆街原來有兩邊出口完全唔通嘅,今朝出錯另外一便,左兜右兜行L到我扒街,我乘機問佢:出波斯富街嗰邊啱㗎喇,喂我可唔可以join 埋你地呀?秋仔堅拒話:我地食飯傾公事㗎咋,你又唔係我哋公司職員,你join 嚟把L呀?吖死仔有異性冇人性仲爆粗?咁我更加要跟蹤喇。

引用:
原帖由 一夜狂歡 於 2024-2-11 14:10 發表 查看引用來源
幾經辛苦終於送到杯啱嘅俾個衰女包,佢梗係開心啦,將我玩到殘晒,最後都叫做講番句多謝,咁我條氣都叫做順番少少,算啦!做男人要大方啲抵得諗,咁先至做到大事㗎嘛!好嘞!自我安慰完一番之後,又要諗下放工有咩搞作先,啱喇,秋仔Amy今晚 ...
趁秋仔未到,嗱嗱聲趕過去新記大廈,搵咗個有利位置,離遠𥄫實佢哋一切動向,最緊要唔好俾佢地發覺,果然好快見到秋仔到咗新記推門入去,吖死仔見完工返屋企,返轉頭仲係着住套老西,搏Amy好感正一觀音兵,忽然覺得玩跟踪原來都幾刺激,某程度上有偷窺感,今晚冇幾個鐘都唔成事,不過有陣時會幾悶,因為要等仲要金睛火眼咁等,一陣間𦕲着眼瞓就前功盡廢,結果牛咁眼望住成粒鐘,望到眼水係咁出,先至見秋仔同Amy施施然咁行出嚟,佢老味唔係嘛仲拖住手添,當我冇到咁解啫,弊傢伙!兩條友上咗部的士添,冇預坐的士喎,點跟呀呀哥?就算依家叫部車跟尾都嚟唔切啦,睇住佢地部車飛咁快絕塵而去,冇啦唔使諗,唯有老舉埋年結算9數,抱住失望嘅心情返歸,點知鋒迴路轉喺歸家途中,秋仔竟然call我,乜事呢喂?佢語氣有啲心急話:喂救駕呀大佬,我部手機喺Amy 公司間房叉緊電唔記得欏呀,依家乜pay物pay都冇又冇cash, 快啲借住兩撇水嚟救急。呵呵你都有今日喇細佬!

引用:
原帖由 一夜狂歡 於 2024-2-15 02:34 發表 查看引用來源
趁秋仔未到,嗱嗱聲趕過去新記大廈,搵咗個有利位置,離遠𥄫實佢哋一切動向,最緊要唔好俾佢地發覺,果然好快見到秋仔到咗新記推門入去,吖死仔見完工返屋企,返轉頭仲係着住套老西,搏Amy好感正一觀音兵,忽然覺得玩跟踪原來都幾刺激, ...
秋仔你都算沙胆嘞,問我借錢溝我條女,唔玩番你一輪先?我笑話:乜你唔係好叠財嘅咩,點解唔袋番一千幾百現金喺袋咁失策呀?秋仔語氣急促話:唔好咁多廢話,江湖救急,我依家喺中環太記餐廳,你坐地鐵一個鐘頭內一定到,到咗你咋帝打俾Amy, 拖住佢講嘢,我就乘機落地下門口見你。我扮嘢話:你又知我依家得閒!你唔俾我約咗人㗎。拖兩拖秋仔好㷫話:你條友都斷六親嘅,有𠃊人嚟搵你呀,到底你嚟定唔嚟?我又再問:你可以叫Amy出住先㗎,遲啲俾番佢咪得囉咁簡單。秋仔堅持話:你鋪話法,約女食飯仲要條女幫你俾住錢先,請問聲我顏面何存呀?原本想問多句你冇水點俾的士錢呀?猛然醒起陣間佢問你點知我地搭的士㗎,咁咪穿晒崩,及時收得切,繼續你急我唔急話:你地都幾識食喎,中環太記?冇六七舊都落唔到樓啦,冇水仲學人食咁貴!你都得喇。秋仔就嚟吊我咁滯,但有求於我強忍怒火話:太記我識L咩,係Amy提議嘅,喂林仔大哥,當我求下你嘞,江湖救急呀大佬。算啦我都玩夠嘞,於是話:我依家出嚟,仲要啲乜嘢?秋仔成個鬆番晒話:係就快啲!乜都唔使兩撇水夠嘞,記住茄殊呀!

引用:
原帖由 一夜狂歡 於 2024-2-16 07:37 發表 查看引用來源
秋仔你都算沙胆嘞,問我借錢溝我條女,唔玩番你一輪先?我笑話:乜你唔係好叠財嘅咩,點解唔袋番一千幾百現金喺袋咁失策呀?秋仔語氣急促話:唔好咁多廢話,江湖救急,我依家喺中環太記餐廳,你坐地鐵一個鐘頭內一定到,到咗你咋帝打俾Amy, ...
有時心諗點解要幫自己個對手秋仔呢?咁唔會好儍咩?係基於三點原因,第一係秋仔除咗孤寒啲之外,並非如朋友間所講話佢人品好差,其實唔算太差,第二係在在顯示佢係有能力溝得掂Amy, 去到兩人水火不容互相粗口問候地步,諗啲計就可以冧得掂Amy,攪到成個純晒咁先犀利,技不如人唯有咁拜下風,keep住佢地之間關係仲可以一直知道Amy近況,算係攞番個安慰獎,第三係幫咗你一次大忙,咁你就欠咗我一次人情,第時要還嘅。好嘞好快到咗中環,去銀行撳兩千蚊,然後行上太記,一如秋仔安排打俾Amy扮嘢傾計,我問Amy: 茵茵姐!呢幾日點呀!過得好唔好呀?妳依家喺邊呀?晚飯食咗未呀?Amy語氣顯得不耐煩話:你真係無聊個噃!問咁多問題咩事呀?答你邊樣先好呀?唉突然之間要我講嘢拖時間,真係唔知講啲乜嘢好,之後再講咗一輪連自己都唔知係乜鬼嘢,搞到Amy姐越來越㷫,秋仔亦都落到門口,不動聲色咁擸走兩撇水,繼續拖住Amy, 冇幾耐電話背後秋仔話:邊個嚟㗎?咁鬼長氣嘅!Cut佢線啦。秋仔推波助瀾Amy更加扯火話:吊九唔搭八無L聊,小林囉!都唔知講乜L嘢!收線啦。死仔包打完齋唔要和尚,叫Amy cut我線!早知唔Q幫你。

上一頁下一頁
發新話題
前往最後回覆