一夜狂歡

引用:

原帖由 一夜狂歡 於 2024-2-21 21:46 發表
本來㷫得滯想走人，但係心諗攪咗幾粒鐘仲借埋錢，就咁走咗去？唔得嘅唔啱數嘅，幾大二仔底死跟，況且知晒窿路唔跟嘥啲啫！俾啲耐性啦，橫掂未食飯，就喺斜對面一間麵鋪揀個靚位，一路食住麵一路𥄫實太記門口，但係麵唔食得耐，的伙記眼超超 ...

跟蹤人嗰下過㽼，但一坐低又未必係嗰回事，飲嘢分分鐘一粒鐘以上，一條冷隔江坐低呆等無人傾计，真係悶到甩肺，冇嘢做唯有周圍𥄫，先至發覺啲侍應好有睇頭，唔似陀地似係菲女多啲，個個豐胸肥臀，制服係低胸黑T加灰色喻咖褲，乳波臀浪喺你面前切卓咁轉，唔流鼻血已經算偷笑，忍唔住嘅話分分鐘一褲都係，你話溝番件玩番晩，第朝隨時腳軟落樓，當憨居居等到就嚟瞓着之際，對面嚟咗班人嘈喧巴閉入咗星吧，佢哋揀咗門口張枱坐，其中有個人同入面人打招呼，冇幾耐見Amy走出嚟，原來識嘅，隨後秋仔亦都跟埋出嚟，加多兩張櫈之後，成班人就一齊坐喺近門口，嘩佢老味好易見到我喺對面嗰噃，於是即時閃人轉位入入面坐，盡量避開佢哋視線範圍，菲女侍應奇怪我嘅動作，佢問我：Are you ok Sir? May I help you? 無喇喇換位我都好尷尬，好日都唔講句英文，英文又渣，諗咗一陣只好話：I am ok, thank you! 菲姐幾好禮貌，繼續保持笑容，入邊位視野差咗好多又成日俾人阻住，拎嚟拎去搞到條頸攰到抽筋。

一夜狂歡

引用:

原帖由 一夜狂歡 於 2024-2-24 20:21 發表
跟蹤人嗰下過㽼，但一坐低又未必係嗰回事，飲嘢分分鐘一粒鐘以上，一條冷隔江坐低呆等無人傾计，真係悶到甩肺，冇嘢做唯有周圍𥄫，先至發覺啲侍應好有睇頭，唔似陀地似係菲女多啲，個個豐胸肥臀，制服係低胸黑T加灰色喻咖褲，乳波臀浪喺 ...

變相一條友飲悶酒，直頭悶到嘔茄，唯有叫多兩支啤酒麻醉下自己，感覺好似好好多，對面枱圍埋有成八個人，一人一句好不熱鬧，其中一條友最多口水未停過口，睇真啲原來係上次叫我路生嗰條pk, 呢班人就係上次碰到嗰班，Amy同埋佢地混得好熟，秋仔初初有啲陌生，但好快已經上晒手，同班人打成一片，唔知以為佢哋識咗好耐，睇嚟秋仔社交手腕有佢一套，怪唔得成日溝到女啦，連Amy敵人都變成朋友，唔得唔寫個服字，不過一旦埋咗Amy身歷史就要改寫，有咩行差踏錯嘅話，下場可能非常嚴重，一係俾人醃咗一係俾人打爆春袋。話口未完秋仔再次發揮溝女本色，同其中一條女唔知係咪玩鬥酒玩到忘我狀態，去到近乎調情咁滯，嗰邊廂有人看在眼裏，恨在心裏，Amy顯露鑊燶咁嘅面，呵呵好玩咯，帶你出嚟咁唔俾面，仲有飛屎嘅，陣間秋仔有難矣！酒過三巡成班人聚會已經到咗尾聲，Amy率先走入去唔知係咪埋單，仲同Richard 傾咗一陣，最後大家夾番錢俾Amy然後散band, 行出店門口條口水佬捉實秋仔，再攬住佢條頸大大聲話：嗱下禮拜個船河預埋你㗎喇，記住要嚟呀，唔好甩拖呀！口水佬轉頭又同Amy講：茵茵妳都係呀！記住記住帶泳衣呀！唔要一件頭呀。呀死仔呀！咸濕得你個死樣，叫Amy帶泳衣又唔見你叫秋仔帶泳褲？Amy心情唔靚完全冇啋到條pk。

一夜狂歡

引用:

原帖由 一夜狂歡 於 2024-2-27 11:40 發表
變相一條友飲悶酒，直頭悶到嘔茄，唯有叫多兩支啤酒麻醉下自己，感覺好似好好多，對面枱圍埋有成八個人，一人一句好不熱鬧，其中一條友最多口水未停過口，睇真啲原來係上次叫我路生嗰條pk, 呢班人就係上次碰到嗰班，Amy同埋佢地混得 ...

為免走失，我都嗱嗱聲埋單，四支啤酒加一碟小食，盛惠三舊冇找，本來好肉赤，不過臨尾結局咁精彩，咁就值回票價有餘啦，唔知係咪俾Amy訓練有素，家陣酒量有好大進步，四支啤酒落肚只係暈暈地，直頭唔當一回事，Amy同班friend 一齊行落得忌笠街出大道中，完全當秋仔冇到，秋仔一條冷憨居居做咗跟尾狗，冇幾耐Amy截咗部的士上車，秋仔以為醒目即刻追上去諗住同車，點知嘿嘿！Amy第一時間趕番佢落車唔俾坐，仲遞起中指吊9佢，秋仔非常冇癮但仍然識得補鑊，喺褲袋揞咗幾張紅底交俾司機代Amy俾車錢，喂話時話啲錢係我㗎，阿姐多謝都冇一聲的士就開走，秋仔神情落漠頭𠸊𠸊周圍蕩，我就冇你咁好氣，落站搭通宵巴返屋企，秋仔溝女就叻，但做人有陣時唔得醒扒，明明衰咗幾鑊仲未知衰，繼續犯埋啲低級錯誤，Amy算大方不停原諒佢，點解我就冇呢啲待遇呢？呢鑊睇下拆唔拆得掂嘞。睇住自己friend  pk 點解心情仲咁輕鬆呢喂？一句講晒心地唔好囉，我自己都原諒唔到自己，返到屋企已經半夜三更，瞓冇幾耐又要起身返工，好彩聽日半日又唔使點做嘢，但一諗起又要對住條靚妹，我心情都好落漠，好彩聽日晏晝有更精彩節目。

一夜狂歡

引用:

原帖由 一夜狂歡 於 2024-3-1 14:06 發表
為免走失，我都嗱嗱聲埋單，四支啤酒加一碟小食，盛惠三舊冇找，本來好肉赤，不過臨尾結局咁精彩，咁就值回票價有餘啦，唔知係咪俾Amy訓練有素，家陣酒量有好大進步，四支啤酒落肚只係暈暈地，直頭唔當一回事，Amy同班friend 一齊行落得忌 ...

本來眼瞓到爆，一諗起條口水佬話下星期搞船河，Amy都被邀請出席，仲聲明非三點式不可，嘩大佬我好衝動呀！點樣先至可以去埋一份呀？問秋仔呀廢嘅！問Amy? 實俾佢寸到甩骹，睇吓點先啦！瞓得個幾鐘又要扎起身，坐地鐵企喺度都瞓着，返到公司Recept 阿姐又寸我話：打晒喊路，琴晚打通宵麻雀嚟呀？我反寸話：通宵麻雀就冇，通宵打飛機就有，滿意未吖？阿姐笑笑口話：你有咁好精力就好喇。關你潤事咩八婆，費事啋你，入到房見條靚妹又係裝修緊自己塊面，我寸佢話：早晨呀靚女！已經咁靚做乜仲要化妝呀？嘥晒啲化妝品啫。條靚妹頂番轉頭話：我化俾人睇又唔係化俾你睇，你又唔係我條仔，關你叉事呀。死靚妹窒到我冇聲出，非常冇癮之下房入面老陳嗌出嚟話：林仔快啲入嚟。老陳好認真話：林仔林仔，我已經約咗張太下星期一晏晝飲茶，記住返工著靚啲呀，千祈唔好失禮張太，食粥食飯睇呢鋪喇，張太咁睇你，記住幫口呀。我答話：盡力而為啦，我都唔想我地部門衰㗎。老陳笑住話：態度正確！你橫掂冇咩做，不如幫我落星記買杯咖啡，同上次一樣，你都整番杯入我數啦。我有啲疑惑話：咁駛唔駛買埋靚妹嗰份呀？老陳眼神一閃話：你話呢？

一夜狂歡

引用:

原帖由 一夜狂歡 於 2024-3-2 21:30 發表
本來眼瞓到爆，一諗起條口水佬話下星期搞船河，Amy都被邀請出席，仲聲明非三點式不可，嘩大佬我好衝動呀！點樣先至可以去埋一份呀？問秋仔呀廢嘅！問Amy? 實俾佢寸到甩骹，睇吓點先啦！瞓得個幾鐘又要扎起身，坐地鐵企喺度都瞓着，返到公司 ...

老陳繼續話：上次先揩過嘢咁快唔記得，你都知條靚妹幾哽先得㗎，有名你叫小辣椒吖嘛，你唔怕佢又嚟惡搞你，咁你咪照版煑碗囉，不過今次我幫唔到你㗎喇。我有啲唔忿氣話：咁我咪變咗要買佢怕，好惡哽啫。老陳語重心長話：古語有云—唯小人與女子難養也！公司入面有種人係唔得罪得㗎，就係後生靚女，因為佢隨時會變咗你個事頭婆，一切生殺權操之於喺佢手上，我哋公司兩個少東留學番嚟又未結婚，得閒過嚟巡吓鋪，隨時𥄫中條靚妹都未定，到時就好玩喇，所以雖然我係佢上司，但係我點都唔敢得罪佢。我又再問：我知道靚妹已經拍緊拖，有咗男朋友咯喎。老陳又笑住話：你唔好咁天真啦！佢嗰個男朋友點有得比呀？我哋太子爺身家豐厚，人又後生又有學歷，你做女嘅你都識揀啦係嘛！嗱又一次塞錢入你袋，學嘢呀細佬。我諗諗吓又係喎，Amy講過佢以前有個靚女同事俾個老板仔溝走咗，即刻飛上枝頭變鳳凰嘅故事，Amy仲怨恨個太子爺點解唔溝佢，始終有啲唔順我又問：條靚妹咁惡哽，太子爺頂得順㗎喇？老陳擰擰頭話：你都儍嘅，只要太子爺一埋身，條靚妹即刻純如羔羊啦，你估係你呀。俾老陳教訓完一輪，唯有照做囉！

一夜狂歡

引用:

原帖由 一夜狂歡 於 2024-3-4 09:23 發表
老陳繼續話：上次先揩過嘢咁快唔記得，你都知條靚妹幾哽先得㗎，有名你叫小辣椒吖嘛，你唔怕佢又嚟惡搞你，咁你咪照版煑碗囉，不過今次我幫唔到你㗎喇。我有啲唔忿氣話：咁我咪變咗要買佢怕，好惡哽啫。老陳語重心長話：古語有云—唯小 ...

一於照舊落星記三杯Mocha一人一杯，靚妹唔知係咪玩嘢扮驚嘆話：哎呀林仔！做咩忽然對我咁好呀？Mocha 啱嘞冇買錯，做咩呀想溝我呀？我有男朋友個喎！想撬人牆腳呀？我本想玩番佢轉頭話：係呀妳又知！咁如果我真係想溝妳嘅話，咁妳受唔受呀？靚妹寸咀回應話：哎呀聽咗我好感動呀！不過以你咁嘅條件，應該冇乜女肯埋你身包括我在內。死靚妹咁唔俾面我話：喂妳駛唔駛踩到我咁盡呀！我依家好差咩？條八妹繼續追擊話：你唔信嘅話咪入厕所照下塊鏡囉，冇樣貌冇身材，冇學歷又冇水，有人睺你先奇呀，食自己啦你。嘩頂你，句句都夭心夭肺，我好激動話：妳咩事呀！買埋㗎啡請埋妳飲，仲要俾你奚落？妳有冇離譜啲呀？條靚妹都唔知係咪玩心理戰，有心挑我機等我情緒失控，因為我越講越大聲，靚妹繼續寸咀話：我都係講事實啫，唔啱聽可以唔聽㗎，冇人逼你聽喎。嘈吵聲令老陳再次行出嚟干涉，佢話：你地又嘈啲乜嘢呀！唔可以好好地講嘅咩？我反應始終係差一截，俾靚妹搶先發難話：林仔囉，請人飲咖啡好似大晒咁，講嘢咄咄逼人，不停話我嗰樣唔啱，呢樣唔妥，我⋯⋯好委屈呀！你要幫我主持公道呀⋯⋯陳生。頂你仲扮埋喊添，仆街，女人一喊贏晒啦。

一夜狂歡

引用:

原帖由 一夜狂歡 於 2024-3-7 12:05 發表
一於照舊落星記三杯Mocha一人一杯，靚妹唔知係咪玩嘢扮驚嘆話：哎呀林仔！做咩忽然對我咁好呀？Mocha 啱嘞冇買錯，做咩呀想溝我呀？我有男朋友個喎！想撬人牆腳呀？我本想玩番佢轉頭話：係呀妳又知！咁如果我真係想溝妳嘅話，咁妳受唔受呀？ ...

靚妹一喊，誰勝誰負已經一目了然，老陳話：林仔你又係嘅，讓下人唔得嘅咩，人哋始終係妹妹仔嚟㗎嘛，仲講嘢咁大聲，嚇親人㗎嘛，咁大個人都冇嚟分寸嘅，靚妹和應話：係囉佢成日情緒失控，講嘢鬼咁大聲，人哋做緊嘢仲喺隔離大聲嘈，都唔會體諒下人嘅。死靚妹打橫嚟講，我正想反駁，老陳即刻截住我話：夠喇夠喇唔好再嘈嘞，不如咁啦，橫掂今日冇咩做，你哋兩個早啲收工，返屋企冷靜下，記住下星期要見張太呀，唔好失禮人呀。靚妹變臉快過打針，即刻話：多謝陳生！然後開始執嘢準備走人，都好，可以早啲收工好過乜都冇，我呢鋪叫做跌落地楋翻揸沙，於是起身去廁所痾尿再走人，當行出公司門口，Recept 阿姐又多口話：你地就好啦，咁好福利！不如下次你都同我鬧下交，等我可以早啲走咯。我已經谷到成肚氣，即刻話：我下次直頭用粗口鬧你呀，滿意未呀？寃家路窄，出到𨋢口靚妹仲等緊𨋢，我都費事望佢，但靚妹意猶未盡，繼續挑機我話：你執到啦，帶挈你早啲收工，仲唔多謝我？我質問佢話：我有咩得罪你呀？點解成日都要針對我？入到𨋢靚妹繼續寸咀話：咩呀！條氣唔順呀，唔順咪吊9我咯，我駛怕你呀！你唔好再咁多聲氣，再嘈吊埋你老母。死靚妹狂爆粗，我一時回應唔切𨋢已經到樓下，靚妹第一時間彈出走人，今日總算領教過條靚妹有幾咁潑辣。

一夜狂歡

引用:

原帖由 一夜狂歡 於 2024-3-9 16:36 發表
靚妹一喊，誰勝誰負已經一目了然，老陳話：林仔你又係嘅，讓下人唔得嘅咩，人哋始終係妹妹仔嚟㗎嘛，仲講嘢咁大聲，嚇親人㗎嘛，咁大個人都冇嚟分寸嘅，靚妹和應話：係囉佢成日情緒失控，講嘢鬼咁大聲，人哋做緊嘢仲喺隔離大聲嘈，都唔會體諒下 ...

呢條八妹嘅對抗性行為無日無之，依家玩到故意挑起事端，等我反駁然後扮弱者，再扮嬲嚟吊番我老母，日日俾條靚妹吊老母唔係辦法個噃，老陳又玩偏幫，你話邊夠佢玩先得㗎，咁樣落去都唔知點收科，唉都係自己唔好，當初靚妹新入嚟博佢乜都唔識唔敢反抗，成日借機食佢豆腐，食得豆腐多終於俾豆腐哽親，依家掌握晒所有工作又有老陳撐，仲唔乘機報仇咩，無計可施之下唯有收拾心情，玩埋呢個週末先算，提早食晏於是落附近茶記，整咗個芙蓉蛋飯加凍茶，食飽完個肚繼續下一個精彩節目，就係現場睇成人男女做愛大戰，主角當然係Peter 同Irene 呢對狗男女，遨地鐵連埋行接近一粒鐘，終於到達九龍灣Peter嗰座辦公大樓，嘩唔係自己做但係心情好緊張，又要睇又怕俾人發覺，個心就嚟跳出嚟咁滯，入到大廈發覺大堂裝修過晒，依家嚴好多，保安問我搵邊間公司有冇預約，我話冇係嚟搵朋友，保安一口拒絕話冇預約冇得上去，吓咁都得！我據理力爭話上次都係咁上去，佢話除非你打電話俾你朋友證實，如果唔係冇得傾，點知你係咪白撞，你話我點可能打俾Peter先得㗎，冇計唯有打退堂鼓喺啦。

一夜狂歡

引用:

原帖由 一夜狂歡 於 2024-3-10 18:59 發表
呢條八妹嘅對抗性行為無日無之，依家玩到故意挑起事端，等我反駁然後扮弱者，再扮嬲嚟吊番我老母，日日俾條靚妹吊老母唔係辦法個噃，老陳又玩偏幫，你話邊夠佢玩先得㗎，咁樣落去都唔知點收科，唉都係自己唔好，當初靚妹新入嚟博佢乜都 ...

就咁走咗去有啲唔順，唔啱數嘅！於是返轉頭向保安講：你哋有個同事識得我㗎，上次嚟照俾我入。保安坚守立場話：佢喺咪度呀？叫咩名吖？我答話：唔⋯唔係好見喎，但係我唔記得佢個名，淨係記得佢白頭髪戴眼鏡，面長長好瘦嘅。保安開始不耐煩話：呢度好多人白頭髮戴眼鏡又瘦個喎，邊個先係呀？你又搵唔到上面你朋友幫你確認身份，不如你搞清楚下次再嚟過啦。此時有另一保安見我地糾纒不清走埋嚟問：佢講嗰個會唔會係根叔呀？機不可失我接住話：係呀係呀係根叔呀！我一時醒唔起啫。個保安話：根叔係下一更四點鐘，你嚟早咗，不過咁晏你朋友走咗都未定。我醒目話：唔使喇，我下次再嚟過啦，唔該晒你。呢班人陣間五點相信都會收晒工，Peter玩親都玩成日㗎啦，到時再嚟都唔遲，咁多時間淨，不如落當當飲番杯汽水恰下眼瞓都好，佢老味人多到爆，好彩角落頭有人走，廁所邊都冇計，坐坐下望見隔離枱兩條女紅粉非非，好似做完運動，不期然望多兩眼，其中一個笑咗出嚟，另一個就唔係咁好老脾，好唔順超眼厲厲咁厲住我，咁我咪閃開唔再望囉，條悪妹向住佢partner 似乎影射我話：有啲麻甩佬冇拖拍咪唯有喺度食自己囉，夜晚順便喺度瞓埋咪唔使瞓街囉。死八婆咁L寸，我扮聽唔到，回應佢咪變相應數？我冇咁蠢！冇幾耐兩條女起身走人，臨尾仲超多我一眼，我一路望住佢地行到外面，佢老味條死婆竟然擰轉身向我隊中指！咩事呀？有咩得罪你呀？

一夜狂歡

引用:

原帖由 一夜狂歡 於 2024-3-11 20:31 發表
就咁走咗去有啲唔順，唔啱數嘅！於是返轉頭向保安講：你哋有個同事識得我㗎，上次嚟照俾我入。保安坚守立場話：佢喺咪度呀？叫咩名吖？我答話：唔⋯唔係好見喎，但係我唔記得佢個名，淨係記得佢白頭髪戴眼鏡，面長長好瘦嘅。保安開始不耐煩 ...

時運低引致接二連三出現狀況，先係俾靚妹搞一輪，再遇上個保安阻頭阻勢，正話無喇喇又俾個八婆隊中指，又唔係靚過人，望多兩眼有咩罪？依家啲女好容易好燥動，又唔係更年期，但係郁啲都吊人老母又隊中指，都唔明點解，越諗越激氣之下，將大半杯汽水一啖飲晒，結果肚仔急call 要開大，入廁所一睇企滿人，唯有狂忍焗住等，等等下忽然外面殺聲震天，有把男人聲叫囂話：條能樣喺邊度幫我刮佢出嚟，恰我條女吊你老母。好得人驚喎好似尋仇咁款，點緊相喎，跟住有個女人話：條能樣唔L見咗，正話仲坐喺度㗎，可能走L咗。仆街喇呢次，我認得正話條八婆把聲，我就係坐喺廁所隔離，唔通返嚟搵我尋仇，跟住又有好似旁邊條女把聲：周圍刮下啦，睇吓條能樣仲喺咪度。死喇仆街喇，俾佢地搵到我命都冇，分分鐘步我老友後塵，點算好呢？應該暫時唔會入廁所住，我嗱嗱聲除低件黑色外套，戴番口罩再整亂頭髮，入面喺一件紅色T恤，搏一搏啦，因為我大動作關係，撞到旁邊啲人，俾人粗口問候，多一事不如少一事，唯有猛咁灑冧，果然隔冇幾耐，另外條女又大聲話：喂廁所未搵喎，睇吓條能樣喺咪入面。