一夜狂歡

引用:

原帖由 一夜狂歡 於 2022-4-29 08:59 發表
管房問我到底送俾男仔定女仔，我話：其實我想送給我的好友，他是個宅男從來不出去，只喜歡呆在家𥚃，這種東西對他來說應該蠻有用吧。口水佬打蛇隨棍上話：這個當然，用來打飛機更是適合不過，一顆已經可以給他樂上好幾天，如果要求不高 ...

駛錢好似倒水咁眨下眼又冇咗五千，慶幸仲未過額，同管房講聲拜拜繼續上路行番酒店攞行李，行行下發覺有啲唔妥，就係身上面一個仙都冇，陣間點搭的去高鐵站，點食晚飯，仲有到咗台北都冇水去機場，真係弊弊都冇咁弊，就嚟暈咁滯，冇晒friend喺隔離冇人幫，似乎只有搵番管房大哥睇下有冇計，管房見我又番轉頭再次笑臉相迎話：怎麼了老弟？又再回頭見，捨不得我是嗎？我可不是那種類型喔！我諗到一計話：管房大哥你可否幫幫忙，我身上現金用得全沒了，我今晚就要回香港，一路上沒錢實在不行，是否可以假裝幫你買一顆補藥，刷卡以後我藥不拿，而你付我現金抵賬，您看是否可行？管房諗咗一陣話：這可不行，我們現金也有賬可尋，那不是亂了套嗎。呢次痾拔甩喇，管房一口拒絕，我咪變咗要滯留台灣？我急到要瀨咁滯。

一夜狂歡

引用:

原帖由 一夜狂歡 於 2022-5-2 08:21 發表
駛錢好似倒水咁眨下眼又冇咗五千，慶幸仲未過額，同管房講聲拜拜繼續上路行番酒店攞行李，行行下發覺有啲唔妥，就係身上面一個仙都冇，陣間點搭的去高鐵站，點食晚飯，仲有到咗台北都冇水去機場，真係弊弊都冇咁弊，就嚟暈咁滯，冇晒frie ...

正當我徬徨無助，不知如何是好之際，管房阿哥二話不說，佢取出自己銀包，攞咗一張五百蚊紙遞俾我話：這裡五百元應該夠吧，拿去用。仿如天降甘霖，我話：這是您自己自掏腰包，不太好意思吧。管房話：您幫襯我那麼多，我怎能見死不救，我出來混跑碼頭那麼多年，還是講義氣的。仗義每多屠狗輩，估唔到管房阿哥錙銖必算，竟然有此仗義行為，我心存感激話：如此仗義，我不知道怎樣謝謝您才好。管房輕描淡寫話：這點小意思不用謝，要謝的話下次再到台中來的時候，記得上來幫襯我就行了。一再多謝管房之後再同佢話別，然後繼續上路返酒店，雖然呢次駛咗咁多錢，但管房嘅雪中送炭行為，已經值回所有票價，心情如沐春風，行下行下不經不覺已經到咗酒店門口。

一夜狂歡

引用:

原帖由 一夜狂歡 於 2022-5-3 12:00 發表
正當我徬徨無助，不知如何是好之際，管房阿哥二話不說，佢取出自己銀包，攞咗一張五百蚊紙遞俾我話：這裡五百元應該夠吧，拿去用。仿如天降甘霖，我話：這是您自己自掏腰包，不太好意思吧。管房話：您幫襯我那麼多，我怎能見死不救，我出來混 ...

想打個電話問Amy佢地喺邊，點知手機冇晒電，今朝忙到死都唔記得走去叉，算啦高鐵再見啦，家陣先五點幾鐘，唔知點解個天黑得咁快，酒店大堂人來人往，似乎有好多旅行團到咗咁喎，攞番啲行李先再講，行出酒店前不經意聽到一個香港團領隊向住一班團友喊話：依家六點半，大家團友上房稍事休息梳洗，準時七點正大堂集合，跟住去食晚飯ok。喂你講咩呀六點半，家陣先五點幾咋，你唔好嚇我阿哥，望一望counter上面大鐘，真係六點半！呢次仆街喇呢次，快樂不知時日過，竟然遲咗成個鐘頭都唔知，高鐵係六點正呀，過晒鐘喇懵人，於是擸住行李飛的盡快趕去高鐵站，都唔知補唔補到飛㗎，補到又唔知收幾多錢，萬一張卡唔生銹臨時過額咁就仆街喇，一大堆疑問湧上心頭，今次搵到管房大哥都未必救得番，唯一放心嘅係班機開十一點半，點趕都一定趕到，呢樣嘢要多謝秋仔，條縮骨友要玩到盡。

天郎

引用:

原帖由 籠中粗俗的OL 於 2019-1-10 07:45 發表
*** 作者被禁止或刪除 內容自動屏蔽 ***

好正😃

magiccheug

試過學校最正

一夜狂歡

引用:

原帖由 一夜狂歡 於 2022-5-4 08:50 發表
想打個電話問Amy佢地喺邊，點知手機冇晒電，今朝忙到死都唔記得走去叉，算啦高鐵再見啦，家陣先五點幾鐘，唔知點解個天黑得咁快，酒店大堂人來人往，似乎有好多旅行團到咗咁喎，攞番啲行李先再講，行出酒店前不經意聽到一個香港團領隊 ...

車程唔耐用咗舊幾水就到台中高鐵站，只覺站內人聲鼎沸，梗係，放工時間呀嘛，更加令人煩躁不安，唯有聽天由命，好彩售票處人唔多，大多數人都係用自助售票機買飛，輪到我心跳加速更甚，我問櫃面阿姐：對不起我誤了時間，來不及坐上六點鐘到台北的高鐵，現在怎辦好？可以補票嗎？阿姐話：你的票給我看看。望咗一陣佢話：沒關係呀！你買的是自由座，是當天一整天有效的，不用再補票，可是不保證一定有坐位，只能站著，你可以坐下一班7:15分的到台北。阿姐咁樣一講令我放下心頭大石，當堂成個人鬆晒，突然覺得阿姐靚到冇得頂，如果唔係有窗口隔住，實上前咀佢一啖。順便問埋佢如果對號入座咁點計，阿姐答話：那可不一樣，你必須補票，價錢是票額的一半。聽完除咗想錫阿姐之外，更加想錫秋仔呢條孤寒鐸，貪平買咗平價自由座反而錯有錯着。

一夜狂歡

引用:

原帖由 一夜狂歡 於 2022-5-5 10:06 發表
車程唔耐用咗舊幾水就到台中高鐵站，只覺站內人聲鼎沸，梗係，放工時間呀嘛，更加令人煩躁不安，唯有聽天由命，好彩售票處人唔多，大多數人都係用自助售票機買飛，輪到我心跳加速更甚，我問櫃面阿姐：對不起我誤了時間，來不及坐上六點鐘到 ...

醒起今日係星期五，台灣奉行週休二日，聽日放假所以站頭人特別多，想𥄫下有冇靚女點知高鐵已經徐徐而至，台中落車嘅人都唔少，上到車搵咗成三卡先至勉強搵到個三人座中間位，攝入去坐都有啲窄窄地，不過不能不讚台灣人嘅公德，隔離兩個人唔係細隻，但冇刻意霸佔多啲空間，反而讓番少少出嚟等我冇咁逼，仲有一樣就係雖然全院滿座又有人企位，但成個車廂都好寧靜，人們傾談都保持輕聲細語，絕無半點喧嘩，放喺香港一早變咗街市，由晏晝同雅婷輕量下午茶，再中間經過大量劇烈運動，到依家八點幾，已經餓到腸都孿，期待嘅火車便當終於出現，我大聲嗌話：麻煩你我要火車便當！唔知點解講完之後周圍連隔離兩條友都笑咗出嚟，賣便當嗰個都係，唔係冇拉褲鏈係嘛，冇吖！最後用咗八十蚊要咗個排骨便當，又真係幾好味，食食下隔離條友忍唔住同我講：我看您應該不是本地人吧，在台灣我們不叫火車便當而是叫鐵路便當，因為火車便當是代表一種性愛技巧的意思。講完我鬼死咁尶尬，繼續低頭食飯唔敢周圍望人。

一夜狂歡

引用:

原帖由 一夜狂歡 於 2022-5-7 11:39 發表
醒起今日係星期五，台灣奉行週休二日，聽日放假所以站頭人特別多，想𥄫下有冇靚女點知高鐵已經徐徐而至，台中落車嘅人都唔少，上到車搵咗成三卡先至勉強搵到個三人座中間位，攝入去坐都有啲窄窄地，不過不能不讚台灣人嘅公德，隔離兩 ...

一路食飯一路對管房大哥心存感激，冇咗佢嗰五百蚊，真係餓死都未到天光，飯就食完嘞仲係八點鐘，大概九點前可以到台北，百無聊頼，周圍望下啲人又冇乜特別，又唔見有靚女可以醒下神，咁就閉目養下神先啦，最後都瞌着咗，唔知過咗幾耐自己紥醒咗，驚見隔離位換咗人，變咗係一個OL打扮嘅靚女，當堂成個醒神晒，雖然唔識又冇辦法溝通，但有美在旁感覺不一樣，心情靚好多，起碼有人行過以為佢係我條女，自我安慰一番都好呀，可惜夕陽無限，冇幾耐車上廣播話即將到達台北車站，扑街唔係嘛咁短癮！可能條女係喺新竹上車，其實仲有好耐車程，點解唔早啲醒呢懵人，話口未完台北車站到咗，靚女一支箭咁颷向車門準備落車，佢嘅靚女幽香同餘溫，仍然殘留在座位上，本來想遲少少先落車，但靠窗邊條麻甩佬已在催速，唯有跟大隊落車啦。

一夜狂歡

引用:

原帖由 一夜狂歡 於 2022-5-11 08:20 發表
一路食飯一路對管房大哥心存感激，冇咗佢嗰五百蚊，真係餓死都未到天光，飯就食完嘞仲係八點鐘，大概九點前可以到台北，百無聊頼，周圍望下啲人又冇乜特別，又唔見有靚女可以醒下神，咁就閉目養下神先啦，最後都瞌着咗，唔知過咗幾耐自己 ...

乘客排住隊如貫而出，出到站外靚女已消失得無影無蹤，關人鬼事又唔係我條女，不如嗱嗱聲繼續上路好過，記得Amy同我講過話，去到台北車站你就轉乘國光客運去機場，仲教埋我點搵個車站，但係而家黑嘛嘛，路又複雜好難搵，於是嘗試問下路人，見不遠處有兩個學生妹，咁我就走上去問下佢地：不好意思，請問到機場的國光客運在哪裡？兩條女都唔知攪乜鬼，一路笑一路答話：哈哈！我們也剛路過不太清楚，你去問別人吧，哈哈哈哈！喂笑乜Q呀，冇拉褲鏈？冇呀，玩嘢呀？我忍唔住問：你們在笑什麼？兩條女嘻皮笑臉答話：也沒甚麼好嗎，只不過你的國語嘛真的是⋯⋯哈哈哈哈。佢地走開之後仲細聲講大聲笑，嚟台灣幾日都未試過俾人咁串法，真係瘀到震，有口音唔係罪係嘛？費事同佢地計較咁多，趕時間呀，望下表已經過咗九點，再唔快啲陣間上唔切飛機就仆街。見前面有個阿嬋我即刻捉實佢問，好彩呢個阿嬋好好人，好詳細咁話俾我知個車站點去法，原來距離唔係好遠，我多謝佢之後就嗱嗱聲跑過去，好在及時趕到，原來仲有十分鐘就開車，搭唔到呢班就仆街喇，跟住嗰班要一個鐘頭後先開，車程成粒鐘，唔駛返香港啦，聽定留落台北街頭得喇。

一夜狂歡

引用:

原帖由 一夜狂歡 於 2022-5-13 08:59 發表
乘客排住隊如貫而出，出到站外靚女已消失得無影無蹤，關人鬼事又唔係我條女，不如嗱嗱聲繼續上路好過，記得Amy同我講過話，去到台北車站你就轉乘國光客運去機場，仲教埋我點搵個車站，但係而家黑嘛嘛，路又複雜好難搵，於是嘗試問下路 ...

搭夜機始終人少，巴士上乘客稀稀疏疏數埋唔夠十個，一個人霸晒兩個位坐，相當舒服，當架車行冇幾耐轉入一條叫重慶北路嘅時候，赫然發覺正話嗰兩條學生妹仲喺馬路行緊，放學咁耐夜麻麻唔返屋企仲喺外面逛，肯定係wet妹一族，我趁機向住佢地隊中指想報返一箭之仇，唔知佢地睇唔睇到，但個心都涼咗啲，入夜嘅台北街頭一片寂靜，大部分店舖已經打晒烊，但霓虹燈火仍然通明，偶爾經過應該係夜市嘅地方，則仍然熱鬧非凡，同日頭冇乜分別，好快架車已經離開市中心走上高速公路，烏燈黑火冇乜景睇唯有再瞓過，又唔知過咗幾耐俾人聲嘈醒咗，原來已經到咗桃園機場，睡眼惺忪之下落車，一睇時間已經係十點半，大鑊仲淨番一粒鐘，緊張之下不辯方向走向check-in大堂，唔知班友有冇喺度，咁搵番啱個航班櫃台先再講，去到櫃台幾乎冇人咁滯，有個櫃台小姐遞手嗌我話：先生您是這一航班嗎？請您快一點，飛機馬上要起飛了。滾水淥腳check-in完之後，即時上樓入出境大堂，好彩冇乜人好快搞掂，一條氣之下終於去到登機閘口，望過去冇哂人只得一個女仔坐喺度，睇真啲驚見係Amy姐姐。