一夜狂歡

引用:

原帖由 一夜狂歡 於 2022-7-2 11:55 發表
飲飽食醉埋埋單，個人又暈陀陀跟住點呢？我問Amy:秋仔住牛頭角上邨，不如我地搭地鐵咯，好快就到。Amy反對話：搭地鐵？行上行落又轉車又冇得坐，加埋超過成粒鐘，依家成兩點幾，我仲駛返工嘅，搭的啦。Amy唔理我拉著我手就上咗部的士，跟住 ...

有冇搞錯只不過坐貼少少啫，駛咪咁大反應呀，扮純情呀？我有啲唔忿喺佢耳邊話：坐貼嗰少少唔代表搏妳懵係嘛，我唔係咁黑妳憎係嘛，俾啲面好喎，至少我都請咗妳食餐勁吖。Amy一本正經話：對唔住，請食餐飯唔代表啲乜嘢，我開到聲大把人想請我，幾豐富都有。頂你呢餐飯等於打咗水漂，早知唔鬼好約妳，費事激氣，好快架車去到牛頭角，果然慳咗一半時間，但車費就成舊幾水有多，條女撟埋雙手冇反應，咁即係老馮又係我俾，心諗呢啲女識唔過，又水性將你搾乾搾淨之後飛埋你唔出奇，谷鬼氣之下我唔出聲，衰女包見我唔啋佢開始放軟身段，佢話：好嘞，唔好咁小器啦，係我語氣重咗啲，對唔住囉。跟住撟番我手同我一齊行，唉！我真係冇用，俾Amy冧一冧所有怒氣全部消散晒，咁樣溝女實俾啲女玩死。

一夜狂歡

引用:

原帖由 一夜狂歡 於 2022-7-4 00:58 發表
有冇搞錯只不過坐貼少少啫，駛咪咁大反應呀，扮純情呀？我有啲唔忿喺佢耳邊話：坐貼嗰少少唔代表搏妳懵係嘛，我唔係咁黑妳憎係嘛，俾啲面好喎，至少我都請咗妳食餐勁吖。Amy一本正經話：對唔住，請食餐飯唔代表啲乜嘢，我開到聲大把人想 ...

我一路行一路問Amy：到底妳今日係咪返工㗎？可以返咁晏嘅。Amy話：冇！主要返去接收番啲工作，順便約埋秋仔俾我阿head做個interview，都唔知佢搞乜鬼。好快我地已經上到秋仔座大廈，但係撳極鐘都冇反應，會唔會唔喺屋企呢，門口看更問我地搵邊個，我話：我想搵1016阿吳生，我地係佢朋友。看更話：哦你搵吳生係嘛，冇人應門咩？今朝一早我仲見佢嚟，有啲唔妥喎，返嚟嗰陣有啲囗腫面腫咁喎，不如你地上去睇下佢咩事啦，我開門俾你地。上到佢屋企撳鐘，又係遲遲冇人應門，搞乜鬼呢準備放棄，卒之聽到有腳步聲行埋嚟，有人開門一睇，嘩！秋仔咩事呀！口腫面腫兼傷痕纍纍咁喎，差啲唔認得佢，俾人尋仇嚟呀？秋仔有氣冇力地話：都唔知邊L個咁大整蠱，送完Amy返屋企之後行過條橫街，突然有條友撲出嚟，初初以為打刼，點知對方不由分說向我拳打腳踢，我未及反應就咁俾佢濕咗一餐。

一夜狂歡

引用:

原帖由 一夜狂歡 於 2022-7-8 01:37 發表
我一路行一路問Amy：到底妳今日係咪返工㗎？可以返咁晏嘅。Amy話：冇！主要返去接收番啲工作，順便約埋秋仔俾我阿head做個interview，都唔知佢搞乜鬼。好快我地已經上到秋仔座大廈，但係撳極鐘都冇反應，會唔會唔喺屋企呢，門口看更問 ...

Amy問秋仔：你都好傷下喎，知唔知邊啲人打你呀？你係咪欠貴利數呀？我搶住答話：佢條孤寒鐸都唔知收埋幾多錢，駛鬼問人借咩，佢借俾人差唔多。秋仔答：收聲啦仆街，當時條街好暗，我睇唔清楚佢個樣已經一搥打埋嚟，我幾乎暈咁滯，淨係見到條友戴住黑超同口罩。Amy再問：咁就怪喎，對方點解知道晒你啲行程嘅，你啱啱先落機，又知道你會喺美孚出現嘅？你有冇報警呀？睇你個樣好似無乜睇過醫生咁喎，咁都得？秋仔有啲支唔以對話：冇呀冇報警呀，諗住多一事不如少一事，費事驚動警方咁大件事啦，我仲要搵食㗎嘛，我見又唔係傷得咁緊要，咁返屋企搽下藥酒咪算囉。我搭咀話：嘩你都得咯，俾人打成咁可以就咁算，咁不如搵日我都打番你一鑊玩下咯。講到呢度我同Amy約莫估到發生咩事，不禁相對作出會心微笑，秋仔見狀有啲激動話：你地有冇搞L錯呀！我俾人打到咁傷仲笑得落嘅，都唔係friend嚟嘅。

一夜狂歡

引用:

原帖由 一夜狂歡 於 2022-7-16 01:44 發表
Amy問秋仔：你都好傷下喎，知唔知邊啲人打你呀？你係咪欠貴利數呀？我搶住答話：佢條孤寒鐸都唔知收埋幾多錢，駛鬼問人借咩，佢借俾人差唔多。秋仔答：收聲啦仆街，當時條街好暗，我睇唔清楚佢個樣已經一搥打埋嚟，我幾乎暈咁滯，淨係見到條 ...

Amy語帶輕挑回應話：睇你唧唧唧！陰公咯俾人打成咁，係咪好痛呀？屋企冇人咩？講兩講秋仔痛到忍唔住喊咗出嚟，佢話：琴晚俾人打完半昏迷瞓咗喺地下度，隔咗一陣先起得番身，諗住叫部的士返屋企，條的士佬見我咁嘅身世初初拒載，我話俾多舊水佢先肯制，我老豆老母返咗鄕下有排都唔返，依家淨番我自己一個唯有死頂喺啦。唔知真定假Amy答話：最衰我鬼死咁忙冇時間留低陪你，或者咁啦，如果平日夜晚可以嘅話我抽時間上嚟陪下你，或者幫你買啲嘢煮下飯都可以。聽住先啦，秋仔信以為真面露激動表情，點知話鋒一轉Amy繼續話：至於話請你單嘢⋯⋯睇你依家情況都係暫時擱置住先，遲啲慢慢商量再算。興奮冇耐再由高峯倒插，秋仔呢下真係傷上加傷。

一夜狂歡

引用:

原帖由 一夜狂歡 於 2022-7-19 09:07 發表
Amy語帶輕挑回應話：睇你唧唧唧！陰公咯俾人打成咁，係咪好痛呀？屋企冇人咩？講兩講秋仔痛到忍唔住喊咗出嚟，佢話：琴晚俾人打完半昏迷瞓咗喺地下度，隔咗一陣先起得番身，諗住叫部的士返屋企，條的士佬見我咁嘅身世初初拒載，我話俾多舊 ...

所以話做人做事千祁唔好去到咁盡，懶得戚唔識見好即收隨時反彈，好似秋仔咁未正式確認人地已經分手，可能條女只係借你嚟過下橋之下，公然喺飛機上面搶走人地條女當自己條女嚟玩，色慾男乜嘢面都冇晒，俾着我都會㷫過辣雞，以為威到盡即係冇得威，正所謂槍打出頭鳥，結果俾條無聲狗咬到傷痕纍纍，驚到標尿之下連警都唔敢報，家陣女又搶唔到連轉工機會都冇埋，只可以講一句死有餘辜，不能掉以輕心，色慾男唔妥我好耐，為免城門失火 殃及池魚，呢排都係唔好癡咁多Amy，否則後果可想而知，現實歸現實，Amy講完開始打退堂鼓話:唔同你地講咁多喇，依家好晏我仲要趕返公司接埋啲手尾，第日再傾過，秋仔你休息多啲喇，祝你早日康復 。講完急急腳開門走咗去，睇秋仔表情非常失望，原本同Amy一齊同行係佢嚟㗎。

一夜狂歡

引用:

原帖由 一夜狂歡 於 2022-7-21 01:19 發表
所以話做人做事千祁唔好去到咁盡，懶得戚唔識見好即收隨時反彈，好似秋仔咁未正式確認人地已經分手，可能條女只係借你嚟過下橋之下，公然喺飛機上面搶走人地條女當自己條女嚟玩，色慾男乜嘢面都冇晒，俾着我都會㷫過辣雞，以為威到 ...

剩低兩條麻甩佬你眼望我眼，不是味兒，加上秋仔成面紅腫兼傷痕纍纍，見到都唔開胃，我都係走為上着，追番上Amy再傾多兩句，唔駛死係嘛，秋仔即刻份可憐話：係咪friend先，唔係見死不救係嘛？我一條冷傷成咁乜都做唔到，至少你都幫我買少少嘢等我渡過難關都好吖，唔係今晚連飯都開唔成，聽朝你過嚟幫我收屍都得喇。其實我同秋仔一向唔係好熟，只不過friend上friend，今次旅行因為搵唔到人咁橋佢又放假，焗住先叫做搵到佢頂檔咁解，條友出晒名縮骨兼利鐸，又鍾意氹女，呢次旅行小嫻同Amy就咁俾佢搞禍咗，不過話說回來，上得山多終遇虎，今次唔好彩瀬晒嘢，先係俾小嫻過咗佢一棟，詳情遲啲問番佢，繼而臨尾勾二嫂俾人打鑊甘，真係唔知可憐佢定恭喜佢，我答佢話：算啦幫下你啦，不過咁我出去一陣轉頭再上嚟。秋仔話：做咩呀？又再搵條八婆依泣呀？小心俾人揼呀！呢條秋仔都算現實喇，冇咗份工即刻喺背後鬧人八婆，底你俾人打，唔底可憐。

一夜狂歡

引用:

原帖由 一夜狂歡 於 2022-7-25 00:04 發表
剩低兩條麻甩佬你眼望我眼，不是味兒，加上秋仔成面紅腫兼傷痕纍纍，見到都唔開胃，我都係走為上着，追番上Amy再傾多兩句，唔駛死係嘛，秋仔即刻份可憐話：係咪friend先，唔係見死不救係嘛？我一條冷傷成咁乜都做唔到，至少你都幫我買少少 ...

費事同你講咁多，儘速追返Amy先至得，一條氣喺上邨跑落山，好彩見到佢啱啱行入地鐵站，我離遠嗌住佢話：Amy等埋我呀！唔好行咁快啦。Amy愕然見我跟住佢後面，好嬲咁話：死嘅咩咁L大聲，成村人望住我，個個都知我叫Amy喇，我冇私隠㗎。我say sorry話：對唔住呀！我驚追妳唔上呀，冇所謂啦橫掂好多人都叫Amy，個名咁普遍，大叫妳中文名就話啫。Amy反問我：乜你知我中文名咩？你點知㗎？我笑住答話：有日唔覺意喺酒店check-in嗰陣望到妳個passport，妳中文名叫盧茵兒呀嘛係咪？個名好好聽呀，我鍾意呀。Amy有少少happy話：乜你咁冇道德㗎，偷裝人本passport都有嘅，咁你咪知道我幾時生日幾多歲？我答話：冇呀！一閃即過，淨係見到妳中文名同月份日期，年份睇唔到呀，都唔知妳今年幾歲，可唔可以話我知妳今年幾歲啫？Amy扁住咀話：幾多歲唔好呀，問嚟做乜嘢呀，同你配婚姻呀？我食住上話：係又唔拘呀，我欣然接受，不如就今晚洞埋房啦喂。Amy唔認輸喺我耳邊抵死地話：好呀嚟呀！今晚我就幫你咬L斷佢，等你有袋冇棍，睇你點樣玩。

一夜狂歡

引用:

原帖由 一夜狂歡 於 2022-7-26 01:11 發表
費事同你講咁多，儘速追返Amy先至得，一條氣喺上邨跑落山，好彩見到佢啱啱行入地鐵站，我離遠嗌住佢話：Amy等埋我呀！唔好行咁快啦。Amy愕然見我跟住佢後面，好嬲咁話：死嘅咩咁L大聲，成村人望住我，個個都知我叫Amy喇，我冇私隠㗎。我say ...

阿姐咁肯玩，我當奉陪到底不在話下，我大聲嗌話：哎吔救命呀！斷喇斷喇，痛死我喇，有人謀殺親夫呀。當玩到興高采烈之際，突然後面有條多管閒事，樣衰口賤既麻甩佬唔熟性咁話：兩公婆打情罵俏就返屋企啦，咪喺度發姣阻L住晒呀。咁樣俾人寸法，我未開聲阿姐已經無名火起三千丈，直接爆粗回應話：係呀！我地兩公婆係打情罵俏呀，關你L事呀！駛L你管呀！你盲定智障呀，條路咁L闊，點L樣阻住你呀，你一條友霸L晒嚟行呀仆街。Amy發火可謂非同小可，一連串L字粗口窒到條友冇位入，知道遇到強勁對手唔敢再出聲，粒聲唔出走咗去，Amy向住佢背後再隊多嘢話：咩呀！怯呀！早知唔L好出聲囉呵廢柴！Amy姐真係勁，唔止條pk唔敢再出聲，連我都唔敢出聲，Amy姐再話：呢條飲樣諗住我女仔好蝦，想喺我面前扮型呀，買棺材唔知埞，喂你呀！成程都唔出聲，都唔幫拖嘅。我手心有少少出汗死頂話：妳一個人已經咁勁，駛鬼我出馬咩咩。Amy打側頭望住我問話：係咩？真係？

一夜狂歡

引用:

原帖由 一夜狂歡 於 2022-7-29 01:03 發表
阿姐咁肯玩，我當奉陪到底不在話下，我大聲嗌話：哎吔救命呀！斷喇斷喇，痛死我喇，有人謀殺親夫呀。當玩到興高采烈之際，突然後面有條多管閒事，樣衰口賤既麻甩佬唔熟性咁話：兩公婆打情罵俏就返屋企啦，咪喺度發姣阻L住晒呀。咁樣俾人 ...

Amy繼續話：算吧啦，你呢種人都冇乜大作為㗎喇，我唔同㗎，唔好諗住我好蝦呀，我實同你死過，好似正話嗰條仆街，你估佢真係話你阻住條路呀，其實係隨口噏貪口爽丶搵人嚟蝦，見你兩個男嘅面無四両肉，女嘅成套斯文返工衫，玩9你地唔駛成本，點知今次唔好彩，俾我吊番轉頭，亦都可以話佢好彩，若果遇正係我同我啲friend，咁就好玩囉，實捉佢入後巷，打斷佢兩條pang骨先放番出嚟，等你咁L寸吖嗱！你都係呀，唔好諗住蝦我呀，實冇面俾。我反駁話：妳唔蝦我都算偷笑啦，點敢蝦妳呀？Amy認真地話：冇?喺台灣呢！仲有琴晚喺機場廁所呢，搏晒懵都未同你計。我不作糾纏轉開話題話：妳仲未話我知妳係咪同條仔已經分咗手喎。話頭醒尾嘅Amy話：唔駛轉移話題，扢起條尾都知你發生咩事，諗住我地分手就想走我數呀，你諗都唔駛諗，三萬五少個崩都唔得呀！

一夜狂歡

引用:

原帖由 一夜狂歡 於 2022-8-2 01:23 發表
Amy繼續話：算吧啦，你呢種人都冇乜大作為㗎喇，我唔同㗎，唔好諗住我好蝦呀，我實同你死過，好似正話嗰條仆街，你估佢真係話你阻住條路呀，其實係隨口噏貪口爽丶搵人嚟蝦，見你兩個男嘅面無四両肉，女嘅成套斯文返工衫，玩9你地唔駛成本，點 ...

領畧過Amy嘅潑辣，知道呢條女唔好惹，我開始打消唔還錢嘅念頭，萬一佢發起爛渣上嚟，真係弊弊都冇咁弊，我話：妳唔好咁諗我啦，我從來冇諗過唔還錢俾妳，放心啦我一向講信用嘅。Amy一本正經話：講真一句，我從來唔擔心有人唔還錢俾我喎，有人唔還咪搵人幫我收囉，你驚收唔到！最終咪又係乖乖奉上。Amy畧帶恐嚇嘅說話令人坐立不安，始終都係我理虧在先，搞到人地成面都係我啲精，邊個女仔受得了，雖然我知道佢一定玩過顏射，但唔係我射佢吖嘛，啲味道都完全唔同，一句講晒，只能乖乖奉上喺啦。Amy轉而質問我話：喂你做咩仲跟住嚟呀，我返工喎，你唔係上返去陪秋仔咩？我答話：唉都係嗰句，見到佢個樣都唔開胃，晏啲先算，不如陪你返工好過，妳返邊度啫。Amy話：我公司喺灣仔新記中心，你鍾意陪就陪啦，我冇所謂。我答話：咁橋呀，我公司喺馬師道，就新記中心斜對面之嘛，喂得閒可以搵妳食晏喎。死人Amy又係嗰句：好吖！你請呀？