一夜狂歡

引用:

原帖由 一夜狂歡 於 2022-8-4 10:32 發表
領畧過Amy嘅潑辣，知道呢條女唔好惹，我開始打消唔還錢嘅念頭，萬一佢發起爛渣上嚟，真係弊弊都冇咁弊，我話：妳唔好咁諗我啦，我從來冇諗過唔還錢俾妳，放心啦我一向講信用嘅。Amy一本正經話：講真一句，我從來唔擔心有人唔還錢俾我喎，有 ...

阿姐專食貴價嘢，唔會幫你慳荷包，你估大九鑊大塊核咩，為免覺得我小氣，唯有諗計死頂話：放心啦盧茵兒，糧頭一定我請嘅，唔駛同我客氣。Amy不甘示弱，態度輕挑話：咁你糧頭先嚟搵我啦，我唔習慣幫人埋單㗎，做咩叫我中文名呀？講講下列車已經埋站，唔知點解香港地鐵由朝到晚都鬼死咁多人，唔似台灣非繁忙時段鬆動好多，連轉車我地兩個好似沙甸魚咁要逼埋一齊企，雖然隔住件衫，Amy高聳嘅胸脯俾咗我好大壓力，令我呼吸有啲困難，佢同我講話：呢次益你，下次收番你錢㗎。有來有往嘅我話：我有成億喺度，俾晒妳又點話吖。阿姐寸咀話：得一億咁少，點夠喉㗎！攝牙罅都唔夠啦，冇再多啲嗱？我接招話：攝牙罅？乜你鍾意用口㗎，俾多啲妳又點話吖。Amy呢次出毒招話：不如我踎低幫你含吖，含多兩含睇怕兩億都有啩！死人盧茵兒搞到我即時扯起晒，喂就嚟到站，點落車呀？

一夜狂歡

引用:

原帖由 一夜狂歡 於 2022-8-8 22:11 發表
阿姐專食貴價嘢，唔會幫你慳荷包，你估大九鑊大塊核咩，為免覺得我小氣，唯有諗計死頂話：放心啦盧茵兒，糧頭一定我請嘅，唔駛同我客氣。Amy不甘示弱，態度輕挑話：咁你糧頭先嚟搵我啦，我唔習慣幫人埋單㗎，做咩叫我中文名呀？講講下列車已 ...

Amy見我面色大變知我有反應，繼續乘勝追擊話：唔制呀得咁少，我想要多啲呀，嚟呀我幫你含番硬佢，等你出多次呀。簡直靠害，我硬到變咗一碌鐵柱，好彩人多冇咁容易發覺，我投訴話：喂妳想我死咩，再玩我真係頂唔順會出嘢㗎，到時如果俾人睇到走去報警，咁我就大鑊喇。Amy作出恥笑話：知驚嗱！玩唔起唔好學人玩啦，玩死你都得呀始作俑者。仆街喇下站就係灣仔站，我問Amy:下站到喇，我咁身世袋都冇個點落車呀？妳幫下我啦。Amy攤大手板話：好笑嘞我點幫你呀！或者你去到上環先落咯，到時應該謝番晒㗎喇。我緊張話：點得㗎，我仲想陪妳行一陣街添㗎。Amy答話：你諗你喇，唔關我事，邊個叫你玩嘢在先。好快到咗灣仔站，見前面有條友起身落車，我第一時間衝前坐低然後交叉雙腳，及時避過嚴重醜態可能惹來不必要嘅麻煩，Amy同我say goodbye之後就施施然落車，揚長而去。

一夜狂歡

引用:

原帖由 一夜狂歡 於 2022-8-13 01:33 發表
Amy見我面色大變知我有反應，繼續乘勝追擊話：唔制呀得咁少，我想要多啲呀，嚟呀我幫你含番硬佢，等你出多次呀。簡直靠害，我硬到變咗一碌鐵柱，好彩人多冇咁容易發覺，我投訴話：喂妳想我死咩，再玩我真係頂唔順會出嘢㗎，到時如果俾人睇 ...

突然覺得心有不甘就咁同Amy分開，把心一橫死就死啦，喺列車閂門前最後一刻衝番出去，人急智生唔理咁多，即刻除低件T恤圍喺身度遮住前面，好彩習慣着開背心底衫，唔駛打大赤辣，肉酸係肉酸啲好過冇，見Amy上緊電梯我嗌住佢話：盧茵兒唔好行咁快啦，等埋我呀！Amy一見我大驚失色話：做咩仲跟住嚟呀？嘩你作死呀！淨係着住件底衫背心，好肉酸呀成個變態佬咁，唔好行埋嚟呀！我解辯話：我都唔想，寸步難行唯有出此下策，就住先啦。Amy抗拒話：喂你影衰我呀，俾同事見到我同個變態佬行埋一齊，乜嘢飛屎都冇晒，唔該彈開。老實講我點肯放過妳呀，於是話：除非咁，妳喺站口等我一陣，唔係我就貼實妳一路返公司。Amy好嬲但無奈地話：咁你快啲啦死嘢，我趕時間呀。經過一輪冲鋒再喺樓梯扮睇廣告，細佬終於肯低頭，而我亦着番件T恤向住站口Amy行過去，Amy即場爆粗話：真係吊得你少，搞寸晒個party，行啦衰人!

一夜狂歡

引用:

原帖由 一夜狂歡 於 2022-8-14 01:50 發表
突然覺得心有不甘就咁同Amy分開，把心一橫死就死啦，喺列車閂門前最後一刻衝番出去，人急智生唔理咁多，即刻除低件T恤圍喺身度遮住前面，好彩習慣着開背心底衫，唔駛打大赤辣，肉酸係肉酸啲好過冇，見Amy上緊電梯我嗌住佢話：盧茵兒唔 ...

喺我死𠼱之下，Amy冇法唔就犯但就嬲嬲地，我話：人地都係想見多啲妳啫，唔好嬲今晚晚餐我嘅又點話吖。Amy話：仲想約我食埋晚飯？你又知我得閒，唔俾我約咗人㗎。我回應話：真係唔得閒就冇法啦，人地都係想見多妳一陣啫。Amy聽落似乎幾受下，諗咗一陣佢話：嗱咁啦！你唔怕等嘅話就搵地方行一陣，等我電話再聯絡好唔好？得米嘅我話：係咪約實㗎，我唔怕等㗎，幾多點都得。Amy話：嗱你話㗎，我諗快嘅呢6點鐘倒，如果多嘢做又有會開嘅話呢九十點都唔出奇㗎，你等唔等得先？我二話不說：捨命陪君子，幾多點我都等，通宵都得！Amy再問：秋仔呢？你唔係要幫佢買嘢咩？你唔驚佢餓親呀？我答話：理佢吖又唔係癱咗，咪食杯麵先囉，其它聽日先算。Amy好奇地話：乜你咁㗎，朋友有難都唔幫人嘅，好冇義氣啫。趁住呢個機會我唱衰秋仔話：由頭到尾我同佢唔係好friend㗎咋，佢好多時仲鍾意搵朋友著數，今次喺台灣仲起埋我尾注，所以我都唔係好想理佢，未死得嘅話咪食住自己先囉。

一夜狂歡

引用:

原帖由 一夜狂歡 於 2022-8-16 01:20 發表
喺我死𠼱之下，Amy冇法唔就犯但就嬲嬲地，我話：人地都係想見多啲妳啫，唔好嬲今晚晚餐我嘅又點話吖。Amy話：仲想約我食埋晚飯？你又知我得閒，唔俾我約咗人㗎。我回應話：真係唔得閒就冇法啦，人地都係想見多妳一陣啫。Amy聽落似乎幾 ...

我問Amy:妳有冇試過銅鑼灣站行過嚟，好似近的喎，我平時就係咁。Amy答話：你馬師道就係，過條馬路完全唔同晒，初初我都以為係，我公司本來喺尖記，新近搬嚟灣仔，我港島又唔熟，最初諗住銅鑼灣站行過嚟近，點知仆街銅鑼灣站原來分東西兩邊，兩邊完全唔通，幾次行錯東邊出站，東邊遠好L多㗎，行到我腳都軟仲遲埋到，於是以後灣仔站落算喇。講講下電話響起，秋仔打嚟話：喂你有冇搞L錯呀，咁耐仲唔上嚟，我就嚟餓到腳軟喇。我見條友㷫合合，實行打開免提等Amy聽下過下癮先，點知秋仔不知就裏口不擇言，闖下彌天大禍話：你仲係同條八婆一齊呀？條殘菜有咩值得你貼身傍住呀？做下正經嘢啦死仔。呵呵！正所謂啱啱碰着剛剛，山洪似就嚟瀑發。

一夜狂歡

引用:

原帖由 一夜狂歡 於 2022-8-17 09:45 發表
我問Amy:妳有冇試過銅鑼灣站行過嚟，好似近的喎，我平時就係咁。Amy答話：你馬師道就係，過條馬路完全唔同晒，初初我都以為係，我公司本來喺尖記，新近搬嚟灣仔，我港島又唔熟，最初諗住銅鑼灣站行過嚟近，點知仆街銅鑼灣站原來分東西兩 ...

呢鋪真係無心挿柳，秋仔自尋死路阻都阻唔住，可謂死而無憾矣！本以為秋仔真誠以對係出於內心嘅，誰不知口是心非，反轉豬肚就係屎，本質始終係狗改不了吃屎，Amy老江湖都中咗招，哈哈咁我又少咗一個強勁對手矣！以為崩口人忌崩口碗，Amy一定大發雷霆，爆粗以對，但係一反常態，一向燥動嘅佢異常冷靜，但難掩佢內心嘅激動，只是強忍不發而已，Amy從我手中搶去電話語氣平靜話：秋仔！中間停咗一停，秋仔聽見係Amy把聲可能嚇到已經標緊尿，Amy繼續話：你正話叫我乜嘢話？我話俾你知，我依家返緊公司，原本諗住同我阿Head講話你受咗傷，暫時唔返得工住，等遲啲好番就會請番你，可惜呀你自毀長城，冇得怨，仲有！我地已經唔係朋友，以後唔好再見面。聽到對面不停話：Amy!Amy!對唔住我唔係有意㗎，妳聽我解釋吖！但係Amy頭也不回，第一時間收綫。

一夜狂歡

引用:

原帖由 一夜狂歡 於 2022-8-18 09:23 發表
呢鋪真係無心挿柳，秋仔自尋死路阻都阻唔住，可謂死而無憾矣！本以為秋仔真誠以對係出於內心嘅，誰不知口是心非，反轉豬肚就係屎，本質始終係狗改不了吃屎，Amy老江湖都中咗招，哈哈咁我又少咗一個強勁對手矣！以為崩口人忌崩口碗，Amy一 ...

要嚟嘅始終要嚟，Amy嘅激盪隨著電話收綫後終於爆發，佢不顧自己身處大街大巷，連喊帶叫話：秋仔你條仆街杏加橙，我對你咁好你叫我做乜嘢呀吊你老母！嗚嗚！死仆街以後唔L好再喺我面前出現呀，嗚嗚！陰公咯條女喊到唔識收聲，弊就弊在我企喺佢隔離，唯一能做到嘅就係天下間男人都識做嘅嘢--遞上紙巾，我不停安撫佢話秋仔唔係有心嘅，可能一時衝動啫，點知唔講尤自可講完仲扯火，連我都拉埋落水話：你地啲男人冇個好人，淨係識夾埋嚟蝦我地啲女仔，正話地鐵係咁依家又係咁，我憎L死你地呀，你同我行L開呀！嘩點算燒埋我嗰撻，俗語有云：唔食羊肉都惹來一身羊騷味，有兩條多事女行過睇唔過眼，見Amy喊成咁以為我係佢條仔，出於見義勇為拔刀相助話：喂你係咪男人嚟㗎，蝦到個女朋友喊成咁都有嘅，係咪人嚟㗎，正一渣男！我即時解釋話：你地唔好誤會，唔關我事㗎。其中一個女仔話：哦仲唔認添，得你兩個喺度，唔關你事關邊個事呀？此刻我真係百詞莫辯。

一夜狂歡

引用:

原帖由 一夜狂歡 於 2022-8-20 09:53 發表
要嚟嘅始終要嚟，Amy嘅激盪隨著電話收綫後終於爆發，佢不顧自己身處大街大巷，連喊帶叫話：秋仔你條仆街杏加橙，我對你咁好你叫我做乜嘢呀吊你老母！嗚嗚！死仆街以後唔L好再喺我面前出現呀，嗚嗚！陰公咯條女喊到唔識收聲，弊就弊在我企 ...

黑狗偷食白狗當災，真係啞子吃黃連，企定定喺條大街度俾人鬧，有苦自己知，兩條女鬧到㷫起仲教訓埋Amy話：小姐妳要戴眼識人呀，可以當街當巷激到妳喊嘅真係好人有限，妳咁靚女妳荒識唔到人咩，飛鬼咗佢啦。可惜Amy嘅反應非兩條女所料，佢話：你兩個乜頭乜路都唔知，咪多管閒事啦，唔出聲冇人話你啞㗎。所謂狗咬呂洞賓，不識好人心，兩條女對Amy既不領情又唔客氣嘅回應相當不滿話：小姐妳唔係係嘛，我地幫緊妳喎，點解仲要俾妳寸番轉頭，真係不知好歹。Amy再開聲話：好心你地唔好咁多事啦，駛鬼你地幫咩，唔好煩住晒，過主啦唔該！兩條女聽完更扯火話：有冇搞錯呀妳，一啲禮貎都冇嘅，抵妳識埋啲渣男，自甘墜落。Amy本已經心情唔好，依家再俾人撩㷫，你話唔扯火就假，一於爆粗話： 你兩條八婆咩事呀？乜都要理關你地L事咩，快啲行L開啦仆街。兩條女估唔到Amy咁粗口當堂窒咗一窒，開始知難而退不再糾纏，口噏噏幾句就走咗去，而我亦都可以鬆一口氣。

一夜狂歡

引用:

原帖由 一夜狂歡 於 2022-8-22 02:09 發表
黑狗偷食白狗當災，真係啞子吃黃連，企定定喺條大街度俾人鬧，有苦自己知，兩條女鬧到㷫起仲教訓埋Amy話：小姐妳要戴眼識人呀，可以當街當巷激到妳喊嘅真係好人有限，妳咁靚女妳荒識唔到人咩，飛鬼咗佢啦。可惜Amy嘅反應非兩條女所料 ...

正所謂好佬怕爛佬，冇咁上下功力真係唔好同Amy嘈，盞自討沒趣瘀爆收場，亦都教訓下嗰啲所謂多管閒事嘅人，食飽飯冇屎痾就走出嚟柒，正話嗰兩條自以為是女，受過呢次教訓之後，以後可能就唔會咁容易多管閒事，地方上亦少咗好多無謂嘅爭拗，我同Amy講：Amy姐妳今日都好勁啫，過五關斬六將，點夠妳玩呀。Amy仍然有少少眼泛淚光，佢寸我話：都係你條pk囉，男人老狗唔識得保護人地，下下要個女仔走出嚟拆，自己俾人屈粒聲都冇，你冇L用呀你。又到我出場喇餵，我話：我冇L用？妳又知，妳試過咩？Amy有啲破涕為笑話：係呀你有L用！賊過興兵呀嘛！正話又唔見你咁好辯駁，淨係識得蝦我嘅。好喇一天光晒喇，Amy望一望隻表話：嘩頂你好L晏喇！實俾人詐型，廢話少講，行快兩步啦。好快我地過埋天橋，去到新記中心門口嘞。

一夜狂歡

引用:

原帖由 一夜狂歡 於 2022-8-23 09:01 發表
正所謂好佬怕爛佬，冇咁上下功力真係唔好同Amy嘈，盞自討沒趣瘀爆收場，亦都教訓下嗰啲所謂多管閒事嘅人，食飽飯冇屎痾就走出嚟柒，正話嗰兩條自以為是女，受過呢次教訓之後，以後可能就唔會咁容易多管閒事，地方上亦少咗好多無謂嘅 ...

有三條女貌似放工喺新記行出嚟，原來係Amy同事，同我地打個照面跟住話：茵茵放完假嗱，你老細等咗妳好耐，咦！新菜上埸喎。Amy回應話：咪亂噏！路人甲嚟㗎咋。幾條女細聲講大聲笑之後行咗去，我問Amy:唔係卦茵茵，咁樣落我面，撈咗咁耐得份路人甲做咋，慘情啲啫。Amy話：唔係咁點呀，有得路人甲俾你做咪算偷笑咯，想唔想長做長有呀？唔好咁大貪啦，做乜鬼叫我茵茵呀？呢個名唔係你叫個噃。我繼續話：我唔理，個名咁好聽我以後都叫妳做茵茵，茵茵啊茵茵，今晚點啫？茵茵話：最衰都係你，累到我遲鬼晒，你等得就等啦！Amy講完一支箭颷向𨋢口，好嘞，繼台灣之後喺香港再續等女時間，百無聊賴悶係悶啲，不過有女陪你仲想點呀！去邊好呢？記起後面係灣仔室內運動場，不如走去睇下人做運動順便𥄫下女都好。