一夜狂歡

引用:

原帖由 一夜狂歡 於 2022-8-25 09:51 發表
有三條女貌似放工喺新記行出嚟，原來係Amy同事，同我地打個照面跟住話：茵茵放完假嗱，你老細等咗妳好耐，咦！新菜上埸喎。Amy回應話：咪亂噏！路人甲嚟㗎咋。幾條女細聲講大聲笑之後行咗去，我問Amy:唔係卦茵茵，咁樣落我面，撈咗咁耐得份 ...

今晚又唔知要等幾耐，無法啦，佳人有約呀嘛，似乎唔記得咗聽日要開工，唉諗起份衰工，真係做唔做都罷，就算係捱通宵都話知你，唔滿意咪炒囉，人工奀冇前途，冇咗一啲都唔可惜，諗到呢度成個人豁然開朗晒，一啲壓力都冇，行到一半想起Amy會唔會肚餓呢？搞到咁夜一粒米都冇落肚，頂唔頂得住呢喂？於是即刻call佢，電話響咗好耐先有人接，我話：茵茵妳肚唔肚餓呀？駛唔駛買啲野食欏上嚟俾妳呀？Amy語氣有啲不耐煩話：你唔好搞咁多嘢啦，我依家好忙呀，我公司大把嘢食，我陣間仲要開會，你唔好再打嚟呀。Amy講完即刻收綫，我連搭咀機會都冇，又係嘅，之前已經阻人咁耐，依家仲咁唔熟性，實在太不應該了。剛啱收完綫電話又再響起，以為Amy打嚟，空歡喜一場原來又係秋仔：秋仔劈頭一句話：死仔你喺邊呀，Amy呢？似乎係一個問罪電話，我話：放心啦Amy返咗公司，我就喺條街度，咩事呀？心火盛嘅秋仔火山開始爆發。

一夜狂歡

引用:

原帖由 一夜狂歡 於 2022-8-29 08:27 發表
今晚又唔知要等幾耐，無法啦，佳人有約呀嘛，似乎唔記得咗聽日要開工，唉諗起份衰工，真係做唔做都罷，就算係捱通宵都話知你，唔滿意咪炒囉，人工奀冇前途，冇咗一啲都唔可惜，諗到呢度成個人豁然開朗晒，一啲壓力都冇，行到一半想起Amy會唔 ...

忍辱負重之下，硬食秋仔一輪問候性說話，佢質問我：我有咩得罪你呀？咁樣嚟大整蠱，你係咪故意唔出聲開着個免提，等我儍更更瀨晒嘢都唔知，冇啦呢次，俾Amy打落十八層地獄永不翻身啦！你開心啦死仔。我怱忙解釋話：冷靜啲啦你誤會晒啦，我開着免提係諗住俾Amy聼到你把聲，再大家傾兩句咁解啫，點知你開口𥄫着脷，我冇諗過你第一句就鬧人八婆殘菜，呢啲完全係出乎我意料之外，唔係我故意㗎。秋仔知道自己理虧在先仍然死頂話：你講乜柒都冇用，如果唔係你屎忽痕無喇喇開着個免提，又點會搞到咁L禍，唔係我周身傷晒嘅話實打鑊甘你。俾喺往日秋仔咁樣無理取鬧，我實撐到行，今日佢咁嘅身世，況且我都得着好處，算啦forget it! 秋仔繼續追問：你條死仔到底幾時先肯上嚟我度，依家得戚啦有女旁身，係咪見死不救先。秋仔家陣心情惡劣又連串追問，再咁耗落去唔係辦法，於是敷衍佢兩句之後即刻收綫。

一夜狂歡

引用:

原帖由 一夜狂歡 於 2022-8-31 01:03 發表
忍辱負重之下，硬食秋仔一輪問候性說話，佢質問我：我有咩得罪你呀？咁樣嚟大整蠱，你係咪故意唔出聲開着個免提，等我儍更更瀨晒嘢都唔知，冇啦呢次，俾Amy打落十八層地獄永不翻身啦！你開心啦死仔。我怱忙解釋話：冷靜啲啦你誤會晒啦，我 ...

逛逛下已經去到運動場，望下隔離泳池睇下有冇正嘢先，一睇個場又殘又舊天又黑晒，點會有靚女出現呀，係都去晒海灘啦，咁入番場館先算，首先入大場𥄫下先順便休息一下，一邊係打緊籃球唔駛睇，另一邊有人打緊羽毛球，係有幾個女仔但質素好弱不看也罷，其他場又點呢，打乒乓波基本上係冇乜靚女，壁球就唔同真係有啲機會，果然，壁球場入面幾格都有索女駐場，個個活色生香，上面窄丅挺胸，下面超短熱褲，打波嗰陣球來球往不在話下，睇到我血脈沸騰鼻血直流，可惜個場冇觀眾席，只能企喺場邊𥄫下，無奈唔逗留得太耐，因為佢地啲仔開始對我眼超超，直頭係唔順超，再睇耐啲真係冇運行，唯有再次轉場喺啦，呢次諗到不如去舞蹈室，有人跳健康舞或者玩喻咖咁就正喇，諗到佢地着嗰套緊身衫，我已經控制唔住自己，再諗到晏啲仲佳人有約，真係疏肝到疏肝。

一夜狂歡

引用:

原帖由 一夜狂歡 於 2022-9-2 09:35 發表
逛逛下已經去到運動場，望下隔離泳池睇下有冇正嘢先，一睇個場又殘又舊天又黑晒，點會有靚女出現呀，係都去晒海灘啦，咁入番場館先算，首先入大場𥄫下先順便休息一下，一邊係打緊籃球唔駛睇，另一邊有人打緊羽毛球，係有幾個女仔但質素 ...

唉嚟遲一步，班女啱啱跳完舞喺舞蹈室魚貫行出嚟，似乎係玩完喻咖咁款，佢地向住更衣室行過去準備換衫，驚鴻一瞥只見其中有兩件質素相當唔錯，樣靚身材亦正，其他嗰的就真係得啖笑，件緊身衣好蝦人着，一係瘦得滯撐唔起件衫，一係肥得滯㘉晒啲肉出嚟，唉吾不欲觀之矣！似乎地方都行到差唔多，冇乜嘢睇咁滞，橫掂有啲肚餓，不如打退堂鼓，過馬路去對面洛克道搵啲嘢食下都好，睇怕盧茵兒都唔慌早得去邊，晚上嘅洛克道車水馬龍人來人往咁，同新記嗰邊真係兩個世界，搵下搵下搵到一間茶記坐低咗，叫咗杯奶茶加西多士頂住先，呢間都唔知乜鬼嘢茶記做嘢hea成咁嘅，伙記已經唔係咁客氣，嘢遲嚟不特只，杯奶茶奶多到唔恨，西多仲隔夜油炸鬼咁款，完全上晒當，都唔知食咗啲乜落肚之後，走人出番去行好過，漫無目的咁向前行，經過一間酒吧門口，見有個似係賓妹嘅女仔喺度等人，條女好索下噃，窄T加超緊牛仔褲，前凸後翹，若果係菲傭嘅話，男主人頂唔頂得浦都成問題。

一夜狂歡

引用:

原帖由 一夜狂歡 於 2022-9-4 01:05 發表
唉嚟遲一步，班女啱啱跳完舞喺舞蹈室魚貫行出嚟，似乎係玩完喻咖咁款，佢地向住更衣室行過去準備換衫，驚鴻一瞥只見其中有兩件質素相當唔錯，樣靚身材亦正，其他嗰的就真係得啖笑，件緊身衣好蝦人着，一係瘦得滯撐唔起件衫，一係肥得滯 ...

俾着我係佢男主人，一係就用錢搞掂，傾唔掂數嘅話唯有晚晚做高射炮手喺啦，經過佢隔離嗰陣你眼望我眼，俾着有啲港女，鍾意着成咁又怕被人睇餂，目露凶光之餘仲想打柒你咁款，呢位阿姐恰恰相反，好有質素好有禮貌咁向我點頭微笑，咁我梗係禮貌回應啦，我用有限英文向佢搭訕話：Hello!How are you! 諗住對方未必會有回應，結果對方禮貎地搭上話，用唔咸唔淡唔正嘅廣東話話：你唔駛同我講英文㗎，我識講廣東話㗎。咁叻？莫非真係菲傭，咁我都試下問佢：妳係嚟旅行？學生？定係做嘢㗎？點解識廣東話嘅？阿姐笑笑口話：我係Filipino菲律賓人，我來香港工作㗎。哦咁九成係菲傭嘞，喂不如我請妳啦，最多加多啲人工啦，點知阿姐再話：我來咗香港兩年喇，我係一個 Certified Accountant ，我係Big4 工作㗎。嘩Big4? 咁咪即係四大會計師行專業會計師？失敬失敬！仲誤會咗佢係打住家工添，估唔到專業會計師都可以着到咁性感誘人，實在令人肅然起敬包括我另外一條莖在內。

一夜狂歡

引用:

原帖由 一夜狂歡 於 2022-9-5 08:58 發表
俾着我係佢男主人，一係就用錢搞掂，傾唔掂數嘅話唯有晚晚做高射炮手喺啦，經過佢隔離嗰陣你眼望我眼，俾着有啲港女，鍾意着成咁又怕被人睇餂，目露凶光之餘仲想打柒你咁款，呢位阿姐恰恰相反，好有質素好有禮貌咁向我點頭微笑，咁我梗 ...

姐姐擁有勁爆身材，加上棕啡色皮膚，一睇就知戰鬥力十足，俾着我係佢條仔肯定晩晚俾佢清倉，為咗保持虛假嘅君子風度，避免露出狼相，我唔敢直望佢身材，但係已經不停吞緊口水，死囉，儲埋咁多貨喺身，陣間見到Amy我驚我忍唔住將佢先扑後愛， 盡情發洩，咁就爽皮喇，可惜呀！幻想係豐満嘅，現實卻是骨感的，你夠膽上先算啦，返回現實我問性感菲姐：妳企喺條街度，會唔會等緊朋友？菲姐點頭話：係呀我等緊我朋友，等咗好耐喇。我多口問一句：Boyfriend？阿姐笑而不語即係係啦，咁我都係時候打退堂鼓，費事萬一俾佢條仔見到，仲以為我想溝佢條女，咁就唔多愉快啦，你知我幾勁抽先得㗎，到時我就重傷佢條仔就入冊，你話邊個傷啲囉呵，終於同性感阿姐道別，互相講句nice to meet you然後拜拜，一路行一路諗，如果香港女仔可以咁nice嘅話咁我就發達啦。

一夜狂歡

引用:

原帖由 一夜狂歡 於 2022-9-7 01:47 發表
姐姐擁有勁爆身材，加上棕啡色皮膚，一睇就知戰鬥力十足，俾着我係佢條仔肯定晩晚俾佢清倉，為咗保持虛假嘅君子風度，避免露出狼相，我唔敢直望佢身材，但係已經不停吞緊口水，死囉，儲埋咁多貨喺身，陣間見到Amy我驚我忍唔住將佢先扑後 ...

一路行一路好似條行屍走肉咁，腦海裏離唔開菲姐性感嘅body，儍下儍下咁不辨方向，一直行到落灣仔盡頭，就嚟去到金鐘都不自知，距離新記已經一大段距離，喂打道回府啦仲等乜嘢，正喺呢個時候電話響起，Amy大人來電話：喂死人頭！我走得喇，去埋個廁所跟住大厦門口等啦，我有啲唔好意思話：我依家喺接近金鐘嗰邊，妳可唔可以等耐少少，或者到咗我call妳落嚟呀。Amy唔係幾好老脾話：你咩事呀！明知約咗我仲行到咁L遠，仲要我等番轉頭，我唔理呀，十分鐘，十分鐘人唔到我就自己番屋企，約會取消。佢講完即刻收綫，呢刻鐘我急如熱鍋上的螞蟻，點算好呢？飛的？的士大把呀但架架有人，等成粒鐘都未必有車，其他更加唔駛講，事不宜遲唯有用跑代替，洛克道嗰便人多到飛起寸步難行，把心一橫直接跑過對面海旁嗰邊冇阻礙會快好多，一條氣咁跑，皇天不負有心人，終於跑到新記門口唔過時，但係已經成頭大汗全身濕透。

一夜狂歡

引用:

原帖由 一夜狂歡 於 2022-9-9 09:05 發表
一路行一路好似條行屍走肉咁，腦海裏離唔開菲姐性感嘅body，儍下儍下咁不辨方向，一直行到落灣仔盡頭，就嚟去到金鐘都不自知，距離新記已經一大段距離，喂打道回府啦仲等乜嘢，正喺呢個時候電話響起，Amy大人來電話：喂死人頭！我走得喇， ...

搏晒老命咁跑，跑到上氣唔接下氣扯晒蝦，成身出油咁滯，家陣我最需要嘅唔係Amy，而係一個氧氣筒幫助我呼吸，死女包又話十分鐘！但係人影都晤見，唔會走咗去係嘛？冇法啦唯有靠往牆繼續等，又過咗五分鐘都仲未見人，唔係喇打俾佢問個究竟先得，答案係打唔通，咁代表啲咩，係未落嚟吖定係走咗人，點算好呢？留又唔係走又唔係，好嘞我都俾十分鐘妳，再唔見人嘅話我都散band算喇，好快十分鐘又過咗，點呀係咪走呀？冇鬼用，隻腳唔係點聽駛，唔捨得走噃，唉嘥氣啦冇鬼用，唯有死死地氣繼續等啦，你走唔甩㗎喇。結果前前後後等咗半粒鐘，Amy先至施施然喺𨋢口行出嚟，個樣仲嬲爆爆咁，本想向佢問罪但係都開唔到聲，反而見到我即時向我發難，佢話：最L衰都係你，就係等你嗰十分鐘，老細見我仲未走即刻捉實我再哦一輪，搞到晏鬼晒，依家我個腦塞實晒好鬼煩，我唔理你呀你賠番俾我呀，今晚直落你包晒底呀。一輪機關槍我都冇機會揷入。

一夜狂歡

引用:

原帖由 一夜狂歡 於 2022-9-11 09:36 發表
搏晒老命咁跑，跑到上氣唔接下氣扯晒蝦，成身出油咁滯，家陣我最需要嘅唔係Amy，而係一個氧氣筒幫助我呼吸，死女包又話十分鐘！但係人影都晤見，唔會走咗去係嘛？冇法啦唯有靠往牆繼續等，又過咗五分鐘都仲未見人，唔係喇打俾佢問個究竟 ...

女皇在上，妳話點就點啦，呢餐走唔甩㗎喇，Amy話：好肚餓呀，快啲去食飯先啦，你有咩提議呀？冇嘅話我話事啦。Amy姐手下留情慳住我荷包好喎，可惜事與願違佢提議：原本可以去食上海嘢嘅，不過咁夜人地已經收晒工，不如咁吖，我地去中環太平記食呀，以前去過一次，啲嘢好好食㗎 。我心諗太平記？貴嘢嚟個噃，我反對話：嗰間老餅嘢嚟㗎，趁唔起妳㗎，第二間啦。Amy似乎知道我籠嘢，堅持話：懷舊唔得咩？好食咪得囉，唔鍾意嘅話不如改去金鐘酒店扒房鋸扒咯。嘩五星級扒房仲得了嘅，呢個月紥炮都唔掂，我即刻改口話：妳講得啱懷舊下都好嘅，好多電影都喺嗰度取景，妳揸fit啦。蠱惑嘅Amy聽完作出會心微笑，可能佢心諗，知驚呢！睇你就唔就範吖，跟住又見到有部空的，第一時間就拉我上車，又係飛的？咁又係嘅，新記嗰便咁隔涉，唔飛的都唔知坐啲乜嘢好。

一夜狂歡

引用:

原帖由 一夜狂歡 於 2022-9-12 10:46 發表
女皇在上，妳話點就點啦，呢餐走唔甩㗎喇，Amy話：好肚餓呀，快啲去食飯先啦，你有咩提議呀？冇嘅話我話事啦。Amy姐手下留情慳住我荷包好喎，可惜事與願違佢提議：原本可以去食上海嘢嘅，不過咁夜人地已經收晒工，不如咁吖，我地去中環太平記 ...

上到車先發覺Amy換咗衫，我問：點解換咗衫嘅？返工衫唔好咩？Amy答話：慣咗啦！但凡放工有街去我一定換衫，着住套suit超冇癮，好似出去sell保險咁，尤其夜一夜落吧更加格格不入。聽完之後我話：原來咁大條道理，不過返工衫始終太密實，依家好睇好多有晒台灣feel，性感好多。的哥好敏感，聽到性感兩字不期然經倒後鏡係咁𥄫住Amy，俾人望得多梗周身唔自然啦，Amy feel 到之後好㷫，即場寸的哥話：望夠未呀？前世未見過女人呀？的哥懾於Amy凌厲嘅眼神，即刻扮專注揸車唔敢再望，咁又係嘅阿姐今日套衫，上身緊身T恤有些微低胸，冇辦法唔露出少少事業線，下身緊窄牛仔褲，圓渾身材表露無遺，係男人都會望多眼啦。Amy毫無遮掩又潑辣嘅性格唔容易應付，以我咁咸濕嘅性格如果唔係同佢熟嘅話，有咩依郁實俾佢當眾寸到甩較兼無地自容。