引用:
原帖由 一夜狂歡 於 2022-8-25 09:51 發表
有三條女貌似放工喺新記行出嚟,原來係Amy同事,同我地打個照面跟住話:茵茵放完假嗱,你老細等咗妳好耐,咦!新菜上埸喎。Amy回應話:咪亂噏!路人甲嚟㗎咋。幾條女細聲講大聲笑之後行咗去,我問Amy:唔係卦茵茵,咁樣落我面,撈咗咁耐得份 ...
今晚又唔知要等幾耐,無法啦,佳人有約呀嘛,似乎唔記得咗聽日要開工,唉諗起份衰工,真係做唔做都罷,就算係捱通宵都話知你,唔滿意咪炒囉,人工奀冇前途,冇咗一啲都唔可惜,諗到呢度成個人豁然開朗晒,一啲壓力都冇,行到一半想起Amy會唔會肚餓呢?搞到咁夜一粒米都冇落肚,頂唔頂得住呢喂?於是即刻call佢,電話響咗好耐先有人接,我話:茵茵妳肚唔肚餓呀?駛唔駛買啲野食欏上嚟俾妳呀?Amy語氣有啲不耐煩話:你唔好搞咁多嘢啦,我依家好忙呀,我公司大把嘢食,我陣間仲要開會,你唔好再打嚟呀。Amy講完即刻收綫,我連搭咀機會都冇,又係嘅,之前已經阻人咁耐,依家仲咁唔熟性,實在太不應該了。剛啱收完綫電話又再響起,以為Amy打嚟,空歡喜一場原來又係秋仔:秋仔劈頭一句話:死仔你喺邊呀,Amy呢?似乎係一個問罪電話,我話:放心啦Amy返咗公司,我就喺條街度,咩事呀?心火盛嘅秋仔火山開始爆發。