引用:
原帖由 一夜狂歡 於 2022-10-12 01:06 發表
門口男女異口同聲話:乜咁耐冇嚟呀,唔記得咗我地嗱。Amy話:冇!近排公司多嘢做咗啲又去旅行嚟,所以少嚟咗,唔係咁掛住我係嘛。其中一個男嘅話:Amy姐喎,點會唔掛住呀,喂呢位阿哥點稱呼先啱呀?Amy搶住答話:佢叫路......,點知Amy未講完 ...
Amy打番招呼話:Hi Richard!好耐冇見呀!睇怕你都搵唔少啦,個場旺成咁,搞到我地都搵唔到位。碌柒老闆回應話:有點會冇!Amy姐姐嚟到一定有,跟我過嚟,通常我都會預留一兩張枱俾啲熟客嘅。佢帶我地去到角落頭一張抬話:你地坐呢張啦,Amy點解咁耐都冇帶隊上嚟玩呀?唔記得我嗱或者轉咗場咁呀?Amy話:冇!點敢轉場呀Richard哥咁好,只不過一班人近呢一年各散東西,好難好似以前咁再聚埋一齊,所以今晚專誠帶個friend嚟捧你場,亦都可以嚟見下你聚下舊咁咯。唔知點解,講到最後呢一句Amy面上出現少有嘅羞澀,Richard哥回應話:唔得喇妳咁掛住我,呢餐我請先得,嗱今晚酒水全部入我數,盡情暢飲,今晚飲醉都唔怕啦,有呢位gentleman送妳返屋企,係喇!仲未請教呢位呀哥點稱呼呀?我回答話:我姓林,你叫我林仔得㗎喇。Richard話:哦林仔哥係嘛!唔駛同我客氣,隨便叫嘢,不過記住唔好飲醉,如果唔係就冇人送我地靚女Amy返屋企㗎喇。Amy加把口話:真係飲醉咪你送我返屋企咯,橫掂佢又冇車嘅,你估佢唔想我飲醉呀。喂Amy乜咁樣講嘢呀,Amy語帶雙關令Richard半講笑話:林仔哥唔好蝦我地Amy喎,我地呢度有好多人會唔妥你㗎!講笑咋林仔哥,唔好介意呀!唔阻你地喇,我仲要去招呼其他客人人,你地慢慢啦。