一夜狂歡

引用:

原帖由 一夜狂歡 於 2022-10-26 03:18 發表
入嚟係一個鬼仔，佢禮貎式向我點頭微笑，我亦禮尚往來，好彩大家都冇乜聲氣，佢痾尿完洗埋手就行番出去，廁格嗰對見冇乜聲氣又再開始併搏，條女爆英文粗再一次投訴話：What a Fuck！今晚你咩事呀？出極都出唔到嘅，係咪之前吊完X嚟呀？男嘅 ...

廁格男歷盡千辛萬苦，終於發射成功，射程肯定舒服到痺，而我亦功成身退，準備行去開門之際，又有三條友前後腳走入嚟，其中一條友仲飲到醉醺醺，胡言亂語又炒蝦拆蟹，嗌兩嗌仲嘔到七彩，搞到臭氣熏天，廁格男女睇怕都要隔多一陣先出到嚟，如果係我橫掂都係，不如來個梅開二度，二次出征，盡顯人盡其材地盡其利物盡其用，可惜廁格男已精華盡出，無能為力矣！此地不宜久留嗱嗱聲走人為上策，返到出去外面，Amy已經牛咁眼向我怒目而視，忍唔住爆粗話：你有冇搞L錯去L咗邊度嚟呀？唔係話痾尿嘅咩，點解痾咁耐㗎？痾鎖錬嚟呀定係便秘咁呀？係我唔啱搞咗成半粒鐘，我猛咁向佢灑冧講對唔住，Amy仲未降火繼續嘈話：你知唔知你丟低我一個女仔喺度有咩問題呀？人地以為我單身不停有麻乜佬嚟撩我呀，好L煩呀！其中有一個仲扯住我唔放，好彩有Richard出手幫我解圍咋，你係男人有責任要保護我㗎，有咩事嘅話實同你死過。

一夜狂歡

引用:

原帖由 一夜狂歡 於 2022-10-27 09:09 發表
廁格男歷盡千辛萬苦，終於發射成功，射程肯定舒服到痺，而我亦功成身退，準備行去開門之際，又有三條友前後腳走入嚟，其中一條友仲飲到醉醺醺，胡言亂語又炒蝦拆蟹，嗌兩嗌仲嘔到七彩，搞到臭氣熏天，廁格男女睇怕都要隔多一陣先出到嚟，如 ...

百般安慰先至勉強平息到Amy嘅怒火，我亦應承今晚陪佢玩通宵，佢先至叫做有番啲笑容，差啲唔記得叫佢𥄫住廁所門口，睇下有冇一對男女同時行出嚟，果然隔冇幾耐，一條西裝友同埋先前見過嘅透視T-back 女一齊行過嚟，原來係佢地，佢地亦唔知有人偷聽佢地扑嘢，條西裝友成套老西焗喺廁格入面咁大動作，我就戥佢幸苦，肯定外套入面出晒油，條女冇所謂呀，薄切切條透視連衫裙，入面只得胸圍同條T-back底褲，輕輕鬆鬆又唔駛用力，真係不可同日而語，我講俾Amy聽話就係呢對急色男女，偷入男廁廁格度扑嘢，我適逢其會梗唔會錯過啦，於是咪留低偷聽囉，先搞到咁晏出嚟，Amy反應平淡話：唉！呢啲戲碼日日都有上演啦，多啲出嚟蒲啦少見多怪！聽完Amy講覺得自己有少少瘀，但係八卦嘅佢都補充一句話：咁你睇唔睇到佢地用咩招式呀？我答話：度門閂實晒點睇到呀？淨聽到咋。

一夜狂歡

引用:

原帖由 一夜狂歡 於 2022-10-28 09:20 發表
百般安慰先至勉強平息到Amy嘅怒火，我亦應承今晚陪佢玩通宵，佢先至叫做有番啲笑容，差啲唔記得叫佢𥄫住廁所門口，睇下有冇一對男女同時行出嚟，果然隔冇幾耐，一條西裝友同埋先前見過嘅透視T-back 女一齊行過嚟，原來係佢地，佢地亦 ...

Amy又問：你睇唔到唔係啩！呢度啲廁格門都冇封到底，你冇烏低身裝入去咩？我答話：有，梗有啦！咪淨係見到鞋咯，其他乜都睇唔到。Amy教話：儍嘅咩，睇鞋型位置咪知囉，如果男仔對鞋喺後面女仔對鞋喺前面，而兩個鞋頭都係向前嘅話，咁咪即係後入囉，而如果兩對鞋頭相對嘅話，即係前入囉，又如果女仔得一隻鞋頭對住，咁咪即係有隻腳遞起咗囉，明未呀？仲有就係如果男仔對鞋出現喺坐廁兩邊，咁即係玩女上位囉。我笑Amy話：嘩妳講得咁詳細，似乎妳好有經驗噃。Amy掘住我話：廢話！運用下你啲想象力啦，諗都諗到啦。我再次取笑佢話：咁多種體位，妳係咪樣樣都試過呀？妳鍾意邊種多啲啫？Amy開始發火話：你再亂咁噏嘅話，信唔信我爆你樽吖嗱，試下。跟住作狀拎起支啤酒樽對住我，我不敢怠慢陪笑臉道：sorry sorry！唔好咁認真啦，講笑㗎咋，繼續飲酒。Amy揸住個樽再嚇多我兩吓先肯放低，其實秋仔喺台灣曾經同我講過，話見過色慾男女一齊入殘廁，Amy出番嚟嗰陣仲用紙巾抹咀，都唔知食過啲乜嘢嚟，所以條女都唔正經得去邊？

一夜狂歡

引用:

原帖由 一夜狂歡 於 2022-10-31 09:27 發表
Amy又問：你睇唔到唔係啩！呢度啲廁格門都冇封到底，你冇烏低身裝入去咩？我答話：有，梗有啦！咪淨係見到鞋咯，其他乜都睇唔到。Amy教話：儍嘅咩，睇鞋型位置咪知囉，如果男仔對鞋喺後面女仔對鞋喺前面，而兩個鞋頭都係向前嘅話，咁咪即係後入 ...

大家飲下玩下傾下，時間不經不覺已經去到半夜，但係個場仍然好旺，人聲鼎沸之下老闆Richard兩頭騰，不停周圍招呼客人，Richard咁識交際應酬又咁勤力，抵拒發嘅，枱面剩番三支啤酒，一枝我飲緊，另外嗰兩枝俾Amy包底算了吧，即係我總共飲咗四技，Amy就八枝冇走雞，Amy真係犀利，飲咗咁多仲係面不改容，而我就開始有啲暈暈地，兩個人灌得水多自然頻頻去廁所就真，男廁再冇發現類似正話嘅精彩戲碼，Richard行過又再問：你地就嚟飲晒咯喎，不如再來半打啦，唔駛同我客氣㗎，我即時耍手檸頭話再飲真係嘔白泡，Richard又再唧唧浸喺Amy耳邊講咗幾句，引來Amy會心微笑，等Richard走咗我問Amy：做乜咁神秘，Richard講咗啲乜搞到妳咁開心嘅。Amy話：又好話你知啦，Richard話離遠嗰邊枱有個客話好欣賞我喎，佢知Richard識我就話有冇機會介紹我俾佢識喎，仲話佢係某金融機構高層喎。我回應話：條友都算狼胎，明知妳有仔喺隔離仲想溝妳，妳點睇呀？

天郎

引用:

原帖由 一夜狂歡 於 2022-11-2 01:52 發表
大家飲下玩下傾下，時間不經不覺已經去到半夜，但係個場仍然好旺，人聲鼎沸之下老闆Richard兩頭騰，不停周圍招呼客人，Richard咁識交際應酬又咁勤力，抵拒發嘅，枱面剩番三支啤酒，一枝我飲緊，另外嗰兩枝俾Amy包底算了吧，即係我總共飲 ...

正呀😍

一夜狂歡

引用:

原帖由 一夜狂歡 於 2022-11-2 01:52 發表
大家飲下玩下傾下，時間不經不覺已經去到半夜，但係個場仍然好旺，人聲鼎沸之下老闆Richard兩頭騰，不停周圍招呼客人，Richard咁識交際應酬又咁勤力，抵拒發嘅，枱面剩番三支啤酒，一枝我飲緊，另外嗰兩枝俾Amy包底算了吧，即係我總共飲 ...

Amy視缐轉向嗰位高層話：唔知呀！都有啲興趣嘅，睇佢一身打扮有型有款，非一般凡夫俗子，識得過。我問佢：既然妳都有興趣咯，點解之前唔應承啫？Amy反寸我話：都係你囉，喺度阻頭阻勢，鬼知你係我邊個呀？Amy再話：其實最緊要係睇我點態度啫，要約嘅話隨時都有機會㗎喇。我講笑話：乜聽落妳啲語氣，好似去送外賣咁款。Amy反駁話：死啦你去！呢啲係正常交往嚟㗎，冇你咁污糟，以小人之心 度君子之腹。我再問：妳都唔識佢，妳又知佢係好人？唔俾佢有目的㗎？Amy笑我話：你真係見得世面少，以呢啲人嘅經濟收入同社會地位，想扑嘢大把女自動獻身啦，駛自己出嚟溝？溝得嘅話梗有番咁上下嘅。我笑笑口話：妳講呢樣嘢，好似轉個圈讃番自己咁喎。Amy厲住我話：依家我好差咩，要委曲求全咁低裝㗎？你咪執到囉，有我地啲咁高質嘅人 陪你地啲咁低質嘅人去街。我有啲唔順話：嘩妳駛唔駛咁樣嚟踩我呀，每次見親面都係咁嘅，我冇乜地方得罪妳啫。Amy又話嘞：乜你咁小氣㗎，講下笑唔得咩，做男人要大方啲先得㗎。

一夜狂歡

引用:

原帖由 一夜狂歡 於 2022-11-4 09:19 發表
Amy視缐轉向嗰位高層話：唔知呀！都有啲興趣嘅，睇佢一身打扮有型有款，非一般凡夫俗子，識得過。我問佢：既然妳都有興趣咯，點解之前唔應承啫？Amy反寸我話：都係你囉，喺度阻頭阻勢，鬼知你係我邊個呀？Amy再話：其實最緊要係睇我點態度啫，要 ...

我認真同Amy講：唔好拗喇，作為朋友同妳講，我都想妳好㗎，想妳有個好歸宿㗎。Amy反應係：你講乜嘢呀，乜嘢好歸宿呀？你先龜宿係嘛，十劃都未有一撇，況且我冇諗過靠男人，識親嗰啲個個都唔掂，靠佢地開飯真係餓死都未天光，好似你咁連自己都養唔掂，做你老婆咪好大鑊。又係一輪踩人攻勢，費事同佢計較咁多，我問佢：咁妳有冇乜嘢期望啫，唔係想當人水魚係嘛。Amy話：痴線啦你，佢地呢啲人精甩邊啦，佢呃你就差不多，正常交往有咩問題？有得玩咪玩囉。Amy再話：好似我以前舊公司有個女同事，樣靚身材正，有一日俾太子爺巡舖𥄫中，於是展開追求，約佢去街就開架幾佰粒嘅豪車，停正喺佢屋苑樓下等佢落嚟，上車嗰一刻發覺成街人望住佢，飛屎攞到盡，跟住又喺一間頂級餐廳包間房同佢蠋光晚餐，太子爺好有風度，並無過份要求，反而再約條女出海遊船河，出動私人遊艇叫佢call埋其他同事一齊去玩，你話條女唔冧到爆先奇。

一夜狂歡

引用:

原帖由 一夜狂歡 於 2022-11-8 01:29 發表
我認真同Amy講：唔好拗喇，作為朋友同妳講，我都想妳好㗎，想妳有個好歸宿㗎。Amy反應係：你講乜嘢呀，乜嘢好歸宿呀？你先龜宿係嘛，十劃都未有一撇，況且我冇諗過靠男人，識親嗰啲個個都唔掂，靠佢地開飯真係餓死都未天光，好似你咁連自己都 ...

Amy繼續講：遊船河我都有份去，雖然佢地新相識，但船上面個女同事已經表現出成個女主人勢態，太子爺又非常就佢。我乘機問Amy：嗰日妳地有冇游水，有冇着泳衣呀？Amy好自然話：我地玩得好開心呀，又游水啦、又有快艇滑水啦、唔落水嘅呢就有人釣魚或者唱K，仲誇張到喺甲板上面放紙鳶都有，總之好開心啦。睇得出茵茵仲好回味嗰日行程，我再追問：咁妳着三點式定一件頭呀？其他女同事呢？Amy回答話：衰嘢呀，淨係掛住問泳衣，我咁嘅身材梗係着三點式啦，個女主人都係，其他冇乜身材嘅就一件頭居多。我打蛇隨棍上話：妳個身型咁誘惑，太子爺冇𥄫中妳咩？Amy有啲無奈話：望過下咁啦，傾咗兩句又冇乜反應，我個女同事一樣樣靚身材正好唔好，人夾人緣強求唔到。我問Amy佢地有冇發展落去，Amy答話：嗰日已經有，大家盡興而歸上岸之後，女同事冇跟我地班人一齊走，而係留喺船上面陪太子爺，深受感動之下女同事提議再出大海，喺海中心兩個人玩足成晚，做個不亦樂乎，玩到太子爺筋疲力盡虛脫咁滯。

一夜狂歡

引用:

原帖由 一夜狂歡 於 2022-11-9 09:54 發表
Amy繼續講：遊船河我都有份去，雖然佢地新相識，但船上面個女同事已經表現出成個女主人勢態，太子爺又非常就佢。我乘機問Amy：嗰日妳地有冇游水，有冇着泳衣呀？Amy好自然話：我地玩得好開心呀，又游水啦、又有快艇滑水啦、唔落水嘅呢 ...

我又再問：妳又知咁多嘢？妳又唔喺現場。Amy話：我同個女同事都幾傾得埋，事後佢同我講嘅，佢有陣時都會問下我意見，大家交流下。我再八卦話：之後發展成點呀？有冇再繼續呀？Amy直言：太子爺呢次嚟真，女同事自始開始富貴咯，太子爺係馬會會員，逢週六有馬跑嘅話 實一早開架車嚟公司接走佳人，去會員棚睇跑馬兼食晏， 聖旨到之下老頂聲都唔敢聲，因為阿姐隨時變身成為事頭婆，仲有就係太子爺同一個馬會董事素有交情，出入董事專用廂房話咁易，有次仲話有份落沙圏影相拉頭馬，你話阿姐幾咁富貴呢，過住同以往不一樣嘅人生，以前放假仲會話成班姊妹同事約出嚟玩，自始已經開始唔見人，周身唔得閒想約都約唔到，大家之間差距亦都越嚟越大，出入馬會會所飯局打哥夫已經成為等閒事，公司份工已經成為閒職，得閒返一兩日經常唔見人，過冇幾耐仲辭埋職，好似話幫太子爺搞其他生意，再之後順理成章成為乜乜夫人。茵茵娓娓道來，聽到我都有啲流口水。

一夜狂歡

引用:

原帖由 一夜狂歡 於 2022-11-10 09:27 發表
我又再問：妳又知咁多嘢？妳又唔喺現場。Amy話：我同個女同事都幾傾得埋，事後佢同我講嘅，佢有陣時都會問下我意見，大家交流下。我再八卦話：之後發展成點呀？有冇再繼續呀？Amy直言：太子爺呢次嚟真，女同事自始開始富貴咯，太子爺係馬會會 ...

我問Amy：阿姐家陣咁富貴，會唔會唔識人冇同妳地聯絡呀？Amy答話：都有嘅，始終相識於微時，得閒諗起我地嗰陣咪搵人囉，次次都會約喺五星級酒店Hi-tea聚舊，每次出現都身光頸靚，盡顯富態，高級酒店下午茶一人都要幾舊水佢就全場包晒，每次仲會送啲小飾物好似潘朵拉魔盒，或者啲高級化粧品或者護膚品咁，出手都唔低呀，每次起碼駛成皮嘢過外，算係咁架喇。我就話喇：車！駛嗰皮幾兩皮野，就好似我地駛十蚊八蚊咁簡單，冇乜特別呀。Amy反寸我話：你鋪話法，人地欠你㗎，你可以唔要格，不過話時話走嗰陣就見真章，有司機專門開車負責接送佢離開，講完拜拜睇住架車絕塵而去，而我地一班人只能夠自己行去搭地鐵，真係百般滋味在心頭，大家都冇嘢講，可能有人會諗，點解嗰個唔係我呢。睇見Amy有啲酸葡萄，我安慰話：算啦同人唔同命，邊個唔想飛上枝頭變鳳凰吖，妳呢次咪有啲機會囉。我再扯開話題話：不如講下妳點識得Richard嘅。