一夜狂歡

引用:

原帖由 一夜狂歡 於 2023-1-10 01:12 發表
聽見Amy咁講我都驚一驚，我問：嘩妳都好大膽啫，妳唔怕有BB咩，未婚生仔Richard有冇老婆㗎。Amy語氣肯定話：儍啦，我豁出去㗎喇，幫Richard生仔我唔覺得一回事喎。我問此話何解，Amy話：佢有老婆仲有個仔但係感情好差，老婆暑假陪個仔過 ...

我問Amy之後有冇繼續落去，Amy有啲失望話：冇喇，嗰次做完之後Richard非常內疚，不停同我講對唔住，話冇心咁做仲請求我原諒佢，講真全程採取主動嘅係我，係我霸王硬上弓，根本唔關佢事，但係佢話會負責到底，叫我唔好擔心喎，冇地方嘅話佢可以安排地方俾我住，再請工人照顧我，嗰刻鐘我真係感動到暈，好想即刻嫁俾佢，結果過咗一輪知道我period嚟番之後，佢終於鬆番口氣，但係我唔係咁諗囉，隔冇幾耐佢再約我出嚟，話為咗表示歉意同埋補償我嘅損失，大手筆咁送咗我一卡鑽石同兩條金條，仲話嚟佢地方食嘢只要佢喺度嘅話，全部入佢數，你話佢係咪好人到離譜，反而顯得我好似好有機心咁。聽完我流曬口水話：茵茵妳就發啦，嗰度計落成三十萬過外，食飯又唔駛錢，執到啦妳。衰女包扮正義反寸我話：執到？乜你覺得我唔值咩！你誤會喇，我地係講心唔講金㗎，冇你咁cheap。

一夜狂歡

[quote]原帖由 一夜狂歡 於 2023-1-11 13:28 發表
我問Amy之後有冇繼續落去，Amy有啲失望話：冇喇，嗰次做完之後Richard非常內疚，不停同我講對唔住，話冇心咁做仲請求我原諒佢，講真全程採取主動嘅係我，係我霸王硬上弓，根本唔關佢事，但係佢話會負責到底，叫我唔好擔心喎，冇地方嘅話佢 ... [/quote] 我笑Amy點解一啲都唔會面紅，佢差啲想揼我咁滯，時間不經不覺去到半夜，門口Amy班friend都走咗一半，其中一男一女走過嚟同Amy say goodbye，男嘅多口問：茵茵咁耐唔見妳條仔嘅，失咗蹤呀？女嘅截住佢話：喂你唔熟性嘅，唔見人地撐緊枱腳咩。多口男扮嘢話：係喎阿路生喺度喎，衰多口添，對唔住對唔住。頂你又叫我路生，Amy聽完笑到咭咭聲：佢話：俾啲面路生好喎，你唔驚俾人打鑊金呀？多口男又話：路生咁斯文，冇你地諗得咁粗魯嘅，路生呵。條友講嘢唔三唔四，我都懶得理佢，最後佢話：茵茵我地下個月攪遊船河，有冇興趣呀，我老闆出艇㗎，預埋妳喇，記得帶泳衣呀。隔離女生話：死嘢，講嚟講去都係想睇茵茵着泳衣，正咸濕佬。多口男反寸話：唔好話妳妒忌人地茵茵着泳衣靚過妳咁多，赤鱲角小姐。講完女嘅追打男嘅出酒吧門口。

一夜狂歡

引用:

原帖由 一夜狂歡 於 2023-1-16 19:27 發表
我笑Amy點解一啲都唔會面紅，佢差啲想揼我咁滯，時間不經不覺去到半夜，門口Amy班friend都走咗一半，其中一男一女走過嚟同Amy say goodbye，男嘅多口問：茵茵咁耐唔見妳條仔嘅，失咗蹤呀？女嘅截住佢話：喂你唔熟性嘅，唔見人地撐緊枱腳 ...

又到咗曲終人散嘅時候嘞，酒吧入面人客逐漸稀疏，Amy都開始打晒喊路話：好鬼眼瞓呀！不如走喇。Richard見到走過嚟話：係呀Amy都夜喇，要返屋企休息喇，多啲上嚟傾偈啦，成日唔見人，呢度有好多人掛住妳架，小林哥！俾個責任你，就係要安全送Amy返到屋企，不容有失知道冇？我心諗駛你講，我仲緊張過你啦，好快Amy衝前俾個擁抱Richard，又喺佢耳邊细细聲講咗幾句，Richard有啲認真話：唔好咁曳啦，仲成個细路女咁。真係唔知Amy講咗啲乜野，最後Amy表現有少少猶疑再話：Richard我地走喇，咁駛唔駛...計番少少...。Richard即刻截住話：嗱唔好再講喇，我同妳仲有得計嘅咩，再講我嬲架，走啦！兩條友空手嚟空手去，咁就慳番成千幾蚊，Amy有啲寸話：嗱幫你慳番好多喇柒頭，仲唔多謝我。客套式多謝佢之後，我拖住Amy手仔走出大街，順理成章唯一選擇係上咗部的士直奔美孚，車上面Amy已經攰到好似失去知覺，自動成個挨咗落我膊頭度，吹氣如蘭一般嘅Amy再次令我心猿意馬，趁佢瞓着我忍唔住放隻手喺佢大脾度，然後不停摸上摸落，雖然隔住條褲，但仍然爽到爆，估唔到落到香港仲有咁嘅機會。

一夜狂歡

引用:

原帖由 一夜狂歡 於 2023-2-6 22:25 發表
又到咗曲終人散嘅時候嘞，酒吧入面人客逐漸稀疏，Amy都開始打晒喊路話：好鬼眼瞓呀！不如走喇。Richard見到走過嚟話：係呀Amy都夜喇，要返屋企休息喇，多啲上嚟傾偈啦，成日唔見人，呢度有好多人掛住妳架，小林哥！俾個責任你，就係要安全送A ...

Amy呢次真係瞓到成隻死豬咁，完全冇反應，咁我就老實不客氣，由頭摸到落尾過足晒瘾，去到舊巴士厰就到美孚先至叫醒佢，懵然不知嘅佢帶住惺忪嘅睡眼落車，竟然同我講咗句：唔好意思擲親你添。突如其来嘅禮貌同客套，令我受寵若驚，一向俾佢寸慣呢下反而唔係好自然，唔知點反應，我話：到咗喇，返去瞓番個靚覺，瞓到自然醒先啦。Amy攰到冇力回應，只係係咁意講句拜拜就準備拉開大堂鐵閘，臨尾我有啲唔捨得問咗句：我地幾時再見面呀？可唔可以再约妳呀？Amy似乎俾我問醒咗，佢話：記住每個月還五千蚊俾我，要還足七個月，total三萬五千蚊ok。衰女包唔可以好頭好尾嘅，臨尾仲要追我数，搞到依依不捨嘅心情一掃而空，嘅然問開咁我順便問埋話：正話酒吧條友話嗰個遊船河，妳會唔會去呀？話頭醒尾嘅Amy掘咗我一眼話：未諗過呀，乜你好想去咩，不過唔好話我唔提醒你，你淨識得我一個，頭先門口班友唔係善男信女嚟架，女嘅牙尖咀利，男嘅寸過碼頭估俚，你頂得住先好，咪到時俾人寸到甩較，冇晒退路，我救你唔到唯有跳海自救，咁就唔係幾好啦。拋两抛俾Amy抛窒咗，我敷衍了事話：係嘅，到時我又未必得閒，下次先啦。死人Amy最後再抛多句話：想睇我着三點式泳衣？你都未夠道行，早抖喇，拜拜！

一夜狂歡

引用:

原帖由 一夜狂歡 於 2023-2-11 19:01 發表
Amy呢次真係瞓到成隻死豬咁，完全冇反應，咁我就老實不客氣，由頭摸到落尾過足晒瘾，去到舊巴士厰就到美孚先至叫醒佢，懵然不知嘅佢帶住惺忪嘅睡眼落車，竟然同我講咗句 ：唔好意思擲親你添。突如其来嘅禮貌同客套，令我受寵若驚，一向 ...

今晚分開唔知幾時先可以再見，於是諗計截住Amy話：茵茵！妳仲未講點樣過數俾妳喎，係咪唔駛還呀？Amy強調話：你就想喇，遲啲俾個户口冧把你轉數落去咪得囉，咁簡單。我反對話：唔得咁點得架！容乜易入錯人地户口架，都係直接俾cash 妳好，穩陣好多。Amy不以為然話：多餘啦！妳係想揾籍口再約我去街就真，你估我唔知呀，咁咪個個月都要見到你？我唔係好想喎。我答話：唔好啦，最多每次我都請妳食飯啦得未呀？妳唔制我唔還架。Amy不以為然話：我又唔信你唔還呀，睇下點，遲啲再傾啦我好眼瞓呀。講完閂埋大閘直接行入大堂，今日約會正式劃上句號，半夜三更冇巴士又冇地鐡，返屋企的士係唯一選擇，車上面回味番今日嘅行程，多嘢食多嘢玩又多嘢睇，尤其是最尾過足手瘾，雖然駛咗唔少錢，乜都值得啦，精力過盛加埋Amy送俾我條T-back誘惑，睇怕陣間打番次飛機都走唔甩。

一夜狂歡

引用:

原帖由 一夜狂歡 於 2023-2-21 01:20 發表
今晚分開唔知幾時先可以再見，於是諗計截住Amy話：茵茵！妳仲未講點樣過數俾妳喎，係咪唔駛還呀？Amy強調話：你就想喇，遲啲俾個户口冧把你轉數落去咪得囉，咁簡單。我反對話：唔得咁點得架！容乜易入錯人地户口架，都係直接俾cash 妳好，穩 ...

半夜三更返到屋企，已經攰到隻狗咁，但電話竟然响起，原来係死人秋仔，三更半夜唔瞓仲有精神揾我？有冇搞L錯，佢話：你條死仔湊條八婆湊到唔記得我嗱，我餓到腸都孿仲唔買嘢上嚟，係咪想監生餓死我呀pk。我話：你屋企冇即食麵嘅咩，煲白飯或者粥加豉油都掂呀，唔會餓死架。秋仔好激動話：屋企乜L都俾我食晒，就嚟連盆盆栽都要食埋咁滞，你係咪見死不救呀扑街。我質疑話：咁你唔識叫外賣嘅咩白痴，啞咗呀？秋仔再發火話：唔L知咩，我冇L晒現金得一揸神沙，又出唔到街撳機，你叫我點先？快L啲上嚟唔好講咁多。秋仔炮火猛烈，我敷衍佢幾句就話聽朝早再上去，然後收線，諗到到時仲要昇佢兩巴交待，唔做又唔得，心情真係十五十六。

一夜狂歡

引用:

原帖由 一夜狂歡 於 2023-2-21 22:30 發表
半夜三更返到屋企，已經攰到隻狗咁，但電話竟然响起，原来係死人秋仔，三更半夜唔瞓仲有精神揾我？有冇搞L錯，佢話：你條死仔湊條八婆湊到唔記得我嗱，我餓到腸都孿仲唔買嘢上嚟，係咪想監生餓死我呀pk。我話：你屋企冇即食麵嘅咩，煲白飯 ...

聽朝仲要上完條pk度再返工，瞓得嗰個零鐘，乜鬼打飛機興趣都冇晒，一撻落床即刻瞓着，感覺只係瞓咗十分鐘原来已經個零鐘，又帶住雲遊太虚嘅身軀上路，搭地铁去到牛頭角，首先揾間7仔，乜鬼狗屎垃圾嘢食胡亂執咗一大袋，就向秋仔竇口進發，只係隔咗一日，難怪秋仔睇落冇乜起色，衰仔一見面即刻炒蝦拆蟹，當我仇人咁鬧，喂幚咗你仲要俾你媽叉！老馮架？條氣唔顺加上Amy加持，正好用嚟向秋仔發泄，趁秋仔未鬧完我即刻加碼用力向佢面部連昇两嘢，痛到秋仔哇哇大叫，連退兩步俺住塊面再爆粗話：你條扑街乜L嘢事打人呀吊你XX，有咩得罪你呀，趁我病攞我命呀扑街。又唔怪得秋仔嘅，無情白事俾人打，俾佢吊都係預咗架啦，以秋仔件頭又食過夜粥，唔係受咗傷嘅話，俾人打嘅係我至真，我即刻解釋話：對唔住我都唔想架，係Amy姐落order我照做架咋，唔關我事架，鬼叫你衰多口咩，要找晦氣揾佢啦。眼見秋仔氣冲冲成面红晒，條氣極之唔順咁款，好似想殺人咁滞，誰不知隔冇幾耐，有一通電話打來嘞。

一夜狂歡

引用:

原帖由 一夜狂歡 於 2023-2-23 00:59 發表
聽朝仲要上完條pk度再返工，瞓得嗰個零鐘，乜鬼打飛機興趣都冇晒，一撻落床即刻瞓着，感覺只係瞓咗十分鐘原来已經個零鐘，又帶住雲遊太虚嘅身軀上路，搭地铁去到牛頭角，首先揾間7仔，乜鬼狗屎垃圾嘢食胡亂執咗一大袋，就向秋仔竇口進 ...

秋仔攞起電話兇神惡殺喂咗一聲之後，唔知點解即刻腳軟成個謝晒，一改先前衰樣温柔到不得了，邊個呢喂？梗係女打嚟啦唔通仔咩，佢唔好嗰味嘅，一路講一路灑冧，頻頻講對唔住，話發誓以後唔會再犯，請求對方俾多次機會佢喎，過程成隻烚熟狗頭咁嘅款，條女可算魅力不凡，将秋仔成個控制住，好似小學生聽校長訓話一樣，冇得頂！再聽秋仔回應感覺條女似係Amy喎，係喇九成係佢冇走雞，好嘢！壓到秋仔塌塌掂，俾人打仲要扮死狗，我鍾意妳呀茵茵姐。聽完電話秋仔小心翼翼等Amy先收線，禮貌十足，我笑佢話：秋仔你幾時變得咁好修養，俾人打一啲都唔嬲仲扮晒死狗，服你咯。秋仔俾我撩興扯火話：你老味條死...。講到呢度條友突然收聲，轉為語氣温和話：唔係嘅，講嘢唔顧及Amy感受，傷人自尊心，人地女仔嚟架嘛，好hurt架嘛，係我唔啱，我抵打，我唔會怪你。我忍唔住笑話：喂呀秋仔哥咩事呀！唔似你喎，食錯咗药呀？變臉變得咁快嘅？

一夜狂歡

引用:

原帖由 一夜狂歡 於 2023-2-24 21:27 發表
秋仔攞起電話兇神惡殺喂咗一聲之後，唔知點解即刻腳軟成個謝晒，一改先前衰樣温柔到不得了，邊個呢喂？梗係女打嚟啦唔通仔咩，佢唔好嗰味嘅，一路講一路灑冧，頻頻講對唔住，話發誓以後唔會再犯，請求對方俾多次機會佢喎，過程成隻烚熟狗 ...

睇見秋仔就好笑，盡量表現心不甘情不願，但係仲要鄭重地向Amy道歉，面容扭曲到不得了，好嘢Amy，係妳治得到呢條pk，我再一次玩下條友話：睇怕你以後都唔敢再提八婆殘菜呢四個字咯呵，唔好話當住Amy面啦，喺我面前都缩窒啦，係咪？秋仔舉起拳頭作狀打我，點知觸動咗傷口，痛到吔吔聲，我幸災樂禍話：睇你！俾條女累到遍體鳞傷仲要帮佢講説話，你唔係一路都好憎佢嘅咩，到底你搏乜呀？搏佢幚你搵番份工？定係你鍾意咗佢，想溝人咁呀。秋仔俾我篤正死穴，搞到鬼咁唔好意思話：咪亂噏！我從來冇鍾意過佢，喺台湾同佢傾多两句唔代表啲乜嘢。條友講完諗咗一陣又有啲唔好意思話：唉！之前俾我鬧成咁，佢都唔會鍾意我架喇。我老作呃秋仔話：唔係喎佢話同你好夾喎，話工作上面佢揾啱人喎，不過你唔珍惜咁解。死秋仔聽我講完情绪变得好激動，仲眼濕濕咁。

一夜狂歡

引用:

原帖由 一夜狂歡 於 2023-2-27 22:24 發表
睇見秋仔就好笑，盡量表現心不甘情不願，但係仲要鄭重地向Amy道歉，面容扭曲到不得了，好嘢Amy，係妳治得到呢條pk，我再一次玩下條友話：睇怕你以後都唔敢再提八婆殘菜呢四個字咯呵，唔好話當住Amy面啦，喺我面前都缩窒啦，係咪？秋仔舉起 ...

男人老狗流馬尿，唔係秋仔所為，但事實擺在眼前，為咗Amy變得咁激動，真係始料不及，衰仔鍾意咗Amy又唔敢認，怕瘀呀嘛，不過以秋仔現時嘅收入同地位，Amy绝對冇可能對佢感興趣，都係鏡花水月多，咪講人地，我自己亦唔好得去邊，五十步笑百步，不過我唔貪，同Amy拍下散拖，得閒揾下佢着數就夠，唔講咁多夠鐘返工，秋仔好緊張即刻同我講：喂你呢幾日放工上嚟幫我煮飯好喎，我咁嘅身世，你都唔會托我手掙啦係嘛。睬你都儍我話：我冇咁得閒，你叫外賣算啦，一係咁，Amy好似話可以幫你煮飯嘅，你咪試下call下佢囉，睇下佢制唔制？秋仔苦笑话：明知故問，有冇可能先得架，佢攞老鼠葯毒死我差唔多。我答話：咁呢個係你閣下嘅事喇，邊關我事，係咁先啦。秋仔冇我乎，我講完随手開門拜拜，搭番地鐵返工逼一輪终於準時返到公司，諗番起先前俾人打到半死嘅老友，唔知依家點，决定聽晚放工上去探佢，順便送佢幾粒正嘢等佢happy下。