引用:
原帖由 一夜狂歡 於 2023-3-13 02:53 發表
男人老狗流馬尿,唔係秋仔所為,但事實擺在眼前,為咗Amy變得咁激動,真係始料不及,衰仔鍾意咗Amy又唔敢認,怕瘀呀嘛,不過以秋仔現時嘅收入同地位,Amy绝對冇可能對佢感興趣,都係鏡花水月多,咪講人地,我自己亦唔好得去邊,五十步笑百步, ...
個幾星期冇返公司,仿如隔世,有啲陌生嘅感覺,發覺揾匀都唔見我阿頭,只係見到有個陌生人坐咗喺經理室,又見到有個靚女坐咗喺不遠處,都唔知發生乜嘢事,有個比較friend嘅同事走過嚟同我講:呢次有難喇,早两日阿頭突然之間比人調走,嚟咗個唔知乜頭乜路嘅人頂佢個位,條友濕滞又寸咀好難服侍,仲有呀!佢見你個位冇人,特登揾咗個靚女嚟頂你個位,我之前同佢講話你放咗假會返嚟,佢都唔聽,你執生喇。果然,我枱上面所有嘢全部冇晒,淨番枝筆,所有做嘢啲快勞全部無影無縱,正在疑惑之際,條靓女向住我走過嚟,佢問:你好!林仔哥哦呵,我想問你啲工作程序同埋所有客啲資料,你可唔可以教下我呀?條女又靚又好禮貌,我梗係成個彈起啦,初初係幾過瘾嘅,漸漸教下教下發覺唔對路,教識晒條女佢又有晒啲客资料,咁我仲有咩用呀?於是決定走入房問個新阿頭究竟。